Jandoret Raiders ku dos viktoria fásil den Liga Un i Tur

POST 6 - Jandoret Raiders a nòkout Armendares i Terremaster den wikènt den Liga Un i Tur.
Jandoret a gana Armendares 15-4 i dal Terremaster 17-7.
Thrillers a dal dos grandi den wikènt, nan a tumba Forsa djasabra i gana Bou di Palu konvinsente
djadumingu .

RESULTADONAN
Djasabra 28 di yüli
Jandoret Raiders 15, Armendares 4
E ekipo Jandoret Raiders a bati 15 hit i nan no a hasi eror.
Renato Anasagasti a resultá picher ganadó i e mes a bai di 3-3 komo e mihó na bate.
Jair Josepha i Angelo Martina a konektá un homerun.
Armendares tabatin 6 hit ku un eror.
Lesly Conradus a pèrdè. Anthony Zimmerman a bai di 2-2, inkluyendo un homerun.

Umpirenan di Liga Soraida Juliana lo sali pa Mundial di Sòftbòl Little League

WILLEMTAD - Tres umpire di Liga Soraida Juliana lo sali den luna di ougùstùs pa Kampionato Mundial di Sòftbòl Little League na Estados Unidos.
Umpire Francis Soerka lo sali dia 3 di ougùstùs pa Lower Sussex (Delaware) pa e kampionato di Mundial di Senior League. E kampionato ta di 5 pa 11 di ougùstùs.
Sidney Rosa lo biaha dia 6 di ougùstùs pa Portland Oregon, kaminda e kampionato Mundial di Little League lo start dia 9 i terminá dia 15 di ougùstùs.
Rigobert Obispo ta bandoná Kòrsou dia 10 di ougùstùs rumbo pa Kirkland Washington pa e kampionato Junior League. E kampionato ta di 12 pa 18 di ougùstùs.
District Administrator sr. Victor Elhage den konsulta ku Hefe di Umpirenan Marshall Osepa a skohe e tres umpirenan aki pa dirigí den e Mundialnan
Softballcuracao.com ta desea e umpirenan ariba menshoná éksito.

Umpirenan Rigobert Obispo te na man robes i Soerka te na man drechi lo biaha pa Merka den e dianan benidero. Te ariba na man drechi por mira potret di Sidney Rosa tambe.

Averahenan Wega di Reino

(Based on 2.1 plate appearances for each game pl ayer's te am has play ed)
================================ ==== ========= === ======= == === ==== ==== ==== ====
No. Name,Team B.A. SL.A. G AB R H HR RBI BB SO
-------------------------------- ---- --------- --- ------- -- --- ---- ---- ---- ----
1 Rhodine Martina,AHO .500 .500 5 12 1 6 0 1 0 1
2 Ana Vlietstra,NED .467 .800 5 15 8 7 1 4 5 3
3 Marisèla de Wind,NED .444 .667 5 9 4 4 0 3 5 2
4 Franchesca Diaz,ARU .429 .714 4 14 6 6 0 4 1 0
5 Kirsten Molle,NED .375 .750 4 8 4 3 1 4 2 1
6 Britt Vonk,NED .308 .308 5 13 6 4 0 0 3 1
7 Dinet Oosting,NED .300 .300 4 10 3 3 0 3 3 0
8 Zuleinys Salesia,AHO .300 .300 4 10 3 3 0 0 3 1
9 Stephanie Vrolijk,ARU .286 .286 3 7 1 2 0 1 1 3
10 Laura Treurniet,NED .273 .364 5 11 3 3 0 5 1 0
11 Lieke Duffhues,NED .273 .364 4 11 4 3 0 0 3 1
12 Wishelene van Heyningen,AHO .273 .364 4 11 2 3 0 2 2 2
13 Lisette Untied,NED .250 .250 5 12 0 3 0 4 0 1
14 Zagyra Jones,ARU .231 .385 4 13 1 3 0 3 1 2
15 Analisia Pieternella,ARU .231 .385 4 13 2 3 0 3 2 1
16 Melissah Daniel,ARU .222 .222 4 9 0 2 0 1 1 3
17 Tsjadé Joubert,AHO .214 .286 5 14 2 3 0 0 1 0
18 Iliandra Figaroa,ARU .214 .286 4 14 1 3 0 2 0 0
19 Rudlyn Ras,ARU .182 .182 4 11 1 2 0 0 0 2
20 Cathleen Geerman,ARU .167 .167 4 12 3 2 0 1 1 1
21 Farisette Martina,AHO .154 .154 5 13 0 2 0 0 1 4
22 Zina Constancia,AHO .133 .200 5 15 2 2 0 0 2 7
23 Jelitza Ras,ARU .125 .125 4 8 1 1 0 0 0 1
24 Tameka Lambert,AHO .118 .118 5 17 2 2 0 1 2 1
================================ ==== ========= === ======= == === ==== ==== ==== ====

Dos torneo grandi na Hulanda i www.Softballcuracao.com ku vários potrèt

Djadumingu 29 di yüli 2007, tabatin dos torneo grandi di Sòftbòl Slowpitch na Hulanda. Softballcuracao.com a bishita e dos torneo nan aki, unu na Den Haag (ADO) i e otro na Zwijndrecht i a saka vários potrèt.
Mester bisa ku Slowpitch ta super popular na Hulanda tambe.
Klick riba potrèt bai na Hulanda, Torneo i ekiponan kaminda tin vários potrèt.

Akshon durante wega Mi tei i Rotterdam na Hulanda. Hopi fanátiko na e weganan

Softballcuracao.com a topa hopi sòftbolista durante Zomerkarnaval

ROTTERDAM - Djasabra 28 di yüli 2007, tabatin Zomerkarnaval na Hulanda den kayanan di Rotterdam,
Softballcuracao.com a dal den vários sòftbolista i nos a inmortalisá e momentu pa nos lesadónan.
Pa mas potrèt por klik riba potrèt i bai na e sekshon di potrèt yamá Zomerkarnaval.

Sòftbòlistanan i algun fanatiko despues di Zomerkarnaval.

Estreyanan di Sòftbòl Femenina huntu na tereno Storks den Haag

DEN HAAG - Softballcuracao.com tabata den tur skina na Hulanda. Despues di e wega final entre Hulanda i Antia nos a dal den 4 sòftbolista di selekshon huntu.
Ta trata aki den eks superstar Soraida ‘Aida’ Juliana, Jeanivien Sophia, Lucerita Hooi i Judeska Martis.
Aida ta super konosí, i mester bisa e promé liga di Sòftbòl Little League ta karga nòmber di Liga Soraida Juliana, Jeanivien Sophia ta ruman di Rose Kinburn i ketcher di Rose den Pichingolo i Selekshon di Antias pa varios aña.
Lucerita Hooi ta shortstop di Pichingolo Kia, Pichingolo Nissan i selekshon pa vários aña. Finalmente Judesca ‘Deca’ Martis picher estrea di Hubenil i di selekshon. Otro prospekto grandi ku move pa Hulanda na un edat relativamente hóben. Ku eksepshon di Aida ku ta biba na Kòrsou, tur e otro sòftbolistanan ariba menshoná ta move ahinda den Sòftbòl Fastpitch Femenina na Hulanda.


Soraida Juliana, Jeanivien Sophia, Lucerita Hooi i Judesca Martis.

Hulanda ta gana oro den Sòftbòl Wega di Reino

DEN HAAG - Hulanda ta laga Antia den tereno i ta bira kampion di Sòftbòl Wega di Reino.
Antia tabatin e wega dominá te den 6 inning gana 2-0. Un eror di dos kareda ta kai den di seksto inning ku un out i tur dos koredó ku tabata na base ta nota kareda pa empatá e wega.
Den kabes di di 7 inning Antia ta embasá dos koredó sin out pero no ta logra kareda ku e wega empatá na dos kareda.
Hulanda den nan último chèns ta laga Antia den tereno ku apénas nan di dos hit di e wega.
Sulviendra Hooi picher habridó tabatin un tremendo aktuashon atrobe.
E delegashon ta regresá Kòrsou djasabra atardi ku vuelo di KLM.


Selekshon Wega di Reino despues di a risibí nan medaya di plata na Storks (Den Haag) dia 27 di yüli 2007.

Kòrsou ta gana den Little League i pèrdè den Junior League na Mexico

MEXICO CITY - Selekshon Little League di Korsou bou di direkshon di Evan ‘Junny’ Balentina a gana di Sierra Madre Mexico ayera ku skor di 22-1.
E selekshon awor tin un ganá i un pèrdí.
Nan a pèrdè kontra Puerto Rico 10-0 i gana Sierra Madre 22-1 ayera. Tin 4 ekipo den e kampionato i e mihó dos ekiponan ta hunga final djasabra 28 di yüli.
E selekshon Junior bou di manager Sharlon ‘Nono’ Noor a pèrdè ku skor di 3-2 kontra Aruba. Junior League tambe tin rekòrt di 1 ganá i 2 pèrdí.
Kòrsou Junior a gana Aruba 4-2, djamars, pèrdè kontra Puerto Rico 9-2 i kontra Sierra Madre (Mexico) 7-3. Tin 5 ekipo ta partisipando na e latino i e dos mihó ekiponan ta bai final djasabra dia 28 di yüli.

SKEDJEL
Djaweps 26 di yüli
11’or Kòrsou – Mexico (Little último wega)
3’or Kòrsou – Mexico (Junior último wega)

Antia ta pèrdè ‘Double Header’ kontra Hulanda den Wega di Reino

DEN HAAG - Antia a pèrdè tur dos wega ayera kontra Hulanda den e parke Storks na Den Haag. Antia a pèrdè e promé wega 7-1 i e di dos 6-1.
Apesar di e dos derotanan Antia ta pasa pa final kontra Hulanda djabièrnè 27 di yüli pa 1.30 pm (ora di Hulanda) na Parke Storks. Despues di e wega aki lo tin e seremonia di klousura.
Tur dos wega partido tabata hopi pareu durante henter e wega pero den lat e skor ta habri. E promé wega tabata empatá na unu te den kabes di di 7 inning. Hulanda ta skor 6 kareda den e inning ei. Frondey Cornelis a tira e wega ei kompletu i ela kumpli ku un tremendo labor
Den wega number dos tambe e wega tabata basta pareu pero riba algun eror Hulanda ta skor e karedanan. Suliviendra Hooi tabata e picher di e wega aki.
E maneho dia e ekipo di Antia a opta pa usa tur nan hungadónan pa haña un bista kiko nan tin pa e gran final ku ta djabièrnè.

Frondely Cornelis ku bon aktuashon kontra Hulanda, djarason 25 di yüli 2007

Kòrsou kompetiendo den Sòftbòl Little i Junior League na Mexico

Djadumingu dia 22 di yüli un delegashon di Little i Junior League Sòftbòl Little League a sali pa Mexico pa e di 8 kampionato Latino Americano di Sòftbòl Little League. Despues di un biahe via Miami pa Mexico e delegashon a yega Mexico.
E kongresiyo di dia 23 di yüli a bai hopi bon bon hinka den otro. Ku un powerpoint presentashon Power point Zapata a splika i informá tur kos. Un mapa ku tur informashon a kompaña esaki. E delegadonan di kada pais a haña turno pa dirigí palabra na kual okashon delegado mayo Corva Lourens a duna dos punta di palabra (manera un bon yu Kòrsou ta bisa).

Corva Lourens, Chaunice 'Pushe' Maduro, Miriela Carlo preparando den luna di yuni pa Mexico durante un enkuentro na Klup UTS na Regentesselaan.
Djarason 23 di yüli den oranan di mainta, divishon Little a hunga kontra Puerto Rico.
Nan a perde ku skor di 10-0, un skor no muchu bunita. Un ke otro tin di haber ku e nerviosismo di e muchanan. Pa 10 di e 14 muchanan e kos aki ta nobo. Hopi públiko, hopi apoyamentu di parti di Puerto Rico etc. etc. esnan ku e eksperensha tambe a faya aki aya. pero nos tin e speransa di mayan tur kos lo bai mihó ya komo e muchanan lo ta mas relahá.

Junior su wega kontra di aruba tabata anybody´s game. Den e último chèns di Kòrsou pèrdiendo 2-1, Stephanie Emerenciana ta yega segunda riba un doblete ku un hit den leftcenter ku a bula e leftfield. Poeni ta sali out ku un rolling pa primera. Shareday Cristina ta buta un toke i yega safe na primera ya komo ku e tersera base a purba di saka Emerenciana out na tersera sin logra, e tambe a yega safe. Ku un hit solido di Lydia Pieternella den right Emerenciana i Cristina ta nota pa hasi e wega 3-2 na nos fabor. Den e último chèns pa Aruba Stephanie Henriquez ku a picha henter e wega a saka dos out fásil pa despues tambaliá un tiki. Sinembargo e la logra sak e di tres out pa Kòrsou bai ku e triunfo.

Antia ta laga Aruba den tereno 7-6 den Sòftbòl Wega di Reino

DEN HAAG - Antia a nota dos kareda riba wild pitch den di 7 inning pa laga e selekshon di Aruba den tereno ku skor di 7-6.
Antia tabata dilanti durante henter e wega tabata dilanti 5-0, pero den di 6 inning Aruba ta nota 5 kareda riba deskòntròl di e picher Suliviendra Hooi. E wega a tuma luga na tereno ADO dilanti un publiko grandi atrobe.
Antia no ta nota kareda den bòm di di 6 inning ku e wega empatá na 5. Den di 7 inning Aruba ta nota un kareda riba eror di centerfield di Antia.
Ku e wega 6-5 pa Aruba den bòm di di 7 inning ku dos out i koredó na tersera i segunda, Antia ta nota dos kareda riba un wild pitch pa laga Aruba den tereno.
Ku e viktoria Antia tin dos viktoria sin derota i práktikamente a klasifiká pa final ku ta tuma lugá djabièrnè 1.30 pm ora di Hulanda.
Djarason 25 di yüli 2007, Antia tin dos wega 2.or pm i 7.30 pm, tur dos wega kontra Hulanda.
Softballcuracao.com tin mas potrèt di weganan di Sòftbòl i varios potrèt di yunan di Kòrsou (Antiano i Arubiano) den deporte na Hulanda.
By the way Antia a gana Aruba 8-6 den Beisbol biniendo di atras despues di tabata perdi 5-0, mientras Aruba a gana Hulanda 10-8 na tereno di Ado na Den Haag.

Alegria den dugout di Antia djamars merdia durante wega Antia-Aruba..

Antia ta gana Aruba 6-2 den Sòftbòl Wega di Reino

DEN HAAG - Antia ku bon picheo di Suliviendra Hooi ta gana Aruba ku skor di 6-2 ayera na Parke Storks na Den Haag.
Antia a kai atras den komienso di e wega 1-0. E ekipo dirigí pa Chape Bernardus a menasá na hopi okashon pero no ta logra hinka kareda.
Den bòm di di 5 inning e wega tabata ketu bai 1-0 na fabor di Aruba. Den di 6 inning Antia ta empatá e wega na unu i den di 7 inning Antia ta reli pa 5 kareda pa habri e wega ku skor di 6-1.
Aruba ta logra nota un kareda den di bòm di di 7 inning pa e wega bin terminá 6-2.
Un públiko grandísimo a mira e wega aki na Stork. Hopi Antiano i Arubiano a topa otro despues di hopi aña, un ambiente hopi dushi, aki na Den Haag Hulanda.
E siguiente wega di Kòrsou ta djaluna 23 di yüli 2007, pa 7.30 (1.30 pm ora di Antia) pa Parke Storks.

Selekshon Wega di Reino di Antia despues di a gana Aruba ku skor di 6-2 na tereno Storks na Aruba.

Wega di Reino a start ofishalmente

DEN HAAG - Djasabra 21 di yüli Wega di Reino 2007 a start ofishalmente ku un apertura kultural hopi kolorido riba Spuiplein (Den Haag).
E delegashonnan di Antia, Aruba i Hulanda a desfilá den presensia di mandatarionan di e paisnan ariba menshoná.
Despues di e respektivo himnonan Burgemeester di Den Haag a dirigí palabra sigui pa un show di vários artista tantu di Hulanda komo di Kòrsou.
Varios Antiano i Arubiano tabata presente na Spuiplein pa presensia e apertura i naturalmente pa topa na famia i konosínan ku nan tin hopi tempu sin topa.
Djadumingu 22 di yüli e weganan ta start na e komplehonan deportivo na Den Haag.
Softbalcuracao.com tin un reportahe di potrèt hopi amplio di e apertura ku vários persona i deportista konosí. Klik riba potrèt pa haña e potrètnan.

Delegashon di Antia durante apertura

Delegashon Wega di Reino a yega Hulanda

Djabièrnè, 20 di yüli 2007, 9’or di mainta e delegashon di Wega di Reino di Antia Hulandes a yega Schiphol Hulanda ku avion KLM.
Despues ku e delegashon a pasa e kontròlnan rutinario di Douane i Imigrashon nan a drenta bus direkshon di Kijkduin na Den Haag.
E delegashon a ta OK i ta na Kijkduin bou di guia di nan delegadonan Chef Di Mishon sr. Richard Leito i Thakai Doran di NAOC.
E delegashon di Sòftbòl tambe a yega OK, naturalmente i Softballcuracao.com ta pendiente di e apertura ku ta tuma lugá djasabra 21 di yüli pa 4’or di atardi (10’or di mainta ora di Kòrsou).
E promé wega di e selekshon di Antia di Sòftbòl ta djadumingu 6’or pm ku ta 12’or pm ora di Kòrsou.

Selekshon Wega di Reino Sòftbòl kla pa drenta bus na Schiphol

Jandoret Snack ku Tune pa tur fanatiko di Sòftbòl

Edmar 'Boy Motor' Cornelia tin Tune Stay Tune na Jandoret Snack dia 27 di yuli. Irving Jano i Tico Libiee dos gai legitimo di Jandoret lo tei pa anima esnan presente.
Tur fanatiko di Sòftbòl Slowpitch, Sòftbòl en general i esnan di farandula i naturalmente 'Tune' ta bon bini.

Skedjel di dos buelta Liga van Engelen 2007

Djadumingu 22 di yüli
10.00 Baranka – Quisqueya
12.00 Navegantes – Lions
14.00 Jaws – Crazy Tigers
16.00 BV Power – Swift
Barwacht: Dalpega

Djadumingu 29 di yüli
10.00 Lions – Uniko
12.00 Quisqueya – Dalpega
14.00 Crazy Tigers – Baranka
16.00 Jaws – Navegantes
Barwacht: BV Power

Djadumingu 5 di ougùstùs
10.00 Lions – Dalpega
12.00 Jaws – Quisqueya
14.00 Navegantes – BV Power
16.00 Baranka – Uniko
Barwacht: Swift

Skedjel The Champions League

Djasabra 21 di yüli
19.30 Building Depot(Fem) – MCB (Fem)
20.30 Giro (Fem) – Kooyman (Fem)

Djabièrnè 27 di yüli
19.30 The Champions – Warriors
21.00 BAB (Mask) – Dok (Mask)

Djasabra 28 di yüli
19.00 CITCO (Fem) – MCB (Fem)
20.00 BAB (Mask) – Building Depot (Mask)


Nos Goso, ekipo kampion di The Champions League

Skedjel Liga Trai Seru di dos buelta

Djabièrnè 20 di yüli
19,00 Bad Boys – Speedy
21.00 Cat[power – Venezuela SBT
Barwacht: Chincho Boys

Djasabra 21 di yüli
14.00 Bombers – Carpatula
16.00 Skarlo Venezuela SBT
18.00 Gamers – Padres
Barwacht: Chincho Boys

Djabièrnè 27 di yüli
19.00 Chincho Boys – Gamers
21.00 Padres – Carpatula
Barwacht: Skarlo

Skedjel Sòftbòl Weganan di Reino

Skèdjèl Sòftbòl Weganan di Reino

Djasabra 21 di yüli apertura
4’or pm (ora di Hulanda) 10’or am ora di Kòrsòu

Djadumingu 22 di yüli
3’or pm Weganan promoshonal Sòftbòl Maskulino
(9’or am ora di Kòrsou)
6’or Aruba – Antia (12’or ora di Kòrsòu)

Djaluna 23 di yüli
7.30 pm Hulanda – Antia
(1.30 pm ora di Kòrsòu)

Djamars 24 di yüli
2’or pm Antia – Aruba
(6’or am ora di Kòrsòu)
7.30 Aruba – Hulanda
(1.30 pm ora di Kòrsou)

Djarason 25 di yüli
7.30 pm Antia – Hulanda
(1.30 pm ora di Kòrsòu)


Djaweps 26 di yüli
3’or pm si ta nesesario lo skedjel
kualke wega di sòftbòl ku e keda kansela
7.30 Antia – Aruba
(1.30 pm ora di Kòrsòu)


Djabièrnè 27 di yüli
10.30 am wega sòftbòl si ta nesesario lo skedjel
wega di sòftbòl ku a keda kansela.
1.30 pm Gran final entre number unu i number dos.
(7.30 am ora di Kòrsòu)

Kòrsou ta bira sup-kampion den Senior i Big League

Kòrsou a bira sup-kampion den divishon Senior i Big League na Maunabo Puerto Rico.
Big League a perde ku skor di 22-0 den prome wega di e serie miho di tres djabièrnè i nan a pèrdè e wega number dos di e serie 5-1. Jeaniree Domatilia a tira bon den e wega number dos pa selekshon Big League.

SENIOR
Senior League a pèrdè ku skor di 5-0 den e partido final i bira supkampion. Suliviendra Hooi a tira trmeendo den relevo pa Frondely Cornelis. Suliviendra no a permiti hit den 5 innin i un tersio di labor.
E delegashon ta yega Kòrsou djaluna, 16 di yuli pa 7.45 via Aruba.

Kòrsou ta bai final den Senior i Big League

Big League di Kòrsou ku un viktoria di 6-3 riba Mexico ta pasa pa final den e di 8 Kampionato Latino Americano di Sòftbòl Little league ku ta tumando lugá na Maunabo Puerto Rico.
E wega final entre Big League i Puerto Rico ta programá pa kuminsá 4’or pm.

E ekipo di Senior a gana pa defolt di Cajey i tambe ta pasa pa final. Cajey tabatin un problema ku e organisadónan durante e wega di djaweps i nan no a presentá pa hunga kontra Kòrsou. Senior League ta hunga awe 6.30 pm kontra Maunabo.
Cajey a file un protesta dirèkt na Williamsport ku no a prosperá. E ekipo di Cajey a bandoná kaminda e delegashonnan ta keda esta. Centra Vacional Mauna Caribe.
E serie final di Big League ta un best of three, miéntras ku den Senior League Korsou mester gana pa bai un wega finalísimo debi ku ta trata aki den un dobel elimnashon i Korsou a perde un wega i Maunabo ta invikto.
E wega di 6.30 lo keda transimití pa Radio Hoyer. Keda pendiente pa informashon up to date riba Softballcuracao.com.

Kòrsou kontra Cajey Puerto Rico den Senior awe 1.30 i kontra Mexico den Big League

Kòrsou lo hunga awe , djabièrnè 13 di yüli kontra Cajey Puerto Rico den divishon Senior i kontra Mexico den Big League den e di 8 kampionato Latino Americano di Sòftbòl Little League ku ta tumando lugá na Maunabo (Puerto Rico).
Kòrsou mester gana den tur e dos weganan ariba menshoná pa pasa pa final. Radio Hoyer lo transmití e wega di 1’or di mèrdia awe.
Djasabra, 14 di yüli tin e weganan final, si ta nesesario lo hunga djadumingu.

Hungadonan di ekipo Senior League i fanatikonan apoyando Korsou durante wega di Big League na Stadion Pequenas Ligas na Maunabo.

Kòrsou ta pèrdè dos wega den Latino Americano di Sòftbòl Little League na Maunabo

Liga Soraida Juliana divishon Senior i Big League a pèrdè ayera na Maunabo.
Den oranan di atardi e selekshon Big League a kai vensí ku skor di 10-0 kontra Puerto Rico, despues nos representashon den Senior a pèrdè ku skor di 7-4 despues ku nan tabata gana durante henter e partido.
E wega di Big League tabata empatá te den di 4 inning na 0 kareda, despues e selekshon di Puerto Rico ta nota 10 kareda den e último dos inningnan.
Den Senior League Kòrsou tabata dilanti 2-0 i despues 2-1 te den di 5 inning. Puerto Rico ta bai ariba 3-2 den di 6 inning i hasi e wega 7-1 den di 7inning.
Kòrsou komo ekipo di kas ta menasa formal den último inning notando 2 kareda i poniendo dos koredó den posishon di nota sin out pero keda kòrtiko i e wega ta bin terminá 7-4.

Senior League ta hunga djabièrnè 13 di yüli 1’or kontra e pèrdèdó di Cajey i Maunabo.
E pèrdèdó di e partido aki esta Korsou – Cajey/Maunabo ta eliminá.
Big League tambe ta hunga djabièrnè 13 di yüli 3.30 kontra México.

Selekshon Senior di Liga Soraida Juliana ta kana drenta Estadio Pequena Ligas na Maunabo na inisio di e apertura ofishal.

Kompetensia Latino Americano di Softbol Little League di Senior i Big League ta start djarason 11 di yüli

Despues di ‘congresillo’ (Reunion entre organisadó di e evento i paisnan partisipante) djamars 10 di yuli 2007 na Centro Vacacional Maunabo den oranan di anochi, tékniko i hefenan di delegashon a yega na un skedjel pa e di 8 kampioanato Latino Americano di Senior i Big League.
Via number (lòt) a skohe e skejdel. Durante congresillo a lanta algun komishon entre otro di regla i tambe kredensialnan (pa chek datonan) di tur ekipo.
Ekiponan di Kòrsou ta kla pa duna bataya pa bini ku e premio máksimo.


SKEDJEL LATINO AMERICANO MAUNABO 2007

SENIOR
Kòrsou
Puerto Rico 1
Maunabo (Puerto Rico)

Lo hunga sistema di dòbel elimimashon
Djarason 11 di yüli
Wega 1
7.30 pm Kòrsou – Maunabo

Djaweps 12 di yüli
Wega 2
5’or pm Ganadó Wega 1)– Puerto Rico
Ganadó di e wega aki ta pasa pa final

Djabierne 13 di yüli
Wega 3
1’or pm Pèrdèdó 1 – Pèrdèdó 2

Djasabra 14 di yüli
Wega 4
7.30 pm Ganadó 2 – Ganadó 3

Djadumingu 15 di yüli
Wega 5
1’or Si ta nesesario si ganadó invikto (ganadó 2) pèrdè e wega.

Delegashon di Liga Soraida Juliana di Korsou ta chek in na Aeropuerto na Aruba pa subi avion di Americano Airlines rumbo pa Puerto Rico.

Delegashon Senior i Big League di Liga Soraida Juliana a sali pa Puerto Rico

Djamars, dia 10 di yuli, un selekshon di Senior League unu di Big League a sali pa Maunabo Puerto Rico.
E delegashon a sali 7'or di mainta for di Korsou pa via Aruba yega San Juan den oranan di atardi.
E selekshon Senior ta bou di direkshon di Wendley ' Chape' Bernardus, mientras e selekshon di Big League ta dirigi pa Aishel Hooi.
Hefenan di delegashon ta Jeffrey Martina pa Senior i Zulma Martis pa Big League.
Keda pendiente pa skedjel i mas informashon riba bo website preferi, Softballcuracao.com

Liga Un i Tur ku direktiva nobo

Liga Un I Tur resientemente den un reunion general e eligi un dirketiva nobo
E direktiva ta konsisti di e sigiente personanan:

Presidente : Oswald (Yuchi) Isabella : Thrillers
Vice Presidente: Kennith Jonis (Joontjie) : Isla Rangers
Secretario : Denny Parabirsing : Bou di Palu
Vice Secretario : Pepina
Tesorero : Hildo Bernadina : Terremaster
Vice Tesorero: Juni Lichtenberg : Sigi Gosa
Direktor di Kampionato : Ryan Isebia : Cicoza
Vice Direktor di Kampionato: Boy Constancia : Forsa
Relashonista Publiko : Lesley Conradus : Armendares
Vice Relashonista Publiko : Jeffrey Martina : Jandoret

Oswald 'Yuchi' Isabella, un tempu un bon ketcher, awor presidente di Liga Un i Tur

Dalpega ta bati Quisqueya i Baranka ta suta Navegantes den Liga van Engelen

Liga van Engelen a kontinuá djadumingu último na Suvek Ballpark.
Dalpega a zona Quisqueya pa nòkout 18-6 i Baranka tambe a parti nòkout batiendo Navegantes 14-3.
Power a bapuliá Uniko 21 pa 6, ke mèn siman pasá tabata siman di nòkout.

RESULTADONAN
Dalpega 18, Quisqueya 6
E ekipo Dalpega a bati 14 hit i nan a hasi 2 eror.
Jose Obispo tabata e picher ganadó, miéntras Abigail Vilchez a bai di 3-3.
Abigail Vilchez i Sharlon Louisa a bati un homerun.
Pa Quisqueya 9 hit i 1 eror.
Gurtney Adriana a pèrdè.
Ramon Moreta a bai di 3-2.

Quisqueya ekipo formá pa Dominikanonan biba na Kòrsou. Nan tin varios aña den Liga van Engelen

Nos Por ta gana Destiny 7-5 den apertura di Liga Streanan di Ayera

Kampionato ta sigui mayan i djadumingu
Nos Por ta gana Destiny 7-5 den Liga Streanan di Ayera


Liga Streanan di Ayera a start djabièrnè 22 di yüni na Little League Ballpark.
Den e promé wega, djabièrnè anochi Nos Por a dal Destiny ku skor di 7-5.
Weganan ta sigui tur djabièrnè i djadumingu den Little League Ballpark.

Nos Por 7, Destiny 5
Nos Por a dal 9 hit i hasi 2 eror. Minerva Maduro a gana i S. Maduro a bati di 3-2. Offerman tambe a bati di 3-2.
Destiny a bati 9 hit i hasi 6 eror. Dariella Nivillac a resultá e picher pèrdèdó i Naricia Obispo a bati di di 3-3.

Destiny ekipo di Liga Streanan di Ayera

Djasabra 7 di yuli Torneo 32 aña Wim Felicia den Slowpitch

Djasabra 7 di yüli e as picher di Sòftbòl Slowpitch Wim Felicia lo selebrá su 32 aña tirando Slowpitch den kompania di su amigunan.

Lo tin tres partido e dia aki na Cirilo Chirino Ballpark.
Pa 11’or Caterpillar lo hunga kontra Venezuela. Wega ku a keda kanselá durante
kampionato.
1’or selekshon Liga 50 lo enfrentá Caterpillar/ Catpower. Pa 3’or di atardi Selekshon Pariba kontra Pabou den Slowpitch. Durante e weganan tin un tremendo BBQ.

Win Felicia i señora despues di wega di sòftbòl den tribune

Gamers Awasa Casino ta nòkout Bad Boys 12-2

Gamers ta den gran forma ruman. Nan a nòkout Bad Boys 12-2 djasabra último na Cirilo Chirino Ballpark.
Ultimo simannan Bad Boys a tumba hopi ekipo grandi manera entre otro Bombers i Carpatula pero Gamers a pone rèspèt djasabra 23 di yuni.

RESULTADONAN
Gamers 12, Bad Boys 2
Gamers tabatin 16 hit i nan a kometé 2 eror.
Ivar Martis a gana i Wally Kopra a bai di 3-3.
Wally Kopra i Renato Anasagasti a konektá un homerun.
Pa Bad Boys 5 hit sin eror.
Clifton Domacasse a pèrdè, miéntras Arthur Kops a bai di 2-1, inkluyendo un homerun.