Happy Angels ta gana Eagles Softex 7-4

ZAPATEER - Happy Angels ku bon picheo di Flaka Serberie ta gana Eagles Softex ku skor di 7-4 djadumingu 23 di september.
Happy Angels a dal 7 hit. Joyce Arnhem a bati di 2-2.
Eagles Softex a bati 4 hit. Susmaline Rifaela a perde i Tatiana Betorina a bati di 3-2.

Djabièrnè 21 di sèpèmber
The One 10, Rising Trotters 4
The One ku picheo di Dulce Sophia ta gana Rising Trotters 10-4. The One a dal 4 hit.
Viandely Adelina a bati di 3-2. Dulce Sophia tabata e picher ganado.
Rising Trotters a dal 6 hit. Yarina Josepha a resultá e picher pèrdèdó i Swenska Martiszoon a bati di 3-2.

Weganan e siman aki
Djamars 25 di September 2007
19.00 Soto- Paradise
21.00 Santa Rosa – Happy Angels

Djarason 26 di september 2007
19.00 Rising Trotters – Soto
21.00 Eagles Softex – Pichingolo

Kòrsou Kampion Latino Americano den Minor League

WILLEMSTAD - Dianan 21, 22 i 23 di sèptèmber tabatin e kampionato Latino Americano di Sòftbòl Minor League entre Kòrsou i Puerto Rico.
Manera ta konosí Aruba i Meksiko a kanselá nan partisipashon na último momentu i Latino mester a bai entre Kòrsou i Puerto Rico.
Kòrsou ta titulá kampion ganando dos wega di e serie mihó di tres. Den kurso di siman Softballcuracao.com lo tin mas informashon i sifra di e kampionato

The Old Young Ones kampion Liga Streanan di Ayera

MUIZENBERG - The Old Young Ones a gana Nos Por 9-1 djabierne 21 di september anochi na Little League Ballpark i bira Kampion Liga Streanan di Ayera.
Un bon públiko a presentá ayera pa mira wega number tres di e final ku a bira e último wega.

NUMERITONAN
The Old Young Ones a dal 13 hit i hasi 2 eror. Sevilla Maduro a gana i Patsy Saturnino a bati di 2-2. Maya Geertruida i Natasha Marcelia di 3-2.
Nos Por a bati 10 hit i hasi 3 eror. Soraida Maduro a pèrdè. Anouska Beker i Grace Leito a bati di 3-2.

Janet Iltes MVP di Play-off, Sherry Howell MVP di Kampionato Regular

SANTA MARIA -Djabierne dia 21 di sèptèmber den oranan di anochi na Frank Curiel Ballpark tabatin entrega di premio di e kampionato The Champions League 2007.
Janet ‘Marelva’ Iltes a bira MVP di Play-off Final i Sherry Howel a resultá MVP di Kampionato
Regular. Tur dos hungadó ta di The Champions ku dja-dumingu último a bira kampion di e liga.

PREMIONAN
The Champions League

Kampion: The Champions;
Supkampion: Nos Goso;
Di Tres Lugá: Treasure;
Kampion Picher:
Marcela Martes ku rekòrt di 6 ganá i un pèrdí, di The Treasure Era Nobo;
Lider di Honron:
Sherry Howell (The Champions)
Ela konektá 3 Honron;
Kampion Bate:
Sherry Howell (The Champions);
Esaki ta basá riba un minimo di 25 aparishon na plato.
Sherry a bati pa un averahe di 625, produkto di 10 hit den 16 turno.

Hungadó mas balioso di kampionato regular: Bernadita Geerman (The Champions);
Ela terminá di dos den bateo ku un averahe di .548
Lider di hit ku 17
Lider den doblete ku 5
Ela konektá di homerun
Di dos den kareda empuhá ku 12
E tabata un muraya na tersera base.

Hungadó mas balioso di Play-off final: Janet ‘Marelva’ Iltes.
Ela picha i gana dos wega den playoff final.

Catpower, Skarlo, Bombers, Gamers, Padres i Carpatula ta klasifiká pa Round Robbin di Liga Trai Seru

TRAI SERU - Djaluna, 17 di sèptèmber tabatin e último weganan di buèlta regular di Liga Trai Seru.
Carpatula ta logra gana di Gamers pa asina riba nan propio forsa klasifiká pa Round Robbin di Liga Trai Seru. E 6 ekiponan ku a logra klasifiká ta Catpower, Skarlo, Bombers, Gamers, Padres i Carpatula.

Play-off Round Robbin ta start djaluna 24 di ku e promé wega entre Skarlo i Carpatula pa 9’or di anochi.
Weganan ta sigui djabièrnè 28 di sèptèmber i djasabra 29 di sèptèmber.

RESULTADONAN
Djaluna 17 di sèptèmber
Carpatula 5, Gamers 4
E ekipo Carpatula a bati 7 hit i nan a hasi 2 eror.
Angel Brunken tabata esun ku a gana i Gilford Schmidt a bai di 3-3.
Ruwel Matrona a konektá un homerun.
Gamers tabatin 8 hit i nan no a kometé pifio.
Javier de Castro a pèrdè i Randolph Kirindongo a bati di 2-2.

St. Michael Mariners Softball Team ku tremendo Torneo na Boca

BOCA SAMI - St. Michael Mariners Softball Team bou di mando di Eugene Constancia tin un tremendo nòkout di bario wikènt di 22 i 23 di sèptèmber na Boca Sami.
Weganan ta start djasabra 10’or di mainta na tereno di Boca Sami. Ekiponan ku ta partisipá ta Boka, Jandoret, Santa Maria 1, Santa Maria 2, Suffisant (Blue Hawks), Domi, MNO i Sagitario.
E torneo ta termina djasabra 29 sèptèmber 2007.

Baranka ta suta Swift formal 21-5, Buena Vista Power ta nòkout Crazy Tigers fásil 17-5

VAN ENGELEN - Buena Vista Power a nòkout Crazy Tigers 17-5 ku picheo fásil di Miro Daal djadumingu último na Suvek Ballpark den kontinuashon di Liga van Engelen.
Baranka a bati Swift formalmente ku skor di 21-5. Den e wega ei Stanford Landburg di Baranka a konektá 4 homerun i bati di 5-5. Mayron Martinus tambe di Baranka a bai di 4-4 ku 3 homerun.

RESULTADONAN
Buena Vista Power 17, Crazy Tigers 5
Buena Vista Power a bati 18 hit i nan a kometé dos eror.
Miro Daal tabata e ganadó.
Robert de Windt a bati di 2-2.
Merieldo Trinidad a bati di 3-3.
Gilbert Juliet i Irving Samboe a konektá 2 homerun.
Merieldo Trinidad i Royston Jakoba a konektá unu.
Crazy Tigers a bati 8 hit i hasi un eror.
Roderick Sambo a pèrdè i Gregory Ranis a bai di 1-1.

Baranka 21, Swift 5
E ekipo Baranka a dal 22 inkogibel i nan a kometé 2 eror.
Kenrick Hellement a gana.
Stanford Landburg a bai di 5-5 i Mairon Martinus di 4-4.
Stanford Landburg a konektá 4 homerun i Mairon Martinus 3.
Pa Swift 7 hit i 7 eror.
Johan Cicilia a pèrdè.
Earling Gosepa a bai di 2-1 i Silvio Cruz di 3-2 inkluyendo un homerun.

The Champions ta sweep Nos Goso pa bira kampion di The Champions League

SANTA MARIA - The Champions a gana tres wega stret di Nos Goso den final di The Champions League i ta kampion nobo di e Liga di e Kampionnan.
The Champions a gana djabièrnè 14 di sèptèmber 11-6, djasabra 15 di sèptèmber 6-3 i djadumingu 3-2 pa bira kampion.
Marelva Iltes a gana e dos último weganan pa bira kampion. Sherry Howell a gana e promé wega pa The Champions.
Un públiko grandi a akudí na Frank Curiel Ballpark pa mira e gran final tantu riba djabièrnè, djasabra i djadumingu.
Ayera den di 6 inning un palu di awa a kai i pone ku a suspendé e partido i na e momentunan ei e ekipo di The Champions tabata ganá.

MCB Maskulino i CITCO Femenina Kampion Torneo Komersial SVB

VAN ENGELEN - Maduro & Curiels Bank Maskulino i CITCO Femenina a bira kampion di e torneo komersial SVB ku a terminá djasabra último na Suvek Ballpark.
Un públiko grandi a akudí na Suvek Ballpark pa disfrutá di e gran final.
MCB tabata magnifiko den e serie. Nan a pèrdè solamente un wega kontra DOK den e buèlta regular. Den final nan a logra saka sla riba Dok.

Gino Valeriaan ta tuma premio Kampion Torneo SVB sekshon Maskulino.

Stanford Landburg ta konektá 4 homerun pa Baranka gana Swift 22-5

VAN ENGELEN - Stanford Landburg tabata grandi djadumingu 16 di sèptèmber pa Baranka. E poderoso outfielder slengu a konektá 4 homerun kontra Swift pa Baranka gana ku skor di 22-5.
Mayron Martinus tambe tabata grandi, ela konektá 3 homerun. Segun informashon ku Softballcuracao.com tin e dos hungadónan ariba menshoná a empuhá 17 kareda pa Baranka.
Sin duda un dia grandísimo pa tantu Stanford Landburg komo Mayron Martinus.
Hungadónan ku den pasado a konektá 4 homerun òf mas den un wega. Sedeney ‘Spin’ Lourens (
Catpower i Bou di Palu), Angelo Clementina ( Happy Time), Randall van Lamoen (Swift), Roy Jacoba (Buena Vista Power), Suli Cruz (Swift), Arlyson Rodriguez (Catpower).
Tyron de Palm a konektá 5 homerun pa ekipo di Prison/Onderwijs den Intergubernamental 2006 na Frank Curiel Ballpark.

The Champions ta sweep Nos Goso i bira kampion di The Champions League 2007

SANTA MARIA - The Champions a gana tres wega stret di Nos Goso den final di The Champions League i ta kampion nobo di e Liga di e Kampionnan.
The Champions a gana djabièrnè 14 di sèptèmber 11-6, djasabra 15 di sèptèmber 6-3 i djadumingu 5-2 pa bira kampion.
Marelva Iltes a gana e dos último weganan pa bira kampion. Sherry Howel a gana e promé wega pa The Champions.
Softballcuracao.com i La Prensa Slowpitch (pa e lesadónan di Korsou, Antia i Aruba) tin mas detaye den kurso di siman.

Cecil Garcia: “Little League mester proteha e muchanan”

WILLEMSTAD- Curaçao Little League Softball a tuma e desishon ku pa partisipá na e kampeonato di sòftbòl ku ta ouspisiá pa Curaçaose Sòftbòl Bònt nan miembronan mester tin 15 aña. Ku introdukshon di e regla aki un mucha ku ta hunga softball den Little League mester finalisá su aktuashon den Junior League pa por hunga den kompetensia di Federashon di sòftbòl lokal.
Sr. Cecil Garcia ku ta presidente di Curaçao Little League ta bisa ku e motibu dje desishon ta pa protehá e muchanan.

Eagles Softex kampion Sòftbòl Hubenil 2007

Eagles Softex ku un viktoria di 3-2 a bira kampion Sòftbòl Hubenil djadumingu 9 di sèptèmber 2007 dilanti un publiko grandi na Sabana Ballpark.
Frondely Cornelis a bai ruta kompletu pa bira MVP di e serie final. Pichingolo Kia tabatin masha hopi oportunidat durante e wega pero a keda kòrtiku.
Despues di wega tabatin entrega di premionan individual.

Jandoret Raiders Botika de Savaan kampion Liga Un i Tur 2007

Jandoret Raiders ta bira kampion Liga Un i Tur 2007 djadumingu 9 di sèptèmber 2007.
Jandoret Raiders a gana e serie 2-1 kontra di Bou di Palu. Jandoret a gana wega number unu ku skor di 13-2, pèrdè wega number dos 13-8 despues di tabata gana 8-7 te den último inning.
Den wega number tres Jandoret ta dal Bou di Palu 8-5 pa asina titulá kampion. Despues di hopi aña Jandoret a bira kampion di un Liga. Pabien na e ekipo Jandoret i su fanatikonan.
Softballcuracao.com tin numberito di e weganan final i premionan individual.

Jandoret Raiders kampion Liga Un i Tur tumando kopa serka Pim Fangman representante di Amstel

Nos ku Nos, Emiliano All Stars i Veteranos ta gana den Liga Amistad

ZAPATEER - Round Robbin di LIga Amistad a sigui djadumingu último na Ricardo Elhage Ballpark despues ku weganan a keda suspendé dos siman pa motibu di awaseru.
Nos ku Nos, Emiliano All Stars i Veteranos a gana nan weganan.

RESULTADONAN
Djadumingu 9 di sèptèmber
Nos ku Nos Botika Mampuritu 14, Arpo 10
E ekipo Nos ku Nos tabatin 17 hit i nan a hunga impekabel.
Glendomar Davelaar a bai ku e viktoria.
Michiel de Roon a bati di 4-3.
Mirieldo Trinidad, Raynis Faries i Kenneth Martha a konektá un homerun.
Arpo a bati 12 hit i nan a hasi 1 eror.
Fernando Rosario a sufri e derota.
Enrique Madera i Matias de Leon a bati di 3-2.
Enrique Madera a konektá 2 homerun i Rigobert Cijntje unu.

Swift ta blankia Crazy Tigers 11-0, Buena Vista Power ta bati Uniko 20-0

VAN ENGELEN - Swift i Buena Vista Power a baha fuerte riba nan kontrinkantenan dja-dumingu último. Swift a hunga domino ku Crazy Tigers ganando 11-0, miéntras Buena Vista Power a dal Uniko durísimo 20-0.

RESULTADONAN
Djadumingu 9 di sèptèmber
Swift 11, Crazy Tigers 0 E ekipo Swift ta bati 10 hit i nan ta hunga impekabel.
Picher ganadó a resultá Johan Cicilia. Julien Ignacio a bati di 2-2.
Jair Josepha a konektá 2 homerun.
Julien Ignacio i Edphrim Cicilia a konektá unu.
Pa Crazy Tigers 2 hit i un eror. Lesly Conradus tabata e picher pèrdèdó.
Charles van Thijs i Urly Cijntje a bati di 2-1. Baranka 7, Navegantes 3
Baranka a bati 10 hit i nan a pifia na 3 okashon.
Edwin Martina a gana, miéntras Gregory Reina a bai di 2-2.
Mayron Martinus i Sepherine Adriana a konektá un homerun.
Navegantes tabatin 7 hit i nan a hasi 3 eror.
Glenn Pieternella tabata esun ku a pèrdè.
Joël Angelista i Gerald Riley a bai di 2-1.

Nos Por i The Old Young Ones den gran final Liga Streanan di Ayera

MUIZENBERG - Nos Por a gana Mi Deseo dos biaha i klasifiká pa final di Liga Streanan di Ayera. Nos Por a gana djabièrnè 13-9 i djadumingu 3-0.
Sin duda Minerva Maduro tabata e strea di e partido ganando tur dos wega.
Minerva a gana e promé wega den relevo i djadumingu ta blankia e ekipo di Mi Deseo ku tabata faborito pa bai final.

Djabièrnè 7 di sèptèmber
Nos Por 13, Mi Deseo 9
Nos Por a dal 11 hit i hasi 1 eror. Minerva Maduro a gana i Grace Leito a bati di 2-2.
Mi Deseo a bati 11 hit i hasi 4 eror. Marelva Puriel a pèrdè.
Nohett Boelijn di 3-3 ku dos homerun. Azucena Bernadina tambe a konektá di 3-3.

Djadumingu 9 di sèptèmber
Nos Por 3, Mi Deseo 0
Nos Por a dal 4 hit i hunga sin eror. Minerva Maduro a bolbe gana i Maira Brunken a bati di 1-1.
Mi Deseo a dal 1 hit i kometé 4 eror. Magna Josefa a resultá e picher pèrdèdó i Azucena Bernadina a bati di 2-1.

Nos Goso ta gana Treasure i pasa pa final kontra The Champions den The Champions League

SANTA MARIA - Ku gran aktuashon di Asila Finies i Carlientje Cleopa
Nos Goso ta pasa pa final. Despues di a pèrdè den nan promé wega, Nos Goso ta reakshoná i gana 2 wega for di Treasure i pasa pa e final pa enfrentá The Champions.

Djabièrnè den e promé wega Treasure a sa di gana ku skore di 9-8. Picher ganadó tabata Carine Fluonia ku a relevá Marcela Martis.
Na bate a destaká Xiomara Francisca bayendo di 2-2. Pa Nos Goso Carlientje Cleopa ku a relevá Shadira Pietersz a pèrdè i Asila Finies a bati di 4-3, inkluyendo un homerun. Leonise Avastia tambe tabatin un homerun.

Liga Un i Tur ta gradisí tur instansia i persona ku a koperá den 2007

POST 6 - Liga Un i Tur ta gradisí tur instansia i persona ku a koperá pa Liga Un i Tur 2007 por a bira un éksito. Liga ta gradisí Amstel , Prensa, Fanátikonan, Kuerpo di umpire, sra. Girigor i(kushina), un danki na Isla B.V i miembronan di e liga pa nan kontribushon durante kampionato 2007 di Liga Un i Tur.
Direktiva ta bisa mas aleu
“Nos ta konvensí ku nos por sigui konta ku boso den futuro.”

Gran final di Sòftbòl Hubenil dia 9 di sèptèmber 3’or pm ku transmishon di Direct Live 92.1

ZAPATEER - Dia 9 di sèptèmber tin e gran final di Sòftbòl Hubenil entre Pichingolo Kia i Eagles Softex na Sabana Ballpark. E serie ta empatá na unu i e ganadó lo ta kampion di Sòftbòl Hubenil 2007.
E wega ta programa pa kuminsá 3’or pm (9’or pm ora di Hulanda).
Radio Direct Live 92.1 lo transmití e partido. Pa esnan biba na Hulanda i esnan ku ta sigui wega riba internet, por sigui e transmishon via direct107.com pa despues click riba 92.1.
E popular banda Tune Stay Tune ku Urvin Jano i Tico Libie lo animá despues di e wega final.

Serie final Jandoret Raiders i Bou di Palu empata na unu

POST 6 - E serie final entre Jandoret Raiders i Bou di Palu a empatá na unu.
Djadumingu 9 di sèptèmber 2007 tin e wega finalisimo na tereno di Isla na Post 6 pa 1’or di merdia.
Jandoret a gana e promé wega fásil 14-2, miéntras Bou di Palu ta gana wega number dos 13-8.
Wim Felicia a gana e promé wega bayendo ruta kompletu. Den wega number dos Wim Felicia ta pèrdè den relevo. Jair Josepha tabata e figura grandi den wega number unu konektando 3 homerun.
Bou di Palu tabata tremendo den defensa den wega number dos.

Gamers ta derotá Bombers 11-8 den Liga Trai Seru

TRAI SERU - Gamers ku tremendo picheo di Marten Eustatia ta gana Bombers ku skor di 11-8 den kontinuashon di Liga Trai Seru ayera na Cirilo Chirino Ballpark. E wega a tuma luga djaluna 3 di september 2007 na Cirilo Chirino Ballpark.
Den e promé wega Bad Boys ta dal Chincho Stars 8-5.

Gamers 11, Bombers 8
Gamers a dal 11 hit i hasi 2 eror. Marten Eustatia a gana.
Quincy Kook, Renato Anasgasti i Randolph Kirindongo a bati di 3-2.
Bombers a konektá 7 hit i hasi 3 eror. Lesley Martina tabata e picher pèrdèdó i Geronimo Daflaar a bati di 2-2. Jair Quant i Geronimo Daflaar tabatin un bataso di kuater skina.

Bad Boys 8, Chincho Stars 5
Bad Boys a bati 12 hit i hasi 4 eror.
Glendomar Davelaar a gana i Hurley Maduro a bati di 3-3.
Arthur Kops tabatin un bataso di kuater skina.
Chincho Stars a dal 9 hit i hasi 2 eror. Giovanni Maduro a pèrdè i Jourmaine Josepha a bati di 2-2.

STANDING (Up to date)

Edmar Cornelia ku 3 homerun pa Baranka den Liga 40

VAN ENGELEN - Edmar Cornelia (EC Construction) a dal tres homerun den su debut den LIga 40 pa Baranka djamars 4 di september 2007 na Suvek Ballpark.
Den e promé dos turnonan Edmar 'Boy Motor' Cornelia tabatin homerun. Mas despues den e wega Edmar Cornelia a bati su di tres homerun di e partido.
Baranka a gana Swift ku skor di 21-5, Gregory Reina tambe a debut despues
Catpower a gana Q-Rangers 11-7. Edmar Cornelia ku tremendo debut ku tres homerun den Liga 40.
Segun informashon ku nos tin ya Edmar Cornelia ta lider den homerun den Liga 40 hungando apenas un wega.
Den e otro wega di ayera, Catpower a gana Q-Rangers 11-7.
Keda pendiente pa mas informashon di Sòftbòl Liga 40

Edmar Cornelia den unifòrm di Survivors, tremendo
debut djamars 4 di sèptèmber den Liga 40 ku tres
homerun. Den gran forma !!!!

Serie final Sòftbòl Hubenil empatá

E serie final Sòftbol Hubenil entre Pichingolo Kia i Eagles Softex a empatá sensashonalmente djadumingu atardi na Sabana Ballpark.
Eagles a gana Pichingolo ku skor di 5-3 i forsa un wega desisivo entre e dos ekiponan aki.
E wega lo tuma lulga djadumingu 9 di sèptèmber pa 3'or na Sabana Ballpark. Ganado di e wega aki ta kampion di Sòftbòl Hubenil 2007.
Direct Live 92.1 lo transmiti e wega aki bibu i direkt. Tune Stay Tune lo tei for di 5'or di atardi pa anima públiko presente.

Hungadonan di Eagles Softex i Pichingolo Kia ku lo hunga den Softbol Eskolar 2008 ku Sint Jozef VSBO

Jandoret Raiders kontra Bou di Palu den gran final djasabra 8 di sèptèmber na Jandoret

JANDORET - Jandoret Raiders a gana Cicoza 12-7 den semi-final miéntras Bou di Palu a dal Thrillers 13-7 den e otro wega di semi-final i e final lo tuma lugá djasabra 8 di september na tereno di Little League na Jandoret.
E tereno ta situa riba Kaminda di Bullenbaai na man robes ora drenta bario di Jandoret.
Hopi espektativa i interes bou di e pueblo di Jandoret pa mira nan ekipo den bario pa promé biaha.
Weganan ta 12’or i 3’or djasabra i si ta nesesario djadumingu.
E otro ekipo di Jandoret esun di bario ta pendiente pa un wega kontra Boca Sami. E wega aki lo tuma luga 10’or di mainta djasabra.
Jandoret su ekipo di bario tin hungadonan manera Archie Zimmerman,
Raylon ‘Tutu’ Capella, Raimy Pastor, Dudley Meriaan, Jeffrey Martina, Gregory Zimmerman, Ludwig Pietersz ets.
Boca Sami tin Zanga Constanca, Eugene Constancia, Batata Martha, Eugene Martha, ets. ets.

Wega di Final di Sòftbòl Hubenil ta sigui djadumingu 2 di september 5’or pm na Sabana Ballpark

ZAPATEER - Softballcuracao.com a kombersá ku Richard ‘Chati’ Constancia ku ta presidente di Curacaose Softball Bond i direktor di Kampionato di Softbol Hubenil.
Chati a bisa nos ku e wega final ta sigui nòrmal. Ke men 5’or di atardi djadumingu ora di Korsou i 11’or di anochi ora di Hulanda skucha Radio Direct.
Den kurso di djadumingu of djaluna softballcuracao.com tin e resultado.

Pichingolo Kia ta pika dilanti den play-off final di Sòftbòl Hubenil

ZAPATEER - Pihcingolo Kia ku bon picheo di Stephany Henriquez ta blankiá e ekipo di Eagles Softex ku skor di 7-0.
Un bon públiko a bishita e promé wega di e serie final miho di tres na Sabana Ballpark.
E dos ekiponan finalista no a logra nota kareda den e promé dos inningnan. Pichingolo komo ekipo di kas den bòm di di tres inning ta nota 4 kareda. Rijaira Martina di tres bate di e ekipo Pichingolo ta konekta hit pa senter pa empuhá dos kareda den e inning aki.
Den bòm di di seis inning Pichingolo ta nota 3 kareda pa e wega terminá pa nòkout. Despues ku kareda number 7 a drenta chief umpire Kenneth Bosk ta dekretá game pa terminá e partido pa via di e regla di nòkout (7-0).
Wega number dos ta sigui djadumingu 2 di sèptèmber atardi 5’or na Sabana Ballpark. Si ta nesesario (si e serie empatá) lo hunga un wega desisivo djabièrnè 5’or di atardi.
Radio Direct Live frekuensia 92.1 a transmití e wega aki bibu i dirèkt i lo tei djadumingu atrobe.

NUMERITONAN
Pichingolo Kia ta nota 7 kareda, bati 7 hit i hunga sin kometé eror. Stephany Henriquez a gana i Rijaira Martina a bati di 3-2.
Eagles Softex no a nota kareda, nan a konektá 3 hit i hasi 1 eror. Janella Farrel a resultá e picher pèrdèdó i Neftely Pietersz a bati di 2-2.