The Bears ta blankiá Yesterday 3-0 den Beisbòl Veterano

CAS CHIQUITO - The Bears ta gana Yesterday 3-0 djadumingu 26 di ougùstùs 2007 den un tremendo duelo di picheo entre Deron Clara di The Bears i Yubi Evertsz di Yesterday.
Santa Rosa Memories ta sigui viktorioso den Beisbòl Veterano.
Weganan ta sigui e siman aki na Velt Salu.

Djadumingu 26 di ougùstùs 2007
Sta. Rosa Memories 6, Nos Union 0
E ekipo Sta. Rosa Memories tabatin 6 hit i nan a hunga impekabel.
Edmond Martina a resultá e picher ganadó, miéntras M. Martinus
a bati di 2-2.
Nos Union tabatin 5 hit i nan no a pifia.
R. Pinto tabata e pèrdèdó i R. Latina a bati di 3-2.

The Bears 3, Yesterday 0
E ekipo The Bears tabatin 4 hit sin hasi eror.
Dairon Clara a gana.
Komo mihó batiadó tabatin un hungadó ku a bai di 1-1.
Nos no a haña nòmber di e hungadó aki!
Yesterday a bati 2 hit i nan tambe no a hasi eror.
Hubert Evertsz a pèrdè i e mes a bati di 2-1.

Cicoza i Bou di Palu ta sigurá nan klasifikashon pa play-off semi-final

POST 6 - Cicoza i Bou di Palu ta gana un wega ayera i tin rekòrt di 3 ganá i 1 pèrdí den Round Robbin di Liga Un i Tur.
E dos ekiponan ariba menshoná ya a klinch nan klasifikashon pa e play-off di kuater ekipo ku ta start e wikènt aki na tereno di Isla na Post 6.
E siman aki lo tin tres wega na Cirilo Chirino Ballpark pa asina e liga logra terminá e kampionato promé Refineria Isla kuminsá ku trabounan pa un Ballpark kompletamente nobo.

STANDING
Cicoza 3-1
Bou di Palu 3-1
Jandoret 2-2
Sigi Gosa 1-2
Forsa 1-2
Thrillers 0-2

Mayron Wijman den akshon pa e ekipo Cicoza

Eagles Softex i Pichingolo Kia ta klasifika pa play-off final Sòftbòl Hubenil

ZAPATEER - Eagles Softex a gana Santa Rosa Vanddis 7-5 pa asina klasifká pa play-off final di Sòftbòl Hubenil. Jeanilis Sommer a picha henter e wega pa Eagles Softex klasifiká pa final. E fildeo di Santa Rosa Vanddis pa di dos wega sigi den play-off ta laga nan picher estelar Jenny Kinburn na kaya ku fildeo erátiko den último inning. Den tur dos wega Jenny Kinburn i Santa Rosa Vanddis tabata gana pa diferensia di dos kareda den último inning. Eagles Softex a gana e promé wega ku skor di 3-2.


PICHINGOLO
Pichingolo a gana Paradise den dos wega sigi pa klasifiká pa e gran final di Sòftbòl Hubenil. Pichingolo a gana Paradise 6-2 djadumingu i 6-3 djabièrnè.
Stephany Henriquez tabata tremendo komo picher pa Pichingolo gana e wega. Pichingolo tabatin un tremendo fildeo atrobe.

FINAL
Play-off Final ta start djabièrnè 7’or na Sabana Ballpark. E wega lo ta un transmishon di Radio Direct 92.1 Life. Jeffrey Martina i Archie Davelaar ta forma parti di e kuerpo di Transmishon ‘E sirkuito di Softbol na Direct Life’.
Djadumingu 3’or lo tin e di dos wega di final miéntras si ta nesesario 5’or lo tin wega number tres. 92.1 lo transmití tur wega di e gran final.

Pichingolo Kia i Eagles Softex ta gana den apertura di Play-off Hubenil

ZAPATEER - Pichingolo Kia a gana Paradise 6-3, miéntras Eagles Softex ta gana Santa Rosa Vanddis 3-2 djabierne 24 di ougustus 2007 na Sabana Ballpark.
Pichingolo Kia tabata atras 3-0 pero ta bòltu e skor i hasi e wega 6-3. Rigmayra Poulina gana den relevo pa Stephany Henriquez den e wega.

EAGLES
Eagles tabata atras 2-0 te den éltimo inning. Jeanivien Kinburn tabata dominá e wega fásil pa e ekipo Santa Rosa Vanndis. Dos eror den right ta pone ku Eagles ta boltu e skor notando 3 kareda den nan último inning pa laga Santa Rosa den tereno.
Weganan ta sigi djasabra 25 di ougùstùs na Sabana Ballpark.
3’or pm Santa Rosa Vanddis – Eagles Softex
5’or pm Pihcingolo Kia – Paradise.

Pichingolo Kia kampion Sòftbòl Hubenil 2006

Skedjel Beisbòl Veterano di Dos Buelta

Skèdjel Beveko 2da Buèlta

Djasabra 28 di yüli
Tereno: Vi Jansen
15.00 Amstel – The Bears
Djadumingu 29 di yüli
10.00 Sta. Rosa Mem. – Vosama
12.30 Yesterday – Azucar SMFC
15.00 Otrabanda – Surprise

Djasabra 4 di ougùstùs
Tereno: Vèlt Salu
15.00 Yesterday – Otrabanda
Djadumingu 5 di ougùstùs
10.00 Surprise – Nos Union
12,30 Vosama – Amstel
15.00 Sta. Rosa Mem. – Azucar SMFC

Building Depot ta eliminá BAB den The Champions League Komersial Maskulino

SANTA MARIA - Djasabra dilanti un públiko inmenso e ekipo di CITCO ta gana di Kooyman i titulá kampion pa di 2 aña konsekutivo di e weganan komersial di The Champions Softball League. Tabata den serada di ining nr 5. ku skor di 6-2
na fabor di CITCO ku awaseru a kai dje duru ei ku e wega no por a kontinuá.
Na e momentunan ei ya e wega tabata legal i CITCO di e manera ei a titulá kampion.
CITCO por mira atras atrobe riba un eksitoso kampionato ya ku nan a bolbe titulá kampion invikto.
Un pabien na e ekipo kompletu di CITCO huntu ku nan fanatikada pa un titulo bon meresí. Un pabien tambe na e ekipo di Kooyman ku a sa di duna un bon bataya i ku den apenas 2 luna di eksistensia ya a sa di sali supkampion den un torneo grandi.
E 2 ekiponan aki sigur a brinda un bèrdadero ekspekstákulo i a sòru pa un tremendo ambiente durante di nan weganan.
CITCO 6 kareda, 5 hit, 3 eror. Picher ganadó Sharine Richardson i na bate Solange Soliana di 2-2.
Kooyman 2 kareda, 4 hit i 2 eror. Pèrdèdó a resultá Valerie Stins i na bate Herma Martina, Rixaira Poulina, Dulce Hato i Xiomara Poulina tur di 2-1.

Emiliano All Stars ta kibra invikto di Veteranos den Liga Amistad

ZAPATEER- Emiliano All Stars a kibra invikto di Veteranos den Liga Amistad djadumingu último. Veteranos a gana tur wega den buèlta regular i e promé wega di Round Robbin, pero a kai vensí kontra Emiliano.

RESULTADONAN
Emiliano Stars 11, Veteranos San Marco 5
E ekipo Emiliano Stars a bati 12 hit i nan a hasi 2 eror.
Victor Silverio a gana, miéntras Raul Hernandez a bai di 3-2.
Miguel Martina, Raul Hernandez i Carlos Gil a konektá un homerun.
Pa Veteranos San Marco 7 hit i 2 eror.
Willem Felicia a pèrdè, miéntras Remy Thielman a bati di 2-2, inkuyendo un homerun.

Santa Rosa ta gana Surprise 9-5, den Beisbol Veterano

WILLEMSTAD - Surprise ekipo di Boy Evertsz di Jandoret a duna Santa Rosa Memories doló di kabes djasabra último na Veld Salu. Nan a wanta e ekipo kampion di temporada di Beisbòl Veterano 2005 i 2006 formalmente pa despues bin pèrdè ku skor di 9-5. E benjaminnan di Beisbòl Veterano, The Bears ta pasa fásil pa medio di nòkout 13-3 riba Veteranos Otrabanda. Lastimamente ku Vosama ta pèrdè pa defolt djadumingu kontra Nos Union.

The Bears ganando ketu bai, riba un rust den Beisbòl Veterano.

Lions ta laga Buena Vista Power den tereno 8-7, Baranka ta bati Jaws 21-4

VAN ENGELEN - Liga van Engelen a kontinuá ayera na Suvek Ballpark. Den e wega di 12’or Lions di Jerrel i Roy a laga Buena Vista Power den tereno.
Lions a gana Buena Vista Power ku skor di 8-7.
E veteranísimo 50 + Norwin ‘Win’ Celestina a hunga primera pa Buena Vista Power ayera.
Buena Vista Power ta pèrdè dos wega siguí, djadumungu dia 11 di ougùstùs nan a pèrdè ku skor di 18-1 kontra Jaws.
Chal Sint Jacoba ta un poko desgustá ku e manera ku su miembronan ta kumpliendo ku e klup.

Padres ta sorprendé Catpower ku skor di 9-8 den Liga Trai Seru

WILLEMSTAD - Padres ta laga Catpower den tereno djasabra na Cirilo Chirino Ballpark.
Padres ku mester di viktoria pa klasifiká tabata den gran forma djasabra último. Merieldo ‘Lem’ Trinidad tabata grandi konektando dos homerun den e wega aki.


Catpower ku tabata invikto te ku siman pasa ta bolbe pèrdè..

Baranka ta suta Lions sin kompashon ku skor di 19-0

VAN ENGELEN - Liga van Engelen tabatin un sorpresa grandi siman pasá ora Jaws a nòkout Buena Vista Power 14-1.
Den otro wega Baranka ta sigui ku nan racha di blankeo i ta masakrá Lions 19-0. E siman promé nan a dal Uniko ku skor di 22-0, ke mèn Baranka tin 41 kareda na fabor i 0 kontra den e último dos weganan.

RESULTADONAN
Djadumingu 12 di ougùstùs
Jaws 14, Buena Vista Power 1
E ekipo di Jaws a bati 15 inkogibel i nan no a kometé eror.
Patrick Laken a resultá e picher ganadó, miéntras Quincy Kook a bai di 4-3.
Quincy a konektá tres homerun.
Buena Vista Power tabatin 4 hit i nan no a kometé eror.
Gregory Martijn a pèrdè i Miro Daal a bai di 3-3 den kousa pèrdi.

Baranka 19, Lions 0
Baranka tabatin 16 hit i nan a hunga impekabel.
Kenneth Ortega a bai ku e viktoria.
Sepherine Adriana a bai di 4-4 i Gregory Reina a bai di 3-3.
Glendomar Davelaar tambe a bati di 3-3.
Randolph Balentina i Glendomar Davelaar a bati bataso di kwater skina.
Pa Lions 4 hit i 1 eror.
Winston Wederfoort tabata esun ku a pèrdè.
Redy Isenia, Raily Cordilia, Orlando Gerard i Giancarlo Servania, tur a bai di 2-1.
Swift 12, Quisqueya 5
Swift tabatin 15 hit i nan a hasi 1 eror.
Victor Silverio a gana, miéntras Jair Josepha i Julien Ignacio a bai di 4-3.
Jair Josepha a konektá 3 homerun i Julien Ignacio unu.
Quisqueya a bati 12 hit i hasi 2 eror.
Ralph Hermans tabata e pèrdèdó.
Jonathan Pascual a bai di 2-2.
Thomas de Senda i Wilkin Lockhard a konektá un homerun.

The Bears ta gana Santa Maria Food Center 7-3

CAS CHIKITU -The Bears ta number unu den beisbòl Veterano ku solamente un wega pèrdí. Djadumingu na Vi Jansen Ballpark na Cas Chikitu e ekipo nobo den Beisbòl Veterano, ekipo The Bears di Archie Davelaar a dal Santa Maria Food Center ku skor di 7-3 i asina bai su so na promé lugá ku rekòrt di 9-1.
Den un tremendo partido Santa Rosa Memories ta gana Yesterday ku skor di 6-5 ku picheo di Edmond ‘Momon’ Martina.

Djasabra 11 di ougùstùs
Otrobanda 5, Vosama 3
E ekipo Otrobanda a bati 8 hit i nan a kometé 1 eror.
Riley Toppenberg a resultá e picher ganadó i e mes a bai di 2-2.
Eithel Mercelina a bati di 1-1.
Vosama a bati 5 hit i hasi 4 eror.
Fransje Lambertina a pèrdè, miéntras Remick Bernadina, Persey Meulens
i Marlon Romer a bati di 2-1.

Djadumingu 12 di ougùstùs
The Bears 7, Azucar Sta. Maria Food Center 3
The Bears tabatin 8 inkogibel i nan a hunga impekabel.
Pursy Schoop a gana i Victor Caldera a bai di 3-3.
Pa Azucar Sta. Maria Food Center 5 hit i 3 eror.
Randolph Mercera tabata e picher pèrdèdó i Richinel Boeldak a bai di 1-1.

The Bears BBC, e revelashon di Beisbòl Veterano

Beisbòl Veterano

WILLEMSTAD - Entrante 17 di ougùstùs 2007, lo tin informashon di Beisbòl Veterano tambe riba e website Softballcuracao.com.
Nos ta kuminsá ku e skèdjel i e resultadonan di e wikènt 11 i 12 di ougùstùs 2007.
Lo tin un kobertura amplio kombiná ku potret.

Skedjel Round Robbin Liga Amistad

Djasabra 12 di ougùstùs
11.00 Veteranos – Magic
13.00 Arpo – Domi
15.00 Nos ku Nos – Emiliano

Djasabra 19 di ougùstùs
11.00 Nos ku Nos – Domi
13.00 Veteranos – Emiliano
15.00 Magic – Arpo

Djasabra 26 di ougùstùs
11.00 Veteranos – Arpo
13.00 Magic – Nos ku Nos
15.00 Emiliano – Domi

Djasabra 2 di sèptèmber
11.00 Magic – Domi
13.00 Arpo – Emiliano
15.00 Veteranos – Nos ku Nos

Djasabra 9 di sèptèmber
11.00 Arpo – Nos ku Nos
13.00 Magic – Emiliano
15.00 Veteranos – Domi

Skedjel Round Robbin Liga Un i Tur

Skèdjel Round Robbin Liga Un i Tur

Djasabra 18 di ougùstùs
10.00 Jandoret – Sigi Gosa
12.00 Cicoza – Bou di Palu
14.00 Forsa – Cicoza
16.00 Thrillers – Forsa
Barwacht: Bou di Palu

Djadumingu 19 di ougùstùs
10.00 Thrillers – Jandoret
12.00 Sigi Gosa – Cicoza
14.00 Sigi Gosa – Bou di Palu
16.00 Forsa – Bou di Palu
Barwacht: Bou di Palu

Djasabra 25 di ougùstùs
12.00 Thrillers – Sigi Gosa
14.00 Thrillers – Cicoza
16.00 Jandoret – Cicoza
Barwacht: Armendaris

CITCO ta dal Kooyman 9-2 den e promé wega di play-off final

SANTA MARIA - Dilanti un públiko grandísimo na Frank Curiel Ballpark e ekipo CITCO a dal Kooyman 9-2 i ta un paso pa bira kampion di e sekshon Komersial Femenina di The Champions League.
E di dos wega di e final lo ta djasabra awor na Frank Curiel Ballpark.
Treasure ta dal Rising Trotters 11-1 i Nos Goso ta blankia Warriors 7-0.

CITCO 9, Kooyman 2
E ekipo Citco tabatin 8 hit i nan a hasi 4 eror.
Picher ganadó tabata Sharine Richardson i e mihó na bate tabata Nathalie Lourens ku a bai di 3-3.
Kooyman tabatin 4 hit i nan a kometé 1 eror.
Ignadely Garcia tabata e pèrdèdó.
Herma Martina, Richeline Rifaela, Mishenou Torregrosa i Ruthmila Martina, tur a bati di 2-1.

Citco selebrando despues di a gana e promé wega di final

Skarlo ta spat invikto di Catpower ayeranochi na Cirilo Chirino Ballpark

TRAI SERU - Skarlo a presentá brabu i spat invikto di Catpower djabierne 10 di ougùstùs na Cirilo Chirino Ballpark ganando ku skor di 16-15. Skarlo a laga Catpower den tereno.
Robertico Ramazan èks Catpower tabata klave pa Skarlo bayendo di 3-3.
Den e otro wega Chincho Stars a dal Venezuela 13-0.

RESULTADONAN
Skarlo 16, Catpower 15
Skarlo a dal 18 hit i hasi 3 eror. Kenneth Ortega a gana i Robertico Ramazan a bati di 3-3. Emerick Agatha a bati di 2-2.
Edmar ‘Boy Motor’ Cornelia, Emerick Agatha, Alryson Rodriguez, Ericson ‘Jay Jay’ Martina. Eugene Antonia a bati un homerun.
Catpower a konektá 11 hit i
hasi 1 eror. Willem Felicia tabata e picher pèrdèdó. Remy Thielman, Sedeney Lourens i Johan Ciclia a bati di 1-1.
Silvio ‘Suli’ Cruz a bati 2 homerun.

Chincho Stars 13, Venezuela 0
Chincho a dal 15 hit i hunga sin eror. Raylison Gijsbertha a gana i Shanon
Kleinmoedig a bati di 3-3. Rivien Elisabeth i Raylison Gijsbertha a bati un homerun.
Venezuela a dal 3 hit i hasi 6 eror. Enrique Madera a pèrdè. Nestor Herera i Jezus Gonzales a bati di 2-1.

Kooyman ta gana Building Depot i pasa pa e gran final kontra CITCO

SANTA MARIA - Kooyman a gana Building Depot 4-1 i pasa pa final kontra CITCO. E final lo ta un serie mihó di tres. Den e otro wega Nos Goso ta dal Treasure New Era 7-1.
Tabatin un públiko grandísimo atrobe na Frank Curiel Ballpark.

RESULTADONAN
Kooyman 4, Building Depot 1
Kooyman a dal 5 hit i hunga sin eror. Valerie Stins a gana i Susmaline Rifaela a bati di 1-1.
Building Depot a bati 5 hit i hasi 6 eror.
Merugia Cathalina a pèrdè i Brunaila Felipie a bati di 2-2.

Nos Goso 7, Treasure New Era 1
Nos Goso ku 7 kareda den di 4 inning ta gana Treasure New Era ku skor di 7-1.
Nos Goso a dal 8 hit i hasi 2 eror. Carlientje Cleopha a gana i Ivette Ansterijn a bati
di 2-2.
Treasure New Era a konektá 6 hit i a hasi 6 eror.
Carine Fluonia a resultá e picher pèrdèdó i e mes a bati di 2-2.

CITCO den e gran final di The Champions League

E kampeonato di The Champions Softball League ta kontinuá ku Kooyman kontra Building Depot

SANTA MARIA - E kampeonato di The Champions S.B.L. ta kontinua djabièrnè ku 2 wega na Frank Curiel Ball Park. Pa 7.30 pm den wega komersial femenino ku sigur lo bai hala masha hopi atenshon mes lo ta e wega di Building Depot
kontra di Kooyman. E ganadó di e wega aki lo pasa pa e gran final djadumingu awor kontra di CITCO den un serie di miho di 3.

Pa 9'or pm lo bai tin otro wega interesante ora ku Nos Goso Malta Amstel enfrentá Treasure New Era pa determiná ken ta pasa na prome luga den e kampeonato di The Champions S.B.L.

Chape Bernardus i Sherry Howell

Weganan di djadumingu 12 di ougüstüs
12.45 : Rising Trotters kontra di Treasure New Era
14.30 : CITCO femenino lo enfrentá e ganadó di e wega di Building Depot i Kooyman den e prome wega di gran final komersial
femenino den un seri di mihó di 3.
16.00 : Nos Goso Malta Amstel kontra di The Warriors.
E weganan lo ta na Frank Curiel B.P. Lo bai tin un dushi ambiente ku hopi animashon den publiko.
Un i tur ta keda invitá pa presensia e weganan

Catpower ketu bai invikto den Liga Trai Seru 2007

TRAI SERU - Catpower, doñonan di tereno di Liga Trai Seru ta sigui invikto den e liga.
Djabièrnè i djasabra nan a gana i nan tin 13 wega ganá i 0 pèrdí.
Skarlo ta na di dos lugá ku 9 wega gana i 2 perdi.
Awe nos tin stènding, sifra i resultadonan di siman pasá di Liga Trai Seru.

STENDING LIGA TRAI SERU
Ekipo Ganá Pèrdí
1. Catpower 13 0
2. Skarlo 9 2
3. Bombers 8 3
4. Gamers 7 5
5. Bad Boys 6 5
6. Carpatula 6 7
7. Padres Amstel 5 7
8. Chincho Stars 3 9
9. Venezuela 2 11
10.Speedy 1 11

BATEO
Jair Josepha (Catpower) .656
Silvio Cruz (Catpower) .647
Wendell v/h Kruys (Catpower).633
Arthur Kops (Bad Boys) .591
Ivar Martis (Gamers) .571
Juan Fernandez
(Venezuela) .549
Lindzy Maccow (Bad Boys) .548
Patrick Elizabeth (Chincho Stars) .520
Ely Batista Skarlo) .500


Catpower invikto den Liga Trai Seru...

Citco ta gana Kooyman i pasa pa final di The Champions League Komersial

SANTA MARIA - Dilanti un gran públiko i hopi animá Citco femenino ta gana di Kooyman 5-2 pa pasa pa e gran final. Tabata den di 5 ining ku Citco ta anotá 3 kareda pa bai ku e viktoria. Kooyman tin ku bai hunga awor kontra di Building Depot e próksimo djabièr-nè pa wak ken ta bai enfrentá Citco den e gran final den un ‘best of three.’

Den Komersial Femenina ekiponan a terminá: CITCO, Kooyman, MCB i Building Depot.
Den Maskulino Dok ta na kabes siguí pa BAB, Building Depot i CITCO.
Play-off ta start djabièrnè awor.

CITCO 5, Kooyman 2
Citco a dal 3 hiti hasi 2 eror.
Sharine Richardson a gana. Solange Soliana i Shawnis van de Burg a bati di 2-1.
Kooyamn a dal 3 hit i hasi 4 eror.
Ignaldaly Garcia a pèrdè i Ruthmila Garcia a bati di 2-2. Tatiana Betorina a bati di 2-1.

Citco den final di The Champions League Komersial Femenina.

OTRO WEGANAN
The Champions 7, Nos Goso 2
The Champions a dal 7 hit i
hasi 2 eror. Sherry Howell a gana i Janet Iltes a bati di 3-2. Bernadita Geerman tambe a bati di 3-2. Bernadita Geerman a bati un
homerun. Nos Goso a bati 7 hit i hasi 2 eror. Jadira Pietersz a resultá e picher pèrdèdó i Asila Finies i Edisona Valies a bati di 2-2.

Cicoza ta gana Jandoret i Sigi Gosa den Liga Un i Tur

POST 6 - Liga Un i Tur a sigui siman pasá ku varios wega. Cicoza kampion 2005 i 2006 a destaká siman pasá ku dos viktoria i ta number unu den Liga Un i Tur.
Djasabra nan a gana Jandoret ku skor di 26-16 i djadumingu nan a Sigi Gosa 11-4.
Terremaster ku a sali number tres temporada pasá a pèrdè dos wega den wikènt.

RESULTADONAN
Djasabra 4 di ougùstùs
Cicoza 26, Jandoret Raiders 16
E ekipo Cicoza a bati 23 hit i nan a kometé 3 eror.
Kenrick Hellement tabata esun ku a gana, miéntras Eugene Martijn a bai komo e mihó na bate ku 6-5.
Edmar Cornelia i Jair Quant a konektá un bataso di kwater skina kada un..
Jandoret Raiders tabatin 19 hit i nan a hasi 8 eror. (Muchu eror)
Norman de Roon a bai ku e derota i Jair Josepha a bati di 4-3.
Dayron Matrona i Ludwig Pietersz tambe a bati di 4-3.
Ludwig Pietersz a konektá 3 homerun.
Jair Josepha dos i Dayron Matrona unu.

Cicoza number unu den Liga Un i Tur

Sigi Gosa 9, Pepina 2
Sigi Gosa tabatin 9 hit i nan a hasi 3 eror.
Jose Obispa tabata e picher ganadó, miéntras Giovanni Isebia a bai di 2-2.
Werndell v/h Kruys a konektá un homerun.
Pa Pepina 6 hit i 3 eror.
Darsy Martina a pèrdè i Kenneth Marta a bai di 3-2.

Steen ta gana Ki wega Tin 9-7 i bira kampion Torneo Zwijndrecht

ZWIJNDRECHT - Ku picheo di Mayan Lucas Steen a bira kampion di e torneo. Chaly Merite di e ekipo Ki Wega Tin tambe a tira bon pero ela resultá e picher pèrdèdó. No tabatin homerun den e wega kontrali na informashon ku nos a risibi for di un miembro di Steen via e website, softballcuracao,com.Mayan a sali mihó picher di torneo ku algun wega gana sin pèrdè niun wega. Hungadó mas balioso di e torneo tabata Julius Veeris di Steen,lider di homerun a resultá Chaly Merite di Ki WEGA tin.
Di tres luga a sali e ekipo di Attack ku Hensley Geraud etc ku a gana e ekipo di de ‘DE PEST’ Ekipo di Buena Vista na Hulanda ku entre otro Ten Schoop i Elio 'Oyo' Kirindongo. Steen a gana ekipo di Buenavista ku yama ’ DE PEST’, gana e Dominicano nan i Dordrecht pa jega final. Ki Wega tin a gana Paramira 19-4, gana S Rotterdam 18-2 i gana ATTACK 11-0 pa yega final.
Parse ku ekipo Steen a dal masha hopi homerun den e partidonan bayendo final pero no den e partido final.

Ekipo Ki Wega Tin, sup-kampion Torneo Zwijndrecht !!

Steen kampion Torneo Zwijndrecht

ZWIJNDRECHT - Softballcuracao.com a risibí e informashon ku Steena bira kampion di e Torneo di Zwijndrecht ku a finalisá djadumingu dia 5 di ougùstùs.
Nos a tende ku Steen a bati mas ku 20 homerun den final pa ruim op e ekipo Ki Wega Tin di Raul Baranco i kompania. Nos ta pendiente pa un informashon ofishal di e torneo aki.

Algun pelotero di Steen, Julius Veeris, Sidney 'Mayan' Lucas, Yencey Eisden i otronan. Nos a tende ku nan a ruim op Ki Wega Tin di Baranco, Copra, Nestor Clemencia, Alexander ets.

Resultado Liga van Engelen djadumingu 29 di yüli

VAN ENGELEN - Den e kampionato di Liga Van Engelen durante e wikènt ku a pasa, tabatin manera nan ta yama na kareda di kabai, Merkado Libre.
Tabatin 3 nòkout i un kasi nòkout.
Faboritonan no a hasi fout i nan a gana fasilmente.

Den e promé wega Uniko ku Guus Barhorst riba montíkulo ta pasa fásilmente riba Lions ku skor di 20 pa 8. Ku tur e karedanan aki no tabatin homerun.

Den e di dos wega Dalpega ta vlúr Quisqueya 19 pa 8. Bitorina ta destaká pa Dalpega ku 3 homerun. Abigail Vilchez ku ta bèk ku Dalpega tambe tabatin un homerun kilométriko.

Baranka tampoko ta pifia kontra Crazy Tigers. Dugel Adriana ta drecha su averahe batiendo 3 hit den 3 turno inkluyendo un homerun. Stanley Palm den kousa pèrdí ta konektá un homerun pa Crazy Tigers.

Denley Marten di 4-4 pa Navegantes

Catpower a dal Swift 5-2 den kontinuashon di Liga 40

VAN ENGELEN - Catpower a gana Swift 5-2 djaweps 26 di yüli den kontiuashon di Liga 40. La Prensa Slowpitch ta risi-biendo e resultadonan di Liga 40 poko lat.
Lions a pèrdè tantu dia 26 i yüli komo dia 31 di yüli

RESULTADONAN
Djaweps 26 di yüli
Catpower 5, Swift 2
E ekipo Catpower a konektá 9 hit i nan a hasi 1 eror.
Michelangelo Boekhoudt a gana, miéntras Sidney di Windt a bai di 2-2.
Wendell v/h Kruys tambe a bati di 2-2.
Pa Swift 3 hit i 3 eror.
Hubert 'Manolo' Gomez a pèrdè i e mes a bai di 1-1.

Rising Trotters 9, Lions 6
Rising Trotters tabatin 12 inkogibel i nan a kometé 1 eror.
Rudsel Petronilia tabata e ganadó, miéntras Arthuro Franka a bai di 2-2.
Gilbert Kleinmoedig tambe a bai di 2-2.
Lions tabatin 7 hit i nan no a hasi eror.
Gilbert Makaya a pèrdè i Robertico Ramazan a bai di 2-2, inkluyendo un homerun.
Tyronne Minguel tambe a konektá un homerun.

Gamers ta nòkout Skarlo 18-8 i Catpower ta dal Carpatula 12-8

Gamers a presentá brabu ayera i suta Skarlo sin kompashon ku skor di 18-8 djabièrnè, 3 di ougùstùs 2007 anochi Gamers a skor 8 kareda den kabes di di 5 inning ku e skor 10-8 i pone e wega riba nòkout. Henter e wega Gamers tabata dilanti. Den otro wega Catpower ta gana Carpatula ku skor di 12-8. Liga Trai Seru ta sigi awe ku tres wega.

Gamers 18, Skarlo 8
Gamers a dal 20 hit i hasi 3 eror. Sharlon Hanst a gana i Ryan Hollander a bati di 4-4. Ivar Martis tabatin un homerun pa Gamers.
Skarlo a dal 9 hit i hasi 4 eror. Nervin Brunken tabata e picher pèrdèdó i Elly Baptista a bati di 3-2.


Catpower 12, Carpatula 8
Catpower a dal 8 hit i hunga impekabel. Luis Alcantara a gana i Raydel Isabella a bati di 2-2. Silvio Cruz tabatin un homerun.
Carpatula a bati 11 hit i hasi 3 eror. Angel Brunken tabata e picher pèrdèdó i e mes a
bati di 2-2. Abigail Vilchez i Gilbert Juliet tabatin un homerun.

Bombers di 4 lugá den torneo na Boneiru

KRALENDIJK - Wikènt di 28 i 29 di yuli Bombers tabata na Boneiru den un torneo interinsular. Bombers a terminá number kuater debí na diferente faktor. Awaseru tabata kai sin fin. Tabatin ‘Rain Delay’ di mas ku 4 ora i mei. Jolly Juliana tabata sentro di atenshon atrobe na Boneiru.
Noord Salinja Braves a gana e torneo aki pa di dos aña sigi.
Nan a bini ku nan bate matonnan (segun hungadónan di Bombers) i ruim op tur ekipo. Bombers tambe a haña serka Noord Salinja Braves.
Edwin ‘Edichi’ Martina tabata den gran forma. Ela tira un no hit no run. Por poko e no hit no run ei tabata wega perfekto, pero debi na erornan di Jolly Juliana i Sommer e wega perfekto a kai. Ke men Jolly tabata showman den eror tambe.

Ekipo Ki Wega Tin rumbo pa e titulo djadumingu awor na Zwijndrecht

Softballcuracao.com a risibí mas informashon di e ekipo Ki Wega Tin. E fuerte ekipo aki ta desidido pa bai ku e título djadumingu awor den e torneo na Zwijndrecht.
Ta solamente 8 ekipo a sobra i awor ta stail di dal saka.
Nos tin tur e nòmbernan di esnan riba potrèt di ekipo Ki Wega Tin.


Di robes pa drechi sinta Gino Alexander, Robertico (Tico) Hanssen (Hungado di Santa Maria Dobel A), Paco Merite, Chaly Merite, Raul Baranco, Dudi Profar, Luigino Domacasse

Pará
Malyson Katalina, Danielo Sanchez ( hungado di Neptunes), Frank Koeiman, Signald Pas, Dwight Alexander (yu di Den Den Alexander) Patrick Backmeijer (yu di reshershi bakmeyer na korsou), Nestor Clemencia, Jonathan Kopra i Yen.

Nos Por ta gana Creation 9-4 den Liga Streanan di Ayera

MUIZENBERG - Liga Streanan di Ayera a kontinuá siman pasá na Little League Ballpark ku varios wega.
Den e promé wega djabièrnè anochi, Nos Por a demonstrá ku nan por i a gana Creation ku skor di 9-4. Djadumingu tambe tabatin dos partido.

RESULTADONAN
Djabierne 27 di yüli
Nos Por 9, Creation 4
Nos Por a bati 14 hit i hasi 1 eror. Soraida Maduro a gana i Shurley Casper a bati di 2-2. Soraida Maduro tambe a bati di 2-2.
Creation a dal 7 hit i hasi 2 eror. Sherda Frey a resultá e picher pèrdèdó i Nathaly Forester a bati di 1-1.

Destiny 10, The Golden Gloves 9
Destiny a dal 10 hit i hasi 3 eror. Julia Holder tabata e picher ganadó i Soyla Dongo a bati di 3-2. Deganiera Clarinda tambe a bati di 3-2.
The Golden Gloves a konektá 10 hit i hasi 2 eror. Aileen Servania a pèrdè i Angeli Clarenda a bati di 2-2.