Lions ta dal Swift saka for di play-off Liga 40

VAN ENGELEN - Lions ku ta eliminá a presentá fuerte ayera i gana Swift ku skor di 7-5 i asina saka Swift for di play-off Liga 40.

Swift tabatin mester di un viktoria den e último wega di play-off Liga 40 ku a tuma lugá ayeranochi na Suvek Ballpark.Ku un viktoria Swift lo a forsa un tripel empate, Lions ku picheo di Guus Barhorst ta gana e wega.

NUMERITONAN
Lions a nota na 7 okashon bati 7 hit i hasi 4 eror. Guus Barhorst a gana i Candido Adamus a bati 3-2.
Swift a bati 6 hit i hunga sin eror. Victor Silverio a perde i Julien Ignacio a bati di 1-1. Victor Silverio tambe a bati di 1-1. Edward Martis tabatin un homerun pa Swift.

PLAY-OFF
Play-off ta start djamars 30 di oktober 2007 na Suvek Ballpark. Ekiponan ku a klasifika ta 1. Catpower, 2. Baranka, 3 Rising Trotters i 4. Jaws.
Catpower lo Sali kontra Jaws mientras Baranka lo enfrenta Rising Trotters.

Nos Goso Kampion Torneo Amistad

MUIZENBERG - Nos Goso a gana Nos Por ku skor di 3-2 i bira kampion di Torneo Amistad organisa pa Liga Streanan di Ayera.
Ekiponan ku a partisipá den e torneo tabata The Old Young Ones i Nos Por di Liga Streanan di Ayera, i Nos Goso i Treasure di The Champions League. E ekipo kampion di The Champions League, The Champions no por a partisipa debi na otro kompromisonan.
E wega final tabata realmente perta. Ku base yen ku dos out den ektra inning, Murielle Avastia ta konekta hit pa left kontra di Minerva Maduro pa Nos Goso laga Nos Por den tereno.
Marlene Obispo tabata sumamente kontentu kon e torneo a kana. Tabata un torneo pa drecha e lasonan di amistat entre The Champions League i liga Strenana di Ayera, dos liga di Softbol Veterano Femenina.
E Torneo e resulta un eksito rotundo.


NUMERITONAN
Nos Goso a nota na tres okashon bati 10 hit i hasi 3 eror. Sheryy Howell a gana i Edisona Valies a bati di 3-2. Zanette Toppenberg - Isebia tambe a bati di 3-2.
Nos Por a dal 6 hit i hasi 1 eror. Minerva Maduro tabata e picher pèrdèdó tirando un gran wega. Anoushka Beker a bati di 3-2.

Swift ta gana un wega di Buena Vista Power, Dalpega i Baranka ta split

VAN ENGELEN - Swift a gana Buena Vista Power ku skor di 10-5 ku bon picheo di Juan Cicilia.
E di dos wega entre Swift i Buena Vista Power a keda suspendé debí ku a bira muchu lat.
E serie entre Dalpega i Baranka a split, tur dos tim a gana un wega.
Dalpega a gana e promé wega 14-7 miéntras Baranka despues di tabata pèrdí kasi henter wega number dos ta bòns bèk i gana 18-17 di Dalpega.

Play-Off Liga van Engelen ta sigui djadumingu 28 di oktober na Suvek.
Swift lo enfrentá Buena Vista Power den e promé wega, despues lo hunga Baranka - Dalpega.


Dalpega 14, Baranka 7
Den e promé wega di djadumingu mainta entre ekipo number 3 (Baranka) i Dalpega number 4 ta bai fásil pa Dalpega.
E ekipo Dalpega a bati 18 hit i nan a hasi 3 eror.
Jose Obispa tabata e picher ganadó, miéntras Eugene Martijn a bati di 5-4.
Tyronne de Palm a konektá un homerun. Baranka tabatin 6 hit i nan a kometé 7 eror.
Kenrick Hellement tabata e pèrdèdó.
Mayron Martinus i Gregory Reina a bai di 4-2.
Edmar Cornelia i Gregory Reina a konektá un homerun.

Veteranos i Domi ta gana un wega den e gran final

ZAPATEER - E gran final di Liga Amistad a tuma lugá djadumingu 21 di òktober na Ricardo Elhage Ballpark.
Domi a nòkout Veteranos den e promé wega, miéntras Veteranos a bira pone bèk pa Domi.
Domi a gana promé wega 13-3, despues Veteranos ta gana wega number dos ku skor di 24-13. E wega finalísimo lo tuma lugá djadumingu 28 di òktober 2007, 2’or pm na Zapateer.


Djadumingu 21 di òktober
Domi Nature Valley 13, Veteranos San Marco 3
E ekipo Domi Nature Valley a bati 11 hit i nan a hasi 2 eror.
Ellerick Rodriguez tabata esun ku a bai ku e viktoria i Ian Ignacio a bati di 2-2.
Shurandy Lourens a konektá 2 homerun.
Dave Kirindongo, Farley Kip, Dayron Matrona i Kuernel Adelina a konektá unu.
Veteranos San Marco tabatin 6 hit i nan a hasi 3 eror.
Albertico Isenia a sufri e derota i Mayron Martinus a bai di 1-1.
Robertico Ramazan i Mayron Martinus a konektá un bataso di kwater skina.

The Bears i Santa Rosa Memories ta pika dilanti den play-off Beisbòl Veterano

WILLEMSTAD – The Bears ta gana Yesterday 11-9 i Santa Rosa Memories ta derotá Azucar 6-5 den e promé serie di play-off semifinal Beisbòl Veterano djadumimgu ultimo na Vi Jansen Ballpark.
Un bon publiko a mira e dos weganan ku tabata hopi pèrtá. Weganan ta sigi e siman aki na Tio Daou Ballpark.

The Bears 11, Yesterday 9
The Bears a dal 11 hit i hasi 3 eror. Persey Schoop a gana den relevo pa Deron Clara. Jeffrey Martina i Wendell Brigitha a bati di 4-2. Yesterday a konektá 13 hit i hasi 3 eror.
Erwin Curial tabata e picher pèrdèdó i Ricardo ‘Junny’ Osepa a bati 4-4. Ruvio Kook a bati di 3-3. Yesterday a usa 4 picher, Sha Moesker, Fitzgerald Pieter, Erwin Curial i Frensel Petronilia.

Catpower i Bombers ta pika dilanti den play-off semi-final Liga Trai Seru

TRAI SERU Play-off semi-final Liga Trai Seru a start djasabra, 20 di òktober na Cirilo Chirino Ballpark.
Den e promé wega Catpower a gana Carpatula pèrtá ku skor di 9-8 ku tremendo relevo di Johan Cicilia.
Den wega number dos Bombers ku bon picheo di Kenny Hellement ta gana Skarlo ku skor di 8-2.
Weganan ta sigui djarason na Cirilo Chirino Ballpark entre e 4 ekiponan ariba menshoná.

Play-off Final Liga Amistad djadumingu 21 di òktober entre Veteranos i Domi

ZAPATEER - Play-off Final Liga Amistad lo hunga djadu-mingu awor na Ricardo Elhage Ballpark entre Veteranos i Domi.
E weganan lo tuma lugá 12’or i 2’or. Si ta nesesario lo hunga e wega finalísimo otro siman djadumingu.
Veteranos San Marco tin un ‘Dream Team’, miéntras Domi a presentá ku varios hungadó di nòmber den e play-off final.
Awe nos tin e premionan di Liga Amistad.

PREMIONAN
Kampion kampionato Regular: Veteranos San Marco;
Ekipo mas disiplina: Magic Softball Team;
Kampion Bate: Matias de Leon (Arpo);
Lider Homerun:Norvaniel Aniceta (GGD);
Mihó picher: Albertico Isenia (Veteranos).
E ekipo Arpo a keda na di tres lugá.
Despues di final lo saka e MVP, ekipo kampion i supkampion.

Augusta a forfeit e wega na fabor di Catpower

TRAI SERU - E notorio wega entre Catpower i Carpatula kaminda Vernon Delanooi di Carpatula a agredí
umpire Augusta a keda ganá pa Catpower ku skor di 7-0.
Umpire Augusta a forfeit e wega konforme regla 5 sekshon 3 lèter E.
E hungadó di Carpatula Raul Hernandez ku a keda ekspulsá den mesun wega a risibí 2 wega di kastigu.
Lo traha rapòrt kontra Raul Hernandez i lo evaluá kuantu wega mas e mester sinta.
Carpatula tin rekòrt di 2-2.

Catpower ta dal Bombers 15-7 i ta klasifiká number unu den Round Robbin Liga Trai Seru

WILLEMSTAD - Willem ‘ Wim’ Felicia tabata den gran forma ayera atrobe pa Catpower gana Bombers 15-7 den Round Robbin Liga Trai Seru. Catpower a konektá 7 homerun pa pasa relativamente fásil riba Bombers.
Te den último inning e wega tabata 15-2 na fabor di Catpower.
Bombers ta reakshoná ku 5 kareda den nan último chèns pero nan ta keda kòrtiku i e wega ta bin terminá 15-7 hungado 5 inning kompletu.

NUMERITONAN
Catpower a nota 15 kareda, bati 13 hit i hasi 1 eror. Wim Felica a gana i Jair Josepha a bati di 2-2. Jerry Poulina tambe a bati di 2-2.
Jair Josepha, Dave Kirindongo i Mayron Wijman a bati 2 homerun. Remy Thielman tabatin un homerun.
Bombers a bati 8 hit i hasi 2 eror. Hubert Gomez tabata e picher pèrdèdó i Eldred ‘Jolly’ Juliana a bati di 3-2.

Catpower ta terminá kampionato 2007 di Liga 40 invikto

Catpower a terminá kampionato regular di Liga 40 (2007) invikto. Nan a gana baranka dia 16 ultimo.
Nos tin tur e weganan ku Catpower a gana e temporada aki.

FECHA G/P VS KLUP S K O R
19 YUL G JAWS 8 7
26 YUL G SWIFT 5 2
07 OUG G EXITO 13 2
16 OUG G LIONS 14 0
23 OUG G BARANKA 11 3
28 OUG G R. TROTTERS 7 1
30 OUG G Q-RANGERS 12 6
04 SEP G Q-RANGERS 11 7
06 SEP G R.TROTTERS 11 1
18 SEP G JAWS 8 2
25 SEP G LIONS 22 2
02 OKT G SWIFT 9 4
11 OKT G EXITO 29 1
16 OKT G BARANKA 6 3

Sifra Catpower Liga 40 te ku dia 16 di oktober 2007

LIGA 40 - KAMPEONATO 2007
S.B.C. CAT POWER
PROMEDIO DI BATIMENTU INDIVIDUAL I KOLEKTIVO

NOMBER H U N G A D O TB H HR PROM.
RICHINEL RAFAELA 1 1 0 1.000
JOZEF MARTINA 1 1 0 1.000
RUDSEL POULINA 6 4 1 0.667
SHERMAN LEONORA 27 15 5 0.556
ROQUE BERNADINA 2 1 0 0.500
NELSON JAKOBA 2 1 0 0.500
SEDENEY LOURENS 20 10 3 0.500
SIDNEY DE WIND 29 14 0 0.483
SHARLON LOUISA 30 14 3 0.467
WINSTON KIRINDONGO 37 17 7 0.459
NORWIN MOESQUIT 29 13 1 0.448
REINALDO CASIMIRI 18 8 1 0.444
MICHIEL DE ROON 43 18 0 0.419
WENDELL V/H KRUIS 32 13 3 0.406
RICHINEL ISABELLA 21 8 3 0.381
MICHAEL BITORINA 16 6 2 0.375
WILEM FELICIA 8 3 0 0.375

Softballcuracaocom ku sifra di kasi tur liga

WILLEMSTAD – Softballcuracao.com den futuro lo tin sifranan up to date di tur liga I sifranan individual di tur hungado pa loke ta trata sifranan di ekipo.
E sifranan up to date aki ta danki na koperashon di Julio ‘Maracucho’Hellburg ku ta e motor tras di e arbitrahe i sifra den Sòftbòl Slowpitch.

Sifras Liga 40 (Sòftbòl Veterano 40 +)

WILLEMSTAD - Despues di weganan di dia 16 di oktober 2007, faltando apenas algun wega pa e kampionato termina, Softballcuracao.com tin e sifranan di ekipo i individual.

KAMPEONATO REGULAR 2007


N O M B E R DI K L U P WH WG WP PROM. K.K.
1. S.B.C. CAT POWER 14 14 0 1.000 41
2. B.M.K. BARANKA 13 11 2 .84 67
3. S.B.C. RSNG TROTTERS 14 7 7 .500 77
4. S.B.C. JAWS 13 6 7 .462 95
5. S.B.C. Q-RANGERS 14 6 8 .429 115
6. S.B.C. SWIFT 12 5 7 .417 86
7. S.B.C. LIONS 12 3 9 .250 106
8. S.B.C. EXITO 12 0 12 .000 165
-------------------
TOTAL 104 52 52
=================

PROMEDIO DI BATIMENTU INDIVIDUAL
= 27 T.B = 450

N O M B E R K L U P TB HIT PROM.

SHERMAN LEONORA CAT POWER 27 15 .556
RILEY TOPPENBERG JAWS 28 15 .536
GIOVANNI TOPPENBERG JAWS 31 16 .516
CEDRIC CURIEL BARANKA 30 15 .500
SIDNEY DE WINDT CAT POWER 29 14 .483
SHARLON LOUISA CAT POWER 30 14 .467
FRANSJE LAMBERTINA JAWS 30 14 .467
RANDALL V. LAMOEN SWIFT 30 14 .467
WINSTON KIRINDONGO CAT POWER 37 17 .459

Catpower ta bapuliá Exito formal 29-1 den Liga 40

VAN ENGELEN - Liga 40 a kontinuá siman pasá na Suvek. Catpower faborito pa bira kampion e aña aki den Liga 40 a bati Exito formal ku skor di 29-1. Catpower tin un ‘Dream Team’ den Liga 40 ku varios hungadó di nòmber.
Liga 40 ta sigui mayan ku dos wega na Suvek.

Djaweps 11 di òktober
Catpower 29, Exito 1
E ekipo Catpower a bati 28 hit i nan a hunga impekabel.
Norman de Roon tabata e picher ganadó i Winston Kirindongo a bai di 4-4.
Sedeney Lourens a konektá 2 homerun i Sharlon Louisa i Michael Betorina a konektá unu.
Exito tabatin 1 hit i nan a kometé 7 eror.
Edsel Celestina tabata e pèrdèdó i Ushley Kirindongo a bai di 2-1.

Baranka 6, Lions 3
Baranka a bati 10 hit i nan a hasi 4 eror.
August Nahr a gana, miéntras Albert Pieternella a bati di 2-2.
Eithel Merselina a konektá un bataso di kwater skina.
Lions a bati 5 hit i nan no a kometé pifio.
Clifford Makaya a pèrdè i Rignald Mercelina a bai di 1-1.

Jaws Winterfresh ta gana Flamboyan den play-off Liga 50

TRAI SERU - Jaws ku picheo di Papachi Heyman ta gana Flamboyan ku skor di 12-8 den play-off Liga 50 di Softbol Slowpitch.
Echi Toppenberg tabata bon na bate bayendo di 1-1. Weganan ta sigui djasabra awor na Cirilo Chirino Ballpark

Jaws 12, Flamboyan 8
E ekipo Jaws a bati 8 hit i nan a kometé 2 eror.
Papachi Heyman a gana, miéntras Echi Toppenberg a bai di 1-1.
Pa Flamboyan 9 hit i 5 eror.
Eithel Brunken a pèrdè, miéntras Eric Brunken i Stanley Landburg a bai di 3-2.

Gamers ta derotá Padres 16-8 den Round Robbin Liga Trai Seru

TRAI SERU - Gamers a dal Padres ayera fásil ku skor di 16-8 ku bon picheo di Martin Eustatia i bateo di Randy Kirindongo.
Gamers tabata gana fásil 8-0. Padres ta reakshoná fuerte i hasi e wega 8-7 den un inning. Finalmente Gamers ta bin bèk fuerte i habri e wega for di otro.

NUMERITONAN
Gamers a nota 16 kareda, bati 18 hit i hasi 3 eror. Martin Eustatia a gana i Randolph Kirindongo a bati di 3-3.
Renato Anasagasti, Julien Ignacio i David Hoogenbergen a dal un homerun. Randolph Kirindongo a dal dos homerun.
Padres a skor 8 kareda, bati 11 hit i hasi 2 eror.
Gerald Mathilda a pèrdè.
Raylon Francisca, Charles Daal i Dudley Felicia a bati di 3-2.
Merieldo Trinidad tabatin un bataso di kuater skina.

No tin fecha eksakto pa start ku Sòftbòl Fastpitch

WILLEMSTAD - Curacaose Softball Bond no tin fecha ainda pa start ku e kampionato Fastpitch.
E komishon enkargá ku Sòftbòl Maskulino Fastpitch lo reuní ku ekiponan despues di e siman aki.
Varios dirigiente ta den eksterior en konekshon ku e siman di fakansi di skol.
Manera tabata e kaso aña pasá CSB ta pendiente di 6 ekipo ku lo tuma parti na e kampionato.

Treasure tambe ta gana The Old Young Ones den Kopa Amistad

WILLEMSTAD - E ekipo ‘To Beat’ den Kopa Amistad, the Old Young Ones ta pèrdè dos wega siguí.
Despues di e pèrdè djabièrnè ku skor di 14-0 kontra Nos Goso, The Old Young Ones ta pèrdè 7-5 kontra Treasure.
Djadumingu tabatin otro sorpresa. E ekipo Nos Por ta sorprendé Nos Goso ganando 5-4. Minerva Maduro tabata grandi atrobe saliendo picher ganadó di e wega.
RESULTADONAN
Treasure 7, The Old Young Ones 5
Treasure a dal 9 hit i hunga sin eror. Carine Fluonia a gana i Marlyn Martes a bai di 1-1.
Joyce van het Kruys, Ruthmila Rasmijn i Marilyn Martes a bati homerun.
The Old Young Ones a dal 8 hit i hasi 3 eror. Mildred Berenstein a resultá e picher pèrdèdó i Patricia Saturnino i Ximara Poulina a bati di 3-2.
Patricia Saturnino tabatin un homerun.

Suffisant Eagles ku tremendo torneo internashonal di Sòftbòl Fastpitch

WILLEMSTAD E ekipo Suffisant Eagles pa di tres aña siguí ta organi-sá un Torneo internashonal di Sòftbòl Fastpitch na Cirilo Chirino Ballpark.
4 Ekipo di Kòrsou i dos ekipo di Aruba lo partisipá den e tremendo torneo aki.
Aña 2005 i 2006 e torneo tabata un éksito rotundo ku e ekipo Royal Power birando kampion.

Kòrsou lo keda representá pa Suffisant Eagles, Harlem Power, Survivors i probablemente Carpatula.
Royal Power i Guess Power lo ta e ekiponan di Aruba ku ta den e torneo.
Segun informashon ku nos tin ta indiká ku Aruba lo tin un selekshon di Fastpitch Femenina ku lo bai midi forsa ku e ekipo super kampion di Sòftbòl Femenina di Kòrsou, Pichingolo.

Eagles Softex ta gana the One den Sòftbòl Dòbel A

ZAPATEER - Eagles Softex a gana The One despues di dos ‘Tie Break’ ku skor di 5-3 djaweps dia 4 di òktober na Sabana Ballpark.
E wega tabata empatá te den di 5 inning ku sor di 3-3.

Eagles tabatin 5 kareda, 6 hit i 2 eror. Jetsely Helmijr a gana i Amarisca Hooi a bati di 4-3.
The One a nota na 3 okashon bati 6 hit i hasi 5 eror. Ruthmaye Boelijn a resulté e picher pèrdèdó i Solange Beaumont a bati di 3-2.

Play-off Comishon Pro Softball Organiza a kontinua na Aruba wikent 29 i 30 di september

ORANJESTAD - Play off di Comision Pro Softball Organiza a continua.
Universal Trophy ta bons bek i ayeranochi mester tabatin un wega desisivo. Jaguars ta gana Digicel Devils 4-3.
E tremendo campeonato di Comision Pro Softball Organiza ta den su fase final. Un campeonato bon hinka den otro cu alrededor di 130 wega hunga awor ta den trayectoria di playoff pa determina campeon den kada liga. Den dobble-A esaki ya ta conosi cu Royal Power a sweep Gess Power 3-0 den best out of five pa titula campeon. Den A-Clas sinenbargo Universal Trophy ta forza un wega mas. Despues di tabata atras 2-0 den e serie a reaciona y a manda bisa Accountant Kantoor Arrindell bay cas bek cu tur e champagne cu nan a trese veld diadomingo na Calabas y bin bek diaranzon na Kudawecha cunan y bin purba boso suerte.

Buena Vista Power kontra Dalpega djadumingu 4’or na Suvek

VAN ENGELEN - Play-off Liga Van Engelen ta start dia 14 di òktober.
Buena Vista Power kontra Dalpega djadumingu awor na Suvek Ballpark
Buena Vista Power ku tin rekort di 14 ganá i 4 pèrdí lo enfrentá Dalpega djadumingu awor na Suvek Ballpark.

Buena Vista Power mester gana e wega aki pa empatá na puesto number 2 ku Baranka Napa Auto Parts.
Baranka tin rekòrt di 15-4 i a hunga tur nan weganan di kampionato regular.
Play-off ta start dia 14 di òktober na Suvek Ballpark.

Liga Deseo di Streanan di Ayera ku Kopa Amistad 2007 na Little League Ballpark

MUIZENBERG - Liga Deseo di Streanan di Ayera ta organisá un torneo ku yama ‘Kopa Amistad’ ku lo bai entre dos ekipo di The Champions League i dos ekipo di Liga Streanan di Ayera. Pa The Champions League e ekiponan ta Nos Goso i Treasure i pa Liga Deseo di Streanan di Ayera e ekiponan lo ta The Old Young Ones i Nos Por.
Liga Streanan di Ayera kier trese un amistad i goso entre e Streanan di Ayera.
E liga ta invitá un i tur bin mira i gosa di e tremendo partidonan aki yen di goso, ambiente i amistad entre e ekponan aki.

SKEDJEL
Djabièrnè 5 di òktober
19.30 Nos Por - Treasure;
21.00 The Old Young Ones - Nos Goso.

Domi ta eliminá Nos ku Nos, Veteranos ta klasifiká pa final di Liga Amistad ku dos viktoria riba Arpo

ZAPATEER - Veteranos a gana Arpo dos biaha pa nòkout i klasifiká pa final di Liga Amistad pa di dos aña siguí. Domi supkampion di aña 2006 ta gana Nos ku Nos Botika Mampuritu dos biaha pa pasa pa semi-final. Domi i Arpo lo enfrentá otro dos biaha djadumingu, 7 di òktober 12’or i 2’or na Ricardo Elhage Ballpark.

RESULTADONAN
Domi Nature Valley 18, Botika Mampuritu 3
Domi a dal 13 hit i hasi 1 eror. Ellerick Rodriguez a gana i Dayron Matrona a bati di 3-3. Dayron Matrona a dal 2 homerun, Shurandy Lourens, Rodney Rodriguez i Kurnell Adelina a bati unu.
Botica Mampuritu a dal 5 hit i hasi 5 eror. Germaine Brunken a pèrdè i Derrel Evelina i Golbert ‘Bibi’ Gonet a bati di 1-1.

Veteranos San Marco 19, Arpo 4
Veteranos a dal 20 hit i hasi 1 eror. Willem Felicia a gana i Mayron Martinus di 4-4.
Veteranos a dal 7 homerun. Jair Josepha a dal 2 homerun. Ivar Martis, Mayron Martinus, Silvio Cruz, Remy Thielman i Orlando Rosina a dal un homerun.
Arpo a bati 6 hit i hasi 1 eror. Jose Marmol tabata e picher pèrdèdó. Enrique Madera, Jose Marmol i Fernando Rosario a bati di 1-1. Eldred Estanista i Juan Fernandez a konektá un homerun.

Flamboyan ta gana Lions 8-6 i Los Amigos ta pèrdè pa forfeit.

TRAI SERU - Liga 50 tambe a reanudá na Cirilo Chirino Ballpark despues di dos siman di sosiegu en konekshon ku torneo Creme de La Creme di Little League Beisbòl.
Flamboyan, ekipo di Rudy Brunken a sabi di gana Lions di Den Hartog ku skor di 8-6.
Los Amigos ta pèrdè pa defolt òf mihó bisá forfeit

Djasabra 29 di sèptember
Flamboyan 8, Lions 6
Flamboyan a bati 13 hit i nan a hasi 4 eror.
Eithel Brunken tabata e ganadó i Gilbert Celestina a bai di 2-2.
Pa Lions 7 hit i 3 eror.
F. Arrindell tabata e pèrdèdó i Henry Suarez a bai di 1-1.

Catpower i Bombers ta gana dos wega den Round Robbin di Liga Trai Seru

TRAI SERU - Catpower i Bombers, ekiponan kampion i supkampion aña pasá den Liga Trai Seru a gana dos wega den wikènt. Round Robbin di Liga Trai Seru a start djaluna 24 di sèptèmber i a sigui djabièrnè i djasabra na Cirilo Chirino Ballpark.

RESULTADONAN
Djabièrnè 28 di sèptèmber
Bombers 15, Gamers 3
E ekipo Bombers tabatin 15 hit i nan a kometé un eror.
Edwin Martina tabata e ganadó i Stanford Landburg a bai di 2-2.
Geronimo Daflaar a konektá un homerun.
Gamers tabatin 5 hit i nan a hasi 3 eror.
Martin Eustatia tabata e pèrdèdó i Sharlon Hanst a bai di 1-1.

Polis Kòrsou kampion den Sòftbòl entre Kuerponan Polisial

TRAI SERU - Polis di Kòrsou den tremendo demostrashon di Sòftbòl a gana e ekipo di Aruba pa medio di nòkout 13-0 den final pa asina bira kampion di Sòftbòl den e tremendo siman di Polis ku a start djabièrnè último.
Ayera tabatin un tremendo apertura den oranan di mainta siguí pa varios wega di Sòftbòl. Polis a gana Sint Maarten 9-8, derotá e ekipo di Sint Maarten atrobe den Semi-final 6-1 pa finalmente suta Aruba formal 13-0 den e gran final. Rigo Thode a gana e wega final miéntras Elston Simmons tabata tremendo na bate i den defensa.

Jandoret ta gana Santa Maria i bira kampion Torneo Sint Michael Mariners

BOCA SAMI - Jandoret Raiders a gana Santa Maria ku skor di 13-9 i bira kampion di e Torneo di Bario organisá pa Sint Michael Mariners na Boca Sami.
Jandoret a klasifiká pa semi-final ganando Sagitario Car Rental/ The Telephone Man.
Santa Maria 2 a gana Santa Maria 1 i klasifiká pa final.

Jandoret Kampion Torneo Boca, Raymy Pastor manager ta tuma premio den kompania di algun prospekto di Jandoret.