Monday, April 30, 2007

Calabas ta klasifiká pa final Torneo Kopa ABC&S 2007

Calabas a gana Baranka pa nòkout pa asina pasa pa final di Kopa ABC&S pa di dos aña sigui.
Calabas aña 2006 na Boneiru a hunga den final ku Buena Vista Power pero a perde despues di tabata gana 9-0 den prome inning.
Baranka tabata uniko ekipo di Korsou ku a pasa pa semi-final. Swift a perde 9-1 kontra Calabas den e promé wega di kuart final. Baranka a gana La Sonrisa den semi-final. Ta di dos biaha den dos dia ku Baranka ta gana La Sonrisa.
Den wega number tres di kuart final Buena Vista Power ta perde ku Happy Brothers den un wega ku a bai dos inning di tie break. E wega a terminá 9-8 den un forma emoshonante.
Na momentu ku nos ta skibi e artikulo aki Noord Salinja Braves ta enfrentando Happy Brother pa saka e finalista ku mester enfrentá Calabas djamars 2’or pm.
Pa 12’or lo tin e wega bálido pa di tres lugá entre Baranka i e perdedo di Noord Salinja Braves i Happy Brothers.
calabas 2007
Calabas, ekipo hoben di Aruba karga ku superstar ta den final ABC&S pa di dos aña sigui

Kenro ku tremendo bateo di Freddys Refunjol ta invikto

Kenro ekipo di Liga Mayor (Liga 50) di Aruba ta invikto den e torneo Kopa ABC 40/50 na Aruba. Kenro a gana Mon Repos Sluggers fásil ayera pa keda ekipo number unu den nan pul.
Freddys Refunjol gobernadó di Aruba ku ta milita den ekipo di Kenro a bati fuerte kontra e picheo di Mon Repos Sluggers.
Minister di Salubridat di Aruba, Candelario 'Booshi' Weever tambe ta milita den ekipo Kenro ku ta un di e timnan ganadó den Liga Mayor na Aruba.
Den kurso di dia nos lo tin mas detaye i resultadonan di e Torneo Kopa ABC Veterano 2007.

gobernado refunjol na bate
Freddy Refunjol na bate pa Kenro durante wega Kenro Mon Repos Sluggers

Kuater tim di Kòrsou, dos di Aruba i dos di Boneiru ta klasifiká

Buena Vista Power, Baranka, Teremoto i Swift di Korsou, Happy Brohters i Calabas di Aruba, La Sonrisa i Noord Salinja Braves di Boneiru ta klasifika pa play-off di e Torneo ABCS& ku ta den sun fase final na tereno di Kudawecha na Aruba.
Korsou a logra klasifiká tur tim, mientras Boneiru tambe a klasifika i dos timnan ku a partisipa. Sint Maarten por poko a klasifiká pero a keda kortiku. La Sonrisa (2-1) i Swift (1-2) a klasifiká komo miho number 3 stail di Wild Card.

SKEDJEL PLAY-OFF

10’or Calabas – Swift GAN AA
12’or La Sonrisa – Baranka GAN BB
2’or Happy Brothers – Buena Vista Power GAN CC
4’or Teremoto – Noord Salinja Braves GAN DD
6’or GAN AA – GAN BB
8’or GAN CC – GAN DD


STANDING BUELTA REGULAR

STANDING
Pul A
Calabas 3-0
Teremoto 2-1
Lions 1-2
Surprise 0-3

Pul B
Happy Brothers 3-0
Braves 2-1
Swift 1-2
Madushi Stars 0-3

Pul C
Baranka 2-1
Buena Vista Power 2-1
La Sonrisa 2-1
Odeys 1-2
djuric pietersz ku tiru pa segunda
Shorstop Djuric Pietersz den akshon pa Swift

TUR RESULTADO BUELTA REGULAR
Djabièrnè 27 di aprel
Happy Brothers 10, Madushi 5
Calabas 14, Surprise 0

Djasabra 28 di aprel
Happy Brothers 11, Noord Salinja Braves 3
Windward Island Bank Lions 3, Surprise 2
Noord Salinja Braves 7, Swift 3
Teremoto 10, Lions (Sint Maarten) 7
Swift 21, Madushi Stars 1
Buena Vista Power 13, Baranka 12
La Sonrisa 1, Odeys 0
Baranka 10, Odeys 6

Calabas 7, Lions 4
Teremoto 10, Surprise 0
Calabas 17, Teremoto 3
Happy Brothers 5, Swift 4
Buena Vista Power 8, Odeys 4
Baranka 7, La Sonrisa 6
La Sonrisa 5, Buena Vista Power 3
Braves 15, Madushi 3

teremoto 2007
Teremoto a estrená nan unifòrm nobo nobo na Aruba

Sunday, April 29, 2007

Baranka ta klasifiká ku tremendo relevo di Gino Valeriaan

Gino 'MCB' Valeriaan a relevá tremendo pa Baranka gana La Sonrisa di Boneiru ku skor di 7-6 i klasifiká pa final.
Gino Valeriaan ku a kaba di yega Aruba a drenta di relevo ku base yen pa Baranka kontra di Boneiru di di 5 inning. Gino ta saka dobel play mesora i despues tuma un kareda so pa sera e inning. E kareda no ta riba nomber di Gino Valeriaan, si no e picher habridó Kenchi Ortega (tambe di MCB) ku tabatin un tremendo akutashon.
Den último inning Gino ta saka tres out sin tuma kareda pa Baranka logra gana e wega i klasifiká pa final. Stanford Landburg i Ferdinand Rosalina tabatin homerunnan deskomunal riba e tereno di Kudawecha kaminda ta difísil pa dal homerun.
Ekiponan di Kòrsou, Buena Vista Power, Baranka i Teremoto a klasifika. Swift ku tin rekòrt di 1 gana i 2 pèrdí ku bon averahe di kareda tin chèns grandi pa drenta wild card.
Dia 30 di aprel play-off ta start.
baranka 2007 Aruba
Baranka ta gana La Sonrisa di Boneiru 7-6 pa klasifika pa play-off
RESULTADONAN

ABC & S

Djabièrnè 27 di aprel
Happy Brothers 10, Madushi 5
Calabas 14, Surprise 0

Djasabra 28 di aprel
Happy Brothers 11, Noord Salinja Braves 3
Windward Island Bank Lions 3, Surprise 2
Noord Salinja Braves 7, Swift 3
Teremoto 10, Lions (Sint Maarten) 7
Swift 21, Madushi Stars 1
Buena Vista Power 13, Baranka 12
La Sonrisa 1, Odeys 0
Baranka 10, Odeys 6

Calabas 7, Lions 4
Teremoto 10, Surprise 0
buena Vista power
Buena Vista Power ta klasifiká despues di a gana dos wega sigi


STANDING
Pul A
Calabas 3-0
Teremoto 2-1
Lions 1-2
Surprise 0-3

Buena Vista Power ta laga Baranka den tereno

Buena Vista Power a laga Baranka den tereno ayera na tereno di Kudawecha den kontinuashon di kopa ABC&S na Aruba.
Un flai a sali pa e centerfielder di Baranka Stanford Landburg. Debi na bientu e bala a karga formal bini bèk direkshon di kuadro.
E bala a bin kai i Buena Vista Power ta nota dos kareda pa laga Baranka den tereno dilanti un públiko grandi.
Hopi bientu mes e dianan aki na Aruba. Outfieldernan tin dolo di kabes na tereno Kudawecha i Caribe.
Weganan ta sigi awe riba tur dos parke for di mainta tempran te anochi lat.
Pa mas informashon chek riba e skèdjel di ABC Veterano i ABC&S.
fanatiko tribune kudawecha

Saturday, April 28, 2007

Jaws di Kid Boca Chica invikto den ABC Veterano

Jaws di Kid Boca Chica di Kòrsou ta moviendo bon. Nan a gana dos wega ku Kid mes pichando tur dos wega. Kenro di minister Weever i Gobernado Refunjol a dal Marlins duru 15-0 den Liga 50.

RESULTADONAN
Tur wega
Djabièrnè 27 di aprel
Catpower 3, Marlins 2 (50)
Jaws 10, Lions 6 (50)
Catpower 16, Lions 1 (40)
Treasure 9, Bud Light 7 (Femenina)
Astros 13, Flatstone 0 (40)
Valero 12, Treasure 9 (40)
Kibaima 19, Trotters 5
Warawara, Veteranos 1

Djasabra 28 di aprel
Astros 8, Flamboyan 3 (50)
Aruba Jr. 6, Mon Repos Sluggers 3 (50)
Jaws 10, Valero 3 (50)
Kenro 15, Marlins 0 (50)
Catpower 8, La Moderna Sluggers 6 (50)

mas di ambiente di bar i kushina

Noord Salina Braves ta sorprendé Swift den Kopa ABCS

Kopa ABC&S a start djabièrnè na tereno di Kudawecha. Djasabra pa 11'or tabatin apertura ofishal. Noord Salinja Braves a sorprendé Swift ganando 7-3 den un gran partido.
Softballcuracao.com tin e resultadonan up to date.

RESULTADO KOPA ABC 40/50

Tur wega


ABC & S

Djabièrnè 27 di aprel
Happy Brothers 10, Madushi 5
Calabas 14, Surprise 0

Djasabra 28 di aprel
Happy Brothers 11, Noord Salinja Braves 3
Windward Island Bank Lions 3, Surprise 2
Noord Salinja Braves 7, Swift 3
charles danker hugada

Treasure ta gana unu i pèrdè unu Rising Trotters ta pèrdè

Treasure ekipo di Kòrsou a pèrdè un wega i gana e otro den un double-header ayera den Sòftbòl Veterano ABC. Rising Trotters si a pèrdè ku skor grandi kontra Kibaima 40 di Aruba.
Weganan ta sigi awe tantu riba nivel di veterano komo esnan hoben. Weganan di Veterano ta tuma lugá na Caribe Ballpark i di esnan hoben na Kudawecha.

frank curiel i gregory manuel den tribune

Carpatula ta dal Venezuela den Liga Trai Seru

Liga Trai Seru a kontinua dia 21 di aprel na Cirilo Chirino Ballpark. E ekipo forma pa Venesolanonan biba na Korsou a perde kontra Carpatula den nan prome wega di Liga Trai Seru. Weganan ta sigi dia 5 di mei despues di e break di Kopa ABC.

RESULTADONAN
Carpatula 9, Venezuela 7
Carpatula tabatin 10 hit i nan no a hasi eror.
Ronald Mingeli a gana. Sharlon Louisa i Tjark Valies a bai di 3-2.
E ekipo Venezuela a bati 13 hit i nan a hasi 4 eror.
Carlos Madera a pèrdè i David Marnol i Williams Peña a bai di 3-3.

Bombers 11, Gamers 0
E ekipo di Bombers a bati 13 inkogibel sin hasi eror.
Ralph Hermans a resultá esun ku a gana,
miéntras Eldred Juliana a bai di 2-2.
Jair Quant a konektá un homerun.
Gamers tabatin 6 hit i nan a hasi 1 eror.
Sharlon Hanst a pèrdè i Bryan Kook a bai di 2-2.

Chincho Sharks 9, Bad Boys 3
Chincho Sharks a konektá 9 hit i nan a kometé un eror.
Lionel Elisabeth a gana, miéntras Robertico
Ramazan i Patrick Elisabeth a bai di 2-2.
Pa Bad Boys 8 hit i 1 eror.
Whitney Lucio a pèrdè i Carl Jurjjens a bai di 3-3.

Polis i Casa Cesar ta perde dos wega den Torneo SBAB

Polis ta perde kontra Brandweer i Selikor. Casa Cesar ta kai vensi kontra KTK/CPA i Building Depot den e di dos siman di torneo SBAB. Weganan ta sigi dianan e wikent largu di dianan di fiesta.
Wikent di 4,5 i 5 di mei lo itn weganan oktavo final, kuartfinal, semi-final i final den tur dos kategoria.

RESULTADONAN
Resultadonan torneo SBAB

Djamars 17 aprel
UNA 15, Douane/Cems 11
E ekipo di UNA a bati 20 hit i nan a kometé 1 eror.
Picher ganadó a resultá Murat Adelina, miénttras e mihó na bate tabata Frensley Martina ku a bai di 5-5.
Murat Adelina i Ryan Ilario a konektá un homerun.
Douane/Cems tabatin 17 hit i nan a hasi 1 eror.
Faisel Pereira a pèrdè, miéntras e mes a bai di 4-4. Dudley Adriana a bai di 2-2.
Faisel Pereira a konektá un homerun.

CPA/KTK 11, Casa Cesar 1
CPA/KTK tabatin 13 hit i nan a hasi 1 eror.
Willis Heyliger a gana, miéntras Umberto Obispu a bai di 3-3.
Sherwin Juliana a konektá un homerun.
Pa Casa Cesar 5 hit i 5 eror.
Picher pèrdèdó tabata Jeandino Hatma. Rouchvelle Rumai, Jurinell Osepa, Jeandino Hatma i Rodney Troeman, tur a bai di 2-1.

Djabièrnè 20 di aprel
Building Depot 23, CPS 7
E ekipo di Building Depot tabatin 22 hit i nan a hasi 2 eror.
Marlon Noor a gana, miéntraas Sandy Reina a bai di 4-4. Sherton Saturnino a bai di 4-3.
Sandy Reina a konektá 3 homerun, Sherton Saturnino 1 i Earl Virginie tambe 1.
CPS a bati 9 hit i hasi 4 eror.
Dudly Penzo a pèrdè.
Hensley Maduro i Rudsel Paulina a bai di 3-2.
Rudsel Paulina i Abigail Vilchez a konektá un homerun.

torneo sbab price waterhouse coopers

Friday, April 27, 2007

UTS kampion Softbol Intergubernamental

Ganando Prison Onderwijs 15-14
UTS Kampion Sòftbòl Intergubernamental

UTS a nota 6 kareda den nan último oportunidat na bate pa laga Prison/Onderwijs den tereno den e gran final di Sòftbòl Intergubernamental djaluna 23 di aprel na Suvek Ballpark.
Un bon públiko, hopi animá tabata presente pa mira e gran final. UTS tabata pèrdí 14-9 den bòm di di 7
inning. E ekipo kampion di temporada pasa ta reli pa 6 kareda i te awe Prison/Onderwijs ta den tereno na Suvek.
Despues di wega tabatin entrega di premio.

KAMPION: UTS
Supkamion: Prison/Onderwijs
Di Tres luga: Douane/CEMS
Di kuater luga: UNA

Kampion Bate: Shurandy Lourens 14-18 (UTS) .777
Lider homerun: Shurandy Lourens 8
Kampion picher: Lesley Martina 2 gana i 0 pèrdí (ERA
0.70)



UTS 15, Prison/Onderwijs 14.
E ekipo UTS tabatin 15 hit i nan a hasi 5 eror. Patrick Laken a resultá e picher ganadó, miéntras Grensley 'Tutuchi' La Croes a bai di 2-2. UTS a konektá 3 homerun, entre otro, Shurandy Lourens
1, Eldric Reenis 1 i Maikel Philips 1.
Pa Prison/Onderwijs 9 hit i 3 eror. Anthony Servanie a pèrdè i e mes a bai di 2-1. Jopito Cijntje i Quincy Martina tambe a bai di 2-1. Edphrim Cicilia, Wendell Anthony i Michael Bitorina
tur tres a konektá un homerun.


Djaluna 23 di aprel
Douane/Cems 18, UNA 7
E ekipo di Douane/Cems a bati 17 hit i nan a kometé 6 eror. Picher ganadó tabata Kenrick Hellement. E mihónan na bate tabata Gerswin Juliana i Raymond Martis ku a bai
di 4-4. Kenrick Hellement a konektá un homerun.
UNA tabatin 7 hit i nan a hasi 6 eror. David Lake tabata e pèrdèdó, miéntras Murrat Adelina a
bai di 2-1. Marvin Ludowika a bati di 4-2.

Fundashon Sedreko ta gradisí tur ku a koperá pa Softbol Intergubernamental pa bira un éksito. Danki na
umpire, skorer, ekipo, fanátiko, Frank Curiel Ballpark, Suvek Ballpark. Sòftbòl Intergubernamental lo start sèptèmber 2007.
intergubernamental_2007_uts_kampion

Catpower ta laga Marlins den tereno, Jaws ta dal Lions den ABC 50

Catpower Liga 50 den un tremendo partido ta laga Marlins den tereno, djabierne mainta riba Caribe Ballpark den kontinuashon di ABC 40/50.
Den e di dos partido di djabierne Jaws ta gana Lions 10-6. Jaws tabata dilanti henter e wega ku skor di 5-0 ku bon picheo di Kid Boca Chica.
Lions ta bini bek bon den e wega pero Jaws ta amplia pa e wega bin kaba 10-6. Kid Boca Chica, Ivan Schoobaar tabata e ganado pa Jaws.

CATPOWER
Catpower ta sali brabu riba Lions pa gana pa medio di nokout. Catpower a presente ku un super tim ku hungadonan manera Cai Leonora, Winston Kirindongo, Nel Isabella, Sidney de Wind, Rudsel Poulina, Machiel de Roon i otronan.

Mientras nos ta update nos webiste ku e artikulo aki, Treasure Era Nobo di Korsou mester ta hungado kontra Bud Light di Aruba, den e sekshon di femenina veterano.
Keda pendiente pa mas informashon !!!


grandinan di beisbol aruba eli kok weever simmons

Windward Islands Bank ku donashon na Ekipo Lions di Sint Maarten

This is a donation was given to the Windward Islands Bank LTD LIONS (2006 champs) from the St Maarten Softball Association in order to help finance the trip to ARUBA where the team will participate in the annual ABCS competition. This is the fourth year that the LIONS are participating in this competition.

Windward Islands Bank (Maduro & Curiels Bank di Sint Maarten) a hasi un doanshon na e ekipo Windward Island LTD Lions (Kampionnan di 2006) pa nan partisipa na Kopa ABCS na Sint Maarten ku ta start djabierne 27 di aprel i termina 1 di mei.
Ta di 4 ana sigi ku e ekipo di Sint Maarten ta partisipa na e Kopa ABCS.
sint maarten windward island lions donashon

Buena Vista Power a yega 4′or Baranka a yega 6′or djabierne

Keintura di Softbol Kopa ABC ta tur tur ruman. Buena Vista Power i Teremoto a yega Aruba alrededor di 4'or mientras Baranka ta yega mas o menos 7'or.
Hopi ambiente i hopi yu di Korsou mes aki na Aruba.
Swift lo yega Aruba djasabra 28 di aprel, mainta algu prome ku 7'or. softballcuracao.com lo keda up to date pa loke ta trata desaroyonan di Kopa ABC Aruba tantu di esnan hoben komo veteranonan.

BARANKA
Baranka a yega ku streanan manera Luigi Virginia, Edmar 'EC Bouwtechniek' Cornelia, Marlon Paz, Gilbert Santiroma, Kenny 'Refuse to Loose' Hellement, Mayron Martinus i Stanford Landburg.
Baranka a bini ku algun hoben prometedor manera Eldrion Regina, Luigino Domacasee.
E gran ousentenan ta Gregory Reina i Sepherine 'Dugel' Adriana.

Secondary Schools participating in an Interscholastic Island Competetion

The female youth of the secondary schools will also be participating in a inter scholastic (islands) competition that will be held on Curacao which is organized by CUS. The female inter scholastic team is lead by Cindy Richardson-York and Marcus Levenstone. Both together with Coach Andrew Williams over last few months have been preparing the youth for this competition. The first competition that was held on St Maarten last year (2006) was won by St Maarten.
A couple of the players are playing in the local female softball competition. Players such as Kesha Royer (Ladyhawks), Tashmanalie York (Ladyhawks), Thaymira York (Ladyhawks), Letisha Flanders (Ladyhawks), Elisa Wilson (Jets), Sheridah Larmony (Angels), Raynaida Fleming (Falcons) and more have been practicing very hard for this event.

The St. Maarten Softball Association would like to wish both LIONS and the St Maarten female Youth all the best with the competition.
For the female youth team PLAY THE BEST YOU CAN PLAY AND A LITTLE MORE. GOOD LUCK.

Delegashonnan di Veterano ABC a yega bon

Varios ekipo di Softbol Veteranos a yega Aruba bon ayera. Ekiponan di Liga 50, Marlins, Catpower 40/50), Jaws, Lions (40/50) Treasure i Mi Deseo ta e ekiponan ku a yega ayera i hospeda den e hotel di 5 strea La Cabana Resort.
Awe weganan ta kuminsa i varios ekipo di tantu Liga 40/50 i esnan hoben lo yega awe. Korda subi bo webiste pa mas informashon. Nos lo keda up to date. Den kurso di awe nos lo tin varios potret.

Tuesday, April 24, 2007

Resultado Liga Soraida Juliana di 19, 21 i 22 di aprel

WILLEMSTAD - Liga Soraida Juliana Little League a kontinuá dianan 19 21 i 22 di aprel. Tabatin 2 wega riba djaweps na Sabana Ballpark, miéntras ku djasabra i djadumingu a hunga na Sabana Ballpark i Buena Vista Ballpark. Tabatin vários resultado interesante. Liga Soraida Juliana awe tin un mensahe importante pa tur sòftbolista na final. A kontinuashon e resultadonan:.

MINOR LEAGUE
Persio Uniformes/Souax a gana Kanga/Digicel 9-3. Annie Wu a gana. Annie no a permití hit. Mihó bate: Annie Wu mes di 1-1. Pèrdèdó: Shantely Christina.
Fundashon Sedreko/Buena Vista a gana di Boka San Michiel/D.A.R.E. 10-0. Pitcher ganadó: Shanysse Emerenciana. Mihó bate: Philny Llewelyn di 3-3. Homerun: Philny Llewelyn. Pitcher pèrdèdó: Josentely Zimmerman. Na bate: Gisany Zimmerman di 2-1.
Sta. Rosa/Bala a gana di A.C.U./Saliña 7-6. Pitcher ganadó: Milangela Martina. Na bate: Ciroendra Peloz di 2-2. Pitcher pèrdèdó: Lineth Marcano. Na bate: Regine Jonis di 1-1.

LITTLE LEAGUE

Sta. Rosa/Bala a gana di KTK/Seru Fortuna 9-7. Pitcher ganadó: Shelly Rosalina. Na bate: Suheydi Faneyt di 3-2. Pitcher pèrdèdó: Francheska Meyers. Na bate: Suenady Francisca di 2-1.
Persio Uniformes/Souax a gana di Refineria Kòrsou 7-0. Suhainy Girgorie tabata e ganadó.

Monday, April 23, 2007

Skedjel Promé buelta Liga van Engelen 2007

Skedjel Liga van Engelen Prome buelta 2007

Djadumingu 15 di aprel
10.00 Quisqueya – Lions
12.00 Marlins – Baranka
14.00 Jaws – Uniko
15.00 Navegantes - Swift
16.00 Buena Vista Power - Dalpega

Djadumingu 22 di aprel
10.00 Swift – Crazy Tigers
12.00 Lions – Jaws
14.00 Buena Vista Power – Navegantes
15.00 Marlins – Quisqueya
16.00 Uniko – Baranka

BREAK
En konekshon ku Torneo ABC

Djadumingu 6 di mei
10.00 Jaws – Marlins
12.00 Crazy Tigers – Navegantes
14.00 Quisqueya – Baranka
15.00 Uniko – Lions
16.00 Dalpega – Swift

Skedjel Prome buelta Liga Trai Seru 2007

Liga Trai Seru 2007
Skèdjel di promé Buelta

Djasabra 14 aprel Barwacht: BOMBERS
HOME VISIT
14.00 SPEEDY v/s PADRES
16.00 CAT POWER v/s GAMERS
18.00 SKARLO v/s BAD BOYS

Djasabra 21 aprel Barwacht: CAT POWER

14.00 CARPATULA v/s VENEZUELA S.B.T.
16.00 CHINCHO BOYS v/s BAD BOYS
18.00 BOMBERS v/s GAMERS

Djabièrnè 4 mei Barwacht: GAMERS
19.00 CAT POWER v/s SKARLO
21.00 SPEEDY v/s CARPATULA

Saturday, April 21, 2007

EC Bouwtechniek promé spònser di softballcuracao.com

E tremendo sòftbòlista, batiado slengu di gran poder Edmar Cornelia pa medio di su kompania di konstrukshon EC Bouwtechniek a bira e promé spònser di wepsait Softballcuracao.com ku ta birando sumamente popular.
EC Bouwtechniek ta spesialisá den konstrukshon, rekonstrukshon, pintamentu di kas, apartamentu i edifisio.
EC Bouwtechniek ta kontrolá konstrukshon tambe.
Pa mas informashon Edmar Cornelia na telefon 526-2708.
Keda pendiente pa un sekshon apart pa nos spònser. Kòrda ku nos wepsait ahinda ta den temporada di prueba i ya varios spònser ta interesá den nos servisionan.

edmar cornelia survivors

Friday, April 20, 2007

Resultadonan Torneo SBAB di dianan 14 i 15 di aprel 2007

Rumba Band lo animá djasabra dia 21 di aprel for di 6’or pm na Suvek.
Manera anunsiá for di tempran Torneo SBAB lo ta kargá ku atrakshon.
Tur djasabra tin Bouncer pa muchanan na Suvek.

Djasabra 14 di aprel
Prices Waterhouse Coopers 8, Deloitte BNA 1 (Femenina)
PWC a dal 5 hit i hasi 2 eror. Rosmalda Melfor a gana i Zuleika Lasten a bati di 3-2.
Deloitte/BNA a dal 4 hit i hasi 8 eror. Marjorie Lozette a pèrdè i Claudinne Esser a bati di 2-1. Roixian Jansen tambe a bati di 2-1.

Deloitte BNA 14, PWC 5 (Maskulino)
E kombinashon Deloitte i Bank van de Nederlandse Antillen a dal 11 hit i hunga sin eror. Francis Nissa a gana i Cezan Rafaela a bati di 2-2. Cezan Rafaela i Errol Cova a dal homerun.
PWC a bati 3 hit i hasi 4 eror. Jean Maurice Poulina a gana i Sjoerd Eendragt a bati di 2-2. Sjoerd Eendragt tabatin un homerun.

Citco 7, MCB 5 (Maskulino)
Citco a dal 12 hit i hasi 3 eror. Patrick Elisa a gana i bati di 3-3. Anthony Leonora tambe a bati di 3-3. Patrick Elisa tabatin un homerun.
MCB a konektá 10 hit i hunga sin eror. Shurman Lourens a pèrdè i Djuric Pietersz a bati di 1-1 ku un homerun.

MCB 8, Citco 4 (Femenina)
MCB a bati 10 hit i hasi 2 eror. Dayenne Prins tabata picher ganadó. Dicla van der Veen a bati di 2-2. Mayreen Mathew tabatin un homerun.
Citco a konektá 3 hit i hasi 3 eror. Sharine Richardson a pèrdè. Nathaly Lourens i Sharnice van der Brug a bati di 2-1. Nataly Lourens tabatin un homerun.

Uniko ta sorprendé Jaws ku skor di 6-5 ku tremendo picheo di Guus Barhorst

Guus Barhorst a tira 7 inning kompletu den gran forma i dominá e fuerte bateria di Jaws pa Uniko habri aña den gran forma i gana di Jaws ku skor di 6-5. Shannon Kleinmoedig tabata grandi pa Uniko bayendo di 4-4. Uniko apesar ku nan a pèrdè algun hungadó klave a sali bon e aña aki.
Dalpega a dal Buena Vista Power, supkampion di aña pasá ku skor di 12-6.

RESULTADONAN
Uniko 6, Jaws 5
Uniko a bati 9 hit i hasi 2 eror. Gustaaf Barhorst a gana i Shanon Kleinmoedig a bati di 4-4. Jaws a dal 6 hit i hasi 2 eror. Rodney 'Rocky' Windster a pèrdè i Anthony Leonora a bati di 2-1. Quincy Kook i Anthony Leonora tabatin un homerun.

Dalpega 12, Buena Vista Power 6
Dalpega a konektá 12 hit i hunga sin eror. Jose Obispa a gana i Lindomar Cathalina a bati di 4-3. Michelangelo 'Ando' Cijntje a bati dos homerun.
Buena Vista Power a dal 7 hit ihasi 3 eror. Lesley 'Le' Martina a pèrdè i Robert de Windt a bati di 2-2.

Swift 16, Navegantes 1
Swift a dal 13 hit i hunga
impekabel. Hubert 'Manolo' Gomez a gana.
Julien Ignacio a bati di 2-2
Geronimo 'The Bears' Davelaar tambe a bati di 2-2.
Silvio Cruz a dal dos homerun, Julien Ignacio i Geronimo Daflaar a dal un homerun.
Navegantes a bati 4 hit i hasi 2 eror.
Glenn Pieternella a resultá e picher ku a pèrdè i Colbert 'Bibi' Gonet a bati di 1-1. Denley Marten tambe a bati di 1-1.

Lions 11, Quisqueya 1
Lions di Roy Gregorio a dal
11 hit i hunga sin eror. Frances Isaac a gana.
Raymond 'Links' Martis, Sharlton Daal i Wendell van het Kruys a bati di 3-2.
Robert Anastacia i
Giancarlo Martina a dal un homerun i Links Martis a dal dos.
Quisqueya a dal 2 hit i hasi 3 eror.
Ramon Dominguez a pèrdè. Franklin Hagen di 1-1. Jonathan Pascal di 2-1.
Jonathan Pascal tabatin un homerun.

Baranka 10, Marlins 0
Baranka a bati 11 hit i hunga sin eror. Kenny 'Refuse to Loose’ Hellement a gana tirando un two-hitter i blankeo.
Mr. Luigi Virginia a bati di 2-2.
Gregory Reina, Mayron Martinus i Sepherine Adriana a bati un homerun.
Marlins a dal 2 hit i hasi 2 eror.
Siegfried Lopez a resultá e picher pèrdèdó den su debut ku Marlins i Robertico Ramazan a bati di 2-1.

Wednesday, April 18, 2007

Marlins ta gana Jaws 3-2 den apertura Liga 50

Marlins un tempu kampion di Liga 50 a start riba bon pia den e liga aki djasabra último.
Nan a dal e supkampion di aña pasá ku skor di 3-2.
Tur djasabra nos brothernan 50 + ta dibertí na Cirilo Chirino Ballpark 10’or i 12’or.

Marlins 3, Jaws 2
Marlins tabatin 6 hit i e hungadónan no a kometé eror.
Raymond Monk a resultá esun ku a gana.
Mihónan na bate tabata Lincoln Echobardo, Gerald Booi i Hubert Cicilia. Nan tur a bai di 2-1.
Jaws a bati 8 hit i nan a hasi 1 eror.
Sigfried Lopez a pèrdè i Johannes Curie a bai di 3-2.

Catpower 11, Los Amigos 6
E ekipo Catpower a bati 13 hit i nan a kometé 2 eror.
Picher ganadó tabata Rignald
Giterson, miéntras Miguel Walle a bai di 3-3 komo e mihó na bate.
Pa Los Amigos 8 hit i 5 eror.
Wilfred File tabata e picher pèrdèdó i Humphrey Windster a bati di 4-2.

Padres Amstel ta dal Speedy 16-3 den apertura Liga Trai Seru

Liga Trai Seru 2007 a start djasabra 14 di aprel 2007 na Cirilo Chirino Ballpark. Den e promé wega Padres Amstel a pasa fásil riba Speedy ganando pa nòkout 16-3. Den e otro wega-nan Catpower a dal Gamers 18-7 i Skarlo den nan unifòrm nobo nobo a blankiá Bad Boys 11-0

Padres Amstel 16, Speedy 3
E ekipo di Padres a bati 14 hit sin hasi eror.
Gerald Mathilda a resultá e ganadó, miéntras Clifford Domatilia i Erling Gosepa a bai di 3-2.Wensley Ansano, Ericson Martina i Gerald Mathilda a konektá un homerun.
Pa Speedy 6 hit i 3 eror.
Irvin Martina tabata e

picher pèrdèdó i Javier Hilaria a bai di 2-2.

Caterpillar 18, Gamers 7
E ekipo di Caterpillar a bati 15 hit i nan a hasi 1 eror.
Norman de Roon a gana.
Edric Reenis a bai di 3-3 i Silvio Cruz a bati di 2-2.
Mayron Wijman, Jair Josepha, Silvio Cruz, Edric Reenis i Sedeney Lourens tur a konektá un homerun.
Pa Gamers 8 hit i 1 eror.
Ellery Rodriguez a bai ku e

derota. David Hoogenbergen a bai di 3-2.

Skarlo 11, Bad Boys 0
E ekipo di Skarlo a bati 11 hit i a hasi 1 eror.
Elston Pieters a gana i e mes a bai di 2-2. Lindomar Catalina a konektá un homerun.
Bad Boys a bati 4 hit i hasi 1 eror. Whitney Lucio tabata esun ku a pèrdè i Bryan Esclodina a bati di 2-2.

Tuesday, April 17, 2007

Algun punto importante pa nos batiadonan

ALGUN PUNTO MASHA IMPORTANTE PA NOS BATIDONAN...



· Batimentu no ta algu fásil. Un batido ku faya 7 biaha di 10 oportunidat ainda ta wòrdu konsiderá un bon batido...Esei ta nifiká ku un batido por faya i mester keda ku mente positivo i ku konsentrashon.

· Tin hende ta bati bon di naturalesa i kubo no tin nodi di siña muchu kos. Nan ta talento di Dios. Nan ta poseé un kordinashon di man i wowo tremendo, bon velosidat di bate i konfiansa.



Algun konseho: Bo pia ta masha importante den batimentu, bo mester para firme i ku bon balansa pabo por usa bo kurpa mas kómodo i bo swing ta mas mihó ku ta posibel.



Nota esaki: Softball ta un wega rápido, un wega kompakto ku ta duna batido poko chèns pa reakshoná. Nota lo siguiente:



MINIMALISA MOVESHON KU TA NEGATIVO I BO TA MAKSIMALISA E EFISIENSIA DI BO BATEO...



Ki bo tin di konsiderá un bon turno na bate ???



· E batido a swing na tempu...

· E batido a mira e bala bon...

· E batido a dal e bala duru...

· Ora e batido hasi algu bon pa yuda su tim manera: sakrifiká, drag, hit & run, squeeze/play.



Kon bai home/plate:



· Mente limpi...

· Ku konfiansa...

· Hopi konfiansa den bo man i wowo....



..POSITIVISMO, POSITIVISMO, POSITIVISMO,POSITIVISMO..

Kiko ta spera di kada coach

KIKO PA SPERA DI KADA COACH...





· SEMPER TA PREPARA PA KADA TRAINING.

· TUR KOS KU TA WORDU HASI RIBA VELT TIN UN MOTIBU O PROPOSITO...

· KALIDAT RIBA KANTIDAT. HASI E KOS MANERA MESTER HASIELE I NO DJIS PA HASI...

· ATLETANAN TA PERDE KONSENTRASHON LIHÉ. PRAKTIKA “DRILLSNAN” NO MUCHU, PERO INTENSO...

· MOVE TRAINING...

· HASI TRAINING KOMPETITIVO I DUSHI. KREA RETO !

· TENE KUENTA KU ORA/TEMPU...



USA ESPASIO OPTIMAL I KORDA SEMPER RIBA ‘SAFETY” !!!

Resultado Liga Soraida Juliana wikènt 14, 15 i 16 di aprel

NORINA ROSA KU “NO HIT NO RUN” RIBA SOTO/GIRO BANK...

Den kategoria “Minor League:



WILLEMSTAD- E kompetensia di sòftbòl Little League Liga Soraida Juliana a kontinuá e fin di siman ku ta tras di lomba ku weganan na Sabana Ballpark i Ricardo Elhage Ballpark. Un dje notanan destaká ta e “no hit no run” di Norina Rosa di Persio Uniformes/Souax riba Soto/Giro Bank ku skor di 13-0. A kontinuashon e resultadonan:

“MINOR-LEAGUE”:

Persio Uniformes Souax a gana Soto/Giro Bank 13-0. Norina Rosa a tira “no hit no run” pa e tim di Persio i tabata e pitcher ganadó. Na bate Miriel Teregrosa di 2-2. Pèrdèdó tabata Eleanis Isenia..
Kanga/Digicel a dal D.A.R.E/Boka San Michiel 11-1. Pitcher ganadó tabata Shantely Cristina. Na bate Ahantely Cristina mes di 3-3. Pitcher pèrdèdó Josentelly Zimmerman. Na bate: Willangel de Jong di 2-1.

Soto/Giro Bank a vense Saliña/A.C.U. 12-10. Pitcher ganadó tabata Naishaira Delando. Na bate Elyante Obispo di 2-2. Pitcher pèrdèdó: Stephany Passial. Na bate: Pergevienne Paula di 2-2.
Souax/Persio Uniformes a gana di Koral Specht/Refineria Isla 12-2. Pitcher ganadó tabata: Francheska Kinburn. Na bate: Tesselee Hart di 2-1. Homerun: Tesselee Hart. Pitcher pèrdèdó: Cherlis Pauletta. Koral Specht no a bati hit.
Buena Vista/Fundashon Sedreko a gana Sta. Rosa/Bala 8-7. Pitcher ganadó tabata: Shanysse Emerenciana. Na bate: Philny Llewelyn di 1-1. Homerun: Philny Llewelyn. Pitcher pèrdèdó: Liroendra Peloz. Na bate: Zena Rignaud 2-1.
Koral Specht/Refineria Isla a dal Boca San Michiel/D.AR.E. ku anotashon di 10-2. Pitcher ganadó: Dayene Rosa. Mihó bate: Lisainy Cornelia di 1-1. Homerun: Dayenne Rosa. Pitcher pèrdèdó: Shurdaili Jansen. Na bate: Willangel de Jong di 2-2.

Saturday, April 14, 2007

Gilbert ‘Gigi’ Hooi manager di Dalpega den 2007

Gilbert ‘Gigi’ Hooi ruman di Naai Hooi lo ta manager di Dalpega den 2007.
Gigi Hooi tabata manager di Crazy Tigers den pasado.

Softballcuracao.com a puntra Gigi Hooi ku su ruman Rignald ‘Naai’ Hooi lo dyoin e ekipo.
Gigi: “Mi no ta bai puntr’é nada. Di mes ta mi ruman e ta i un bon picher. E ta welkom. Pero mi no ta bai puntrele, ta e mes mester sa.

Monday, April 9, 2007

Michelangelo ‘Galbao’ Boekhoudt di Buena Vista Power pa Dalpega

Softballcuracao.com a papia ku Michelangelo ‘Galbao’ Boekhoudt. Galbao a bisa nos ku ela kambia di ekipo i ku ya e ta trein ku Dalpega.
Galbao tin algun aña den e ekipo di Buena Vista Power i varios aña den Slowpitch ku entre otro Bou di Palu i Catpower.

GALBAO
Un tremendo picher di Slowpitch.
Galbao tin varios aña komo estelar di e ekipo di Bou di Palu i a hiba e ekipo di Wochi Balentina na e título aña 2004.
Galbao no a bisa nos e motibu ku e ta kambia di ekipo.
Buena Vista Power tabata kampion Liga van Engelen 2005, Kampion ABC 2006 i kampion 5 aña di Torneo Kopa Joy Alberto.

Bombers ku torneo internashonal dia 24 di mei

Bombers tin un tremendo torneo internashonal alrededor di dia 24 di mei ku ta dia di Asenshon na Cirilo Chirino Ballpark.
E torneo ta kuminsá dia 23 di mei ku ta e djarason promé ku Asenshon.
Dia 24 di mei i pa terminá e djadumingu 27 di mei.
E mihó ekiponan di Kòrsou, Aruba, Boneiru, Venezuela i Repúblika Dominikana lo partisipá.

Softballcuracao.com a kombersá ku presidente di Bombers Pim Fangman riba e torneo.
“Nos ta kuminsa prepará for di tempran pa e torneo. Den pasado nos a organisá torneo riba e fechanan aki kaba, e torneo lo bira grandi”, sr. Fangman a deklará.

Serie Del Caribe di Slowpitch dia 2 di yüli

Dianan 28, 29, 30 di yüni, 1 i 2 di yüli lo tin Serie Del Caribe di Slowpitch na Cirilo Chirino Ballpark.
Ekiponan di Kòrsou, Aruba, Boneiru, Repúblika Dominikana, Venezuela, Puerto Rico i Colombia lo partisipá den e kompetensia aki.
Di Kòrsou lo partisipá Swift, Buena Vista Power i Baranka. E ekipo di Cicoza tambe ta pendiente pa partisipá den e torneo aki.
Serie del Caribe bèk despues di hopi aña.

Sunday, April 8, 2007

Kampionnan Liga Trai Seru

Kampionnan Liga Trai Seru

1995 Catpower
1996 Jandoret Raiders
1997 Catpower
1998 Catpower
1999 Catpower
2000 Catpower
2001 Run Runners
2002 Carpatula
2003 Catpower
2004 Bombers
2005 Bombers
2006 Catpower

Sera konosí ku Gustaaf ‘Taffy’ De Jongh

Taffy De Jongh un persona ku tur hende konosé den deporte na Kòrsou, deportista, dirigente tékniko, periodista deportivo tantu na radio komo den korant, relashonista públiko di Fundashon Sedreko,
Taffy de Jongh tin un trayektoria basta largu den deporte komo deportista i e último trinta piku añanan komo dirigente deportivo.
Taffy tin mas ku 34 aña den Sòftbòl di Kòrsou i Antia. Den e sekshon aki Softballcuracao.com lo laga abo lesadó sera konosí ku Taffy de Jongh.
taffy de jong sinta na kas dilanti di kas front
TAFFY
Gustavo Enrico Martin de Jongh a nase na Kòrsou 25 di ougùstùs 1955 i ta biba na Laguinillasweg 6 (Monte Carmelo).
Taffy ta yu di Gustaaf de Jongh sr. (QEPD) i Gloria De Jongh (QEPD). Taffy tin un ruman muhé ku yama Giana i Taffy ta kasa ku Murielle Avastia i tin dos yu, Glorianne i Gustavo (Gustavito) de Jongh. Taffy su abuelo tambe yama Gustavo.
Taffy ta traha na Sedreko komo relashonista Públiko i entrenadó deportivo. Fuera di e trabou na Sedreko Taffy ta traha komo part-timer na Korant Nobo i Radio Hoyer.
Taffy su tata defuntu Gustaaf a praktiká deporte di peso i tiru.
Taffy: “Mi tata tabata masha hopi tempu di Federashon di Weightlifting, e tabata un di e fundadó nan di Sithoc, for di aña 1942 huntu ku Frater Andreas, despues mi tata a tira i tabata hopi aña kampion di Kòrsou ela afiliá na Komite Olimpiko Internashonal.
Un famia hopi deportivo mi tio Marcel Betrian ruman di mama, ta un entrenadó di peso di hopi aña.
For di chikí mi tabata bai Otrabanda mira treiningnan di tiru na Stadion di Rif, KSC hisamentu di peso beisbòl ets.
Mi a biba semper akinan, na Monte Carmelo mi a komprondé ku na chikí nos tabata biba na Domi Abou (Ojedastraat). Segun mi for di 4 pa 5 aña nos a bini kaminda mi ta biba aworakí.
Mi tata nunka no a hunga beisbòl, e no tabata gusta beisbòl ‘att all’ su deporte preferí tabata peso komo dirigente, e no a trein peso hopi, komo deportista ela praktiká tiru hopi. Mi mes a partisipá na un kompetensia internashonal di tiru, mi tata kier a hinka mi den tiru, pero mi no tabata gusta muchu. Mi a kompetí den trapshooting na Aruba, pero ya e deporte no ta atrae mi, e ta un deporte di hopi konsentrashon, hopi dedikashon otro, mas stail ta mas aktivo mi ta gusta move mas tantu.
Mi tata tambe tabata hopi aktivo komo redaktor deportivo ela traha pa hopi aña pa diferente korant Amigoe, Beurs en Nieuwsberichten na La Prensa i ela skibi buki tambe de Zwarte Makamba.
Mi señora Murielle ta move den Sòftbòl ta ahinda aktivo, mi ta hopi kontentu ku esei Mi ta kontentu ku ela mantené un salu ku te ahinda e ta moviendo.
Mi yu muhé mas grandi Glorianne ta move den Sòftbòl Senior League ku e ekipo di Buena Vista, E tabata den karate Kushinkai serka Henry Gougon i e tin blackbelt. Ela kuminsá ku karate na chikí. Mi no tabata dje interesá ei pa e hunga sòftbòl mi tabata ke pa e praktiká karate i bai Padvinderij. Poko poko ela kuminsá bai vèlt mi tabata e impreshon ku e no tabata gusta masha hopi pero el gusta i pero ahinda e ta den.
Mi a ripara ku ela haña mas smak último lunanan debí ku ora ami ku Gustavito ta trein tira bala ets e ta djòin nos. Esei ta un bon señal, mi ke pone bon kla ku mi no ke forsa mi yunan hasi niun deporte pasombra ami ta hasi deporte. Mi ke pa nan hasi nan bèst na skol i respetá hende esei semper mi a pone padilanti.”

Saturday, April 7, 2007

Kampionnan Liga van Engelen

1993 Swift
1994 Swift
1995 Dalpega
1996 Baranka
1997 Baranka
1998 Dalpega
1999 Swift
2000 Baranka
2001 Baranka
2002 Baranka
2003 Baranka
2004 Swift
2005 Buena Vista Power
2006 Baranka
wepsait baranka kampion van engelen 2006
Baranka kampion Liga van Engelen 2006. Ta di 7 biaha ku Baranka ta bira kampion di Liga van Engelen

Friday, April 6, 2007

Resultadonan di final Super Cup

Djadumingu dia 19 di mart tabatin final di e eksitoso torneo entre kampionnan yamá Super Cup.
Nos Goso a bira kampion di Super Cup den e kategoria Veterano Femenina ganando The champions 5-1 den tur dos wega.
Den tur dos wega Shadira Pietersz tabata picher ganadó i miho batiadó.
Super Cup tabata un éksito rotundo siman pasá.


Nos Goso 5, The Champions 1 (Veteranos Femenina)
E ekipo Nos Goso a bati 6 hit i nan a hasi 2 eror.
Shadira Pietersz a resultá e p[icher ganadó. Mihónan na bate tabata Murielle Avastia, Shadira Pietersz i Leonise Avastia. Tur a bai di 2-1.
Pa The Champions 5 hit i 2 eror.
Sherry Howell a pèrdè io Rosa Muskus a bai di 1-1.

Resultado di último wikènt di e eksitoso Swift Amstel Tournament

Cicoza a sali kampion i risibí nafl. 2000,- di e Swift Amstel Tournament ku a terminá djadumingu 1 di aprel 2007.
Softballcuracao.com tin resultado di e ultimo weganan.

Djasabra 31 di mart
Swift 16, Navegantes 12
Swift a bati 14 hit i hasi 2 eror. Francisco Alcantara a gana.
Pursey Schoop a bati di 1-1. Maikel Philips di 1-1 (Ta Liga 40 a hunga ?).
Jolly 'Brief' Juliana a dal homerun. Silvio Cruz, Geronimo Daflaar, Djuric Pietersz i Julien Igancio tambe a dal homerun.
Navegantes a dal 17 hit i hasi 1 eror. Ivar Martis a pèrdè i Anchel de Palm a bati di 5-5.

Dalpega 12, Uniko 4
Dalpega a dal 14 hit i hasi 4 eror. Jose Obispa a gana i Amarildo Coffie a bati di 2-2. Gilford Schmidt di 1-1.
Amarildo Coffie, Franklin Benito, Rachit Jacobs i Lindomar Cathalina tabatin un homerun.
Uniko a dal 8 hit i hasi 2 eror. Gustaaf Barhorst a pèrdè i Goilo a bati di 3-2.

Thursday, April 5, 2007

Téknika pa tira Rising Ball den Sòftbòl

“RISE” O “RISING-BALL”....

E lansamentu aki ta wòrdu tirá ku un “backspin”, loke ta pone e bala subi na momento ku e ta krusa plato.

1) Grep e bala riba e linea kòrá kubo dede di mei’mei manera “foto-1” ta indiká. Span e dedenan poko.
2) Ora bo ta tira e bala, e rudia patras mester dobla i bo tin di “stretch” largu kubo pia dilanti kedando riba e “power-line”. (Foto-2 i Foto-3 ta indika esei kla)
3) “Lean back” o bai atras poko i tene bo dedenan bou di e bala segun bo ta preparando pa laga e bala bai. (“release”)
4) Ora bo ta laga e bala bai (“release”), (Foto-4) snèp bo pòls manera bo ta bai bira un slòt di porta den direkshon di oloshi. (Foto-4)
5) “Followthrough” o sigui e lansamentu kubo èlebog i pols parti paden dje bala mandando ariba. (Foto-5)

* No Lubidá: Spin bai ariba !

Skol promé despues Deporte !!!

Sr. Philip Elhage, direktor di Fundashon Sedreko:
“UNIKO KAMINDA SIGUR DEN BIDA TA ESUN DI SKOL”.....

WILLEMSTAD- Sr. Philip Elhage, direktor di Fundashon Sedreko, kende ta “master” den “physical education” gradua na Springfield College, tambe eks pelotero i eks dirigente eksitoso resientemente a durante un konferensia di deporte pa boluntarionan a papia tokante:

Kontròl ta klave den picheo !!

Kiko ta klave den pitcheo ???? Kontrol. Kon ta hasi siña kontrola e bala miho ??? Kon un pitcher ta hasi drecha su kontrol ??? Kiko ta kontrol real pa un pitcher ???

E parti mental den pitcheo tin masha hopi di haber ku kontrol. Hasta den baseball di Grandes Ligas bo por ripara ku tin biaha e pitcher ta faya ku kontrol. Hopi biaha bo ta ripara tambe ku un pitcher ta perde kontrol, pero ora ku tin algun koredo na base e ta konsentra miho i ta kuminsa tira mas strike. Konsentrashon i aktitut mental tin hopi di haber ku kontrol i tiramentu di strike.
Kontrol den pitchamentu ta mas ku e abilidat di tira den zona di strike. Kontrol den baseball ta nifika kubo por tira riba skina i tene e bala abou. Strike afo i abou ta e lansamentu mas difisil ku tin pa bati.
Relaha tur momento ora kubo ta pitcha ta un “must”. Un ehempel hopi pitcher hoben ta tene e bala muchu duru, spesialmente ku nan duim. Esei ta destrui e akshon di pols i krea tension riba e man. Purba hasiele lo bo ripara primiendo e bala muchu duru kubo duim. Lo bo nota e diferensia. Un pitcher mester tene e bala manera e bala ta un webu. Pabo ta trankil prome ku un lansamentu kue un bon rosea. Un pitcher mester sa unda e ta bai tira kada i pakiko. Trankilidat i konsentrashon ta masha importante pa e pitcher. Si un pitcher por hasi esei durante wega konsistentemente elo ta un ganado sigur.

Algun dato di e gran Charlie Lau

ALGUN DATO DI E GRAN CHARLIE LAU...

Charlie Lau a fayesé, pero te ku awe e ta wòrdu rekordá komo un dje mihó instruktornan di bateo di baseball. Ta p’esei mes ta “great” algun dato di e gran Charlie Lau. Sigur nan lo por yuda nos.

Algun pregunta hasi na Charlie Lau:

Ki ta bo método básiko di siña un hende bati ???

Kontesta: Mi ta kere hopi den mekánika. Tur hende ku por ehekutá mekánika korekto mester por bati i bati e bala di baseball ku outoridat naturalmente asumiendo ku e tin bon bista, refleho, forsa i dedikashon pa traha i traha riba batimentu. Tambe bo mester tin kurashi. Tur hende mester surpasá e miedu o kontròl e miedu di haña un deadball.

Kiko bo ta konsiderá vital den mekánika di batimentu ??

Algun punto importante pa tira e bala miho

·Presishon ta e parti mas importante den tiramentu di bala...
·Tira hopi dirigí ta yuda krea presishon...
·Ki ora kubo ta kalentá o tira bala ku un hende skohe un lugá i tira riba dje....
·No tira djis pa tira o pa kalentá, semper tira pa drecha presishon...
·Pa mas presishon i pabo tira mihó tira e bala riba brasa òf “over the top”...
·Ki ora ku ta posibel pone dede krusa riba e kabuya dje bala...
·Infieldernan, Outfieldernan i Catcher sigui e bala ku nan ta tira ku nan man manera e pitcher, loke nan ta yama “follow-through”...(Laga bo man sigui e lansamentu)
·Tur out den infield no por wòrdu saka ku tiru riba brasa, tantu infieldernan, komo catcher tin di train kon pa saka e bala di banda tambe. Perkurá di ta sabi pa sa ki ora ta saka e bala di banda...
·Tira distansia o “long-toss” pa hasi brasa mas fuerte...
·Ataka un bala lo yudabo den tiramentu...
·Infielder, Outfielder i Catcher lubidá asuntu di kalentá tira kurva o “knuckle-ball”...

Skibi pa Taffy de Jongh..

Huramentashon

NA TUR SOFTBOLISTA DI LIGA SORAIDA JULIANA...
(Curacao Little League Sòftbòl)

No lubidá e huramentu:

MI TA KERE DEN DIOS...

MI TA STIMA MI PATRIA...

I LO MI RESPETA SU LEINAN...

LO MI HUNGA LIMPI....

I HASI ESFUERSO PA GANA,

PERO GANA O PERDE...

SEMPER LO MI HASI MI BEST !!!!





*** NA TUR MAYOR KU TIN YU DEN LITTLE LEAGUE...


No lubidá e huramentu:


LO MI SIÑA TUR MUCHA HUNGA LIMPI I HASI NAN BEST...


LO MI APOYA TUR MANAGER, COACH I HUNGADO....


LO MI RESPETA DESISHONNAN DI EMPAYERNAN...


LO MI APRESIA TUR BON ESFUERSO APESAR DI E RESULTADO DI E WEGA !!!

Wednesday, April 4, 2007

Torneo SBAB ku 49 tim e aña aki

Torneo SBAB a kibra nan mes rekòrt pa loke ta trata ekiponan ku ta partisipá den un torneo.
Dia 22 di mart último tabatin reunion di e Torneo SBAB pa ekiponan konfirmá nan partisipashon.

49 ekipo a konfirmá nan partisipashon.
21 ekipo den e sekshon femenina i 28 den sekshon maskulino.
Ta trata di un torneo kargá ku premio tantu den e sekshon maskulino i femenina.

SOSIAL
SBAB a pone énfasis pa yama e torneo, un torneo di amistat i no unu komersial.
Despues di e reunion ku lo tuma lugá djaweps dia 5 di aprel nos lo tin mas detaye di e torneo.

Liga 50 a eligí direktiva nobo

Djarason dia 18 di mart tabatin reunion di Liga 50 na Cirilo Chirino Ballpark. Den e reunion a eligí un direktiva nobo ku e siguiente miembronan
Presidente: Mirto Martina (Caterpillar);
Tesorero: Robert Klooster (Mon Repos Sluggers);
Sekretario:Randolph Bernardus (Marlins);
Direktor di kampionato:Mario ‘Totty’ Chirino (Caterpillar);
Relashon Públiko: Irving Evertsz di Jaws. Cliff den Hartog, Jose Everts i Angel Ramirez ta e komisarionan.

Mayron Wijman sigur sigur den Buena Vista Power e aña aki

Softballcuracao.com a kombersá ku Roy Jacoba di Buena Vista Power.
Roy a sigurá nos ku Mayron Wijman ta ku Buena Vista Power den 2007 den Liga van Engelen. Roy tabatin un envelop den su man ku un papel.
Parse ku ta firma di Mayron Wijman tabatin riba e papel. Despues di algun dia Mayron Wijman a konfirma pa nos ku e ta hunga sigur sigur ku Buena Vista Power e aña aki.

Robertico Ramazan i Faisel Pereira di Uniko pa Marlins

Robertico Ramazan i Faisel Pereira tabata na reunion di Marlins resientemente i nan lo ta den unifòrm di Marlins den 2007 den Liga van Engelen. E dos hungadónan aki a hunga temporada 2006 den Uniko.

RAMAZAN
Ta trata aki den un tremendo hungadó ku ta hunga kasi tur posishon den kuadro. Robertico ‘Tico’ Ramazan ta bati pa poder i averahe i ta un bon fileadó. Segun La Prensa Slowpitch Tico a hunga semper den Uniko den Liga van Engelen.

PEREIRA
Faisel ‘CEMS’ Pereira ta otro gran hungadó ku por kètcha i hunga den kuadro. Faisel ta tremendo picher tambe. Otro tremendo
batiadó di averahe i poder ku Marlins a risibí.