Saturday, December 27, 2008

Santa Rosa Indians kampion Beisbol Dobel A di Korsou

WILLEMSTAD - Djaweps 18 di desember 2008, Santa Rosa Indians a bira kampion di Beisbol Dobel A di Korsou ganando Santa Maria Pirates ku skor di 5-4. Santa Rosa a gana e serie final 4-1. E Indjannan di Santa Rosa tabata kampion aña 2003 ganando di e mesun ekipo di Santa Rosa. By the way Santa Maria tabata kampion na 2004, 2005 i 2006.
Softballcuracao.com tin algun dato di e play-off final ku a tuma luga na 2003 entre Santa Rosa Indians i Santa Maria Pirates

ALGUN DATO
Dia 18 di òktober 2003 Santa Rosa a bira kampion ganando Santa Maria Pirates ku skor di 8-3. Santa Rosa a gana e serie 4-2. E biaha aki nan a gana e serie relativamente fásil 4-1.
E último wega tabata den Stadion Johnny Vrutaal. Santa Rosa den historia a bira kam-pion aña 1960, 1965, 1986, 1987, 1988, 2003 i djaweps dia 18 di desember 2008 ke men e ekipo tin 7 título.

Un pabien pa tur nos brothernan di Santa Rosa, tur hungadó muy enespeshal esnan den
direktiva ku ta lucha ku alma i kuerpo manera Lipo Elhage i Shon Ma Bonifacio. Nos tin algun dato di esnan ku tabata tei na 2003. Esnan ku tei ainda ta entre otro Farley Girigorie, Bull Kinburn, Raymond Martis, Mayron Isenia, Sherman Esclodina i Ryan Ilario.
Waw, ke mèn ta e hungadónan aki so tabata tei e tempu ei.

Gilbert Henrietta di Dalpega:“Anthony Leonora ta manager di Dalpega den Liga van Engelen 2009”

WILLEMSTAD “Pa kita tur duda mi ta bisa ku Anthony Leonora ta manager di Dalpega den 2009”, Gilbert Henrietta picher di e ekipo Dalpega a konfirmá pa Softballcuracao.com resientemente
Gibi: “Mi a tende yen di rumor, lesa hopi kos den korant i awor mi ta sali bisa e bèrdat na nòmber di Ento Leonora mes.”

“Dalpega lo kumpli 20 aña otro aña i e idea ta pa sali for di e di kuater lugá. Nos tin 4 aña siguí ta sali number kuater den Liga van Engelen i no por sigui asina.
Bèrdat ta tambe ku tin varios hungadó na kaminda, pero aworaki mi no por menshoná nòmber. A papia ku Ento Leonora promé, despues a tene un reunion ku e hungadónan i nan tabata OK. Niun hende no tabata kontra”, Gilbert Henrietta a bisa.

Thursday, December 25, 2008

Felis Pasku di parti di Softballcuracao.com

WILLEMSTAD - Felis Pasku pa tur lesadónan di Softballcuracao.com na Korsou, Boneiru, Aruba Isla Riba i tur lesadónan yu di Kórsou i Antiyano rònt Mundu.
Danki di ta lesa nos website tur dia. Pasa un felis pasku un biaha mas den kompania di boso famia i sernan keri.

Otro aña pendiente pa Panama/Colombia, Baranka den gran forma na Colombia siman pasá

WILLEMSTAD - Resientemente Bala Moli Klup Baranka a move pa Colombia pa hunga sòftbòl i ku keiru. Ta di 3 aña siguí ku Baranka ta move pa Colombia fin di novèmber pa e promé siman di dezèmber.
E ekipo a bai den dos grupo, un grupo di 12 hungadó i mas despues 5 hungadó mas a yega.
Un grupo a bai Medellin pa despues topa e otro grupo na Cali.

EKSITOSO
E biahe tabata eksitoso. Nada di peliger pa turista i mester bisa ku Baranka a hunga dos wega, gana unu i pèrdè e otro.
E intenshon ta pa otro aña kombina un biahe di Panama pa despues move pa Cali Colombia. Nos lo trata na haña e hefe di delegashon ku por duna nos mas detaye i pòtrèt di e eksitoso biahe.

Un miembro di direktiva di Liga Un i Tur:“Liga Un i Tur lo hunga sigur riba tereno nobo nobo di Post 6”

WILLEMSTAD “Otro aña Liga Un i Tur ta ‘ON’ riba e tereno nobo nobo di Post 6”, asina un dirigente di Liga Un i Tur a bisa La Prensa Slowpitch resientemente.
“Liga Un i Tur lo start sigur den luna di yüni i tin posibilidat pa start mas promé ku weganan den oranan di anochi pa despues sigui normal ku weganan riba djasabra i djadumingu den dia”, e miembro di direktiva a
sigui bisa.

Softballcuracao.com a risibí informashon ku Liga Willemstad lo hunga weganan di Minor i Little League riba e parke. Liga Willemstad lo start na Little League Ballpark i despues lo hunga na e tereno di Post 6.
Den temporada di Karnaval lo tin un apertura formal ku un super ekipo di Venezuela kontra di e ekipo di Sòftbòl di Refineria Isla.

Lindomar Cathalina di Dalpega tambe lo bai Swift den 2009

WILLEMSTAD - Lindomar Cathalina tersera base di Dapega den Liga van Engelen i Skarlo den Liga Amstel lo pasa pa Swift den 2009. Un grupo di hungadó ta kombersando ku Lindomar pa nan duna OK na direktiva di e ekipo.

Na momentu ku Dalpega tabata bai pisá tras di e tersera base Remy Thielman nos a pensa ku probablemente nan lo pèrdè e tersera base Lindomar Cathalina.

SWIFT
E ekipo Swift ta tras di un picher dominikano. E primera base poderoso
slengu ta práktikamentu kla.
Swift lo ta buskando un kètcher tambe.
Parse ku e manager Vriendjes Cicilia ta na kabes di e moveshonan pa drecha e ekipo di Swift den 2009.

Wild Cats pendiente pa hunga Fastpitch den 2009

WILLEMSTAD - E ekipo di Beisbòl Dòbel A Wild Cats ta pendiente pa dyoin e mundu di Fastpitch den 2009.
Softballcuracao.com tabatin kontakto ku Giovanni Atalita ku a konfirmá ku en bèrdat a ekipo ta pensando pa hunga Fastpitch otro aña.

Giovanni: “Nos ta bezig bèrdat ta wak e posibilidatnan pero nada konkreto ainda. Mester kòmbersá ku e hungadónan i mira ku nan ta willing pa bai hunga fastpitch. E ekipo ta keda bezig i bo ta tene e hungadónan huntu.”
Den kurso di dianan nos lo tin mas detaye.

Torneo Kopa Rotativo Joy Alberto II di 16 di yanüari pa 8 di febrüari 2009

WILLEMSTAD - Softballcuracao.com a risibí mas detaye di e torneo tradishonal Kopa Rotativo Joy Alberto II ku lo start dia 16 di yanüari i terminá 8 di febrüari 2009.
Manera tabata e kaso aña pasá lo tin e parti Komersial Femenino i Maskulino.
Ta trata di e di 19 torneo ku e ekipo Baranka ta organisá.
Baranka ta pidi konfirmashon por eskrito promé ku dia 10 di dezèmber.

Lo tin tres pul Kompetitivo i un pul Komersial Femenino i un pul Maskulino.
Inksripshon ta kosta
nafl. 150,- pa kubri gastunan di e torneo.
Pa mas informashon por tuma kontakto ku Elvin Regina na telefòn 561-0853 òf Richenel ‘Uchi’ Reina na telefòn 521-0080. Den kurso di dianan La Prensa Slowpitch lo tin mas detaye.

Anthony Leonora manager di Dalpega den 2009?

WILLEMSTAD - Algun siman pasá direktiva di Dalpega tabatinun kòmbersashon ku Anthony ‘Ento’ Leonora, personahe konosí den Sòftbòl Slowpitch.
E intenshon ta pa Ento bira manager di Dalpega di 2009.

Mesora rumornan a kuminsá sirkulá ku Ento lo bini Dalpega ku algun di su sòldanan di tur tempu.
Nòmbernan manera Mayron Martinus a kai ku lo por bini ku Ento. Ta konosí ku Mayron ta hopi kontentu den Baranka i ta gusta hunga den ekiponan superkompetivo ku ta logra yega final tur aña. Keda pendiente!!

Remy Thielman tambe lo hunga den Dalpega den 2009

WILLEMSTAD - Resientemente Softballcuracao.com a risibí e informashon ku Remy Thielman lo move pa Dalpega den 2009.
Remy Thielman segun nos mester a bai Jaws den 2008 pero un ke otro no a bai dor.
Remy Thielman ta un tremendo hungadó ku ta move den infield i tambe outfield. Segun nos den pasado Remy a hunga algun aña den Dalpega.

Remy Thielman komo playing manager di Terremaster tabata pendiente pa su amigu i kolega di trabou Shurandy Lourens pasa pa Terremaster di Liga Un i Tur i Remy Thielman lo a dyoin Jaws den Liga van Engelen huntu ku Shurandy.
Mester bisa ku Liga Un i Tur no a sigui den 2008 pa moti-bu di tereno i e deal a keda wanta. Dalpega ta loko tras di Remy i parse ku nan a logra den kurso di ayera.

Building Depot kampion Torneo Creme de La Creme Komersial

WILLEMSTAD Dilanti un bon públiko e ekipo Building Depot a bira kampion di e Torneo Creme de La Creme Komersial 2008. Building Depot a gana Selikor 15-4 den final.
La Prensa Slowpitch a kombersá ku Chati Constancia organisadó di Creme de La Creme ku tabata hopi kontentu.

Chati: “Creme de La Creme a move hopi bon e aña aki atrobe. E parti komersial a bira e hit den Sòftbòl kaminda tur kolega di trabou, famia, grandi i chiki ta topa otro. Hopi great mes i mester bisa ku Creme de La Creme tabata un éksito rotundo e aña aki.”

Santo Domingo kampion Torneo Internashonal Plaza Hotel

WILLEMSTAD - E ekipo di Santo Domingo a bira kampion di e torneo internashonal organisá pa Plaza Hotel.
Santa Domingo a gana Santa Maria Stars ku skor di 7-4 den un tremendo partido.
Santa Maria Stars su bateo no a funshoná manera a spera.
E wega a tuma lugá djasabra 29 di novèmber na Cirilo Chirino Ballpark.

E torneo tabata eksitoso. Un torneo fundraising pa e ekipoi di Plaza Hotel ku ta partisipá na diferente torneo komersial riba nos isla.
Plaza Hotel pa medio di e korant aki ta gradisí tur ku a koperá pa e torneo por bira un éksito rotundo. Plaza Hotel lo ta grandi den 2009 partisipando na diferente torneo komersial i otro torneonan. Plaza Hotel ta deseá tur fanátiko di Slowpitch felis dianan di fiesta.

Torneo Terremaster ta start dia 10 di yanüari 2009

WILLEMSTAD - E tradishon Torneo Kopa Pim Fangman ta start dia 10 di yanüari 2009.
E torneo tradishonal lo ta entre ekiponan Komersial Maskulino i Femenino.

Mester apuntá ku e torneo aki lo usa e picheo normal modifiká manera tabata e kaso e último añanan.
E torneo aki a keda semper ku e picheo stail di e liganan.
Aña pasá e ekipo di Dok a gana den e parti lokal, pero a kai vensí kontra Boneiru den final.
Keda pendiente pa e mas informashon Torneo Kopa Rotativo Pim Fangman organisá pa Terremaster.

Monday, December 15, 2008

Sera konosí ku sòftbòlista prospekto, Wishelene van Heyningen

WILLEMSTAD - Den e artikulo aki di Softballcuracao.com nos lo laga abo, lesadó, sera konosí ku Wishelene van Heyningen, prospekto kètcher di e ekipo super kampion Pichingolo.
Wishelene van Heyningen tabata kinto bate regular di ekipo Pichingolo i ta kuarto bate di selekshon. Wishelene a hunga den tur selekshon di su edat.
For di 2002, e aña ku a start ku Liga Soraida Juliana, Wishelene ta hunga Sòftbòl.

wishe na bate pichingolo
Wishelene durante wega Pichingolo The One na Sabana ougustus 2008

Wednesday, December 10, 2008

Jaws kampion Sòftbòl Liga 50

WILLEMSTAD - Den un wega emoshonante Jaws Speedy Security ta gana Catpower ku skor di 2-1 pa bira kampion Liga 50 di aña 2008. E wega a tuma luga djasabra 29 di november na Cirilo Chirino Ballpark.
Catpower tabatin bon chèns pa gana e wega den nan último oportunidat komo home-team.

Mirto Martina komo batiadó emergente pa Rigo Thode ta konektá flai pa right pa kaba e wega.
Simeon ‘Fetty Kala’ Curie ta filea e flai di Mirto riba un fásil pa terminá e wega.
Na momentu ku e flai tabata bini abou Fetty a bisa ‘Kala ta bini abou, fásil’.
Asina e wega a bin terminá.
Pabien na Jaws ku a bira kampion invikto. Nan tin un racha di 45 wega gana siguí.

The Bears ta blankiá Memories pa bira kampion Beisbòl Veterano

WILLEMSTAD - The Bears ku picheo hermétiko di Percey Schoop i bon fildeo di Sedeney Lourens a bira kampion Beisbòl Veterano 2008 ganando Santa Rosa Memories ku skor di 8-0 djadumingu 30 di november na Vi Jansen Ballpark.
Ta di dos kampionato siguí den dos aña di eksistensia ku e ekipo di Archie Davelaar dirigí pa Nelly Jakoba ta bira kampion.
Un públiko grandísimo a akudí na Vi Jansen Ballpark na Cas Chiquito pa mira The Bears blankia Santa Rosa Memories.
Sedeney 'Mr' Spider Lourens ku ta tira e promé wega kompletu i hasi un atrapada sensashonal den rightfield pa mantené e blankeo.

the bears kampion den tereno
The Bears kampion selebrando huntu ku algun fanatiko

E WEGA
E enkuentro tabata empatá na sero te den di 5 inning.
The Bears ta nota dos kareda den kabes di di 5 inning riba tripel di Sherman ‘Cai’ Leonora i flai di sakrifisio di Jeffrey Martina. Den di 6 inning The Bears ta nota 6 kareda pa habri e wega.
Klik riba potret pa mira varios potret di e gran selebrashon di The Bears.

the bears kampion jeffrey  yu di archie
Gina Davelaar ta tuma premio di The Bears komo kamion Beisbol Veterano

Tuesday, November 25, 2008

The Bears ku tremendo picheo di Sedeney ‘Spin’ Lourens ta gana Santa Rosa Memories 3-2 i pika dilanti di play-off final di Beisbòl Veterano 2008

WILLEMSTAD - Sedeney ‘Spin’ Lourens tabata hermétiko riba montíkulo pa The Bears tirando 7 inning kompletu i bira a picher ganadó.
Santa Rosa tabata dilanti te den kabes di di 6 inning ku skor di 2-1.
Riba un toke di sakrifisio e ekipo Santa Rosa Memories no a defendé bon i The Bears ta skor 2 kareda riba e úniko eror di e partido.
E siguiente wega lo ta
djadumingu awor 2’or na Vi Jansen Ballpark.
Edmond ‘Momon’ Martina tabata e picher pèrdèdó.
Ela drenta di relevo den di 5 inning pa Richenel Mauricia ku tambe a tira un gran partido.

The Fighters kampion Liga Streanan di Ayera 2008

WILLEMSTAD - The fighters a gana Nos Por ku skor di 2-1 den e wega number 5 di e play-off final pa bira kampion Liga Streanan di Ayera 2008 djadumingu 23 di november. Nos Por a gana e wega number 4 ku skor fasil 10-4 pero The Fighters ta bòns bèk pa gana e wega finalisimo. Den kurso di siman nos tin mas detaye

Veteranos ta gana Revelation Stars i bira kampion Liga Amistad

WILLEMSTAD - Veteranos riba homerun di Remy Thielman ta laga Revelation Stars den tereno pa bira kampion Liga Amistad 2008.
Remy Thielman ku su ekipo atras 7-6 ta konektá homerun di tres kareda pa Veteranos terminá e wega i bira kampion ganando 9-7.
Un bon públiko a bai Cirilo Chirino Ballpark pa mira e gran final.
Willem Felicia tabata e picher ku a tuma e homerun i resultá e picher pèrdèdó. Den kurso di siman nos tin numeritonan di e wega aki.

Friday, November 21, 2008

Mariela Espinosa, super picher venezolano: “E biaha aki si mi bin Kòrsou lo ta den mihó

WILLEMSTAD - "No a bai manera e dos añanan promé ku mi a bin. Naturalmente mi ta poko desepshoná paso sigur lo mi tabata ke pa nos tim lo a hunga den play-off loke no a resultá asina", e tremendo deportista i pitcher venezolano di Sòftbòl Femenino Fastpitch ta bisa den un kombersashon ku e tabatin ku bo Revista Deportivo Kòrsou.
1 aña sin hunga
"La Bella" Mariela ta konta ku ela bin Kòrsou i tabatin kasi 1 aña sin hunga, ya ku for di dia ela sali for di selekshon di su pais e no a hunga. "Mi tabata pitcha kontra hende hòmber, pero no ta meskos. Huntu ku esei m'a subi tambe algu di peso", Mariela ta splika. Ela bisa ku e no a pensa ku nan lo buskele for di Venezuela pa bin pitcha atrobe na Kòrsou.
Retiro for di sòftbòl
E tremendo pitcher venezolano ta rekonosé ku a pasa den su kabes pa retirá di sòftbòl aktivo i dediká su mes "full-time" na training di mucha. E ta splika ku na Venezuela e ta train mucha pa Estado Carabobo.
E ta bisa ku e hecho ku Venezuela a hunga den Olimpiada a lanta e interes pa sòftbòl den e pais i tin hopi mucha ku ta interesá di hunga sòftbòl.
Mariela ku tabatin su bon momentunan ku selekshon di sòftbòl di su pais no a keda muchu kontentu ku e trato ku ela haña na final. E ta pensa ku ela meresé di bai Olimpiada tambe ku e selekshon di su pais. "Mi ta kere ku mi a meresé esei", e ta añadi.
Na 2007 ela bai un gira na Brazil i pa su sorpresa e no a wòrdu yamá mas pa selekshon. Ela bisa ku e selekshon ta kasi e mes grupo ku tabatin 8 aña huntu ku eksepshon di algun sòftbòlista hóben.

“Sta. Rosa Angels tabatin basta malasuerte den 2008” segun Eduard, “Chu” Martis, dirigente máksimo di Sta. Rosa Angels

WILLEMSTAD - 2008 tabata un aña di hopi malasuerte pa e tim di Sta. Rosa Angels. Ta manera kos ku nada no a sali e tim bon. Nan a pèrdè varios mucha, algun ku mester a bai studia, otronan ku a move. Huntu ku esei tabatin kosnan ku a pasa ku a laga un sabor amargo. Revista Deportivo Kòrsou a kombersá ku e máksimo dirigente di Sta. Rosa Angels ku ta sr. Eduard, "Chu" Martis.

Umpire mester a aktua vs The One.

E máksimo dirigente di Sta. Rosa Angels ta di opinion ku umpire mester a aktua kontra di e tim di The One na momentu ku nan a ripará ku nan no tabata hunga pa gana kontra di Soto ku e intenshon di perhudiká e tim di Sta. Rosa. "Un tim no mag di hunga e forma ei. M'a haña e loke a pasa hopi laf. Kon algun dirigente por pone poko mucha riba velt i instrui nan pa pèrdè", Martis ta bisa.
E tabatin un pensamentu ku algu asina lo a sosodé, paso segun e weganan tabata bai e tabata sa ku e wega entre The One i Soto lo a bira un determinante.
Chu Martis den entrevista ku Revista Deportivo Kòrsou ta resumí e aña di Sta. Rosa Angels i ta rekonosé ku kos no a bai bon.

Joudinay, “The hitting-machine” di Softbol Femenino Dobel A

WILLEMSTAD - "Despues di temporada pasá m'a bisa ku mi lo no hunga sòftbòl mas. No tabata bai dje bon ei, a pasa den mi kabes pa bai hasi otro deporte", na palabra Joudinay Wederfoort ku tabatin un kampaña realmente impreshonante den temporada regular di nos sòftbòl.
THE HITTING MACHINE
Wederfoort ku ta hunga pa e tim di The One a sali e di tres mihó batidó di kam-pionato ku un averahe di .424 den 59 turno ofisial na bate. Joudinay a bati un total di 25 hit. Su kantidat di 25 hit tabata "tops" di liga huntu ku Vanessa Winklaar i Jenny Kinburn.
E forma ku ela bati e temporada aki a pone ku pa Revista Deportivo Kòrsou "Joudi" ta "The Hitting-Machine".
Wederfoort no a respetá niun pitcher e aña, ela bati ku fasilidat kontra di tur. "Di bèrdat tabatin sigur dos pitcher ku mi tabatin hopi rèspèt p'é", Wederfoort ta splika. “E dos pitchernan aki ta Rozeline Kinburn i Suliviendra Hooi. Tur dos tabata dje bon ei ku nan por a deskontrolami ora mi tabata para bati. Kontra Rozeline Kinburn e temporada aki den mi promé turno na bate mi a konektá hit, esei a dunami hopi konfiansa. Kontra Suliviendra a bai mihó, m'a haña ku "Suli" e temporada aki no a tira ku e mes velosidat i efektividat. Mi ta sinti ku mi por batiele tur dia”, e ta agregá.
13 AÑA DEN SOFTBOL
Joudinay tin sigur 13 aña ta hunga sòftbòl. E ta konta ku ela kuminsá train sòftbòl riba e tereno di Amador Nita pegá ku Fundashon Sedreko huntu ku e tim di Hell Angels. "Joudi" no a hunga den Hell Angels sinembargo. E ta rekordá ku e tabatin 11 aña den klas-6 i huntu ku amiganan di bario manera Celeste Francisca, "Naiska" Francisca i Sigienne Windeveld ela kuminsá hunga sòftbòl.
E promé tim di Joudinay tabata e tim Collection Future, serka Ronny Inesia. Despues di bai ku selekshon Venezuela pa un kompetensia Interna-shonal di mucha na aña 1999, Joudinay a pasa pa hunga pa e tim di Sta. Rosa Angels huntu ku "Chu" Martis i Zulma, despues di Sta. Rosa Angels ela djoin e klup The One ku ya ta bai kumpli 5 aña.
"Ora ku The One a lanta m'a bai The One huntu ku coach Joel Angelista, Ruthmaye i Joshmaye Boulijn, Esterline Lindeborg, Dayanara Pieternella, Ismairy Ignacio i algun otro mucha mas", e ta splika.
E ta sintiele na kas mihó na segunda/base..
Joudinay ta konta ku su posishon mes ta segunda/base. “Na segunda/ base mi ta sintimi mas na kas.” Tambe e ta hunga den outfield. E simpátika hungadó di The One, alias "The Hitting-Machine" ta rekonosé ku e no tabata bati bon semper. “Semper mi tabatin poko fayo den mi mekánika. Mi tabata swing bon, pero mi kordinashon no tabata dje bon ei o mi tabata kita kara pa e bala.”

Thursday, November 20, 2008

Final di Liga Streanan di Ayera ta sigui djabièrnè na Little League Ballpark

WILLEMSTAD - E wega number 4 di e gran final Liga Streanan di Ayera ta sigui djabièrnè awor na Little League Ballpark.
E serie final di e liga aki ta mihó di sinku.
The Fighters a gana promé wega i Nos Por a gana wega number dos. The Fighters a gana wega number tres djabièrnè último i ta na un paso pa bira kampion di Liga Streanan di Ayera 2008.
Manera tabata e kaso djabièrnè último ta spera un bon públiko pa mira e wega final. Si ta nesesario lo hunga wega number 5 djadumingu na Little League Ballpark mes.

Gran final entre Revelation Stars i Veteranos djasabra 3’or

WILLEMSTAD - E gran final entre Revelation Stars i Veteranos lo tuma lugá djasabra awor 3’or na Cirilo Chirino Ballpark.
Direktiva di Liga Amistad no ta konfia e asuntu di awaseru i ta kaba kos na Cirilo Chirino Ballpark.

Jaws ta dal Caterpillar 9-2 i ta pika dilanti den play-off final Liga 50

WILLEMSTAD - Play-off final Liga 50 a start djasabra último na Cirilo Chirino Ballpark.
E eterno kampion di Liga 50, Jaws ketu bai invikto den 2008 a dal Caterpillar fásil ganando ku skor di 9-2. Jaws mester gana un wega mas pa bira kampion di Liga 50 pa di tres aña siguí.
Den e wega bálido pa di tres i di kuater lugá Lions a gana Marlins 6-2.

RESULTADONAN
Jaws 9, Caterpillar 2
Jaws a dal 11 hit i hasi 3 eror. Julio ‘Papachi’ Heymans a gana i Edgar Maduro a bati di 2-2.
Caterpillar a konektá 4 hit i hasi 3 eror. Wim Felicia a resultá e picher pèrdèdó i 3 batiadó di Caterpillar a bati di 2-1.

Wednesday, November 19, 2008

Royal Power di Aruba a sali kampion den Torneo na Ecuador

ORANJESTAD/QUITO Royal Power den komienso di luna di novèmber a bira kampion di un torneo na Ecuador. E ekipo Royal Power a gana e ekipo Azulejos ku tin den nan fila 4 kubano i 3 dominikano.
Royal Power a sali dia 30 di òktober último for di Aruba i pasa via Colombia pa Ecuador.

Royal Power tin rekòrtnan impreshonante tantu den Fastpitch komo den Slowpitch. Royal Power a bira kampion na Hulanda den 2005, tres título siguí di Fastpitch Internashonal na Kòrsou i kampion Kopa Noord 2007/2008.

Promé wega di serie final entre Santa Rosa i The Bears a para

WILLEMSTAD - Debí na palu di awaseru e promé wega di e final di Beisbòl Veterano tambe a keda suspendé ayera.
E tereno tabata bon te ku mitar di unu promé ku e wega kuminsá 2’or.

Un palu di awa a kai mas o menos 1.50 i pone ku no por a sigui e wega.
E wega ta programá pa sigui djadumingu awor na Tio Daou Ballpark of Vi Jansen Ballpark pa 2’or di mèrdia.

Wega finalísimo di Liga Amistad entre Veteranos i Revelation Stars kanselá

WILLEMSTAD - E wega finalísimo ku mester a tuma lugá entre Veteranos i Revelation Stars a keda kanselá pa motibu di awaseru.
E wega mester a kuminsá 1’or pero debí na mal estado di tereno a warda te 4’or.
E traha duru pa drecha e tereno pero enbano.
A para e wega i probablemente e final lo pasa pa djasabra awor.

Den kurso di siman nos lo drenta den kontakto ku dirigentenan di e liga pa mas detaye.
Apesar ku awaseru tabata kai tabatin un bon publiko pendiente pa e wega start.

Sunday, November 16, 2008

Radio Hoyer lo transmití weganan final di Beisbòl Veterano

WILLEMSTAD - Djadumingu 16 di november e play-off final di Beisbòl Veterano ta start na Vi Jansen Ballpark na Cas Chiquito.
E promé wega di e serie ta 2’or i Radio Hoyer lo tei pa transmití e serie final.

Radio Hoyer ta transmití tur dos wega di final i si ta nesesario lo transmití wega number tres tambe.
Manera ta konosí e final ta entre e dos grandinan di Beisbòl Veterano, The Bears i Santa Rosa Memories. Radio Hoyer riba 101.9 FM grandi den Beisbòl Veterano tambe. E transmishonnan ta danki na esfuerso di Wimbert Hato.

Wim Felicia, doño di Revelation Stars:“Nos ta kompletu djadumingu awor pa bai ku e titulo”

WILLEMSTAD - Softballcuracao.com a tene un entrevista ku representante di e dos ekiponan ku lo kompetí den e wega finalísimo di Liga Amistad djadumingu awor 1’or na Ricardo Elhage Ballpark.
Nos a kombersá ku Wim Felicia ku ta general manager di Revelation Stars ku a bisa ku su ekipo ta kompletu i nan ta kla pa bai ku e titulo.

Wim: “Nos ta kla pa bai ku e título, nos ta kompletu. Mi no falta niun hungadó. Nos tin Edmar Cornelia, Abigail Vilchez, Dennis D’Arnault, Ludwig Pietersz, Merieldo Trinidad, Sharlon Louisa Johnny Balentina, Skippy Sambo, Pong Pong Plantijn, Anastacia, Remy Janga i Pito Postina.. Ta algun hungadó temibel ku ta hasi e trabou riba un fásil. Nos tin Herbert ‘Depo’ Sint Jacoba tambe ku ta den forma ainda.
Mi a invitá e fanátiko pa bin mira Revelation Stars bira kampion djadumingu awor i baila tambu selebrá.

VETERANOS
Eithel Mari general manager di Veteranos tambe a papia ku nos.
“Bon mi tin un kuerpo tékniko forma pa Remy Thielman i Tico Ramazan. Nan ta manehá e tim. Nos tin un bon tim ku batiadónan temibel manera Jair Josepha, Remy Thielman, Gerald Leonora, Mayron Martinus, Rachit Jacobs, Ericson Senior, Komputer Pieternella. E picheo ta den man di Kenchi Ortega, Jair Josepha, Sharlon Hanst, Albertico Isenia i Ivar Martis.
Slowpitch ta drei hopi riba bateo i nos bateo ta bon. Mi no ta pronostiká debí ku e bala ta rondo”, Eithel Mari a bisa Softballcuracao.com

Grupo di Tambu Limania ta animá den final di Liga Amistad

WILLEMSTAD - Grupo di tambu Limania lo animá for di 12’or di mèrdia djadumingu 16 di novèmber na Ricardo Elhage Ballpark.Ta spera un públiko grandísimo pa mira e gran final entre Veteranos i Revelation Stars.

E wega ta programá pa start 1’or. Ta trata aki di e wega finalísimo, e serie ta empatá na unu.

The Fighters ta gana djabierne i falta un wega pa bira kampion di Liga Streanan di Ayera

WILLEMSTAD - The Fighters a dal Nos Por 3-2 ayera i ta na un wega pa bira kampion di Liga Streanan di Ayera 2008.
Un bon públiko a mira wega number 3 di e gran final mihó di 5 ayera na Little League Ballpark.
E wega tabata empatá na sero te den 5 inning.
Wega number 4 di e serie ta sigui djadumingu 3’or i si ta nesesario lo hunga atrobe 5’or.

The Fighters 3, Nos Por 2
The Fighters a konektá 9 hit i hasi 8 eror.
Sevilla Martina a gana. Xiomara Francisca a bati di 3-3 i Sevilla Martina mes a bati di 1-1.
Nos Por tabatin 3 hit i nan a hasi 2 eror. Soraida Maduro a resultá e picher pèrdèdó. Henriquez, Girigorie i Anouska Bekeer a bai di 3-1.
Weganan ta sigui djadumungu na LIttle League Ballpark.

Friday, November 14, 2008

Win Celestina di Buena Vista Power ta gradisí hungadó i fanátikonan

WILLEMSTAD - Win Celestina, manager di Buena Vista Power, ta gradisí tur hungadó ku a koperá ku e ekipo por a logra e título máksimo di Liga Van Engelen despues di tres aña.

Win ta felisitá e hungadó i fanátikonan i tur ku a koperá pa ku e éksito di Buena Vista Power, espesialemente den e parti final. Softballcuracao.com ta sita e mail di Buena Vista Power:
“Mi kier a yama un danki spesial na tur e hungadónan di Buena Vista Power pa nan kontribushon pa ku e ekipo den e último parti di e kampionato Liga van Engelen 2008 i tambe danki ta bai na tur fanátiko i tur otro persona ku a duna nan sostén tantu na mi persona komo na e ekipo den e momentu nan difisil ku nos a enkontra. Boso sostené tabata grandi pa nos. Pabien ku e título optené i un danki di kurason i mi ta spera di por sigui konta ku bosnan kontribushon i sostén den futuro.”"

Nos Por kontra The Fighters den play-off final Liga Streanan di Ayera ta sigui djabièrnè awor

WILLEMSTAD - E play-off final di Liga Streanan di Ayera ta sigui mayan na Little League Ballpark.
E serie ta wantá dos siman debí na diferente faktor. Ultimo wega ku a tuma lugá tabata 26 di òktober.
E serie mihó di sinku ta empatá na unu. Lo hunga djabièrnè 9.30’or pm.
Promé ku e wega number tres di e serie final tin un wega entre Kooyman i MCB.

Djadumingu e serie final ta sigui pa 1’or di mèrdia ku e wega entre Kooyman i MCB.
Despues pa 3’or lo tin e gran final i e serie final por kaba. 5'or lo tin wega number 5 si ta nesesario.
Nos Por ta faborito pa bira kampion, pero The Fighters ta ‘fight’ formal ke mèn nan no ta bek. Den Nos Por tin e super estreya Sherry Howell ku tin un poder èkstra ordinario. Nos ta pendiente di mas informashon.

Thursday, November 13, 2008

Selekshon di Liga Trai Seru a regresá di Santo Domingo ku dos wega ganá i dos pèrdi

WILLEMSTAD - Siman pasá djaweps 6 novèmber e delegashon di Liga Trai Seru a regresá for di Santo Domingo. Tur kos a bai bon i e liga a hunga kuater partido di kual a gana e promé dosnan i despues a pèrdè dos.

E weganan a terminá 9-5, 11-6, 2-10 i último ku tabata kontra di e selekshon di Duana na R.D. 0-7. Pa Martina a pèrdè e partido i ela haña relevo di Shahairy Ustasia i despues Pancho Silberie a bin kaba. Na bate Sudangelo Williams di 2-2 i Carlos Gil di 3-2.
Kuater hit so e selekshon a bati. Ya kaba a kuminsá papia tokante di prepara-shon pa den 2009 e liga bai Cuba ku e selekshon. Tur e hungadónan ku tabata na Santo Domingo a primintí di traha duru pa nan kai den e selekshon atrobe i si no ta asina, nan mes lo paga pa bai Cuba. Asina’ki Liga Trai Seru ta sera 2008.

Gran final di Liga Amistad djadumingu awor 1’or na Ricardo Elhage Ballpark

WILLEMSTAD - Veteranos San Marco i Revelation Stars Slikm lo hunga un wega finalísimo djadumingu 16 di novèmber pa 1’or na Ricardo Elhage Ballpark.
Ta spera un públiko grandísimo mirando ku no tin mas wega di Slowpitch djadumingu awor. Lo tin animashon di Grupo di Tambu Limania for di 1ór. bar i kushina ta zuiver surtí.

Liga Muizenberg Polar ta start 19 di novèmber

WILLEMSTAD - Dia 19 di novèmber awor lo start ku un liga nobo na Ballpark Muizenberg. Ta trata aki di Liga Muizenberg. E ta bai bira e promé i sigur úniko liga ku tin wega tur dia, si awa permití.
E liga ta bai konta ku 8 ekipo di kual kuater ta sigur ku ta: e ekipo di Endrew Isabella (antes) awor bou di direkshon di Jolly Juliana, Kima Liga di famia Jansen, selekshon di Kusters Trading i The Trot.

Huntu ku e kuater ekiponan aki lo tin kuater mas pa asina sera e liga. Djawebs awor tin renion na Muizenberg Ballpark pa 8or di anochi.
Na e reunion aki mester entregá lista di hungadó mas fl. 350,- di partisipashon. Tambe lo papia tokante reglanan ku e liga lo bai hunga kun’é. Si mester di mas informashon por yama Johnny na 5602992.

Wednesday, November 12, 2008

Gran final di Liga Amistad entre Veteranos i Revelation Stars, djadumingu awor 1′or pm

WILLEMSTAD E gran final entre Veteranos i Revelation Stars a empatá djadumingu último. Revelation Stars a gana e promé wega 21-10 i Veteranos a derotá Revelation Stars den un tremendo wega 10-9. E wega number dos tabata pèrtá i emoshonante. E wega fina-lísimo lo tuma lugá djadu-mingu 16 di novèmber pa 1’or na Ricardo Elhage Ballpark.

RESULTADONAN
Revelation Stars 21, San Marco 10
E ekipo Revelation Stars tabatin 19 hit i nan a hasi 4 eror. Ganadó tabata Wim Felicia, miéntras Dennis D'Arnault a bai di 4-4.
Dennis D'Arnault a konektá 2 bataso di kwater skina.
Roderick Postina, Randolph Balentina, Ludwig Pietersz, Edmar Cornelia i Irving Sambo, tur a konektá un bataso di kwater skina.
San Marco a bati 12 hit i nan a hasi 2 eror.
Norman De Roon tabata esun ku a pèrdè i Jair Josepha a bai di 3-2.
Ericson Senior tambe a bai di 3-2. Jair Josepha i Ericson Senior a konektá un homerun. Gerthon Matrona tabatin un homerun den tereno.

San Marco 10, Revelation Stars 9
San Marco a bati 13 inkogibel i nan a kometé 2 eror.
Jair Josepha a gana i e mes a bai di 3-2. Gerald Leonora i Sidney De Windt tambe a bai di 3-2. Jair Josepha, Ericson Senior, Sidney De Windt i
Robertico Ramazan a konektá un homerun.
Pa Revelation Stars 7 hit i 2 eror. Edison Sambo a sufri e derota. Remy Janga a bai di 1-1 ku un homerun.

Buena Vista Power kampion Liga van Engelen

Buena Vista Power den wega super dramátiko a bira kampion Liga van Engelen 2008. Buena Vista Power tabata kampion di e liga na aña 2005. Nan a gana Baranka den èkstra inning 22-21. Despues di wega tabatin entrega di premio.
Buena Vista Power a selebrá nan titulo formalmente djadumingu último na varios sitio aki na Korsou, entre otro Bon Bini

NUMERITONAN
Buena Vista Power 22, Baranka 21
Buena Vista Power a dal 22 hit i nan a kometé 3 eror. Gregory Martijn a gana i Erling Gosepa a bati di 4-4.
Urving Sambo i Merieldo Trinidad a bati 1 homerun.
Gibi Juliet i Senny Petronella a bati 2 homerun.
Baranka a bati 25 hit i hasi 5 eror. Sharlon Hanst tabata e picher pèrdèdó i Remy Janga a bati di 2-2.
Wilfred Reinita, Mayron Martinus, Luigi Virginia, Remy Janga i Ericson Martina a bati un homerun.

PREMIO
Kampion: Buena Vista Power;
Supkampion: Baranka;
Di tres Lugá: Swift;
Di kuater lugá: Dalpega;
Kampion temporada regular: Buena Vista Power;
Ekipo mas displiná: Crazy Tigers;
MVP di e gran final: Gilbert Juliet.

Kampion Bate: Jair Josepha (Swift) ku promedio di .605 produkto di 26 hit den 43 turno.
Jair a gana e kopa komo lider di homerun ku 13 homerun.
Mester bisa ku akinan ela keda empatá ku Gibi Juliet ku 13 homerun.
Norman ‘Nonnie’ De Roon di Buena Vista Power a sali kampion picher ku 6 ganá i 0 pèrdí.

Tuesday, November 11, 2008

The Bears i Sta Rosa Memories Scarlet ta den final di beisbol veterano

WILLEMSTAD - E dos ekiponan ku lo bai batayá kontra otro p’e titulo di kampion di beisbòl veterano 2008 ya ta konosí. The Beras i Sta Rosa Memories/ Scarlet a klasifiká pa final.

Sta Rosa Memories/ Scarlet a gana Vosama ku skor di 10 pa 5. Pa Sta Rosa M/Scarlet
10 kareda 8 hit i 2 eror. Picher ganadó Momon Martina. Miho bate Rignald Martina di 2 – 2.
Pa Vosama 5 kareda 6 hit i 6 eror. Picher pèrdèdó Clifton Yziek. Miho bate Fransje Lambertina i Remick Bernadina di 2 -1.

the bears kampion beveko 2007
The Bears kampion Beisbol Veterano 2007 i rumbo pa otro titulo.


The Bears di su banda a pasa fásil riba Azucar ku skor di 10 pa 1. Pa The Bears 10 kareda 18 hit i 1 eror. Picher ganadó Deron Clara. Miho bate Jeronimo Daflaar i Jeffrey Martina di 4 – 3.
Pa Azucar 1 kareda 4 hit i 3 eror. Picher pèrdèdó Frank Leuteria. Miho bate Royston Privania di 2 – 1. Final di beisbòl veterano ku e aña aki ta ser dediká na Boy Silvanie i Marco Antonio Rodriguez.ta kuminsá djadumingu awor 16 di november riba velt Vi Jansen na kolebra bèrdè pa 2 or di atardi.

Den Sta Rosa M/ Scarlet dirigí pa Momon Martina nos ta haña diferente hungadonan manera Lilin Martinus. Pitufo Lourens, Pompon Martina, Beer Adelina, Sandy Reina, Bani Coffie, Gregory Reina,Lucho De Windt i Lio Magdalena.

Monday, November 10, 2008

Bombers kampion, Skarlo sup-kampion i Padres number tres, den Liga Amstel

WILLEMSTAD - Bombers kampion, Skarlo supkampion i Padres number tres den Liga Amstel 2008.
Liga Amstel 2008 den nan promé aña a resultá un éksito rotundo.
Softballcuracao.com tin numeritonan di e fecha final di Liga Amstel.

SERIE FINAL
Wega number 1
Bombers 15, Skarlo 12
Bombers a dal 15 hit i hasi 4 eror. Edwin ‘Edichi’ Martina a gana i Reggie Martina a bati di 4-3.
Miro Daal i Dave Kirindongo a dal un homerun. Randolph ‘Johnny ‘ Balentina a dal dos homerun.
Skarlo a konektá 10 hit i hasi 3 eror. Edison Sambo a pèrdè. Robertico Ramazan, Edison Sambo i Sepherine ‘Dugel’ Adriana a bati di 3-2. Robertico Ramazan i Dugel Adriana tabatin un homerun.

Wega number 2
Bombers 20, Skarlo 9
Bombers a bati 20 hit i a kometé 2 eror. Joel Balentina a gana i Stanford Landburg a bati di 5-4.
Jair Quant, Luigi Virginia i Randolph ‘Johnny’ Balentina a bati un homerun.
Skarlo a bati 9 hit i hasi 1 eror. Edison Sambo a gana i Lindomar Cathalina a bati di 2-2.
Mairon Martinus, Edmar Cornelia i Robertico Ramazan a bati un homerun.

Wega pa di 3 i 4 lugá
Padres ta gana Carpatula pa forfeit debí ku Carpatula no a logra kompletá 9 hungadó pa wega por start.

Monday, November 3, 2008

The Bears ta nòkout Azucar 12-2 i Santa Rosa ta gana Vosama 5-2 den play-off Beisbòl Veterano

WILLEMSTAD - Play-off semifinal di Beisbòl Veterano a start ayera na Vi Jansen Ballpark ku dos wega.
Den e promé wega e kampion di kampionato 2007 The Bears a nòkout Azucar 12-2.

Weganan ta sigui otro siman na Vi Jansen Ballpark na Cas Chiquito.
Djadumingu awor Santa Rosa Memories lo topa Vosama den e promé wega pa 11’or i despues The Bears ta topa Azucar den wega number dos.

Azucar tabatin un fildeo erátiko den e wega kontra The Bears i The Bears a sabi di probechá di e oportuni-datnan pa gana e wega fásil. Azucar a nota nan promé dos karedanan den kabes di promé inning.
Sedeney ‘Spin’ Lourens tabata hermétiko riba montíkulo pa The Bears pichando henter e wega (5 inning)

Vosama a sali bon kontra Santa Rosa notando dos kareda den nan promé oportunidat. Santa Rosa ta logra kòrta ventaha pa despues bai ariba riba doblete di Gregory Reina.
Momon Martina a gana e wega den relevo.

Serie Final entre Baranka i Buena Vista Power empatá

WILLEMSTAD - E serie final Liga van Engelen 2008 a keda empatá ayera.
Buena Vista Power a gana promé wega 14-7 i Baranka ta gana wega number dos 14-1.

Un públiko basta bon a bai Suvek pa mira e wega final.
E wega finalísimo lo ta djadumingu awor 3’or pm na Suvek Ballpark

Bombers ta sweep Skarlo i bira kampion Liga Amstel 2008

WILLEMSTAD - Bombers a dal Skarlo den dos wega stret i bira kampion Liga Amstel 2008 djasabra último na Suvek Ballpark.
Tabata un final maratóniko ku a start 4.30’or pm i kaba kasi 11.00’or pm.
Bombers a gana e promé wega 15-12 i wega number dos 20-9.

Despues di wega tabatin entrega di premionan individual i premio di ekipo.
Mester bisa ku durante wega tabatin hopi reklamo riba batenan ilegal.
Ta bon pa den futuro Liga Amstel pensa den mesun direkshon ku Liga van Engelen kaminda ekiponan ta bati ku batenan di liga.

MVP
Johnny Balentina a bira MVP di e serie final batiendo di 7-3 ku 3 homerun, miéntras Joël Balentina tabata klave komo picher relevo.

Saturday, November 1, 2008

Final entre Nos Por/The Fighters lo tuma lugá dia 14 i 16

WILLEMSTAD - E siguiente weganan entre Nos Por i The Figters bálido pa final di Liga Streanan di Ayera lo tuma lugá djabièrnè 14 i dja-dumingu 16 di novèmber.

E wega di ayera a keda suspendé pa mal estado di tereno i a disidí sigui dia 14 i 16 debí ku varios hungadó lo bai Boneiru e wikènt di 7,8 i 9 di novèmber.

Skarlo ta dal Carpatula 10-6 i ta klasifiká pa final Liga Amstel

WILLEMSTAD Skarlo a gana Carpatula 10-6 ayeranochi na Suvek Ballpark i klasifiká pa final di Liga Amstel manera nos a antisipá for di komienso di temporada.
Skarlo a presentá atrobe ku Edison Sambo ku a tira bon pa Skarlo gana.
E serie final mihó di treS mester a start djabierne anochi 7.30’or na Suvek Ballpark. Pero ta start, awe djasabra 1 di november 2008 na Suvek Ballpark. Weganan lo ta 4'or i 6'or.

E wega bálido pa di tres lugá entre Carpatula i Padres lo hunga mayan 2’or.
12’or di mèrdia lo tin un wega amistoso entre Sagitario Car Rental i Speedy.

NUMERITONAN
Skarlo a nota 10 kareda, bati 14 hit i hasi 1 eror. Edison Sambo a gana i Mairon Martinus a bati di 2-2.
Mairon Martinus, Edmar Cornelia, Gerald Leonora, Lindomar Cathalina i Eugene ‘Papo’ Antonia a konektá un homerun.
E homerun di Mairon, Edmar Cornelia i Lindomar Cathalina tabata back to back.
Carpatula a skor na 6 okashon, bati 9 hit i hunga sin eror. Norman de Roon a resultá e picher pèrdèdó i Gilbert Juliet a bati di 2-2.
Gilbert Juliet, Hensley Josephina i Michelangelo Cijntje tabatin bataso di kuater skina.Djuric Pietersz tabata den gran forma den shortstop pa Carpatula, pero no por a evita ku e ekipo Carpatula a kai vensi.

Veteranos i Domi lo bolbe topa den semi-final Liga Amistad djadumingu, 2 di novèmber

WILLEMSTAD 0 E dos ekiponan ku a hunga final di Liga Amistad lo bolbe topa djadumingu awor na Ricardo Elhage Ballpark.
Domi kampion Liga Amistad 2007 lo topa ku Veteranos den wega number 2.
Weganan lo tuma lugá 1’or i 3 ‘or si ta nesesario.

Veteranos a gana wega number 1 ku skor 15-14.
Nos tin resultado di wega di djadumingu pasá.

Veteranos 15, Auto City 14
Veteranos a bati 25 hit i hasi 5 eror. Sharlon Hanst a gana i Rachit Jacobs a bati di 5-4. Gerthon Matrona tambe a bati di 5-4.
Robertico Ramazan, Gerald Leonora i Sidney de Windt a bati un homerun.

Rachit Jacobs a dal 2 homerun.
Domi a konektá 19 hit i hasi 1 eror. Ellerick Rodriguez a resultá e picher pèrdèdó i Rayen Samuel a bati di 4-4. Dayron Matrona i Kurt Adelina a dal un homerun.

Selekshon di Liga di Slowpitch ta representá Kòrsou

WILLEMSTAD - Djaweps 30 di òktober un delegashon di Liga Trai Seru a sali pa República Dominicana pa hunga algun wega di Slowpitch.
E delegashon ta konsistí di 21 persona ku Johnny Isabella komo hefe di delegashon. Wellingtong Martina ta asistí Johnny Isabella ko-mo asistente hefe di delegashon.
E hungadónan ku ta bai ku e selekshon ta.

Thursday, October 30, 2008

Torneo Internashonal organisá pa ekipo Flamboyan Liga 50

WILLEMSTAD - E wikènt aki lo tin un torneo internashonal organisá pa e ekipo veterano maskulino Flamboyan.
Di Aruba lo ta di bishita na Kòrsou e ekipo Aruba Juniors.
E weganan ta tuma lugá na Little League Ballpark.

Aruba Juniors ta yega Kòrsou djabièrnè mainta.
Djasabra 12’or Aruba Juniors lo enfrentá Flamboyan.

Lo tin weganan femenino tambe entre Rising Trotters, Treasure, Mi Deseo i One & Only.
Den maskulino tin Caterpillar, Mon Repos Sluggers, Jaws, Lions, Aruba Juniors i Flamboyan.
Den Liga 40 tin Rising Trotters, Baranka i Jaws.

Djadumingu 11’or i 2’or na Suvek Ballpark

WILLEMSTAD - E gran final di Liga van Engelen lo tuma lugá djadumingu awor 11’or i 2’or na Suvek Ballpark entre Baranka i Buena Vista Power.
Baranka tin un siman den final miéntras Buena Vista Power a gana Swift den dos wega stret djadumingu último pa pasa pa final.
E gran final lo bira elektrisante, debi na e echo ku Baranka a gana un wega pa forfeit den e promé serie entre e dos ekiponan.

wepsait power kampion van engelen 2005
Buena Vista Power kampion 2005 di Liga van Engelen, nan lo ripití den 2008 ??

RESULTADO SEMI-FINAL
Wega number 1
Buena Vista Power 9, Swift 7
Buena Vista Power a bati 10 hit i hunga sin eror. Gregory

Martijn a gana i Robert de Windt a bati di 3-2.
Irving ‘Skippy’ Sambo, Gilbert Juliet i Ludwig Pietersz a bati un homerun.
Swift a dal 11 hit i hasi 2 eror. Donovan Seferina a pèrdè i Jair Josepha a bati di 3-3.
Julien Ignacio i Jair Josepha tabatin un homerun.

Wega number 2
Buena Vista Power 7, Swift 4
Buena Vista Power a konektá 9 hit i hasi 1 eror.

Norman de Roon tabata e picher ganadó i Mayron Wijman a bati di 4-3.
Erling Gosepa a bati di 1-1.
Emerick Agatha, Mayron Wijman, Irving Sambo i Ludwig Pietersz a konektá un homerun.
Swift a dal 6 hit i hasi 2 eror. Frensel Martinus a pèrdè i Joel Angelista a bati di 2-1.
Dave Kirindongo tabatin un homerun.

Wednesday, October 29, 2008

Landelijk Politie Opleidingsinstituut kampion torneo Hudisial djasabra último

WILLEMSTAD - Landelijk Politie Opleidingsinstituut a dal Kustwacht 15-7 den partido final i bira kampion di e torneo Hudisial organisá djasabra último.
E weganan mester a tuma lugá na Suvek, pero debi na mal estado di tereno a pasa pa Buena Vista Ballpark.
Den e promé partido LPO ta logra gana di Polis Kòrsou (AT) ku skor di 23-13. E wega tabata pèrtá 12-12 den di kuater inning.
Despues Kustwacht ta gana AT i pasa pa final kontra LPO. Den final Kustwacht tabata dilanti 4-1 pero LPO ta bòltu e skor pa gana despues 15-7.

Revelation Stars di Wim Felicia ta klasifiká pa final Liga Amistad

Revelation Stars, e ekipo revelashon di Slowpitch den 2008 a klasifiká pa final di Liga Amistad.
Revelation Stars a klasifiká pa final den nan promé aña di eksistensia ganando di Domi den wega number tres di e serie 1 kontra 2.
Veteranos a gana Domi den wega di semi-final.
Djadumingu awor lo tin wega number dos i wega number tres si ta nesesario entre Domi i Veteranos.

Buena Vista Power ta sweep e serie kontra Swift i pasa pa final

WILLEMSTAD - Buena Vista Power ta gana Swift 9-7 den e promé wega i 7-4 den wega number dos i pasa pa final di Liga van Engelen pa di dos aña siguí.
Buena Vista Power ku a pèrdè pa forfeit siman pasá a disidí di presentá na wega i hunga den gran forma.
Tabatin menasa di saka e ekipo aki for di Liga van Engelen si nan no presentá
pa hunga djadumingu 26 di oktober 2008.

Gregory Martijn huntu ku Nonnie de Roon a kombiná pa gana e promé wega.
Swift tabatin e wega ganá 7-0 pero despues Buena Vista Power ta rèli pa hasi e wega 4-7, pa despues bòltu e skor den último inning.

Thursday, October 23, 2008

Sifranan Final Sòftbòl Dobel A 2008

WILLEMSTAD - Softballcuracao.com a risibi sifranan final di kampionato di Sòftbòl Femenino Dòbel A 2008.



Team W L Pct Protested Game
PICHINGOLO.......... 20 0 1.000 -
THE ONE............. 15 6 .714 -
EAGLE SOFTEX........ 11 10 .524 -
SOTO................ 10 11 .429 1-0
STA ROSA............ 10 11 .476 -
RISING TROTTERS..... 9 12 .429 0-1
HAPPY ANGELS........ 6 15 .286 -
PARADISE............ 3 17 .150 -



TEAM BATTING G Avg AB R H 2B 3B HR BB SO SB-ATT
-------------------------------------------------------------------------------
PICHINGOLO.......... 20 .373 475 166 177 32 4 13 57 39 13-14
THE ONE............. 21 .301 481 114 145 20 2 2 57 70 38-44
EAGLE SOFTEX........ 21 .236 416 103 98 22 4 1 55 77 21-24
RISING TROTTERS..... 21 .224 477 80 107 17 1 0 79 109 11-13
PARADISE............ 20 .223 373 58 83 8 2 0 58 77 20-25
SOTO................ 21 .220 451 72 99 10 4 1 43 91 10-12
STA ROSA............ 21 .219 466 78 102 13 0 0 66 98 22-25
HAPPY ANGELS........ 21 .207 429 69 89 7 0 1 49 91 13-15
Totals.............. 83 .252 3568 740 900 129 17 18 464 652 148-172

Wednesday, October 22, 2008

Bombers ta gana Skarlo 11-9 i ta klasifiká number unu den Liga Amstel

WILLEMSTAD - Bombers a gana Skarlo 11-9 den un wega emoshonante djasabra último na Suvek Ballpark. Un bon públiko tabata presente pa mira e wega aki.
Roderick ‘Kora’ Sambo a tuma e bala den relevo pa dominá e fuerte bateria di Skarlo.
Play-off semi-final Liga Amstel ta start djabièrnè ku dos wega na Suvek Ballpark.
Djasabra lo hunga 2’or i 4’or. Si e serienan split lo hunga 6’or i 8’or.
Bombers lo enfrentá Padres i Skarlo ta topa Carpatula. Keda pendiente pa mas informashon den kurso di siman.

Bombers uniform nobo 2008
Bombers number unu den Liga Amstel

Bombers 11, Skarlo 9
Bombers a dal 12 hit i hasi 1 eror. Roderick Sambo a gana i Shendy Cras a bati di 2-2. Stanford Landburg i Shendy Cras a bati un homerun.
Skarlo tabatin 12 hit i nan a hasi 2 eror. Marlon Noor a resultá e picher pèrdèdó i Lindomar Cathalina a bati di 4-4. Lindomar Cathalina, Ericson Martina i Gerald Leonora a bati un homerun.

Play-off Liga van Engelen kayente atrobe, Wega number 2 entre Baranka i Buena Vista Power di forfeit

WILLEMSTAD - E wega number dos di e play-off sistema page entre Buena Vista Power (no.1) i Baranka (no.2) a keda di forfeit na fabor di Baranka djadumingu 19 di òktober 2008
Un palu di awa a kai promé ku e wega mas o menos 6’or. Umpirenan a subi tereno huntu ku algun miembro di direktiva i a deklará ku e tereno ta bon pa start wega.

Baranka tabata dispuesto pa hunga riba e tereno, miéntras Buena Vista Power tabata di opinion ku e tereno no ta bon pa hunga ariba, espesialmente den outfielfd.
Despues ku chief - umpire Julio Hellburg a tuma kontakto ku direktiva, Baranka a subi tereno i ela forfeit e wega na fabor di Baranka.
Baranka a gana e promé wega 12-10 di Buena Vista Power. Swift a sweep Dalpega den dos wega.

Monday, October 20, 2008

Nos Por i The Fighters ta gana djabièrnè den play-off Liga Streanan di Ayera

WILLEMSTAD - Nos Por a gana Mi Deseo ku skor grandi 13-1, miéntras The Fighters tambe a dal Destiny duru 12-3 den play-off Liga Streanan di Ayera ku a tuma lugá djabierne 17 di òktober 2008 na Little League Ballpark.

Tur dos serie ta empatá i djadumingu aowr ta kandela tin na Little League Ballpark.
2’or Nos Por ta topa Mi Deseo i 4’or The Fighters ta hunga kontra Destiny.
Den e promé wega di ayera entre Nos Por i Mi Deseo, Soraida Maduro tabata e picher ganadó pa Nos Por. Pa The Fighters Sevilla Martina a gana e gran faborito Destiny.

GGD Sòftbòl Klup ta rekordá e echo ku 27 aña pasá e ekipo a keda fundá pa algun trahadó di GGD

WILLEMSTAD - Djabièrnè 17 di òktober 2008, e ekipo GGD a rekordá ku 27 aña pasá e ekipo a wòrdu fundá pa entre otro Lucho Zusschen (qepd), Bolle de Windt, Chebu Kirindongo i Ronny Rosa.
Despues ku GGD a keda fundá na òktober 1981 ya na novèmber 1981 nan a bai Aruba i hunga kontra Douane tantu den sòftbòl komo dominó i futbòl. Hopi dushi e ekipo a pasa.
E ekipo a biaha na masha hopi okashon i te ainda ta bou di direkshon di Sidney ‘Pipi’ Pieter.
Un saludo pa nos brother Ronny Rosa ku ainda ta tira bala den e ekipo di Selikor i Chebu Kirindongo (Ushley) ku ta move den gran forma den Mon Repos Sluggers (Sigi Gosa 50)

Thursday, October 16, 2008

Skarlo ta blankia Chincho Sharks ku skor grandi 15-0

WILLEMSTAD - Weganan di Round Robbin Liga Amstel a kontinuá siman pasá na Suvek Ballpark. Skarlo a dal Chincho Sharks duru djabièrnè 15-0. Awe nos tin e numerito di e weganan di wikènt pasá.

Skarlo 15, Chincho Sharks 0
Skarlo a konektá 14 hit i nan a hasi 1 eror.
Eldred Bakker a gana, miéntras Renato da Costa Gomez a bai di 2-2.
Rudsel Martina tambe a bai di 2-2.
Chincho Sharks no tabatin hit i nan a hasi 2 eror.
Shahairy Eustacia a pèrdè.

Swift i Baranka ta terminá empatá na di dos lugá den Liga van Engelen

WILLEMSTAD - Swift a dal Baranka duru djadumingu último i empatá na di dos lugá ku rekòrt di 15-3.
Buena Vista Power a resultá nan so na promé lugá ku 16 ganá i 2 pèrdi.
Dalpega a terminá number 4 den Liga Van Engelen i ta drenta play-off relativamente fásil.

Liga van Engelen ta pen-diente pa un wega di deskite entre Swift i Baranka pa start play-off djadumingu awor.
Awaseru ta kai pisá e dianan aki i hungadó ku fanátikonan ta pendiente di e wega aki.

Djadumingu 12 di òktober
Dalpega 19, Uniko 9
E ekipo Dalpega tabatin 20 hit i nan a kometé 1 eror.
Jose Obispa tabata e picher ganadó, miéntras Rayen Samuel a bai di 5-4.
Rachid Jacobs tambe a bai di 5-4.
Maikel Bitorina a konektá un homerun.
Uniko a bati 15 hit i nan a hasi 2 eror.
Gustaaf Barhorst tabata e pèrdèdó i Lindo Rosa a bai di 3-3.
Lindsey Laken a konektá 2 homerun.

Wednesday, October 15, 2008

Swift ta nòkout Baranka 14-2 pa empatá na di dos lugá

WILLEMSTAD - Swift a presentá fuerte djadumingu i nòkout Baranka ku skor di 14-2.
Baranka a start ku Eldred Bakker ku djabièrnè a blackout Chincho Sharks den Round Robbin di Liga Amstel.

Eldred Bakker no tabatin nada den su balanan i a tira hopi base por bola kombiná ku algun hit oportuno di Swift.
Pa Swift Johan ‘Janchi’ Cicilia tabata hermétiko pichando e wega kompletu i permitiendo apénas 6 hit na e ekipo di Baranka. Marwin ‘Pin’ Wijman tabatin homerun pa Swift.

EMPATE
Despues di e weganan di ayera ku ta e últimonan di e kampionato regular, Swift ta resultá empatá ku Baranka na puesto number dos ku rekòrt di 15 ganá i 3 pèrdi.
Buena Vista Power a terminá number unu ku rekòrt di 16-2. Den e siman aki lo tin un wega di deskite entre Swift i Baranka.

Bombers i Skarlo ta sigui fuerte i invikto den Round Robbin

WILLEMSTAD - Bombers i Skarlo a gana nan kontrinkantenan fásil den Round Robbin di Liga Amistad.
Bombers a blackout Carpatula 24-9 djasabra miéntras e wega entre Skarlo i Bombers a keda suspendé.

Skarlo tambe ta fuerte, nan a nòkout Chincho Stars mahos djabièrnè ku skor di 15-0.
Skarlo i Bombers a klasifiká number 1 i 2, miéntras tin tur indikashon ku Padres i Carpatula lo terminá number 3 i 4. Chincho a gana Los Unidos pa forfeit djasabra i tin solamente un wega ganá. Los Unidos no tin viktoria ainda den e Round Robbin i no ta bai klasifiká. Den kurso di siman nos tin resultado i detaye di e Round Robbin.

Revelation Stars kampion Torneo Regatta Boneiru

WILLEMSTAD - Revelation Stars, ekipo di Wim Felicia i kompania tabata den gran forma na Boneiru.
Revelation Stars djadumingu anochi a gana Blue Jays ku skor di 8-5 i bira kampion di e fuerte torneo den kuadro di selebrashon di Regatta na Boneiru.
Revelation Stars a gana e ekipo La Sonrisa 9-2 den semi-final pa bai final kontra Blue Jays.

Fin di siman hungadónan di Revelation Stars a move djaweps i djabièrnè pa Boneiru. Tabata reina un ambiente total aya na Boneiru i e hungadónan a gosa un bòl di e eventonan di Regatta.
E ekipo Revelation Stars a pèrdè solamente un wega kontra e ekipo number unu di Boneiru, Braves di Salinja. Pabien na e kipo Revelation Stars ku nan título den e torneo fuerte.

GGD i Molester ta pèrdè pa defolt den Liga Amistad

WILLEMSTAD - Awaseru a kai pisá e dianan aki, defolt tambe a kai manera awaseru den Round Robbin di Liga Amistad djadumingu último na Ricardo Elhage Ballpark.

1’or GGD mester a enfrentá Veteranos San Marco i GGD ta pèrdè pa defolt debí ku nan no tabata kompleto pa start wega.
Den e di dos wega pa 3’or pm Molester tambe ta pèrdè pe defolt debí ku nan no por e kompletá pa kuminsá wega. Molester mester a enfrentá Magic Robbie’s Lottery.

PLAYOFF SEMI-FINAL
10.00 San Marco - Magic
12.00 Domi - Revelation
14.00 Magic - San Marco
16.00 Revelation – Domi

Tuesday, October 14, 2008

Shurella Merkies ku tremendo ‘come back’ den Sòftbòl Dobel A Femenino

WILLEMSTAD -Shurella Merkies despues di un ousensia di kasi 2 aña ta bèk i pichando den gran forma pa su tim nobo ku ta e tim di The One. Revista Deportivo Korsou a kombersá ku Shurella ku sin duda ta un dje sòftbòlistanan destaká di nos kampionato di sòftbòl femenino Dòbel A.
"Mi a regresá sòftbòl aña pasá, pero kasi mi no a hunga. Por bisa ku mi ta hunga sòftbòl atrobe despues di kasi 2 aña", asina Shurella Merkies ta konta.
Merkies ku aktualmente tin 28 aña di edat ta splika ku ela kuminsá hunga sòftbòl ku 10 aña serka "Shonpe" Hooi na Bandabou.
Ku 12 aña ela kuminsá kompetí den sòftbòl ku deporte den bario i ku 16 aña ela hunga sòftbòl hubenil.
E lansadó estrea a kuminsá ku e tim di Rio Magdalena i despues ku e tim di Soto.
Shurella ku ta un mucha di Bandabou ta rekonosé ku ela kambia tim ku duele na su kurason. "Mi tabatin poko diferensia di opinion, no ku manager, pero ku algun hungadó di klup, ya i kosnan a bai asina", Shurella ta konta.
Ela bisa ku den e tim di The One ta bayendo bon. E tin rekòrt di 5 ganá i 0 pèrdí, i e tim di The One ta na di dos lugá riba e standing.
"Mi ta train hopi, kasi tur dia. Ora mi no train na velt mi ta bai gym kaminda ku tambe mi ta train", e picher estrea ta splika. Merkies ta bisa ku e ta biba awor na Souax, poko mas serka ku Bandabou naturalmente. "Lelá” ta kontentu den e tim di The One i ta pensa ku nan lo hunga e final kontra di Pichingolo. E ta pensa ku kisas e trainingnan di The One por wòrdu poko mihó bishitá. E mes ta haña ku su velosidat a keda kasi meskos ku antes i ku mas e picha mihó e bira.
E picher tin deseo ku e nivel di sòftbòl femenino lo por lanta. "Nos mester sigui o traha riba mucha hóben ku smak. Bo ta mira ku ya e kompetensia di Little League a hasi su influensia paso tin hopi mucha hóben ku smak den sòftbòl", Merkies ta remarká. E ke mira mas picher. E ta pensa ku si Stephany Henriquez,15, ku ta hunga pa Pichingolo sigui traha ku smak e lo por bira bon picher den futuro.
"Nos tin di keda traha riba mucha hóben ku smak pa asina pone e deporte na un nivel haltu pa nos por kompeti Internashonalmente", Shurella Merkies a bisa den un entrevista ku Revista Deportivo Kòrsou.

Entrevista saka for di Revista Deportivo Korsou edishon sèptèmber 2008.

Tradepa huntu ku Radio Hoyer lo kuminsá ku transmishonnan di sòftbòl lokal

WILLEMSTAD - Entrante play-off Softbol Femenino Doble A Tradepa huntu ku Radio Hoyer lo kuminsá ku transmishonnan di sòftbòl.
Nos a kombersá ku e hòmber tras di e transmishonnan di Tradepa ku ta Boy Melfor i ela informá nos ku e transmishonnan lo kuminsá ora play-off start.
Segun Melfor a bisa nos ku sòftbòl ta den su fase mas importante na e momentunan aki i e ta kere ku lo ta bon pa duna un poko sostén na e deporte.
Riba nos pregunta ta kuantu partido lo keda transmití e aña aki, Melfor a kontestá ku lo ta mas ku 15 partido lo keda transmití. Mas aleu Boy ta bisa ku e echo ku ekiponan lokal a reforsá ku hungadónan estranhero ta hasi e kampionato di e aña aki hopi interesante i e lo ke duna su aporte den forma di transmishon di e partidonan.
Nos ta sigur ku e transmishonnan di Radio Hoyer lo duna un boost enorme na e kampionato di sòftbòl.

Monday, October 13, 2008

Tur kos por pasa ainda den final di beisbol veterano

WILLEMSTAD - Otrabanda a sòru pa un empate na di 4 luga di klasifikashon den final di Beisbòl Veterano ora ku nan a gana di Azucar ku skor di 9 pa 7. Despues di tabata perdí e tim di Otrabanda a bin bèk ku yudansa di un tremendo relevo di Pepe Meulens huntu ku tripel bari base di di Norman “Slòbò” Sloop pa gana di Azucar.

Pa Otrabanda 9 kareda 8 hit i 3 eror. Picher ganadó Pursey “Pepe” Meulens. Miho bate Railey Toppenberg di 3 – 2. Pa Azucar 7 kareda 6 hit i 4 eror. Picher perdedo Royston Privania. Miho bate Richenel Boeldak i Frank Leuteria di 1 – 1. Yesterday ta gana pa default ora ku Surprise no por a kompletá.

The Bears ta gana di Eagle veterans ku skor di 11 pa 2. Pa The Bears 11 kareda 10 hit i 0 eror. Picher ganadó Deron Clara. Miho bate Geronimo Daflaar di 3 – 3. Pa Eagle 2 kareda 4 hit i 2 eror.
Picher perdedo Gladwin La Cruz. Miho bate Cedric Curiel i Denley Marten di 2 – 2.

Friday, October 10, 2008

Magic Robbie’s Lottery ta gana GGD den Round Robbin Liga Amistad

WILLEMSTAD - Liga Amistad a sigui wikènt pasa ku tres wega. Magic Robbie’s Lottery ku a sali pèrdè nan promé tres weganan a gana GGD i ainda tin chèns di klasifiká.
Revelation Stars e ekipo revelashon di Liga Amistad i di Slowpitch a gana e super ekipo Veteranos.
Weganan ta sigui e wikènt aki na Ricardo Elhage Ballpark.

Djadumingu 5 di òktober
Magic Robbie's Lottery 6, GGD 4
E ekipo Magic Robbie's Lottery a bati 10 hit i nan a hasi 1 eror.
Francisco Alcantara tabata picher ganadó, miéntras
Jeffrey Thompson i Aldrin Paesh a bai di 4-2.
Sharlon Noor a konektá un homerun.
GGD a bati 6 hit i nan a kometé 1 eror.
Donovan Seferina tabata e pèrdèdó i Tyrone de Palm
a bai di 3-2 inkluyendo un homerun.

Domi AutoCity 18, Molester 2
Domi AutoCity a bati 19 inkogibel i nan no a kometé pifio.
Ellerick Rodriguez a bai ku e viktoria.
Dave Kirindongo i Rudsel Isabella a bai di 3-3.
Dave Kirindongo a konektá un bataso di kwater skina.
Molester tabatin 4 hit i nan a hasi 2 eror.
Elton Richardson a pèrdè i Anchel de Palm i Shurton Yziek a bai di 2-1.
Arlison Sommer i Edson Rosaria tambe a bati di 2-1.
Shurton Yziek a konektá un homerun.

Thursday, October 9, 2008

Naai Hooi ta tira no hit no run kontra Catpower i klasifiká Trotters pa final

WILLEMSTAD - Rignald ‘Naai’ Hooi tabata hermétiko djamars anochi pa su ekipo Rising Trotters den e wega finalisimo di semi-final Liga 40 kontra Catpower.
Naai Hooi a tira un no hit no run kontra Catpower dilanti un bon públiko na Suvek.
E tremendo picher veterano aki a poncha 7 i embasá solamente 5 batiadó.
E wega a termina ku skor di 2-0 na fabor di Rising Trotters naturalmente.
Rising Trotters ta klasifiká pa e gran final i lo enfrentá Baranka djaweps awor den un serie mihó di tres.

NUMERITONAN
Rising Trotters a nota 2 kareda, bati 5 hit i hasi 1 eror.
Rignald ‘Naai’ Hooi a gana i Edwin Thielman a bati di 2-1.
Ingomar Jonis tambe a bati

di 2-1. Catpower no a bati hit i hasi 1 eror.
Wim Felicia a resultá e picher pèrdèdó.

Tuesday, October 7, 2008

Julio “Maracucho” Hellburgh:“Mi tin kasi 60 aña den Sòftbòl”

WILLEMSTAD -Aworaki mi mester tin 55 pa 60 aña vinkulá ku e deporte di Sòftbòl", na palabra Don Julio Hellburgh, konosí tambe komo "Maracucho".

Julio ta bisa ku nunka e no tabata ousente, simplemente e tabata dediká su mes na otro trabou pa Sòftbòl.
Ela haña un yamada pa puntra si e ta deseá di yu-da i ela pensa: "Mi mester yuda, mi'n por laga e deporte di sòftbòl na kaya. Mi debe sòftbòl ku tabata bon pa mi.”
Julio Hellburgh a konta Revista Deportivo Kòrsou ku for di aña 1949 ela kuminsá empayá sòftbòl i ta rekordá ku ela bai un kurso di "American Softball Association" na Estados Unidos na 1955. Promé ku esei na aña 1952 Julio Hellburgh a bai St. Thomas ku e tim di Paradise kaminda nan a kompetí den un kompetensia Internashonal fastpitch invitashonal.
"Realmente mi tin hopi aña den sòftbòl", Don Julio Hellburgh ku tin 78 aña di edat ta konta. Hellburgh no unikamente a traha komo umpire, pero tambe komo dirigente atministrativo. E ta umpire prinsipal di Latino Amerika i Karibe for di 1991. Resientemente e gran Julio Hellburgh tabata na Olimpiada di Beijing den representashon di sòftbòl di nos region.

International MLB Baseball Clinic a resultá eksitoso

WILLEMSTAD - Di 8 di sèptèmber pa 14 di sèptèmber a tuma lugá na Tio Daou Ball park un tremendo klínika di beisbòl yamá '1st Annual International Baseball Clinic 2008'
E klínika a keda organi-sá pa Major League Baseball, US Consulate General, Curacao Baseball City Foundation i tambe Fundashon Sedreko.

Un total di e 40 mihó peloteronan di Kòrsou entre e edatnan di 14 pa 18 aña i tambe 12 coach lokal a tuma parti na e eksitoso evento anual aki.
Huntu ku e coachnan i e peloteronan aki tabata presente, MLB director of Baseball Operations Latin America, sr. Ronaldo Peralta i tambe 4 coach ku ta representá ekiponan di Grandes Liga na República Dominicana. Nan ta
Felix Feliz-San Diego Padres;Ezequiel Sepulveda-Los Angeles Dodgers;
Miguel de la Mota-Washington Nationals i
Jose Gonzalez-Boston Red Sox.

Sunday, October 5, 2008

Standing Beisbòl Veterano

WILLEMSTAD - Despues ku The Bears a gana Nos Union ku skor di 18-0 djasabra 4 di òktober den Tio Daou Ballpark, e standing ta lo sigiente.

The Bears 14-2
Santa Rosa 12-2
Vosama 11-5
Azucar 9-6
Yesterday 7-7
Otrabanda 7-8
Nos Union 5-11
Surprise 5-11
Eagle Veterano 3-12

Catpower - Rising Trotters den último wega di semi-final djamars awor

WILLEMSTAD - Manera nos a relatá anteriormente e serie semi-final di liga 40 entre Catpower i Rising Trotters a empatá. Djamars 7 di òktober tin e último wega entre e ekiponan aki.
E wega ta programá pa start 8’or.

Miéntrastantu Baranka ya a klasifiká pa final. Nos tin resultado di e weganan di djamars.

Baranka 8, Jaws 7
Baranka a dal 9 hit i hasi 3 eror. Kenneth Ortega a gana i Marlon Paz a bati di 2-2. Marlon Paz i Sendley Reina a bati homerun.
Jaws a konektá 8 hit i hasi 3 eror. Wilbert Mercelina tabata e picher pèrdèdó i Giovanni Toppenberg a bati di 3-3. Riley Toppenberg tabatin un homerun.

Rising Trotters 7, Caterpillar 4
Rising Trotters a dal 8 hit i hunga sin eror. Rignald Hooi a gana i Sharlon Noor a bati di 2-2.
Caterpillar a dal 4 hit i hasi 3 eror.
Lionel Li a pèrdè i Sedeney Lourens a bati di 2-1.
Sedeney Lourens i Sharlon Louisa a bati un homerun.

Suli Cruz ta gradisí tur hende ku a pone atenshon

WILLEMSTAD - E dominikano Silvio ‘Suli’ Cruz ta gradisí tur fanátiko i dirigente di Sòftbòl, en todo kaso tur hende ku a pone atenshon e último dianan pa ku su salú.
Suli ta interná den hospital, despues di a operá su rudia robes e siman aki. Suli Cruz a dal violentamente kontra Jolly Juliana den un hugada kaminda Suli komo infiel-der bayendo atras i Jolly komo outfielder biniendo aden.

Bombers i Carpatula ta gana ayera den Round Robbin Liga Amstel

WILLEMSTAD - Bombers GNC Accoun-tants a gana Padres Amstel ku skor di 9-4 i Carpatula a dal Chincho Stars ku skor di 6-2 ayeranochi den kontinuashon di Round Robbin Liga Amstel na Suvek.
Padres tabatin un wega defensivo malu i Bombers a nota 9 kareda shushi.

Edwin ‘Edichi’ Martina ku no a bai Colombia ku Swift tabata e picher ganadó pa Bombers. Luigi Sint Jago tabata e picher pèrdèdó.
Carpatula despues di tabata pèrdi 2-0 ta bòltu e skor riba eror di rightfielder di Chincho Stars. Carpatula a bin gana 6-2.
Angel Brunken a gana pa Carpatula.

Saturday, October 4, 2008

Kareoke organisá pa The Fighters djasabra na ABVO

WILLEMSTAD - E ekipo The Fighters di Sòftbòl Veterano Liga Streanan di Ayera tin un tremendo kareoke djasabra 4 di òktober di 8’or pm pa 1’or am na Klup ABVO na Brievengat.

Tur ekipo di Liga Streanan di Ayera lo tin un representante den e kareoke aki.
Entrada ta nafl. 12,50.

Rising Trotters ku picheo di Naai Hooi atrobe ta gana Catpower i Baranka pa final

WILLEMSTAD - Rignald ‘Naai’ Hooi a presentá den gran forma atrobe pa Rising Trotters gana Catpower pa asina empatá e serie semi-final di Liga 40 sensashonalmente.
Naai a habri e wega i bai ruta kompletu. E tabata dominá e batiadónan di Catpower ku su rekta rápido i kambionan di velosidat. E wega a terminá ku skor di 7-4.

Den e otro wega di play-off semi-final Baranka ta laga Jaws den tereno pa klasifiká pa final di Liga 40.
Baranka a gana Jaws ku skor di 8-7.

DJAMARS AWOR
Djamars awor ta kandela tin aya na Suvek Ballpark.
E ekiponan Catpower i Rising Trotters lo enfrentá otro den e wega finalísimo di semi-final. Ta spera un pú-bliko grandi manera tabata e kaso ayera na Suvek.

Thursday, October 2, 2008

Vanessa Winklaar, temibel batidó di nos sòftbòl lokal:“Bate no ta hasi diferensia, bo tin di bati e bala

WILLEMSTAD - Vanessa Winklaar sin duda ta e batidó mas temibel di nos sòftbòl lokal femenino Dòbel A. Entre su kompañeranan di ekipo e tin e "apodo" di "Burdugu" pa su forma bestial di konektá e bala.

Vanessa no awor, pero for di dia ku ela kuminsá hunga sòftbòl femenino tabata un temibel batidó, pero e aña aki e tin mas homerun ku nunka, dor ku ya ela saka sinku for di parke i dal e bala na va-rios okashon den 'fence' di outfield ku fasilidat.
Vanessa no ta kere ku e bate ta yudabo dal bala leu. E ta pensa ku e motibu ku e aña aki e tin mas homerun konektá ta debí ku e tabata swing mas pa hit. E aña aki e ta konsentrá poko mas tantu i ta swing mas pa bataso largu. "Mi no ta kere ku bate ta hasi tantu diferensia. Bo mester konsentrá pa bo bati, swing bon i bo ta dal e bala bon ku kualke bate ku bo ta gusta", asina Vanessa ta remarká.

Wladimir “Coco” Balentien ku Cardenales Di Lara

WILLESTAD/CARACAS - Wladimir “Coco” Balentien ku ta hungando den Grandes Ligas ku e tim di Marineros di Seattle lo hunga den beisbòl invernal di Venezuela temporada 2008-2009 ku e tim di Cardenales di Lara. Balentien no a logra te awor di bati ku konsi-stensia den Grandes Ligas, pero sin duda e ta un pelotero ku lo por establesé su mes den Grandes Ligas kualke momentu.
Un bon aktuashon den temporada invernal sin duda lo por yuda Balentien pa establesé su mes den beisbòl di Grandes Ligas.

Roger Bernadina i Yurendell de Caster ku Bravos de Margarita den beisbòl invernal Venezolano

WILLEMSTAD/CARACAS Yurendell de Caster i Roger Bernadina lo hunga den temporada di beisbòl invernal Venezolano 2008-2009 ku e tim di Bravos de Margarita. E tim di Bravos a konfirmá presensia di e dos yunan di Kòrsou den nan fila pa loke ta e temporada invernal ku ta start den luna di òktober próksimo.
Roger Bernadina tabatin un aña sensashonal den Liga Menor kaminda ela establesé un rekòrt pa loke ta hungadó di Liga Menor di Washington, Nationals hungando den Dòbe A i Triple A. Bernadina ta hunga den outfield.
Yurendell de Caster ku tin hopi eksperensia den beisbòl invernal di Venezuela ta un hungadó di utilidat. E por hunga tantu den outfield komo den infield i lo por suministrá poder na plato.

Sr. Philip Elhage, skout di SF Giants:“SF Giants hopi kontentu ku Wecho Schoop”

“Sharlon, "Wecho" Schoop sin duda lo hunga den Grandes Ligas ku e tim di San Francisco Giants”, na palabra e skout di e tim na Kòrsou ku ta sr. Philip, "Lipo" Elhage.

Elhage tin ya varios aña den "skouting". Ounke e "skouting" p'e ta un hòbi, ela traha ya pa varios organisashon, entre nan pa Yankees, Tampa i tambe San Francisco Giants.
"Nos tin dos hungadó aktualmente di Kòrsou i mester bisa ku e tim ta kontentu ku tur dos", asina Elhage ta konta Revista Deportivo Kòrsou.
Fuera di Sharlon Schoop, Giants tin tambe Sudrendy Windster ku ta hunga den outfield i ku a aktua den "Dominican Summer League". Elhage ta pensa ku si tur kos bai manera mester ta ku Windster lo hunga próksimo temporada na Estados Unidos. "Windster a bai sumamente bon e aña aki. Ela kuminsá temporada poko slou, pero despues ela rekuperá i kaba sumamente bon. Windster ta un pelotero ku tin bon estatura, ku bon forsa, bon brasa i bon material pa yega leu. E tin di sigui traha fuerte i elo yega leu", sr. Elhage ta remarká.

Dr. Jerry Semper bèk den beisbòl lokal ku Curacao Yankees

Despues di un periodo poko largu ku dr. Jerry Semper (40) tabata inaktivo den beisbòl lokal, despues di a militá pa va-rios aña den Santa Rosa Indians, e luna di sèptèmber aki a bini bèk den Beisbòl Dòbel A ku e ekipo di Curacao Yankees.
Jerry Semper a splika ku e mester a atendé ku trabou komo dòkter i otro asuntunan personal loke no tabata duné sufisiente tempu pa trein beisbòl, pero e deporte aki ta fasiné i e no por a keda afó. Una bes ku ela haña tempu liber pa dediká mas na su deporte ela kuminsá evaluá e ekiponan. Despues di esaki ela opta pa Curacao Yankees, en bista dje nesesidat ku e ekipo aki tin pa hendenan di mas eksperensha. Jerry Semper a splika ku ketu bai e tin kondishon, e ta trein i kore, loke ta indikashon ku e por duna hopi ainda den deporte.
E ekipo di Yankees tin hopi talento hóben ku no mashá eksperensha i p'esei ela skohe pa e ekipo aki di Ronnie Inecia i Oscar Bolivar pa asina e por aporta ku su eksperensha den e ekipo. Segun Jerry Semper Yankees tin su farmsystem i esaki ta alentadó pasobra aki poko tempu nos lo mira e fruta dje desaroyo aki. Aworaki e ekipo mester di hende ku eksperensha pa guia nan, p'esei e trabou di Ronnie Inesia meresé apoyo i esei ta e intenshon di Jerry tambe pa kontribui na e bon desaroyo aki den Curacao Yankees.

Wednesday, October 1, 2008

Jaws ta gana Quisqueya ku skor di 12-7 den Liga van Engelen

WILLEMSTAD - Liga van Engelen a sigui djadumingu último na Suvek Ballpark ku 4 wega.
Jaws di Kid Boca Chica a gana di Quisqueya 12-7.
Den e wega prinsipal Buena Vista Power a gana Swift 4-2.
Awe nos tin resultadonan di Liga van Engelen.

Jaws 12, Quisqueya 7
Jaws a bati 12 inkogibel i nan a pifia na 3 okashon.
Rodney Windster a bai ku e viktoria i Hubert v/h Kruys a bati di 3-2.
Pa Quisqueya 10 hit i 4 eror.
Pèrdèdó tabata Ralph Hermans i Carlos Gil a bati di 4-3.

Navegantes 8, Crazy Tigers 2
Navegantes tabatin 9 hit i nan a kometé 2 eror.
Norman Provence a gana, miéntras Edwin Thielman a
bai di 4-3.
Sherwin Schoop i Eugene Antonia a konektá un bataso di kwater skina.
Crazy Tigers tabatin 7 hit i nan a hasi 1 eror.
Hensley Martines a pèrdè i Stanley Palm a bai di 4-2.

Tuesday, September 30, 2008

Skarlo i Padres ta gana dos wega den Round Robbin Liga Amstel

WILLEMSTAD - Skarlo a gana Carpatula i Los Unidos, Padres tambe a dal Carpatula i Los Unidos i nan ta práktikamente den semi-final di Liga Amstel.
Den e wega di djabièrnè Skarlo a gana Carpatula i djasabra nan a dal Los Unidos.
Padres a nòkout Los Unidos djabièrnè i djasabra nan a gana Chincho Sharks relativamente fásil.
Den kurso di siman nos lo tin mas detaye di resultadonan.

SKEDJEL E SIMAN AKI

Djabièrnè 3 di òktober
19.30 Bombers - Padres
21.30 Chincho - Carpatula

Djasabra 4 di òktober
14.00 Carpatula - Los Unidos
16.00 Padres - Skarlo
18.00 Bombers – Chincho

Buena Vista Power ta gana Swift ku skor di 4-2 den Liga van Engelen

WILLEMSTAD - Den un tremendo partido ayeratardi na Suvek Ballpark e ekipo di Buena Vista Power ta gana Swift ku skor di 4-2.
Naai Hooi a tira tremendo atrobe i tabata e picher ganadó pa Buena Vista Power.
Johan Cicilia a tira bon pa Swift pero a resultá picher pèrdèdó.

LESHON
Durante e partido aki Silvio ‘Suli’ Cruz hungando komo segunda base bayendo atras pa kue un flai kòrtiku ta dal violentamente den Eldred ‘Jolly’ Juliana.
Tur dos hungadó a keda transporá pa poliklinika.
Jolly Juliana a move for di poliklinika pa bai su dokter di kas ku su pols links leshoná miéntras Suli Cruz despues di tratamentu na poli mester a keda interná. Probablemente e mester operá su rudia robes.

Standing i Sifra Softbol Femenino Dobel A

Team W L Pct
PICHINGOLO.......... 14 0 1.000
THE ONE............. 11 3 .786
EAGLE SOFTEX........ 7 7 .500
RISING TROTTERS..... 6 8 .429
STA ROSA............ 6 8 .429
SOTO................ 6 8 .429
HAPPY ANGELS........ 3 11 .214
PARADISE............ 3 11 .214

Monday, September 29, 2008

Catpower, Jaws, Baranka i Rising Trotters den play-off Liga 40

WILLEMSTAD - Play-off Liga 40 ta start djamars 30 di sèptèmber na Suvek Ballpark.
Ekiponan Catpower, Jaws, Baranka i Rising Trotters a klasifiká.

WEGANAN
Djamars 30 di sèptèmber
7.30 Rising Trotters - Catpower
9.30 Baranka - Jaws

Djaweps 2 di òktober
7.30 Jaws - Baranka -
9.30 Catpower - Rising Trotters

STANDING FINAL
Catpower 12 - 1
Baranka 10 - 4
Jaws 10 - 4
Rising Trotters 8 - 6
Swift 6 - 7
Navegantes 4 - 10
Q-Rangers 3 - 11
Exito 2 - 12

Padres i Skarlo ta gana den Play-off Round Robbin Liga Amstel

WILLEMSTAD - Liga Amstel su play-off Round Robbin a start djabièrnè anochi na Suvek Ballpark.
Padres a gana Los Unidos 19-6 i Skarlo a dal Carpatula 18-12

RESULTADONAN
Padres 19, Los Unidos 6
Padres a dal 20 hit i hasi 2 eror.
Anthony Servanie a gana i Clifford Domatilia a bati di 3-3. Joel Angelista tambe a bati di 3-3.
Edsel Zinhagel i Anthony Servanie a bati homerun.
Los Unidos a konektá 7 hit i hunga sin eror.
Dennis Casimiri a pèrdè i Abigail Vilchez a bati un homerun.

Skarlo 18, Carpatula 12
Skarlo a bati 12 hit i hasi 4 eror. Edison Sambo a gana den relevo pa Eldred Bakker. Ericson Martina a bati di 3-3. Edmar Cornelia i Arleyson Rodriguez a bati di 2-2.
Suli Cruz i Renato Da Costa Gomez a bati un homerun.
Carpatula a bati 9 hit i hasi 4 eror. Angel Brunken a pèrdè i Randall De Lanooi a bati di 1-1.
Matrona i Beer Adelina a bati un homerun.

Saturday, September 27, 2008

Navegantes no a pèrdè pa defolt djadumingu segun dirigentenan

WILLEMSTAD - Navegantes no a pèrdè pa defolt djadumingu segun Lyndon Magloire, dirigente di e ekipo Navegantes.
“Umpire a saka un hungadó di nos i nos no tabatin mas hungadó”, ela a sigui konta.

Lyndon:”Nos tabata ganá den último inning. Gerald Riley a slide na home pa nos bai ariba 10-9 den último inning. Gerald mester a sinti su pia den e hugada ei.
Mester bisa si ku nos tabata net net na hungadó.
E intenshon tabata pa Gerald Riley subi velt ku e pia malu mes pa nos sera inning i gana e wega.
Un kareda mas a drenta riba un hugada kaminda segun mi ta Che Liberia a nota.
E ekipo Quisqueya a kometé eror i e bala e resultá den nos dugout.
Gerald Riley a grita ‘ai’ i e umpire a sake for di wega.
Nos a pèrdè pa forfeit e ora ei debí ku nos no tabatin mas hungadó pa remplasá Gerald Riley.
Ya... ta kosnan ku ta pasa. Ora e resultado drenta ku nos a pèrdè pa forfeit 7-0 ta parse ku nos no por a kompletá pa start wega.
No tabatin niun motibu pa saka Riley for di wega..”

Rising Trotters ta nòkout Swift 22-7 i klasifiká pa play-off Liga 40

WILLEMSTAD - Rising Trotters ku picheo di Naai ‘Zumaya’ Hooi a gana Swift fásil ku skor di 22-7 pa asina klasifiká pa play-off Liga 40.
Manera tur fanátiko tabata spera Naai Hooi a presentá skèrpi pa kaba ku e spe-ransa di Swift pa klasifiká den Liga 40 e aña aki.
Swift ta un ekipo ku tin varios titulo den Liga 40 añanan 90.

RESULTADONAN
Rising Trotters 22, Swift 7
Rising Trotters a dal 23 hit i hunga sin eror.
Rignald Hooi a gana i Arturo Franka a abti di 3-3. Richenel Juliana a bai di 2-2.
Swift tabatin 8 hit i nan a komete 2 eror. Rivelino ‘Junny’ Wawoe a pèrdè i Sandy Marceli a bati di 2-2. Eulogio ‘Liga 50’ Philips a bati un homerun.

Thursday, September 25, 2008

Swift ta blankia Lions 18-0 den Liga van Engelen

WILLEMSTAD- Swift a gana Lions fásil 18-0 i ta keda number dos den Liga van Engelen tras di Buena Vista Power ku tin un wega mas hungá.
Baranka I Uniko tambe a gana nan kontrinkante, miéntras Navegantes a pèrdè pa defolt.

Liga van Engelen falta 3 fecha mas pa terminá buèlta number 2 i sigui pa play-off. E ekiponan ku a klasifiká pa play-off ya ta konosí. Ta trata di Buena Vista Power, Baranka, Swift i Dalpega. Entre Buena Vista Power, Baranka i Swift lo disidí den e último tres weganan kua ekipo ta klasifiká na di 1, 2 i di 3 lugá.

Swift 18, Lions 0
Swift a dal 18 hit i hunga sin eror. Harold Rosinda a gana. Joel Angelista a bati 5-4 i Silvio Cruz a bati di 4-3. Jurgen Kronstadt tambe a bati di 4-3. Jair Josepha, Silvio Cruz i Julien Ignacio a bati un homerun.
Lions a konektá 4 hit i hasi 3 eror. Isaac Francees a resultá e picher pèrdèdó.
Churney Hoyer, Wendell van het Kruys i Robert Anastacia a bati di 2-1.

Quisqueya 7, Navegantes 0
Quisqueya a gana Navegantes pa defolt (forfeit). Defolt no ta kai fásil den van Engelen.

Los Unidos ta laga Latin Caribe den tereno i klasifiká pa play-off

WILLEMSTAD - Los Unidos a bini bèk despues di tabata atras 10-4, nota 3 kareda den di 5 inning i 4 den di 6 inning. Latin Caribe ta gana ku skor di 13-10 pa asina klasifiká net net pa Round Robbin di Liga Amstel.
Los Unidos a terminá ku rekòrt di 9-9 empatá ku Carpatula, Chincho Sharks i Omel. Omel a keda afó debí na diferensia di kareda kontra.
Round Robbin di Liga Amstel ta start djabièrnè awor


KLASIFIKADONAN
E ekiponan ku a klasifiká pa Round Robbin ta:
Skarlo, Bombers, Padres, Chincho Sharks, Los Unidos i Carpatula.

STANDING FINAL
Skarlo 17-1
Bombers 16-2
Padres 13-5
Chincho Sharks 9-9
Los Unidos 9-9
Carpatula 9-9
Omel 9-9
Latin Caribe 6-12
Bad Boys 2-16
Pa Gosar 0-18

Nos Goso ta gana Trotters 3-2 i bira kampion di The Champions League

WILLEMSTAD - Nos Goso dilanti un públiko grandi na Frank Curiel Ballpark den un tremendo wega ta gana di Rising Trotters 3-2 pa titulá kam-pion di The Champions Softball League.

E figura klave den e seri aki tabata Carlientje Cleopa ku a gana tur e 3 weganan pa Nos Goso titulá kampion. Un
pabien ta bai na e ekipo kompletu di Nos Goso espesialmente pa Leonise Avastia ku ta e dirgente máksimo di e ekipo ku nan titulo di kam-pion.
Ku e titulo aki Nos Goso ta logra nan di dos titulo di kampion den 3 aña di The Champions Softball League. No opstante Nos Goso a gana e título den 3 wega, mester duna krédito na e ekipo di Rising Trotters ku a lucha hopi bon i a duna tremendo resistensia na Nos Goso. Un pabien tambe ta bai na Rising Trotters ku nan título di supkampion. E skornan final tabata di 2-1, 6-3 i 3-2.

Numeritonan: Nos Goso 3 kareda, 8 hit 1 eror. Carlientje Cleopa a gana i Leonise "La Leona" Avastia a bati di 3-3. Asila Finies tabatin un homerun den e wega aki. Pa Rising Trotters 2 kareda, 8 hit 1 eror. Picher pèrdèdó ku tambe tabatin un bon aktuashon Marelva Viktoria i Geraldine Martina a bati di 2-2.

Revelation Stars, Domi i GGD ta gana Round Robbin Liga Amistad

WILLEMSTAD - Liga Amistad Round Robbin a sigui djadumingu 21 di sèptèmber na Ricardo Elhage Ballpark na Zapateer ku tres wega.
Revelation Stars, Domi i GGD a gana nan kontrikantenan.
Weganan ta sigui djadu-mingu. Revelation Stars i Domi Auto City ta invikto.

RESULTADONAN
Domi AutoCity 18, Veteranos San Marco 11
E ekipo Domi AutoCity tabatin 15 hit i nan a kometé 1 eror. Ellerick Rodrigues tabata picher ganadó i Rudsel Isabella a bati di 5-3.
Ellerick Rodrigues a konektá un homerun.
Veteranos San Marco a bati 13 hit i nan a kometé 6 eror.
Pèrdèdó tabata Kenneth Ortega i Gerald Leonora a bai di 2-2.
Ivar Martis, Remy Thielman i Gerald Leonora a konektá un bataso di kwater skina.

Revelation Stars 12, Magic Robbie's Lottery 10
Revelation Stars a bati 12 hit i nan a hasi 6 eror.
Ganadó tabata Edison Sambo i Sharlon Louisa a bati di 2-2.
Merieldo Trinidad, Silvio Cruz, Ludwig Pietersz i
Robert Anastacia, tur a konektá un homerun.
Magic Robbies's Lottery tabatin 11 hit i nan no a kometé eror. Picher pèrdèdó tabata Leslie Conradus i Ephraim Cicilia di 4-3.

Tuesday, September 23, 2008

Azucar ta gana The Bears i Vosama ta dal Yesterday den Beisbòl Veterano

WILLEMSTAD- Azucar a gana The Bears I Vosama a dal yesterday siman pasa den Beisbol Veterano.
Ku varios ekipo faltando dos pa tres wega pa e temporada termina e standing ta lo sigiente.
the bears kampion beveko 2007
The Bears ekipo revelashon den Veterano a perde dos wega sigi

The Bears 13 – 2
Sta Rosa 12 – 2 1 emp.
Vosama 11 - 5
Azucar 9 - 6
Yesterday 7 - 7 1 emp.
Otrabanda 7 - 8
Surprise 5 - 11
Eagle 3 - 12
Nos Union 3 - 12

Monday, September 22, 2008

Standing Final Liga Amstel

WILLEMSTAD - Djasabra 20 di september 2008 tabata e último fecha di buèlta regular di Liga Amstel na Suvek Ballpark.
Los Unidos a laga latin Caribe den tereno i klasifika den e prome 6nan. Carpatula a nokout Chincho Sharks.
E ekiponan ku a klasifika ta skarlo, Bombers, Padres, Chincho Shars Los Unidos i Carpatula.


STANDING
Skarlo 17-1
Bombers 16-2
Padres 13-5
Chincho Sharks 9-9
Omel 9-9
Los Unidos 8-9
Carpatula 9-9
Omel 9-9
Latin Caribe 6-12
Bad Boys 2-16
Pa Gosar 0-18

Bombers uniform nobo 2008
Bombers ku nan sponser nobo GNC Accounting number 2 durante kampionato regular

SIFRANAN FALTANDO ULTIMO FECHA DI KAMPIONATO
BATEO
Gilbert Juliet (Car) .632
Etienne Goeloe (Bom.) .568
Merieldo Trinidad (Padres) .564
Roderick Zimmerman (Los
Unidos) .553
Mairon Martinus (Skar) .541
Randolph Balentina (Bom) .541
Michiel de Roon (Car) .525
Robertico Ramazan (Skarlo) .500
Rolando Barbara (Los Unidos) .500

Pichingolo ku refuerso for di Aruba den Fastpitch Femenino

WILLEMSTAD - Djabièrnè último tabatin varios wega di Slowpitch den The Champions League na Frank Curiel Ballpark.
The Champions a gana Solonan di Hulanda ku skor di 9-0.
The Champions a reforsá ku e tremendo hungadó di Aruba, Betsa Rasmijn.

PICHINGOLO
Informashon ku La Prensa Slowpitch tin ta indiká ku e hungadó aki lo reforsá Pichingolo den Dòbel A Sòftbòl Femenino.
Ta trata aki di un tremendo outfield.

The Champions 9, Solonan di Hulanda 0
The Champions reforsá ku entre otro Nathaly Lourens i Burnaila Felipie a dal Solonan di Hulanda fásil 9-0.

SBAB 18, Crazy Tigers 9
SBAB ta sigui su racha viktorioso i nan a dal Crazy Tigers 18-9 djabièrnè anochi

Coca Cola 15, DOK 14
Coca Cola a dal Dok atrobe den The Champions League durante un wega amistoso ayera. Coca Cola a bira fuertísimo den Sòftbòl Komersial.

Bombers GNC Accountants pa Boneiru otro siman

WILLEMSTAD - E ekipo Bombers ku nan spònser nobo nobo GNC Accountants lo move pa Boneiru dianan 26, 27 i 28 di sèptèmber pa partisipá na un torneo organisá pa e ekipo The Energizers di Lenny Abrahams.
Bombers lo bai ku un tim basta kompletu pa bini ku e título Kòrsou.

Baranka ta derotá Swift 9-8 den Liga 40

WILLEMSTAD - Liga 40 a kontinuá djaweps 25 di september 2009 na Suvek Ballpark ku dos wega.
Den e promé wega Baranka a dal Swift pèrtá ku skor di 9-8.
Baranka ta práktikamente kla pa play-off miéntras Swift tabatin mester di viktoria pa klasifiká.
Den wega number dos Catpower number unu den Liga 40 a pasa fásil riba Q-Rangers ganando 12-1.

RESULTADONAN
Baranka 9, Swift 8
Baranka Napa Auto Parts a konektá 12 hit i hasi 2 eror. Eldred Bakker a gana i Sendley ‘Traha Nòmber’ Reina a bati di 2-2. Kenneth ‘MCB’ Ortega a bati di 1-1.
Swift a dal 10 hit i hasi 2 eror.
Johan ‘Janchi’ Cicilia a resultá e picher pèrdèdó i Geronimo Daflaar a bati di 1-1
Edmond ‘Momon’ Martina a bati un homerun (straño).

Friday, September 19, 2008

Kooyman kampion Komersial Femenino The Champions League

WILLEMSTAD - Ku viktoria di 4-2 riba UNA, Kooyman a titulá kampion den torneo Komersial Femenino.
E ekipo di Kooyman tras di lansamentunan di Valerie Stins a gana di e hóben ekipo di UNA den tremendo wega i titulá kampion den Komersial Femenino di The Champions Softball League.

Un pabien ta bai na e ekipo di Kooyman kompletu ku sigur a meresé e título a base di nan aktuashon. Un pabien tambe na UNA ku a lucha duru pero mester a konformá nan mes ku e título di supkampion.

NUMERITONAN
Kooyman 4 kareda, 6 hit i 2 eror. Valerie Stins a gana i mihó na bate tabata Susmailine Rifaela, Richeline
Rifaela i Mishenou Torregrosa. Nan a bai di 2-1.
Pa UNA 2 kareda, 4 hit, 2 eror. Picher pèrdèdó Farah Andrade i mihó na bate Milady Pereira, Idelien Hanst, Juretty Poulo Miralpha Pereira i Sulai Curiel, tur di 2-1.

SBAB ta entrega título di kampion na DOK den
Komersial Maskulino Despues ku SBAB a gana 3 wega for di DOK den e weganan di playoff i selebrá nan título di kampion, DOK ta protestá alegando ku SBAB a hasi uzo di hungadó ku no tabata riba nan lista di hungadó. A base di e protesta aki ku a prosperá SBAB deportivamente a atmití nan fayo i entregá e título di kampion na DOK.
Un pabien na tur e 2 ekiponan ku sigur a batayá fuerte pa bai ku e título.

The Fighters ta gana Nos ku Nos 8-6 den Liga Streanan di Ayera

WILLEMSTAD - Liga Streanan di Ayera ku tur su ekiponan di sòftbòl, umpire i skorer, ta invitá pueblo bin gosa huntu ku nan. Hungadó i fanátikonan di Hulanda tambe tei.
“Hisa Bo Kara, Biba Bo Kultura”.
Tin tambu, Kaha di Orgel i Baile Folklóriko.
Bin tempran i gosa huntu ku 3 tremendo partido.

SKEDJEL DJADUMINGU
1’or Destiny - The Golden Gloves. Destiny ta mantené nan mes den friu.
3’or Mi Deseo kontra di Nos Por. Mi Deseo tin 12 aña ku e liga.
5’or One & Only kontra The Fighters.
Sòftbòl Femenino Veterano na nivel. Kòrda e lema ta ”Gosa nos ta Gosa”.
Awa di lamunchi i warapa lo no falta den e ambiente aki.

RESULTADONAN
Djabièrnè 12 di sèptèmber
The Fighters 8, Nos ku Nos 6
E ekipo The Fighters a bati 6 hit i nan a hasi 5 eror.
Ganadó tabata Sevilla Martina, miéntras Mervila Basilia tabata e mihó na bate.
Nos ku Nos tabatin 7 hit i nan a kometé 3 eror.
Maudrith Faneyte a pèrdè i Dalilah Martina a bati di 2-2. Ester Servanie tambe a bati di 2-2.
Dalilah Martina a konektá un homerun.

Thursday, September 18, 2008

Dalpega a nòkout Navegantes djadumingu i ta keda na puesto 4

WILLEMSTAD - Dalpega ku ta na di kuater lugá a mantené nan posi-shon den klasifikashon ku un viktoria pa nòkout di 12-0 riba Navegantes djadu-mingu último na Suvek.
Swift, Buena Vista Power i Lions tambe a gana djadu-mingu.

RESULTADONAN
Dalpega 12, Navegantes 0
Dalpega a bati 13 hit i nan a hasi 1 eror.
Michelangelo Boekhoudt tabata esun ku a gana i Ryan Samuel a bati di 3-3.
Navegantes tabatin 3 hit i nan a hasi 2 eror.
Lesly Martina tabata e pèrdèdó i Edwin Thielman a bai di 1-1.

Swift 11, Quisqueya 3
Swift a bati 9 hit sin kometé eror.
Johan Cicilia tabata e ganadó, miéntras Jurgen Kronstadt a bai di 4-4.
Jurgen Kronstadt tabatin un bataso di kwater skina.
Quisqueya a bati 7 hit i nan a hasi 2 eror.
Ralph Hermans a sufri e derota i Thomas de Senda a bai di 1-1.

Revelation Stars, Domi i Veteranos ta gana den Round Robbin

WILLEMSTAD - Play-off Round Robbin di Liga Amistad a start dja-dumingu último na Ricardo Elhage Ballpark.
Revelation Stars, Domi i Veteranos a gana nan promé wega.
Play-offnan ta sigui djadu-mingu awor na Zapateer ku tres wega.

Djadumingu 14 di sèptèmber
Revelation Stars 19, Molester 7
E ekipo Revelation Stars a bati 21 hit i nan a hasi 2 eror.
Willem Felicia tabata picher ganadó, miéntras Jo-Andy
Balentina a bai di 5-3. Randolph Balentina a bai di 4-3.
Ludwig Pietersz a konektá 2 homerun.
Molester tabatin 12 hit i nan a hasi 5 eror.
Elton Richardson tabata e pèrdèdó i Anchel de Palm a
bai di 4-3.
Arlyson Sommer i Wendell v/h Kruys a konektá un homerun.

Tuesday, September 16, 2008

Swift ta nòkout Quisqueya i Buena Vista Power ketu bai number unu den Liga van Engelen

WILLEMSTAD - Buena Vista Power a keda number unu den Liga van Engelen ku un viktoria di 7-1 riba Jaws.
Norman ‘Nonnie’ De Roon a picha pa su ekipo Buena Vista Power gana e wega.
Naai Hooi a drenta di relevo di último inning i tabata hermétiko atrobe.
Swift a nòkout Quisqueya i keda na promé lugá empatá ku Buena Vista Power.

Baranka ku tambe tabata na promé luga a kai mei wega atras debí ku nan no a hunga ayera.
Otro siman Jaws ta topa Baranka i tin tur indikashon ku Jaws lo no klasifiká e aña aki atrobe.

Jaws ta zona Baranka 12-3 i Rising Trotters ta gana Navegantes 6-2

WILLEMSTAD = Jaws a dal Baranka duru 12-3 den Liga 40.
Den e di dos wega Rising Trotters ku picheo di Lesley ‘Le’ Martina ta derotá Navegantes 6-2.

RESULTADONAN
Jaws 12, Baranka 3
Jaws a konektá 18 hit i hasi 2 eror. Gurtney Adriana a gana i Fransje Lambertina a bati di 4-4. Roderick Postina i Charles Daal a bai di 3-3.
Arlyson Rodriguez ‘A-Rom’ tabatin un homerun.
Baranka a bati 4 hit i hasi 2 eror. Sharlon Hanst a pèrdè i Djuric Morales a bati di 1-1.

Buena Vista Power, Swift i Baranka empatá na promé lugá

WILLEMSTAD - Buena Vista Power, Swift i Baranka ta na promé lugá den Liga van Engelen.
E lucha lo bai ta pisá pa promé lugá di e liga.
Promé lugá tur aña ta risibí un suma respetá i tin ventaha tambe den e play-off sistema page.
Softballcuracao.com tin sifra di e lidernan den Liga van Engelen.


STANDING
Buena Vista Power 12- 2
Baranka 12- 2
Swift 12 - 2
Dalpega 9 - 6
Navegantes 6 - 8
Quisqueya 6- 8
Crazy Tigers 6 - 9
White Label Jaws 5 - 8
Uniko-Unibind 1- 12
Lions 1 -13

BATEO
Bryan Kook (Jaws) .615
Jair Josepha (Swift) .615
Dave Kirindongo (Swift) .591
Carlos Gil (Quisqueya) .586
Urvin Sambo (BV Power) .576
Djuric Pietersz (Swift) .556
Eldert Juliana (Swift) .553

Thursday, September 11, 2008

Revelation Stars ta derotá Nos ku Nos i terminá number unu den Liga Amistad

WILLEMSTAD - Revelation Stars den promé aña den Liga Amistad ta terminá buèlta regular number unu.
Djadumingu e e ekipo di Wim Felicia a gana ku skor pèrtá di Botika Mampuritu pa asina klasifiká pa e Round Robbin.
Nos ku Nos di spònser pa Botika Mampuritu a keda nèt afo atrobe.
nos tin resultadonan i skèdjel di Round Robbin.

Revelation Stars 9, Botika Mampuritu 8
Revelation Stars a dal 8 hit i hasi 2 eror.
Railison Gijsbertha a gana. Jo-Andy Balentina i Robert Anastacia a bati di 3-2.
Edmar Cornelia tabatin un homerun.
Botika Mampuritu (Nos ku Nos) a bati 15 hit i hasi 2 eror.
Angel Brunken a resultá e picher pèrdèdó.
Ellis Brunken i Farley Lard a bati di 4-3.

Emiliano All Stars 18, Clase Aparte 5
Emiliano All Stars a dal 20 hit i kometé 3 eror. Javier Marmol a gana.
Matias de Leon i Franklin Hagen a bati di 3-3. Carlos Gil tabatin un homerun.
Clase Aparte a konektá 9 hit i hasi 5 eror.
Shurenly de Lima tabata e
picher ku a pèrdè i Shendel Angela a bati di 2-2.

Wednesday, September 10, 2008

Swift a gana Dalpega ku skor di 17-13 den Liga van Engelen

WILLEMSTAD - Liga van Engelen a sigui djadumingu 7 di septèmbèr ku kuater wega.
E wega prinsipal, wega di 4’or Swift a gana Dalpega 17-13.
Jaws no a probechá di e derotadi Dalpega pa nan trata di yega puesto number 4 i ta pèrdè 13-6 kontra Crazy Tigers.

RESULTADONAN
Djadumingu 7 di sèptèmber
Swift 17, Dalpega 13
Swift a bati 16 hit i nan a kometé 1 pifio.
Donovan Seferina tabata esun ku a gana, miéntras Jair Josepha i Dave Kirindongo a bai di 3-3. Joel Angelista, Eldred Juliana i Jair Josepha a konektá un homerun.
Dalpega a dal 12 hit i nan a hasi 2 eror.
Pèrdèdó tabata Jose Obispa.
Abigail Vilchez a bai di 3-3 inkluyendo un homerun.
Maikel Bitorina a bati di 2-2.

Quisqueya 6, Uniko 5
E ekipo Quisqueya a bati 11 hit i nan a kometé 4 eror.
Fernando Rosario tabata e picher ganadó, miéntras Enrique Madera i Carlos Gil a bai di 3-2.
Elmus Poulo a konektá un bataso di kwater skina.
Unko tabatin 13 hit i nan a hasi 2 eror.
Gustaaf Barhorst a pèrdè i Bertison Ignatius a bai di 5-3 inkluyendo un homerun.

Crazy Tigers 13, Jaws 6
Crazy Tigers tabatin 11 hit i nan a hasi 1 eror.
Marlon Noor a gana i Michel Huizen a bai di 1-1.
Edson Pantophlet i Roderick Zimmerman a konektá un homerun.
Pa Jaws 9 hit i 7 eror.
Ivan Schobaar tabata e pèrdèdó i Alexander Bernabela a bati di 2-2.
Shurandy Lourens i Ericson Senior a konektá un homerun.

Baranka 14, Navegantes 4
E ekipo Baranka tabatin 15 inkogibel i nan a pifia na 1 okashon. Sharlon Hanst a bai ku e viktoria i Ericson Martina a bai di 2-2.
Mairon Martinus i Ericson Martina a konektá un bataso di kwater skina.
Pa Navegantes 8 hit sin eror.
Norman Provence tabata e pèrdèdó i Edwin Thielman a bai di 2-2.

Liga Streanan di Ayera lo ta den Siman di Kultura di 12 pa 21 di sèptèmber

WILLEMSTAD - Liga Streanan di Ayera ku tin 13 aña di eksistensia ta moviendo den gran forma. E liga lo partisipá den Siman di Kultura ku ta di 12 pa 21 di sèptèmber.
Keda pendiente pa mas proyekto inovativo di Liga Streanan di Ayera.
Nos tin resultadonan di siman pasá.

Destiny 5, The Fighters 4
E ekipo Destiny tabatin 7 hit i nan no a hasi eror.
Dariella Nivillac a gana, miéntras Dulcera Martina a bati di 3-2.
Pa The Fighters 9 hit i 4 eror.
Picher pèrdèdó tabata Sevilla Martina i Lisette Hooi a bati di 3-2.

Catpower a gana Baranka den Liga 40 djaweps 4 di september na Suvek

WILLEMSTAD - Liga 40 a sigui djaweps na Suvek Ballpark ku dos wega.
Den e promé wega Navegantes a gana Q-Rangers ku skor di 10-9.
Despues Catpower a dal Baranka 7-4. Baranka tabata falta algun hungadó klave pero a lucha kontra e fuerte ekipo Catpower.

Catpower 7, Baranka 4
Catpower a dal 6 hit i hunga sin eror. Willem Felicia a gana i 6 hungadó di 2-1.
Baranka a bati 8 hit i hasi 2 eror. Kenneth Ortega a resultá e picher pèrdèdó i Gilbert Denisia a bati di 2-2.
Edmar Cornelia tabatin un homerun.

Tuesday, September 9, 2008

Koraal Specht Op en Top pa promé biaha den Creme de la Creme

WILLEMSTAD - Esaki ta promé aña ku e ekipo di Koraal Specht Op en Top ta partisipando den e gran torneo Creme de la Creme i segun e manager Murat Leito, Koraal Specht ta bini pa pone rèspèt den e torneo aki.

Nan kuerpo tékniko ta konsistí di Murat Leito komo manager i Etiene Goeloe komo coach.
Segun Murat nan ekipo ta un ekipo hopi yòn i ta bini pa duna un bon presentashon.
E ta kere ku nan lo kontribuí na un tremendo espektákulo kaminda ku nan komo benjamin lo bin pone rèspèt riba vèlt i e públiko lo por gosa en grande di nan aktuashon.
Segun Murat nan lo tene kuenta ku tur ekipo i pa e, e partisipashon i di-bertishon sano di su muchanan lo ta na promé lugá.
Un invitashon na bario di Koraal Specht i besindario pa akudí den gran forma na Cirilo Chirino Ballpark pa asina apoyá e muchanan di bo bario i e otro ekiponan partisipante. Bini ku henter famia pa asina disfrutá di un tremendo torneo creme de la creme den ambiente familiar.
Pero kòrda semper bini ku hopi ánimo, amor, disiplina i prinsipalmente rèspèt, pa asina e muchanan por sinti ku nan ta wòrdu apresiá i respetá pa e esfuerso ku nan ta hasi riba vèlt.

Organisashon Buena Vista a honra Tsade Joubert ku ta bai studia na USA

WILLEMSTAD - Djasabra 9 di ougùstùs 2008, despues di wega di Sòftbòl Hubenil entre Pichingolo Kia i Softex, hungadó i dirigentenan di Pichingolo a keda huntu riba tereno na Sabana Ballpark pa honra e hungadó Tsade Joubert ku dia 14 di ougùstùs 2008 a sali pa USA pa studia i hunga sòftbòl.

Manera ta konosí aña pasá e talentoso sòftbòlista Tsade Joubert a risibí e bon notisia ku ela haña Scholarship pa studia i hunga Sòftbòl pa Nichols State University.
Tsade Joubert ku yüni último a slag pa VWO lo studia den e ramo Accountancy na e universidat menshoná.
For di 2002 Tsade ta hungando Sòftbòl ku e organisashon di Buena Vista (Pichingolo) i a biaha ku tur selekshon i na 2006 a hunga Mundial ku selekshon Senior League di Kòrsou representando Latino Amerika.
Den kompania di hungadó i dirigentenan, coach Taffy de Jongh na nòmber di Pichingolo i organisashon Buena Vista a entregá Tsade Joubert un regalo komo muestra di apresio pa e añanan ku ela sirbi e organisashon i muy en espeshal e disiplina ku Tsade a demostrá durante e añanan.

Bar i kushina bon surtí den Torneo Creme de la Creme

Tur hende por bai Cirilo Chirino Ballpark trankil paso lo tin un bar i kushina tremendamente bon surtí.
E organisashon, ku tin e bar i kushina na su enkargo a bisa ku nan tin un bar bon surtí ku e serbes mas puru na mundu bon friu. I naturalmente e re-fresko number 1 na mun-du Coca Cola i Fria.
Lo tin un servisio rápido di manera ku bo no ta pèrdè net nada di we-ganan den akshon. Ku-shina lo ta na enkargo di e konosido i popularisimo Carlos "fonfonè" Ruiter i e dinámiko Ruben"sigui swa" Clifton i tambe Carlos "kushina" Evertsz. Nan tres a primintí ku e kushina lo bai ta mihó ku nunka i asta ta papia ku lo tin sorpresa E pia di galiña lo ta manera biaha pasá i tur hende ta kòrda e tremendo sous di pinda. Tabatin un pan ku bakijou tambe ku a pone hende lembe boka.
Fuera di esei e sòpi estilo "Creme de la Creme" tambe mester tei.
Ta spera famianan kompletu pa bin pasa un torneo agradabel na Cirilo Chirino Ballpark i disfrutá di e tremendo plato i bibidanan na prijs di famia, manera ya ta kustumber pa años kaba.
I lógikamente disfrutá di e gran hugadanan di nos tremendo peloteronan.
apart !!
Nos a kompronde ku ya Lando a bai les di spaño pa na momentu ku e torneo internashonal start e nara na spaño !!!

Di 7 Torneo Internashonal di Beisbòl Little League Creme de La Creme

WILLEMSTAD - Fundashon Baseball Team Trai Seru APNA ta anunsiá ku e aña aki atrobe ta bai tuma lugá e torneo internashonal di baseball Little League Creme de la creme.

E torneo aki a inisia 7 aña pasá ku e meta pa duna e hóbennan di nos ku no por a partisipá na e kampionatonan regio-nal i Mundial e chèns pa partisipá tòg internashonalmente.
E ocho mihó timnan di tur tres liga di Kòrsou (3 Pariba , 2 Willemstad i 3 Pabou) lo enfrentá otro promé p'asina esunnan ku klasifiká por partisipá den e parti intema-shonal.
E torneo lo tuma lugá den Cirilo Chirino Ballpark mirando e tremendo akohida di aña pasá.
Na e spònsernan prinsipal di años kaba APNA , SEDREKO i GIRO un danki di kurason i pa e parti aki nos ta trahando duru riba mas spònser pa kubri e gastunan di e torneo internashonal Creme de la Creme 2008, ya ku e ekiponan internashonal a bira mas tantu, kual ta enserá muchu mas gastu.
Pero esaki ta un echo positivo ya ku esaki ta muestra ku e torneo Creme de la Creme ta kresiendo aña tras aña.
Di parti di e organisashon i komishon nos ta konta ku sosten di pueblo en general pa ku e torneo Internashonal Creme de la Creme 2008 por bira un éksito manera aña-nan anterior . Pa orga-nisá e torneo aki Funda-shon Baseball Team Trai Seru APNA a instalá un komishon ku ta konsistí di e siguiente personanan:

Tuesday, September 2, 2008

Santa Rosa Memories ta blankia Vosama den Beisbol Veterano

WILLEMSTAD - Beisbol Veterano a kontinua den fin di siman na Vi Jansen ballpark. Santa Rosa Memories ku picheo di Momon Martina a blankia Vosama ku skor di 5-0. Softballcuracao.com tin resultado di e weganan di siman pasa.


Sta Rosa Memories ta blankia Vosama ku skor di 5 pa 0
Pa Sta Rosa 5 kareda 9 hit i 2 eror.Picher ganado Momon Martina. Miho bate Beer Adelina di 2 – 2. Pa Vosama 0 kareda 4 hit i 1 eror. Picher perdedo Clifton Yziek. Miho bate Fransje Lambertina di 3 – 2.

Azucar ta gana Eagle Veterans ku skor perta di 6 pa 5. Pa azucar 6 kareda 7 hit i 3 eror. Picher ganado Dolfi Mercera. Miho bate Ramses Martes di 1 – 1. Honmerun di Sharlon “Nono” Noor. Pa Eagle 5 kareda 9 hit i 4 eror. Picher perdedo Ewald “Woty’ Alexander. Miho bate Juni Hersilia di 2 – 2.
Sha “ Betesda” Moesker a bati di 4 -2 empuhando e kareda di gana pa e sotanero

Nos Union gana di Yesterday ku skor di 5 pa 3. Pa Nos Union 5 kareda 13 hit i 3 eror. Picher ganado Alison Rodriguez. Miho bate Abelino Julia di 3 - 3. Pa Yesterday 3 kareda 3 hit i 2 eror. Picher perdedo Lali Piter. Miho bate Rudsel Poulina di 1 – 1.

Monday, August 25, 2008

The Champions ta dal Nos Goso 10-0 den Play-off The Champions League

WILLEMSTAD - Play-off The Champions League a sigui djabierne 22 di ougustus den oranan di anochi na Frank Curiel Ballpark.
Den e wega bálido pa play-off femenino veterano The Champions a dal Nos Goso feros ku skor di 10-0.
Den Komersial Coca Cola a eliminá Building Depot i UNA a pasa pa final ganando di Kooyman.

RESULTADONAN
The Champions 10, Noso Goso 0
The Champions a dal 14 hit i hasi 2 eror. Marelva Iltes a gana i Sherry Howell a bati di 2-2. Sherry Howell tabatin un homerun.
Nos Goso tabatin 3 hit i nan a hunga sin kometé eror.
Carlintje Cleofa a pèrdè. Girela Isabella a bati di 3-2 i Murielle De Jongh a bati di 1-1.

Rising Trotters ku picheo di Naai Hooi ta dal Jaws den 40

WILLEMSTAD - Naai ‘Zumaya’ Hooi a presentá den gran forma pa Rising Trotters dal Jaws ku skor di 8-1 den Liga 40 djaweps 21 di ougùstùs. Naai a bati homerun tambe pa yuda su ekipo gana.
Den e otro wega Ralph Hermans a picha pa Q-Rangers derotá Exito 5-3. Liga 40 ta sigui djamars 26 di ougùstùs.

Domi ta sorprendé i kibra invikto di Catpower den play-off Liga Trai Seru

WILLEMSTAD Domi a presentá den gran forma djabièrnè, 22 di ougùstùs 2008 pa gana di Catpower ku skor di 14-10 den play-off Liga Trai Seru na Cirilo Chirino Ballpark.
Den e otro wega Next a gana di Sint Michael Mariners ku skor di 6-0.

JO-Andy BALENTINA
Jo-Andy Balentina tabata den gran forma pa Next gana Boca Sami. Enchi a tira tremendo i bati homerun den e wega ariba menshoná.
building depot joandy balentina i premionan
Jo-Andy Balentina den gran forma pa Next djabièrnè último