Mini Torneo Internashonal organisá pa Sòftbòl Klup Flamboyan

Di djabièrnè 30 di novèmber pa djadumingu 2 di desèmber ekipo di Sòftbòl Flamboyan lo organisá un tremendo Mini Torneo ku partisipashon di ekiponan di Kòrsou i Aruba.
Ekiponan di Liga 50 i Sòftbòl Femenina Veterano lo partisipá den e torneo.

SKEDJEL
Djabièrnè 30 di novèmber
19.30 Mi Deseo - Nos Goso
21.00 Budlight Hit Girls (Aruba) - The Old Young Ones

Jaws Winterfresh ta titulá kampion Torneo Flamboyan Liga 50

ZAPATEER - Jaws Winterfresh a bira kampion di e di '7 Torneo Flamboyan Liga-50’ djasabra, 24 di novèmber na Ricardo Elhage Ballpark.
Jaws a gana Marlins pèrtá ku skor di 5-3 den un tremendo partido.
Den e parti Komerisal Dok a sorprendé e ‘Dream Team’ di Licores Maduro ganando ku skor di 11-7.

RESULTADONAN
Djasabra 24 di novèmber
Jaws Winterfresh 5, Marlins 3
E ekipo Jaws Winterfresh tabatin 8 hit.
Rolando Heyman a gana i Giovanni Toppenberg a bati di 3-3.
Benigno Imperator tambe a bati di 3-3.
Marlins tabatin 7 hit.
Cliffort Macaya a pèrdè i Anthony Alexander a bai di 3-3.
Anthony Alexander a konek-
tá un homerun.

Flamboyan 4, GGD/Catpower 3
E ekipo Flamboyan a bati 8 hit.
Picher ganadó a resultá Robert Rock i Siegfried Brunken a bai di 2-2.
GGD/Catpower a bati 5 hit.
George Alberto tabata e pèrdèdó i Oswald Dalnoot a bai di 3-1.
Minguel Walle, Raymond Mari, Lucien Oehlers i Gerald Davelaar tambe a bai di 3-1.

Andrew Polar den final kontra Kima Liga den Kopa Polar

MUIZENBERG - Despues di pèrdè kontra di Kima Liga den semifinal, Andrew Polar a nòkout Clase Aparte dos wega siguí 10-0 i asina pasa pa final kontra di e ekipo Kima Liga Mas 99.

Kima Liga a gana Endrew Polar siman pasá 6-1 i bai final. Djasabra aki 1 desèmber 2007 lo tin e gran final entre e dos ekiponan aki. Endrew Polar kampion di 2006, kontra di Kima Liga Mas 99 ku for di su promé wega den e kampionato a duna muestra di ta e ekipo ku lo yega final.
Lo bai tin dos partido e anochi aki. E promé wega ta mitar di ocho. E di dos lo ta pa 21.00. Ta bai tin transmishon di Radio Mas 99 ku Casimiri na kabes.
E wega lo tuma lugá na Muizenberg Ballpark.

Prison/Onderwijs ta nòkout UTS 18-8 i ta klasifiká pa final Intergubernamental

SANTA MARIA Prison/Onderwijs a dal UTS 18-8 i ta pasa pa final di Sòftbòl Intergubernamental 2007.
Dilanti un púbiko grandi djarason, 28 di novèmber 2007 na Frank Curiel Ballpark e kombinashon Prison e esnan den enseñansa a pasa riba e kampionnan di aña pasá UTS.

Den e sekshon Femenina Konseho Insular BC ta gana Prison UTS 11-3 pero Prison/ UTS ta bira kam-pion Intergubernamental Femenina. Den Femenina no tabatin play-off. E ekipo ku mihó rekòrt a bira kampion.
E gran final Maskulino Prison/Onderwijs vs Aqualectra lo tuma lugá djaluna awor 8’or na Frank Curiel Ballpark.

Amateur Baseball Bond Aruba i FEBEKO na kaminda pa restablesé lasonan di koperashon entre e dos federashonnan

WILLEMSTAD—Algun dia pasá Amateur Baseball Bond Aruba i FEBEKO a dal e promé paso den e proseso pa restablesé e lasonan di koperashon entre e dos federashonnan. Tabata despues di mas ku 22 aña ku selekshonan di Kòrsou i Aruba a enfrentá otro. E promé interkambio aki a konsistí di dos partido komo parti di ‘double header’. E partido ku mester a tuma lugá djabièrnè no a tuma lugá pa motibu ku e maletanan ku unifòrm i material di e selekshon di Aruba no a yega (na tempu). Dirigentenan di e dos selekshonnan a akordá pa riba djasabra hunga dos partido.

The Bears kampion Beisbol Veterano 2007

WILLEMSTAD - The Bears E ekipo di Beisbòl Veterano The Bears a bira
kampion 2007 ganando Santa Rosa Memories fásil ku skor
di 8-2 djadumingu ultimo na Vi Jansen Ballpark. Un
públiko grandi a asistí pa mira The Bears sweep e
serie final. Persey Schoop tabata hermétiko komo
picher i Wendell Brigitha a bati di 4-3.

The Bears selebrando ku fanatiko despues ku nan a kaba di bira kampion dia 18 di november 2007 na Vi Jansen Ballpark

E promé wega dia d10 di novèmber 2007 The Bears a laga
Santa Rosa den tereno ku skor di 5-4.
Den luna di desèmber Federashon Beisbòl Veterano
Kòrsou lo parti premio. Den e wega balido pa di tres
luga Yesterdat ta gana Azucar


The Bears 8, Sta. Rosa Memories 2
The Bears a bati 11 hit i nan no a pifia.
Percey Schoop tabata esun ku a bai ku e viktoria,
miéntras Wendell Brigitha a bai di 4-3.
Percey Schoop mes a bai di 3-2 i Richard Coffie di
1-1.
Sta. Rosa Memories tabatin 3 hit i nan a pifia na 1 okashon.
Richinel Mauricia a sufri e derota.
Sendley Reina i Amarildo Coffie a bai di 3-1.
Sendley Reina a konektá un baraso di kwater skina.

Serie final entre Baranka i Buena Vista Power ta split

VAN ENGELEN - Baranka a gana wega number unu i Buena Vista Power a gana wega number dos djadumingu 18 di novèmber 2007 den final di Liga van Engelen na Suvek Ballpark.
Un bon públiko a akudí na Suvek pa mira e dos partidonan. Baranka tabata pèrdí 12-2 den promé wega i ta bòns bèk pa gana e wega 15 pa 12. Den wega number 2 tabata Buena Vista Power ku tabata atras i nan ta bòns bèk i gana Baranka 16 pa 13. E wega finalísimo lo ta djadumingu 9 desèmber.

Catpower kampion Liga Trai Seru 2007

WILLEMSTAD - Catpower a bira kampion Liga Trai Seru 2007 djasabra anochi na Cirilo Chirino Ballpark.
Catpower a gana Skarlo 21-10 .
Catpower a bari tambe den e premionan individual. Silvio Suli Cruz a resulta MVP di e final. Suli a bati 8 homerun den play-off semi-final i final. Un averahe di 2 homerun pa wega.
Despues di wega tabata entrega di premio. Na momentu ku Softballcuracao.com risibí a numeritonan ofishal nos lo publilká mas detaye di entre di premio i e numeritonan final.

Pichingolo ta gana prome wega di play-off final

WILLEMSTAD - Pichingolo ku picheo Arnalda Margaritha a gana e prome wega di e final di Softbol Femenina Dobel A ku skor di 7-0 di Soto.
E wega a terminá den bòm di di 6 inning pa nòkout (7-0). Arnalda Margarita tabata e picher ganadó i Sherry Howell a bati di 1-1 komo emergente.
Pichingolo rumbo pa 30 aña kampion a usa vários veterano den e wega entre otro Sherry Howell, Asila Finies, Leonise Avasta i Bernadita Geerman.
Sherry Howell a drenta komo pinch-hitter, Asila Finies a hunga wega kompletu den right-field, Leonisa Avasta a hunga primera base i haña un turno den parti final di e wega miéntras Bernadita Geerman a hunga tersera base.
Suliviendra Hooi a habri e wega pa Soto i resultá e picher pèrdèdó. E no a risibí respaldo di su defensa. Jeaniree Domatilia a relevá i tene wega hopi serka durante tres inning.
Play-off final ta sigi djadumingu 18 di november atardi na Sabana Ballpark ku e di dos wega di e gran final.

Survivors ta blankia Clase Aparte 7-0 ku picheo di Edward Pieternella

TRAI SERU - Djabierne 16 di novèmber tabatin dos wega di Sòftbòl Fastpitch.
Den e promé wega Survivors ta blankia Clase Aparte fásil ku skor di 7-0.
Edward ‘Bati’ Pieternella a picha fásil pa e ekipo di Survivors gana e wega.
Den e di dos wega Suffisant Eagles ta gana Harlem Power 9-6. Ta di dos wega ku Suffisant ta gana e aña aki den dos salida.

RESULTADONAN
Survivors 7, Clase Aparte 0
Survivors a dal 6 hit i hunga sin eror. Edward Pieternella a gana i Randolph ‘Johnny’ Balentina a bati di 3-2.
Clase Aparte a bati 4 hit i hasi 3 eror. Wensley Silberie a pèrdè.

Suffisant Eagles 10, Harlem Power 6
Suffisant a bati 9 hit i hunga sin eror. Norman Lucasius tabata e picher ganadó.
Randolph Kirindongo i Remy Janga a bati di 2-2.
Harlem Power a konektá 4 hit i hasi 2 eror. Raichel Sambo a resultá e picher pèrdèdó i Arlyson Rodriguez a bati di 3-2. Arlyson Rodriguez tabatin un homerun.

Suffisant Eagles ta gana Molester fásil den promé wega di Sòftbòl Fastpitch Maskulino

TRAI SERU - Suffisant Eagles kampion di Sòftbòl Maskulino Fastpitch temporada 2006/2007 ta gana Molester fásil ku skor di 13-2 ayera nochi den e promé wega di Sòftbòl Maskulino Fastpitch.
Den e di dos wega Harlem Power ta gana Carpatula pa forfeit. Carpatula no tabatin sufisiente hungadó na wega.

NUMERITONAN
Suffisant Eagles a skor na 13 okashon bati 9 hit i hasi 3 eror. Shahairy Ustatia a gana i Randolph Kirindongo a bati di 2-2.
Molester a nota 2 biaha, bati 2 hit i kometé 6 eror. Jaime Margaretha a resultá e picher pèrdèdó i e mes a bati di 2-1. Jaime Margaritha mes a bati di 2-1.

Ekiponan di Aruba ta bolbe destaká den Torneo Fastpitch

TRAI SERU - Ekiponan di Aruba tabata superior atrobe den e torneo internashonal di Fastpitch organisá pa Suffisant Eagles.
Royal Power i Gess Power a hunga final pa di dos aña siguí ku Royal Power titulando kampion pa di tres aña siguí den Fastpitch entre Aruba i Kòrsou.


Resultadonan di djasabra 10 di novèmber i djadumingu 11 di novèmber
Djasabra 10 di novèmber
Gess Power 14, Clase Aparte 6
E ekipo Gess Power a bati 11 hit i nan a hunga impekabel.
Agen Mathilda tabata e picher ganadó.
Agen Mathilda i E. Tromp a bai di 2-2.
A. Mathilda i G. Thiel a konektá un homerun.
Clase Aparte a bati 6 hit sin pifia.
Humphrey Granger tabata e pèrdèdó i Shurandy Balentina a bai di 3-2.

Royal Power 7, Survivors 0
Royal Power tabatin 12 hit i nan no a kometé eror.
Johannes Flanegin a gana i E. Dijkhoff a bai di 2-2.
A Arnold a konektá bataso di kwater skina.
Survivors tabatin 3 hit i nan no a hasi eror.
Edward Pieternella a pèrdè i F. Rosalina a bai di 2-2.

Douane ta nòkout Brandweer i klasifiká na di dos lugá tras di UTS

SANTA MARIA - Sòftbòl Intergubernamental a kontinuá ayeranochi na Frank Curiel Ballpark ku solamente un wega. E di dos wega ku mester a tuma lugá entre UTS a Polis a keda kanselá for di tempran debí na disturbio- i akshonnan ku tabatin na Piscadera djaluna 12 di novèmber 2007 den oranan di mainta.

Douane a sa di nòkout Brandweer ku skor di 12-0. Brandweer tabatin e wega bon wantá, pero algun eror siguí den di 5 inning a pone ku e wega a resultá den un nòkout.

Djarason 7 di novèmber Aqualectra a dal Onderwijs den un wega elektrisante.
Aqualectra a laga Prison/ Onderwijs den tereno ku skor di 9-8.
Aqualectra tabatin 12 hit i nan a hasi 2 eror.
Sherman Cras tabata e picher ganadó, miéntras Raimy Janga a bai di 3-3.
Riley Toppenberg i Marlon Paz a konektá un homerun.
Pa Prison/Onderwijs 12 hit i 2 eror.
Richinel Raphaela tabata e pèrdèdó i Tyron de Palm a bai di 4-4.
Tyron de Palm a konektá un homerun.

Flamboyan ta dal Mon Repos Sluggers 6-1 den Torneo Flamboyan

ZAPATEER - Carlos ‘Cai’ Celestina a bolbe presentá den gran forma pa Flamboyan gana Mon Repos Sluggers ku skor di 6-1 den e torneo di Liga 50 organisá pa e ekipo Flamboyan.
E torneo ta terminá e wikènt aki na Ricardo Elhage Ballpark

RESULTADONAN
Djasabra 10 di novèmber
Flamboyan 6, Mon Repos Sluggers 1
Flamboyan tabatin 8 hit i nan a kometé 8 hit
Carlos Celestina tabata esun ku a gana i Stanley Landburg a bai di 3-2.
Mon Repos Sluggers tabatin 9 hit.
Frank Rafael a pèrdè i Zabala a bai di 2-2.

Winterfresh 7, Marlins 4
E ekipo Winterfresh a bati 8 hit.
Ivan Schobaar a bai ku e viktoria i Giovanni i Ellis Toppenberg a bati di 3-2.
Marlins a bati 12 hit.
Richard Albertsz a sufri e derota.
Randolph Bernardus i Paul Landburg a bati di 3-2.
Raymond Monk a bai di 2-2.

Play-off final suspendé pa motibu di awaseru

WILLEMSTAD - Manera ya a bira un kustumber den fin di aña weganan di play-off di Liganan di Sòftbòl ta keda suspendé pa awaseru.
Djadumingu 11 di novèmber un palu di awa a kai na Suvek Ballpark i e partido entre Baranka i Buena Vista Power a keda suspen-dé.
Wega number unu a start masha lat mes, kasi mitar di dos. E promé batiado Willy Reinita ta embasá via hit i ku Mayron Wijman na bate un palu di awa a kai i daña e tereno di Suvek mesora.

Royal Power kampion Torneo Internashon Fastpitch Suffisant Eagles

WILLEMSTAD - Royal Power a bira kampion di e torneo Internashonal organisá pa Suffisant Eagles ayera na Cirilo Chirino Ballpark. Nan a gana Gess Power ku skor di 9-1 den final.
E torneo a kuminsá djaweps 8 di novèmber i a terminá djadumingu 11 di novèmber
Royal Power a demostrá poder durante e torneo.
Ekiponan di Kòrsou no tabata fuerte den e torneo.

FEMENINA
E weganan di Sòftbòl Femenina a resultá tremendo. Djasabra un bon públiko tabata presente pa mira e wega entre Pichingolo Hubenil i e selekshon di Aruba. Pichingolo a gana ku skor di 6-2.

HOMENAHE
Djasabra 10 di novèmber tabatin un homenahe na Asila Finies i Leonise Avastia dos grandi di Sòftbòl Femenina ku a saka kara di Antias na varios okashon.

Sera konosí ku Tsade Joubert, sòftbolista ku a risibí scholarship pa studia na USA

WILLEMSTAD - Softballcuracao.com a kombersá ku Tsade Joubert, sòftbòlista di e ekipo di Pichingolo i selekshon Senior/League Hubenil ku resientemente a risibí un Scholarship pa studia i hunga Sòftbòl na Estados Unidos.


TSADE
Tsade Marie Joubert a nasé na Kòrsou 11 di yanüari 1990 i ta bibá na Troepiaalweg 24, Julianadorp. Tsade ta alumna di Peter Stuyvesant College den klas VWO 6.
Tsade Joubert ta yu di Eric i Ludgarda. Tsade tin un ruman hòmber ku yama Andre ku ta studiando na Hulanda.
"Mi tata a hunga un tiki beisbòl sí, pero no den tim. Mi tionan por ehèmpel Steven Phelipa, ruman di mi mama tabata hunga beisbòl i sòftbòl den tim, mi mama no a hasi deporte", Tsade Joubert sòftbòlista ku resientemente e risibí un 'scholarship' pa studia í hunga sòftbòl na Estados Unidos ta konta Softballcuracao.com.


KOMIENSO
Tsade: "Mi a kuminsá for di chikí. For di chikí mi kier a hasi deporte pero mi no tabata sa kua deporte mi hasi. Mi tabata hunga sòftbòl huntu ku mi ruman hòmber i primunan den kurá di kas.
Mi tabata fangu ku wante ets kaba. Mi a kuminsá move den kurá di kas ku mi primunan for di dia mi tabatin 5 aña. Mi tabata interesá pa hunga tènis tambe pero nunka mi no a hunga tènis ofishal.
Mi mama tabata konosé un señora i e señora ei konosé Taffy de Jongh. E señora yama Carlintje Cleofa i ta traha na 'Financiën' huntu ku mi mama. E señora a puntra mi mama ku mi ta interesá pa hunga sòftbòl i asina ei ku 11 aña mi a kuminsá trein den e ekipo di Buena Vista. Por bisa ku asina ei mi a kuminsá ku e deporte di sòftbòl den tim. Aworaki mi ta 6 aña ta hunga sòftbòl den e ekipo di Buena Vista. Mi a kuminsá aña 2002 ku Buena Vista i biaha mesun aña ei ku selekshon pa Puerto Rico.
Dor ku mi tabata hunga ku mi ruman i primunan den kurá ora mi a drenta tim ya mi tabata por a fangu ku wante i bati kaba.
Mi no a hasi otro deporte."

Catpower ta gana Baranka den promé wega di final Liga 40

VAN ENGELEN - Catpower ku bon relevo di Wim Felicia ta gana Baranka ku skor di 12-9 djamars 6 di november 2007 na Suvek Ballpark.
Catpower ta na un viktoria pa titulá kampion di Liga 40 e aña aki. Nan ta invikto e aña aki. Djaweps lo tin wega number dos entre Catpower i Baranka.
Baranka a pèrdè tres wega e aña aki i tur tres kontra Catpower.

E WEGA
Baranka ta bai ariba 7-0 riba varios hit, eror i base por bola na man di Norman ‘Nonnie’ de Roon.
Catpower ta yega serka riba batasonan, eror i base por bola di pichernan di Baranka.
E wega ta bira 7-6, despues 7-7 i Catpower ta logra pasa Baranka 8-7.
Baranka ta empatá den di 5 inning pero Catpower ta bira hinka 4 kareda den di 6 pa
bai ariba 12-8. Baranka ta logra nota un kareda den nan último chèns riba homerun di Edmar ‘ Boy Motor’ Cornelia pero ta keda
kòrtiku. Boy a dal e homerun despues ku ya Wim Felicia a saka e dos promé batiadónan out.

Torneo Internashonal di Sòftbòl Fastpitch dianan 8, 9, 10 i 11 di novèmber

TRAI SERU - Di djaweps 8 di novèmber pa djadumingu 11 di novèmber Suffisant Eagles ta organisá su tradishonal torneo internashonal di Fastpitch. Ya ta di tres aña siguí ku Suffisant Eagles ta organsiá e torneo.
Djaluna 5 di november tabatin un enkuentro ku prensa ku partisipashon di ekiponan parti-sipante na e torneo.

SKEDJEL
Djaweps anochi ekiponan di Kòrsou lo enfrentá otro.
Pa 7.30 pm Survivors ta enfrentá Harlem Power i despues pa 9.30 pm Suffisant Eagles ta topa Carpatula.
Djabièrnè lo hunga tres wega kaminda ekiponan di Aruba, Gess Power, Royal Power i probablemene ekiponan di Santo Domingo lo partisipá.
Djasabra lo hunga 7 wega i djadumingu 4 wega.
Weganan ta dura 1.30 time limit i reglanan di ISF ta na vigor. Entre otro nòkout ta diferensia di 7 kareda despues di 5 inning i 10 kareda despues di 4 inning.
Semi-final ta hunga dos ora miéntras final ta bai 7 inning.
Organisadónan ta pidi pa ekiponan bini na ora. Umpirenan lo no tolerá pa forfeit wega si ekiponan no ta na ora. (Wega di organi-sadónan mes a keda di forfeit aña pasá debí ku nan no tabata kompletu)

HOMENAHE
Durante e torneo lo duna homenahe na Asila Finies i Leonise Avastia ku a destaká enorme durante nan añanan di Sòftbòl Fastpitch Femenina.

FEMENINA
Selekshon Hubenil di Aruba lo ta na Kòrsou i lo hunga kontra Pichingolo djasabra 4’or pm i djadumingu 2’or pm kontra Eagles Softex.
Keda pendiente pa mas...

Baranka ta sweep Swift i ta pasa pa final di Liga Van Engelen

VAN ENGELEN - Baranka a gana Swift dos wega stret i lo hunga final di Liga van Engelen djadumingu dia 11 di novèmber 2007 na Suvek Ballpark kontra Buena Vista Power.
Baranka a gana Swift 14-10 e promé wega i 9-8 den wega number dos.
Swift tabata dilanti den tur dos wega.

WEGA 1
Swift ta sali bai dilanti 8-0 laga Baranka. Den un inning Baranka ta empatá e skor 8-8 i den mesun inning bai ariba 13-8. Finalmente e wega ta bin terminá ku skor di 14-10.
Edwin ‘Edichi’ Martina tabatin un tremendo trabou den relevo i Luigi Viriginia a konektá grandslam klave den e inning grandi.

WEGA 2
Baranka ta sali nota 5 kareda den promé inning riba homerun di entre otro Luigi Virginia atrobe, Stanford Landburg i Willy Reinita ets. Wim Felicia ta drenta i Swift ta bai ariba 7-5.
Baranka ta bati bèk bini den wega i Wim Felicia ta logra wanta e wega pa Baranka gana 9-8 i pasa pa final.

FINAL
Final entre Baranka i Buena Vista Power lo tuma lugá djadumingu awor na Suvek. E orario lo wòrdu anunsiá
despues.