Pichingolo 30 aña kampion, historia for di komienso

En konekshon ku 30 kampion di Sòftbòl Klup Pichingolo, Softballcuracao.com a entrevistá Bernadita Geerman i Silvia Wilson - Clarcke pa risibí detaye kon e eksitoso ekipo Pichingolo aki a start mas o ménos 35 aña pasá den bario di
Buena Vista.



PICHINGOLO
Varios hungadó di Sòftbòl tabata bai Santa Martha Lagere school ku te keda banda di misa di Buena Vista (pega ku awor ta SKAI).
Bernadita: "Nos tabatin un tim di slagbal i nos kada unu mester a bai otro skol, skol avansá. Ami a bai Stella Maris, Silvia a bai otro skol.
Pa e kring no kibra nos a disidi di hunga sòftbòl, pero na moda di slagbal.. Nos no tabata sa muchu muchu di e sòftbòl mes. Kabando zesde klas tabata mas o menos 1971 i nos tim a sali supkampion di slagbal.

Pichingolo na Venzuela 1974


Nos a bai riba e velt kaminda aworaki tin garashi di konvoi ABC na Buena Vista. E tereno tabata greis, pieda mes, duru duru.
Nos a kuminsá ku e slgabal i nos a disidí ku nos ta bai over na e sòftbòl mes sin sa nada nada di e sòftbòl.
Mi a pidi mi tio duna nos un par di bala i wanta. Mi tio Raymundo Keep a duna nos e balanan di mas bieu ku tabatin. Mi opa tabata kose e balanan na man i e wantenan tambe.
Un biaha pa siman nos tabata trein, tur djasabra. Esei tabata aña 71 pa 72. Tur hende a kuminsá gusta i nos a kuminsá bai dos biaha pa siman en bes di un biaha.”
Silvia: " Kòrda, mayoria di mucha tabata biba den Buena Vista. Nos tur tabata biba den Buena Vista i nos tabata hopi pega na otro.”
Bernadita i Silvia: “Algun hungadó ku nos ta kòrda tabata Clara Comenensia, Annie Holder, Ivette Ali, Vera Refos, Ruperta Keep, Miluska Keep, Bernadita, Silvia, Silviani i Selma Clarcke (tres ruman Silvia i Silvania ta ohochi).
E tim no tabatin nòmber. Mi tio a bisami ku e mucha hòmbernan tabata trein i pa nos bai wak nan trein pa nos por siña. Despues nos a kuminsá bai wak nan trein i nos a pidi nan pa nos trein huntu ku nan. Ei tabata e velt di futbòl ku ainda tei. Regulo Montero i Fay Montero a disidí di bin yuda nos trein.

Pichingolo despues di a bira kampion pa di 30 biaha 20 di novèmber 2007 na Sabana Ballpark

Mastnan di lus a bai laria na tereno di Isla na Post 6

WILLEMSTAD - Softballcuracao.com a bai tira un bista ayera riba e trabounan ku ta tumando lugá na tereno di Isla na Post 6.
Mast i lus ta kla kaba i ta trahando riba e dugoutnan parti di primera i tersera.
E lugá di parker parti paden di Isla ta kompletamente asfaltá.
E pista di seguridat tantu den outfield komo parti di foul di tersera i primera tambe a keda bunita. E partinan aki no ta kubrí ku edelgras naturalmente.

Edelgras den gran forma

Di 25 edishon di Kopa ABC di 29 di aprel pa 4 di mei 2008 na Kòrsou

WILLEMSTAD - Di 29 di aprel pa 4 di mei 2008 lo tin e di 25 edishon di Kopa ABC na Kòrsou.
E Kopa ABC lo tuma lugá na Suvek.
Pa otro aña lo tin partisipashon rekòrt di ekipo debí ku por hunga riba dos tereno na Suvek.
Ekiponan Swift i Teremoto ta enkargá ku Kopa ABC 2008 manera a bira kustumber ora ta trata di Kopa ABC na Kòrsou.

E kopa ABC lo bira realmente grandi. Manera ta konosí ultimo añanan e ekipo di Windward Island Bank, Lions di Sint Maarten tambe ta partisipá na e kopa ABC i e torneo a bira ABC&S.
Den kurso di yanüari Softballcuracao.com lo tin kontakto ku Chai Curie ku ta e hòmber ku a lanta e tremendo evento deportivo aki, esta KOPA ABC, mas o menos 24 aña pasá. Keda pendiente pa mas informashon.


Calabas Kampion Kopa ABC&S 2007 na Aruba


KAMPIONNAN ABC FOR DI 1984
1984 Korsou
Kampion: Teremoto
Supkampion: Calabas Blue Jays
1985 Boneiru
Kampion: Veteranos
Supkampion: Astros
1986 Aruba
Kampion: Tirado di Besitos
Supkampion: Aruba Video Center
1987 Korsou
Kampion: Astros
Supkampion: Poli Stars

Torneo Baranka ta start otro aña despues di Karnaval

WILLEMSTAD- Softballcuracao.com a drenta den kontakto ku Richenel 'Uchi' Reina di direktiva di Baranka pa loke ta trata e tradishonal Torneo Baranka di 2008.
Uchi a bisa nos ku aña 2008 e torneo lo start despues di Karnaval.
E torneo ta programá pa kuminsá dia 8 di febrüari i terminá 2 di mart.
Ya invitashonnan a sali pa ekiponan di Slowpitch ku tradishonalmente sa partisipá na e torneo.

The Bear Armored (The Bears) ta tuma premio komo kampion

Djadumingu atardi den un ambiente ameno na Velt Salu e ekipo di Beisbòl Veterano di 2007, The Bears di spònser pa The Bear Armored a tuma nan kopa di kampion 2007.
The Bears tabata sólido i a sweep den play-off. Di dos lugá a sali e èkskampion Santa Rosa Memories.


The Bears ta tuma premio kampion djadumingu 16 di desember 2007

“Pa motibu di tempu un hungadó di Swift a retirá i no tin problema den Swift”

WILLEMSTAD - “No tin problema den Swift manera ta aparentá. Ta un tékniko i un hungadó a tuma retiru”, Sergio Leon, presidente di Swift a konta Softballcuracao.com
“Emile Haswell ku ta nos manager pa basta aña kaba lo no bai tin tempu pa motibu di trabou i Erling Gosepa pa motibu di su trabou iregular a tuma retiru”, e popular presidente a sigui konta.

Sergio: “Mi a tende asuntu di J.J. tambe i mi ta asumí ku ta Jolly Juliana.
Den e reunion di djarason 12 di desèmber último mi no a mira Eldred ‘Jolly’ Juliana. Jolly no a entregá retiru i ta den La Prensa mi a lesa e informashon ei.
Mi mester bisa ku mi no tin hopi tempu pa Swift, pero pa otro aña un hòmber grandi di nos lo ta bèk na Kòrsou pa traha komo direktiva i tékniko den e ekipo Swift.”

Survivors ta dal Suffisant Eagles 8-2 den Sòftbòl Maskulino Fastpitch

TRAI SERU - Djasabra 15 di desember tabatin e último tres weganan di Sòftbòl Maskulino Fastpitch pa loke ta trata aña 2007.
Yanüari 2008 lo terminá buelta number dos i sigui di tres buèlta.
Den e klèsh di djasabra e ekipo Survivors a gana di e kampionnan di aña pasá ku skor di 8-2.
Survivors tabata dilanti den henter e wega. Dado momentu nan tabata dilanti 8-0. Suffisant Eagles a nota dos kareda te den nan último turno na bate.

NUMERITONAN
Survivors a nota 8 kareda bati 7 hit i hasi 1 eror. Edward Pieternella a gana i Anthony Leonora a bati di 4-3. Ryan ‘Djaka’ Ogenia a dal dos homerun. Suffisant Eagles a skor na 2 okashon, bati 9 hit i hasi 1 eror. Shahairy Ustacia a pèrdè i Remy Janga a bati di 3-2.

Harlem Power 6, Clase Aparte 2
Harlem Power ta gana Clase Aparte 6-2. Despues di 4 inning e wega tabata 0-0 ku tremendo duelo di picheo entre Raichel Sambo i Wendley Silberie.
Harlem Power a dal 7 hit i hunga sin eror.
Raichel Sambo a gana e wega i Erling Gosepa a bati di 3-2.
Clase Aparte a bati 7 hit i hasi 1 eror. Wendley Silberie a resultá e picher pèrdèdo i e mes a bati di 3-2. Stanley Girigorie tambe
a bati di 3-2.

Carpatula 15, Molester 0
Carpatula a bati 14 hit i hunga sin eror. Angel Brunken a gana i Bertyson Cassia a bati di 2-2.
Marlison Martina tambe a bati di 2-2.
Bertyson Cassia a dal un homerun.
Molester a dal 2 hit i hasi 7 eror. Giovanni Martina a resulta e picher pèrdèdó.
Charlton Daal i Giovanni Maduro a bati di 1-1.

Harlem Power ta kibra invikto di Suffisant Eagles den Sòftbòl Maskulino Fastpitch

TRAI SERU Harlem Power ku tremendo picheo di Edison Sambo ta kibra invikto di Suffisant Eagels den Sòftbòl Maskulino Fast-pitch djaweps 6 di desèmber na Cirilo Chirino Ballpark.

Harlem Power a gana Suffisant Eagles ku skor di 9-5.
Suffisant Eagles tabata kibrá debí ku algun hungadó a pidi pèrmit pa bai hunga final di Liga Polar.

NUMERITONAN
Harlem Power a skor na 9 okashon, dal 9 hit i hasi 3 eror. Edison Sambo a gana i Erling ‘Pacheco’ Osepa a bati di 4-3.
Suffisant Eagles a nota 5 kareda, bati 5 hit i hasi 3 eror.
Norman Lucasius a resultá e picher pèrdèdó i Eldrion Regina a bati di 2-2.

Clase Aparte 12, Molester 8
Clase Aparte a dal 10 hit i hasi 1 eror.
Richenel Martina a gana i e mes a bati di 3-3.
Naimruny Schoop tabatin un bataso di kuater skina.
Molester a konektá 3 hit i kometé 6 eror. (hopi eror).
Jaime Margarita a pèrdè i Sandymar Pieternella a bati di 2-1.

Final Liga van Engelen 2007 suspendé te próksimo aviso

WILLEMSTAD - E wega finalísimo entre Buena Vista Power i Baranka ku mester a tuma lugá mayan, djadumingu 9 di desèmber 2007 a keda suspendé te próksimo aviso. Ekiponan Baranka i Buena Vista Power no por a yega na un akuerdo pa hunga ni e siman aki ni un probabel wega djarason 12 òf djaweps 13 di desèmber.

NEGOSASHON
Djabièrnè tabatin negosashon pisá entre e dos ekiponan durante dia.
Un miembro di direktiva di Liga van Engelen a negoshá ku dirigentenan di e ekiponan ariba menshoná sin resultado.
Baranka mester tin un aktividat dia 16 di desèmber i no por hunga riba e fecha ei, miéntras ku ekiponan no a yega na un akuerdo pa hunga den siman.

Kima Liga Kampion Liga Polar 2007

MUIZENBERG - Kima Liga ku bon picheo i bateo di Andley Simmons a bira kampion Liga Polar 2007 ayeranochi na Muizenberg Ballpark dilanti un bon públiko.
Kima Liga Mas 99 a presentá ku un ekipo hopi hoben pa gana e ekipo Endrew Polar ku skor di 12-8.

E wega tabata pèrtá konstantemente i ta den último inning Kima Liga Mas 99 a amplia bentaha.
Andley Simmons a bira MVP di e final.

Prison/Onderwijs kampion den Maskulino i Prison/UTS den Femenina Sòftbòl Intergubernamental

SANTA MARIA - Prison/Onderwijs a logra titulá kampion djaluna último den Sòftbòl Maskulino Intergubernamental miéntras djarason siman pasá e kombinashon Prison/UTS a bira kampion den e parti
Femenina.
Softballcuracao.com tin e numeritonan di Sòftbòl Intergubernamental.

RESULTADO
E kombinashon di Prison/Onderwijs a bira kampion Sòftbòl Intergubernamental 2007 ganando Aqualectra ku skor di 6-4 den un tremendo final djaluna anochi den Frank Curiel Ballpark.
Un públiko grandi a asistí pa mira e gran partido final. E picher di Prison/Onderwijs Anthony Servanie a bai henter e ruta pichando bon pa su ekipo bira kampion.

RESULTADO WEGA FINAL
Prison/Onderwijs 6, Aqualectra 4
E ekipo di Prison/Onderwijs a bati 11 hit i nan a pifia na un okashon.
Picher ganadó a resultá Anthony Servanie i Remick Bernadina a bati di 4-3.
Maikel Bitorina i Gerald Mathilda a konektá un homerun.
Aqualectra tabatin 8 hit i nan a hasi un eror.
Sherman Cras tabata e pèrdèdó.
Dennis D'Arnault a bati di 4-3. Dennis D'Arnault i Riley Toppenberg a konektá un homerun.

Survivors ta gana Harlem Power 6-5 den Sòftbòl Maskulino Fastpitch

TRAI SERU - Sòftbòl Maskulino Fastpitch a sigi djasabra 1 di desember 2007 na Cirilo Chirino Ballpark. Tabatin tres wega programá pero ta solamente un wega a sigui debí na awaseru.
Den e úniko wega ku a tuma lugá Survivors a gana Harlem Power pèrtá ku skor di 6-5.
Survivors tabata atras 5-4 i nan ta nota 2 kareda den kabes di di 7 inning pa bai ku e viktoria.
Ernest ‘Mango’ Marks tabata e picher ganadó.

NUMERITONAN
Survivors ta skor 6 kareda, bati hit i hunga sin eror. Ernesto ‘Mango’ Marks tabata e picher ganadó i Ryan Ogenia a bati di 3-2.
Ryan Ogenia tabatin un homerun.
Harlem Power a bati 12 hit i hasi 3 eror. Raichel Sambo a resultá e picher pèrdèdó i Mayron Wijman a bati di 3-2.

Richene Martina, kampion bate Liga Polar

MUIZENBERG - Richene Martina, un hoben ku ta prometé hopi pa futuro a bira kampion bate di Liga Endrew Isabella Polar 2007 ku average di .667. Den 15 turno na plato ela konektá 10 hit. Den su 10 hitnan, 3 tabata homerun.
Ruel Obispo a resultá e picher ku mas wega ganá ku ta kuater i e no a pèrdè un wega. Den homerun Wecho Schoop a gana ku kuater bula waya.

Happy Brothers ta benta e strea di Calabas Dream Team abao 9-4

ORANJESTAD - Despues cu Calabas Dream Team tabata tin un aña bastante bon unda nan a titula Campeon den Copa ABC reforza cu e trio Fano, Jimmy y Pierre y despues ta titula campeon di Copa Noord sin refuerzo, nan a bira masha selectivo den nan invitacion-nan y no tabata tuma mucho wega despues di lina di july y asina trata na sali for di aña 2007 cu un cara bunita. No obstante esaki siman pasa nan a bisa si na un reto di e muchanan di Happy Brothers kendenan tabata buska un wega cu Calabas Dream Team henter aña pero no a logra y aki Happy Brothers ta gana e partido cu score di 9-4. Un tremendo wega unda Calabas Dream Team tabata gana 4-2 tras di un homerun di Jonnathan Tromp pero depues Eldrick Dijkhoff y Pilin Krosendijk ta pone e bala zona pafor di parke y pitchernan di Calabas Dream Team Tata cu Jiu Kelly no tabata por a bin kla cu e bateria di Happy Brothers. Silvio "Buchi" Flanegin tabata skerpi riba monticulo y ta ricibi relevo di Poy Flanegin den di 7 entrada pa bay cas cu e victoria. Happy Brothers di e manera aki ta sera aña derotando e campeon di Copa ABC y Copa Noord y a manda bisanan , you can run but you cannot hide, pues wanta duro den 2008.

Gran final Sòftbòl Intergubernamental dia di 3 desèmber

SANTA MARIA - Dia 3 di desember 2007, pa 8'or pm lo tin e gran partido di Softbol Intergubernamental. Prison/Onderwijs lo enfrenta Aqualectra. Prison/Onderwijs lo bai en buska di nan prome titulo mientras Aqualectra ku tin un titulo intergubernamental lo trata pa bira kampion pa di dos biaha.
Ta spera un públiko grandi pa wak e dos ekiponan aki ku ta bon balansá.

Serie final entre Andrew Polar i Kima Liga Mas 99 empatá na unu den Play-off Final Liga Polar

MUIZENBERG - E serie final entre e ekipo Andrew Polar i Kima Liga Mas 99 ta empata na unu.
Kima Liga a gana e promé wega ku skor di 9-8 miéntras Andrew Polar a dal Polar ku skor di 7-6 djasabra anochi riba homerun di Merieldo Trinidad.
E wega finalísimo lo ta djaweps 6 di desèmber 2007, na Muizenberg Ballpark. E serie ta unu hopi kayente. E dos ekiponan ta hopi pareu.
Un bon publiko a mira e dos weganan ariba menshoná. Softballcuracao.com sigur djaweps awor pa presensia e gran final aki.

First Curacao Anual International Baseball Showcase 2007

WILLEMSTAD - Djaweps 29 di novèmber den oranan di anochi den Coach Sportsbar a tuma luga un rueda di prensa organisá pa Curacao Baseball City Foundation
( C.B.C.F. ) huntu ku Future Stars Baseball Academy di U.S. Virgin Island a bini huntu pa asina nan informa prensa tokante e grandioso Showcase Internashonal di Baseball 2007 ku ta tuma luga djasabra i djadumingu awor henter dia den Tio Daou Ballpark na Santa Rosa.
E Showcase aki ta un konsepto nobo pa Korsou i area di Karibe pa rekluta prospektonan di baseball pa nan por drenta skolnan na Merka ku posibilidat di wordu di draft den futuro pa organisashon nan di baseball di liga grandi.
Si e hungado no logra yega liga grandi alomenos su futuro lo ta sigura pasobra el a finalisa un estudio haltu na Merka den un College of un Universidat.
Pa e motibu ei mes ta presente aki na Korsou diferente coach di skolnan di Merka pa partisipa na e Showcase di baseball aki i wak hungado pa nan bai ku ne pa hunga baseball pa nan skol ku e speransa ku den un futuro serkano nan lo wordu di draft pa ekiponan di liga grandi.

Fanátiko di softballcuracao.com ta na Beijing

WILLEMSTAD/BEIJING Resientemente Softballcuracao.com a risibí un mail di un fanátiko te na Beijng.
Ta trata di un yu di Kòrsou ku ta trahando na Beijng di nòmber Farah Martina.
Farah ku ta un fanátiko di deporte ta sigui su sòftbòl i algun di beisbòl normal na Beijng via www.softballcuracao.com.
Webiste www.softballcuracao.com den gran forma ruman.