The Champions ta dal Nos Goso 10-0 den Play-off The Champions League

WILLEMSTAD - Play-off The Champions League a sigui djabierne 22 di ougustus den oranan di anochi na Frank Curiel Ballpark.
Den e wega bálido pa play-off femenino veterano The Champions a dal Nos Goso feros ku skor di 10-0.
Den Komersial Coca Cola a eliminá Building Depot i UNA a pasa pa final ganando di Kooyman.

RESULTADONAN
The Champions 10, Noso Goso 0
The Champions a dal 14 hit i hasi 2 eror. Marelva Iltes a gana i Sherry Howell a bati di 2-2. Sherry Howell tabatin un homerun.
Nos Goso tabatin 3 hit i nan a hunga sin kometé eror.
Carlintje Cleofa a pèrdè. Girela Isabella a bati di 3-2 i Murielle De Jongh a bati di 1-1.

Rising Trotters ku picheo di Naai Hooi ta dal Jaws den 40

WILLEMSTAD - Naai ‘Zumaya’ Hooi a presentá den gran forma pa Rising Trotters dal Jaws ku skor di 8-1 den Liga 40 djaweps 21 di ougùstùs. Naai a bati homerun tambe pa yuda su ekipo gana.
Den e otro wega Ralph Hermans a picha pa Q-Rangers derotá Exito 5-3. Liga 40 ta sigui djamars 26 di ougùstùs.

Domi ta sorprendé i kibra invikto di Catpower den play-off Liga Trai Seru

WILLEMSTAD Domi a presentá den gran forma djabièrnè, 22 di ougùstùs 2008 pa gana di Catpower ku skor di 14-10 den play-off Liga Trai Seru na Cirilo Chirino Ballpark.
Den e otro wega Next a gana di Sint Michael Mariners ku skor di 6-0.

JO-Andy BALENTINA
Jo-Andy Balentina tabata den gran forma pa Next gana Boca Sami. Enchi a tira tremendo i bati homerun den e wega ariba menshoná.

Jo-Andy Balentina den gran forma pa Next djabièrnè último

Catpower ta nokout Navegantes den Liga 40

WILLEMSTAD - Catpower a dal Navegantes ku skor di 15-4 ku picheo di Norman ‘Nonnie’ de Roon den kontinuashon di Liga 40 na Suvek Ballpark.
Catpower tabatin 15 hit i nan a hunga sin eror. Nonnie a gana i Sherman ‘Cai’ Leonora a bati di 3-3. Sedeney ‘Mr. Spider’ Lourens a bati di 2-2. Wim Felicia tambe di 2-2 i Sidney de Windt di 3-3. Dennis D’Arnault a bati un homerun.
Navegantes tabatin 6 hit i nan a hasi 1 eror. Glenn Pieternella a resultá e picher pèrdèdó i e mes a bati di 1-1. Lyndon Magloire tambe a bati di 1-1. Gerald Riley tabatin un homerun.

Baranka 7, Exito 0
Baranka a gana Exito pa defolt. Nos ta bai chèk ku ta promé biaha Exito a pèrdè pa defolt

GNC Accounting & Tax Services ta spònser e ekipo Bombers

WILLEMSTAD - Bombers ekipo di Liga Amstel, kampion Liga Trai Seru 2004 i 2005 a risibí unifòrm nobo serka Sponser Geomaly Campagnard di GNC Accounting & Tax Services djarason, 20 di ogusutus 2008 den oranan di anochi na Klup Suvek. Bombers ta faborito grandi pa hunga final di Liga Amstel e aña aki. Eksito na e ekipo Bombers!!

Geomaly Campagnard di GNC Accounting & Tax Services entregando uniform na direktiva i algun hungado di Bombers.

Domi, Veteranos i Revelation Stars empatá na promé lugá den Liga Amistad

WILLEMSTAD - Domi, Veteranos i Revelation Stars ta number unu den Liga Amistad 2008 ku rekòrt di 6 ganá i 1 pèrdí.
Djadumingu awor 4’or Domi lo enfrentá Veteranos i un di e ekiponan aki lo mester bai dos pèrdí.
Bon públiko ta bishitando e weganan di Liga Amistad tur djadumingu na Ricardo Elhage Ballpark na Zapateer.

GGD 16, Emiliano All Stars 9
E ekipo GGD a bati 12 hit i nan a hasi 2 eror.
Cedric Curiel tabata e picher ganadó, miéntras Jurwin Duggan a bai di 4-3 inkluyendo un homerun.
Norvaniel Aniseta tambe a konektá un homerun.
Emiliano All Stars tabatin 7 hit i nan a hasi 1 eror.
Javier Marmat tabata e pèrdèdó i Carlos Gil a bai di 3-2.
Carlos Gil a konektá 2 bataso di kwater skina i Raul Hernandez unu.

Latin Caribe ta logra nan di dos viktoria den Liga Amstel

WILLEMSTAD - E ekipo Latin Caribe formá pa varios Latino biba na Kòrsou a gana wega dos siman siguí.
E ekipo no tabatin viktoria i dos siman pasá nan a gana Chincho Stars. E siman aki a toka turno pa Bad Boys risibí sla.
nos tin resultadonan kompletu di Liga Amstel ku ta den fase final di e buèlta regular.

Latin Caribe 14, Bad Boys 10
Latin Caribe a bati 15 inkogibel i nan a kometé 2 pifio. Juan Fernandez a bai ku e viktoria i Willem Peña a bati di 1-1.
Bad Boys a bati 4 hit i nan a hasi 1 eror.
Whitney Lucio a sufri e derota, miéntras Robertico Ramazan a bai di 2-2.
Rigmar Domatilia tambe a bai di 2-2.

Bombers 11, Padres 1
Bombers a bati 12 inkogibel i nan a pifia na 1 okashon.
Ralph Hermans a gana i Dave Kirindongo a bai di 3-3 inkluyendo 2 homerun.
Gensley La Croes, Rachid Jacobs, Luigi Virginie i Shendy Cruz a konektá un homerun.
Padres a bati 2 hit i nan no a hasi eror.
Anthony Servanie a pèrdè.
Merieldo Trinidad i Cedric Valies a bati di 2-1.

Buena Vista Power a derotá Baranka 13-9 i tres ekipo na prome luga den Liga van Engelen

WILLEMSTAD - Buena Vista Power ku tremendo relevo di Joël ‘Joey’ Balentina a gana Baranka ku skor di 13-9 djadumingu último den kontinuashon di Liga van Engelen.
E siman aki ta kandela tin na Suvek ora Baranka enfrenta Swift 4’or pm.
Un ekipo grandi mester bai tres pèrdí e wikènt aki.

RESULTADONAN
Buena Vista Power 13, Baranka 9
Buena Vista Power a bati 14 hit i nan a kometé 2 eror.
Ganadó a resultá Joël Balentina, miéntras Erling Gosepa a bati di 4-3.
Ludwig Pietersz a konektá 2 homerun i Gilbert Juliet unu.
Baranka tabatin 7 hit i nan a hasi 3 eror. Glendomar Davelaar a pèrdè i Edmar Cornelia a bai di 3-2.
Mairon Martinus a konektá 1 homerun.

Skedjel Liga van Engelen

Djadumingu 24 di ougùstùs
10.00 Dalpega – Uniko
12.00 Lions – Jaws
14.00 Buena Vista Power – Navegantes
16.00 Baranka – Swift
Barwacht: Quisqueya

Djadumingu 31 di ougùstùs
10.00 Baranka – Tigers
12.00 Lions – Dalpega
14.00 Quisqueya – Buena Vista Power
16.00 Navegantes – Jaws
Barwacht: Swift

Skedjel Liga 40

Djamars 19 di ougùstùs
19.30 Navegantes – Catpower
21.30 Exito – Baranka
Barwacht: Swift

Djaweps 21 di ougùstùs
19.30 Exito – Q-Rangers
21.30 R. Trotters – Jaws
Barwacht: Swift

Djamars 26 di ougùstùs
19.30 Q-Rangers – Baranka
21.30 Catpower – Swift
Barwacht: Navegantes

Djaweps 28 di ougùstùs
19.30 Catpower – R. Trotters
21.30 Jaws – Exitio
Barwacht: Navegantes

Skedjel Liga Amistad

Djadumingu 17 di ougùstùs
10.00 Emiliano – GGD
12.00 Molester – MNO Vervat
14.00 Botika Mampuritu – Robbie’s Lottery
16.00 Clase Aparte – Revelation Stars

Djadumingu 24 di ougùstùs
10.00 Botika Mampuritu – revelation Stars
12.00 Clase Aparte – Emiliano
14.00 Molester – Robbie’s Lottery
16.00 San Marco – AutoCity

Djadumingu 31 di ougùstùs
10.00 GGD – Molester
12.00 Revelation Stars – AutoCity
14.00 Emiliano – Botika Mampurit
16.00 Robbie’s Lottery – MNO Vervat

Djadumingu 7 di sèptèmber
10.00 San Marco – Clase Aparte

Bombers ta nòkout Padres 11-1 den Liga Amstel djasabra den Liga Amstel

WILLEMSTAD - Bombers a pasa fásil pa medio di nòkout riba Padres djasabra último den kontinuashon di Liga Amstel na Suvek Ballpark. Bombers a pèrdè den promé buèlta kontra Padres i a presentá fuerte ku picheo di Ralph Hermans pa dal Padres Amstel fásil.
Dave Kirindongo a presentá pa Bombers i bati di 3-3 ku dos homerun.
Bombers a bati 6 homerun.

Den otro wega Skarlo a gana Los Unidos 9-6. Los Unidos ta luchando pa klasifiká den e promé seisnan.
Latin Caribe a gana su di dos wega di kampionato ku un viktoria di 14-10 riba Bad Boys.
Omel tambe den lucha pa yega den e 6 proménan pa bai Round Robbin a sorprendé Carpatula i gana ku skor basta grandi 11-3.

The Bears ta gana su di 12 wega sigi den 2008 den Beisbol Veterano

WILLEMSTAD - The Bears a nokout Vosama fasil i keda invikto den Beisbol Veterano. Deron Clara tabata den gran forma riba montikulo pa the Bears.

RESULTADONAN
The Bears ku ta invikto ketu bai a gana fasil di Vosama ku skor di 12 pa 1. Pa The Bears 12 kareda 10 hit i 0 eror. Picher ganado Dayron Clara. Miho bate Rubilin Nicatia di 3 -3. Homerun di Rubelyn Nicatia i Geronimo Daflaar. Pa Vosama 1 kareda 2 hit i 1 eror. Picher perdedo Lionel Martina. Miho bate Fransje Lambertina di 1 – 1. Homerun di Fransje Lambertina.

Azucar ta gana Nos Union ku skor di 11 pa 0.
Pa azucar 11 kareda 10 hit i 2 eror. Picher ganado Randolf “Dolfi” Mercera. Miho bate Candido Adamus di 2 – 2. Pa Nos Union 0 kareda 2 hit i 1 eror. Picher perdedo Sha “tapeit” Moesker. Miho bate Sha Moesker mes di 2 – 1.

Torneo Komersial SVB di 22 pa 31 di ougùstùs na Suvek Ballpark

WILLEMSTAD - Sociale Verzekeringsbank ta organisá su tradishonal torneo Komersial di 22 pa 31 di ougùstùs na Suvek Ballpark.
17 ekipo Komersial Maskulino i Femenino ta partisipá den e torneo aki.

E ekiponan ta parti den 4 pul, dos maskulino i dos femenino.
Pul A (Femenino)
Polis, MCB, SGR-Groep, SVB;
Pul B (Femenino)
SBAB, Douane/CEMS, Selikor, Amicorp, MLS;
Pul A (Maskulino)
Polis, Isla, MCB, CITCO;
Pul B (Maskulino)
SVB , Douane/CEMS, Selikor, CPA/KTK.

Roger Bernadina su bate no ta para ketu

WASHINGTON - Roger Bernadina a wòrdu subí pa e tim di Nationals pa Grandes Ligas luna pasá, pero mester rekonosé ku Roger Bernadina su bate no a konvensé den Grandes Ligas.

Despues di haña oportunidat pa hunga i no ta-bata produsiendo, gerensia di Nationals a baha Roger Bernadina pa Triple A.
Bernadina a kuminsá e temporada den Dòbel A i for di komienso di temporada ela bati i kore i na momentu ku e oportunidat a presentá ela subi pa Grandes Ligas.
Den Grandes Ligas Roger Bernadina a haña e chèns di hunga centerfield tur dia pa e tim di Nationals. Ela debutá den Grandes Ligas ku hit, pero despues e tabatin basta problema pa bati e bala.
Bèk den Triple A Roger Bernadina mesora a kuminsá bati e bala. Den e promé tres simannan den Triple A Roger Bernadina su averahe tabata di .413. Jim Bowden, General Manager di Nationals, a pone bon kla ku nan ta keda ku konfiansa den Roger Bernadina. E motibu ku nan a baha Roger ta pa e hunga tur dia. Bowden ta keda ku speransa ku Berndina pronto lo ta regular den e outfield di Nationals i bateando entre e tres promé batidónan den e alineashon.

Curt Smith bateando .360 den Johnson City ku Cardenales Rookie

SINT LOUIS - Curt Smith ku tabata un sensashon ku Univer-sidat di Maine kaminda ela sali skohé komo Hungado di Aña, no a tarda pa kuminsá bati den Rookie League ku e tim di Johnson City di e organisashon di Car-denales di San Luis.

Curt Smith ku a wòrdu di draft pa Cardenales di San Louis no a tarda pa firma i mesora ela kuminsá hunga den e tim di Johnson City.
Ya for di den e promé siman e yu di Kòrsou a kuminsá saka su uñanan. Curt ta rekonosé ku su bon bateo a pone ku mesora nan a kuminsá traha "scouting-report" kontra di dje i e batimentu a baha poko.
Sinembargo no a dura hopi ku Curt a kue su ritmo i den su promé temporada ku e tim di Johnson City, e promé di Smith den beisbòl profeshonal e ta bateando riba .360.

Curt sea ta hunga na primera/base o bati komo designá pa Johnson City. Si no ta terser, e ta kuarto bate.
E ta leu, e ta e pelotero ku averahe di mas haltu den su ekipo.

E yu di Korsou Sharnol, “Pachito” Adriana ta sigui parti bataso den beisbòl profeshonal di Mexico

MEXICO CITY - Adriana ku ta hunga pa e tim di Veracruz huntu ku e èks Big Leaguer Jose Offerman a konektá 2 homerun den e wega di djadumingu último pa yega na 17 kua-drangular e temporada aki.
"Pachito" ku den e wega di djadumingu a empuhá 5 kareda tambe a yega na 76 kareda empuhá faltando kasi dos luna pa finalisá e temporada di beisbòl meksikano.
Adriana ta hunga prinsipalmente komo primera/base i tin dia tambe komo batidó de-signá òf den outfield.
"Pachito" ku ta bati sea di tres, kuater o di sinku ta un di e hungadónan mas produktivo di e tim di Veracruz .
E yu di Korsou aña'den, aña'fo ta produsí bataso den beisbòl na Meksiko. Miéntras ku Adriana ta bati naturalmente tin trabou p'e den beisbòl profeshonal.

Raywendley van Gurp a kibra rekòrt di base robá di organisashon di Mets na Venezuela

WILLEMSTAD - Raywendley van Gurp den un tremendo aña komo hungadó profesho-nal na Venezuela a kibra rekòrt di base robá di e organisashon di Mets.
T'asina ku e aña aki ta e promé aña ku Raywendley a hunga un kampionato kompleto na Venezuela. Raywendley a firma profeshonal na aña 2006 pero no tabata por a hunga sigur un aña kompleto debí na un leshon ku e tabatin na su pòls. E aña aki ta su promé aña i mester bisa ku sigur e hendenan di Mets ta hopi kontentu kuné. E rekòrt ku Van Gurp a kibra e aña aki tabata di 28 base robá. Djaluna dia 28 di yüli último Raywendley a kibra e rekòrt aki ora ku ela roba segunda base. Pa loke ta su sifranan ofensivo tam-be mester bisa ku e tin un bon aña. Raywendley a kuminsá e aña aki ku un averahe hopi pober pero segun e tabata kue ritmo di wega ela subi su ave-rahe enormemente. Asta tin ku bisa ku e ta lider den diferente departamentu ofensivo di su ekipo. Di informashon ku nos tin ta indiká ku e dirigentenan di Mets ta hopi satisfecho ku Raywendley su presta-shon i tur kos parse ta dependé di e hóben pelotero mes kon leu lo e por yega den beisbòl profeshonal.

Febeko a nombrá manager pa selekshon di Kòrsou

WILLEMSTAD -- Dia 12 di ougùstùs último, FEBEKO a risibí un karta for di NABAFE, kaminda ofisialmente e Federashon Antiano di Beisbòl ta pone Federashon di Beisbòl di Kòrsou na altura ku ta bai tin un torneo di beisbòl klasifikatorio pa mundial organisá pa COPABE (Confederacion Panamericano de Beisbòl), kaminda Antia Ulandes lo tin un ekipo ta partisipá. Konforme reglanan di NABAFE, lo mester hunga weganan eliminatorio entre distritonan Kòrsou i St. Maarten.

Federashon di Beisbòl di St. Maarten a duna di konosé ku nan ta dispuesto pa organisá e weganan eliminatorio aki dianan12, 13 i 14 di sèptèmber próksimo, loke ta trese ku n’e ku Kòrsou lo mester forma un selekshon pa defendé nos bandera.

Den un reunion di direktiva, FEBEKO unánimamente a bai di akuerdo pa primeramente nombra Raymond “Mompy” van Gurp komo manager di selekshon di Kòrsou.

Banda di esaki tambe, FEBEKO a bai di akuerdo pa instalá un komishon tékniko ku huntu ku Manager van Gurp lo mester hasi FEBEKO un proposishon di hungadónan ku lo forma parti di preselekshon di Kòrsou.

Direktiva di FEBEKO lo informá komunidat di Kòrsou riba e adelanto di preparashon di su selekshon ku na final lop konsistí di 25 hungadó.

Despues di su gran demostrashon na Ulanda vs Cuba, Reds ta ansioso pa firma Juan Carlos Sulbaran

WILLEMSTAD - Jorge Sulbaran, tata di e lansadó hóben Juan Carlos Sulbaran den kombersashon ku Softballcuracao.com i Revista Deportivo Korsou a splika ku tur kos a sali manera tabata planiá.

"Nos tabata ke pa Juan Carlos pitcha na Ulanda i pitcha kontra di Cuba pa tur hende por a mira Juan Carlos riba montíkulo", na palabra Jorge Sulbaran tata di e prospekto Juan Carlos Sulbaran.
Juan Carlos Sulbaran a pitcha den highschool na Merka i tabatin rekòrt di 11-0 ku un efektvidat magnífiko.
Su tata a bisa:"Juan Carlos no a haña hopi publisidat, poko hende tabata sa realmente kon bon Juan Carlos ta".
Su bon aktuashon kontra di e selekshon di Cuba mesora a pone ku wowonan a kuminsá habri i no a dura hopi ku e manager di e selekshon di Ulanda Robert Eenhoorn a informá pa Juan Carlos pa por hañele pa Olimpiada.
Sr. Jorge Sulbaran ta si-gurá ku su yu no a haña nada pa e pitcha pa selekshon ulandes. Ela aseptá di partisipá den e selekshon di Ulanda pasobra ta un previlegio di por pitcha den un Olimpiada i naturalmente lo tin hopi bista ku lo habri p'e.
Den kombersashon sr. Jorge Sulbaran a bisa ku e organisashon di Reds di Cincinati ku a draft Juan Carlos den di 30 'round' mesora a manda kambia e oferta ku nan a hasi i ya nan a ofresé Juan Carlos Sulbaran un rekòrt pa firma ku nan.

Fundashon Sedreko ku mensahe di formashon riba su dos “billboardnan” nobo

WILLEMSTAD - Fundashon Sedreko tin dos "billboard" nobo ta broma den nan kura den kurason di Saliña.
Riba e dos billboardnan nobo aki Fundashon Sedreko ta manda un mensahe kla di formashon pa nos Hubentut.

Riba e promé bòrchi tin e pòtrèt di nos ídulo den e deporte di atletismo Churandy Martina. E mensahe riba e billboard aki ta: “Formashon ta e base sigur di tur progreso den bida".
Riba e di dos billboard tin un kombinashon di 3 "big leaguer", Wladimir Balentien, Andruw Jones i Jair Jurrjens.
E mensahe riba e billboard aki ta: "Talento por hiba bo top, formashon ta e kaminda sigur den bida".

E dos billboardnan nobo den kura di Fundashon Sedreko den kurason di Saliña a keda un presiosidat.
Fuera di esei e dos mensahenan pa nos Hubentut ta tremendo.
Unikamente bo tin garantia den bida ku un bon FORMASHON!!!

Pronto lo tin artíkulonan deportivo i di beisbòl di Mizuno na Kòrsou

WILLEMSTAD - Den luna id yüli di lomba tabata aki na Kòrsou e representante di Mizuno na Atlanta, Ga., Jamil Mandani.
Sr. Mandani a bini Kòrsou pa promé biaha huntu ku su amiga Rose i a hospedá na Marriott Beach Resort & Emerald Casino.
Ela keda sumamente enkantá ku Kòrsou i e hotèl.
Den un kombersashon ku nos sr. Mandani a bisa, ku ta inkreibel bo ta habri bo porta patras di bo kamber i bo ta kana sinku meter i drenta un laman kristalino. Ta sigur ku e lo ta bèk aki na Kòrsou pronto.
Jamil Mandani ta un bon amigu di Andruw Jones, ya ku sr. Mandani tabata traha komo bat boy i tambe den kamerin di Braves di 1998 pa aña 2001.

Dennis Neuman subí pa klase A di organisashon di Boston Red Sox

WILLEMSTAD/BOSTON - Dennis Neuman a keda promové di Rookie League pa Gulf Coast League klas A. Den klas A e yu di Kòrsou Dennis Neuman tin un averahe di kareda limpi di 0.00 te ku komienso di ougùstùs.

Dennis ku aktualmente tin 18 aña a firma serka skout Antonio 'Toncha' Simmon dia 17 di òktober 2006.
Dennis ta traha komo 'closer' den e organisa-shon di Boston Red Sox. E tin 8 inning i dos tersio tirá sin permití kareda limpi den 8 aktuashon.
Dia 22 di yüni Dennis a tira su promé wega den Klas A di Boston.
Dennis tabata den e ekipo di Kòrsou (Liga Pariba) di Little League aña 2002.
Dennis tin varios lansamentu, entre otro rekta entre 88 i 90 miya,
slider entre 75-77 i un change up di 80 miya.

Dennis Neuman lansando riba nivel klase A di Boston

Quentin de Cuba a terminá ku 7 homerun den Rookie League di organisashon di Mets na Venezuela

CARACAS/WILLEMSTAD - Quentin de Cuba, kètcher yu di Kòrsou ku a firma ku e organisa-shon di New York Mets tabatin un bon aktua-shon den Venezuela Summer League. Quentin a bati pa averahe di .263 ku 7 homerun i 25 kareda empuhá den 42 wega.
E kètcher/primera base ta kontentu ku su aktuashon. "Mi ta kontentu kon a bai e aña aki. Mi coachnan tambe ta kontentu. Mi a mehorá hopi den bateo.
E kampionato a kuminsá mas o menos 4 di mei i e kampionato ta terminando.
Na momentu ku mi a leshoná, nan a usa mi mas komo primera base i designá. Aktualmente mi ta lider di mi tim den homerun konektá i kareda empuhá. Despues di kampionato lo mi bin sosegá na Kòrsou i sigui trein pendiente di informashon unda lo mi hunga den 2009."
Quentin a nase na Kòrsou 9 di sèptèmber 1987 i a firma ku e organisashon di New York Mets dia 14 di yanüari 2007.

Selekshon Little League a biaha pa Williamsport

WILLEMSTAD - Selekshon Little League a sali pa Williamsport (Pennsylvania) djaluna 11 di ougùstùs 2008 den oranan di mèrdia.
E selekshon ta partisipá na e kampionato Mundial di Little League na Williamsport di 14 pa 25 di ougùstùs 2008.
Amanda van Wilgen di RBTT tabata presente na aeropuerto pa duna e hóbennan sosten i deseá nan éksito na Williamsport.
Selekshonnan Little League di Kòrsou ta kampion di Karibe for di aña 2001, ke men 8 aña siguí kampion i representando Karibe den Serie Mundial di Beisbòl Little League.
Pueblo di Kòrsou por sigui tur e weganan via e kanalnan di Deporte ESPN i ABC.

Esnan ku ta forma parti di e selekshon ta:
Edmond Americaan, Jairly Argus, Junters Dossett, Sjeantienne Ersilia, Tyvon Faneyte, Dennis Gustina, Claycandy Hariquez, Sherlon La Roche, Jason Libert, Hensley Martha, Juremi Profar, Entwin Regina, Suenly Paulina i Sedwin Regina.
Manager ta Vernon Isabella, asistí pa coachnan Michelangelo Celestina i Charlton Cijntje.


Selekshon Little League algu promé ku nan sali pa Williamsport huntu Amanda van Wilgen di sponser di Little League, RBTT. Sra. van Wilgen tabata na aeropuerto pa deseá e hóbennan un bon biahe.

Buena Vista Power ta zona Dalpega 16-0 ku picheo di Naai Hooi

WILLEMSTAD - Buena Vista Power ku picheo di Naai’ Zumaya; Hooi ta gana Dalpega 16-0 den Liga van Engelen ayera.
Naai a presentá ku un picheo sólido i Dalpega dirigí pa ruman di Naai Hooi, Gigi Hooi no tabatin niun chèns.
Ludwig Pietersz tabata grandi ku dos homerun largísimo. Gilbert Juliet tambe a dal dos homerun.

Swift 9, Jaws 8
Swift a laga Jaws den tereno. Un derota tristu pa Jaws i Kid Boca Chica.
Jaws tabata te den último inning 8-5 ku bon picheo di Patrick Laken.
Jaws ta kai den otro i Swift ta bòltu e skor a puro palo pa laga Jaws den tereno.

Suli ‘Overtime’ Cruz bèk den Swift despues di algun luna

WILLEMSTAD - Suli ‘Overtime’ Cruz despues di a risibí retiro den Swift mas o menos dos siman pasá ta bèk.
Djadumingu 10 di ougùstùs Suli tabata na tersera i ela filea den gran forma.
Djadumingu Swift tabata pèrdí ku skor di 8-5 te den último inning i ta bòltu e skor pa gana 9-8 den Jaws.
Algun siman pasa e tremendo pelotero Dominikano Silvio ''Suli' Cruz a risibi karta di retiro serka Swift. Tur kos ta 'koek en ei'atrobe entre Suli i Swift.


Swift kontentu ku Suli Cruz ta bek.

Building Depot a gana Selikor, SBAB ta para e racha di Dok den Play-off The Champions League

WILLEMSTAD - SBAB a presentá den gran forma pa gana e selekshon di Dok ku skor di 15-14 i pasa pa final di The Champions League.
E wega tabata stail di Homerun Derby atrobe ku SBAB batiendo 7 homerun i Dok a bati 8 homerun.
Building Depot a gana Selikor den un wega kaminda tabatin un enkontronaso na home plate entre Ando Cijntje komo koredó i Gilbert Santiroma komo kètcher.
Despues di e hugada aki a surgi un ‘Scaramouche’ na home plate entre Ando i Santiroma i tur dos hungadó a keda ekspulsá.

RESULTADONAN
Djabièrnè 8 di ougùstùs
Kooyman 7, CITCO 1 (Femenino)
SBAB 15, Dok 14 (Maskulino)
Rising Trotters 3, The Champions 2
Rising Trotters a laga The Champions den tereno.

Treasure 4, Warriors 2
Giro 2, SGR 0 (Femenino)
SGR a keda eliminá.

Djadumingu 10 di ougùstùs
The Champions 9, Warriors 4
MCB 4, Building Depot 3 (Femenino)
Building Depot a keda eli-miná.
Nos Goso 3, Treasure 2

Keda pendiente pa numeritonan di e weganan aki.

Djaluna 11 di ougustus, un fecha ku 2 wega di beisbol

WILLEMSTAD -- Despues di e tremendo Allstar Game ku a tuma luga den fin di siman tras di otro, e kampionato di Beisbol Doble A di Korsou ta kontinua awe djaluna ku 2 enkuentro. Un dje enkuentronan ta di e di dos buelta i e otro ta balido pa e di tres buelta di e tremendo kampionato di beisbol Doble A.

Manera ta konosi, dia 18 di yuli ultimo, Korsou a keda bendishona pa un tremendo palu di awa seru ku a pone ku e enkuentro di beisbol dje dia ei a keda kansela. Tabata trata aki di e enkuentro entre Sta. Maria Pirates i Groot Kwartier Stars. E enkuentro aki a keda re-programa pa awe djaluna 8 or di anochi na Stadion Johnny Vrutaal na Rif.

E otro enkuentro ta esun di Curacao Yankees kontra di Sta. Rosa Indians ku ta e prome enkuentro di e di tres buelta di kampionato di Korsou.

Ambos enkuentro ta kuminsa pa eksaktamente 8 or di anochi i entrada pa e enkuentronan aki ta 3 florin di 7:30 p.m pa 8:30 p.m i despues 5 florin. Un invitashon ta bai na pueblo di Korsou pa bai apoya e hungadonan aki ku ta hasi nan esfuerso pa brinda pueblo di Korsou un espektakulo di beisbol.

All Star Game di Beisbòl a resultá un eksito total

WILLEMSTAD -- Kontra di tur espektativa, e Allstar Game di Beisbol Doble A ku a tuma luga djasabra ultimo den Stadion di Rif na Otrabanda, a resulta un eksito total. Despues di hopi tempu, bastante fanatiko a haña kaminda pa stadion i a disfruta inmenso di un evento ku direktiva aktual di FEBEKO a hinka tur loke ku nan tabata tin aden.

DAVE KIRINDONGO KAMPION HOMERUN DERBY
Manera ta konosi, for di atardi a kuminsa ku e homerun Derby ku representantenan di e 7 ekiponan den Doble A. Na final, Dave Kirindongo a resulta pa di dos aña e kampion di Homerun Derby. Den e prome buelta ela dali tres i den final e tabata tin mester di dos pa gana. Lugien Fluonia di Blue Hakws a keda na di dos luga.

Selekshon Senior League a sali pa representá Latino America den Mundial na Bangor Maine

WILLEMSTAD - Djaweps, dia 7 di ougùstùs 2008 den oranan di mèrdia selekshon Senior League di Beisbòl di Kòrsou a biaha pa Bangor Maine pa representá Latino America den e Kampionato Mundial di Beisbòl Senior League. E kampionato ta start dia 10 i terminá dia 16 di ougustus 2008.
Clifton Walle di RBTT tabata presente pa duna e hóbennan sosten i deseá nan éksito den e kampionato Mundial.


Selekshon Senior prome ku sali pa Bangor Maine. Nan lo pasa via Miami.

Esnan ku ta forma parti di e selekshon ta:
Aljereau Bishop, Fauchedre Celestijn, Curtney Doran, Dimitri Eugenia, Christopher Garia, Jegveny Hendrik, Dursley Ignacio, Dudley Leonora, Sorick Liberia, Kevin Moesquit, Jurickson Profar, Willy Rifaela, Rigynoël Rondei, Czenvic Rojer, Jonathan Schoop, Andrew Wanapa.
Manager di e selekshon ta Roque Bernadina asistí pa coachnan Norval Faneyte i Ellery Martina.

Revelation Stars ta sigui gana den Liga Amistad

WILLEMSTAD - Revelation Stars, ekipo di Wim Felicia ta sigui gana den Liga Amistad. Siman pasá nan a pasa fásil riba e ekipo Emiliano Martinez All Stars.
Softballcuracao.com tin resultado di weganan di djadumingu último.
Nos tin e standing tambe.


Ekipo Revelation Stars huntu ku fanatikonan na kas di Tineke Gijsbertha

Revelation Stars 9, Emiliano All Stars 3
Revelation Stars tabatin 9 hit i nan a kometé 4 pifio.
Ganadó tabata Jo-Andy Balentina.
Silvio Cruz i Raylison Gijsbertha a bai di 2-2.
Silvio Cruz a konektá 1 homerun.
Pa Emiliano All Stars 5 hit i 3 eror.
Fernando Rosario tabata e pèrdèdó i Carlos Gil a bati di 3-2.

The Bears - Yesterday djadumingu 10 di ougùstùs 10.30 na Velt Salu

WILLEMSTAD - Beisbòl Veterano ta kontinuá djadumingu na tereno Velt Salu ku un wega interesante entre The Bears i Yesterday.
E wega lo tuma lugá 10.30.

The Bears ta invikto ku 10 ganá i 0 pèrdí den e kompetensia, miéntras ku Yesterday ku tabatin un tremendo temporada 2007 a pèrdè algun wega klave e aña aki, pero ta den e promé kuaternan ainda.
Mas den oranan di atardi lo tin e agrupashon musikal GIO na Velt Salu segun informashon no ofishal ku nos tin.

The Bears invikto den 2008 ku 10 wega gana sigi

Nos Goso ta dal The Champions 7-4 den The Champions League

WILLEMSTAD - Nos Goso a gana e kam-pionnan di aña pasá den The Champions League ku skor di 7-4 ayeranochi na Frank Curiel Ballpark.
Den Komersial Maskulino Selikor a gana RBTT 17-10.

RESULTADONAN
Nos Goso 7, The Champions 4
Nos Goso a dal 9 hit i hasi 3 eror. Carlientje Cleopa a gana. Leonise Avastia a bati di 4-3. Sumita Ricardo di 3-2.
The Champions a bati 7 hit i hasi 2 eror. Sherry Howell a pèrdè i e mes a bati di 2-1. Nidia Daal tambe a bati di 2-1. Sherry Howell tabatin un homerun.

Standing Liga Amstel te ku 2 di ougùstùs

STANDING te ku 2 di ougùstùs
1. Bombers 11 – 1
2. Skarlo 11 – 1
3. Padres Amstel 9 – 2
4. Chincho Sharks 6 – 5
5. Carpatula 6 – 6
6. Omel 5 – 6
7. Los Unidos 5 – 6
8. Bad Boys 2 – 9
9. Latin Caribe 1 – 11
10.Pa Gosar 0 - 9

Mi Deseo ta dal Destiny ku skor di 3-2 den Liga Streanan di Ayera

WILLEMSTAD - Mi Deseo a gana Destiny 3-2 den Liga Streanan di Ayera djadumingu último. Despues di un siman nos tin resultadonan di Liga Streanan di Ayera atrobe.

RESULTADO
Mi Deseo 3, Destiny 2
Mi Deseo a bati 4 hit i nan a kometé 1 pifio.
Marcela Martis a bai ku e viktoria.
Recela Avastia a bati di 1-1.
Pa Destiny 9 hit i 3 eror.
Irling Lard tabata esun ku a pèrdè i Monique Pieter a bati di 3-3.

Swift mester a lucha pa gana Crazy Tigers, Navegantes a nòkout Lions 16-1 den Liga van Engelen

WILLEMSTAD Liga van Engelen a kontinuá djadumingu 3 di ougustus 2008 na Suvek Ballpark.
Navegantes a dal Lions durísimo ku skor di 16-1. Lesley ‘Le’ Martina a presentá den gran forma pa bai ku e wega.
Den otro wega Swift mester a lucha formal pa gana Crazy Tigers. Swift a gana Crazy Tigers te den último inning pa laga nan den tereno.

RESULTADONAN
Navegantes 16, Lions 1
Navegantes a dal 13 hit i hasi 1 eror. Lesley Martina a gana i Sherman Schoop a bati di 2-2. Aldrin Paesch a bati 2 homerun.
Lions tabatin 7 hit inan a hasi 5 eror. Lionel Elisabeth a pèrdè i Jeffrey Thompson a bati di 3-3.

Den fiesta di bataso CDM Stars ta vensé Coca Cola 20-19

WILLEMSTAD - E playoff komersial di The Champions Softball League a start sali ku un wega emoshonante di hopi bataso i kareda ora ku e ekipo favorito di CDM Stars mester a soda hopi pa gana di Coca Cola ku skor di 20 - 19.

Den e wega aki tabatin un gran total di 22 bataso di kuater skina.
CDM Stars a konektá 24 hit i kometé 1 eror. Picher ganadó tabata Jo-Andy Balentina den relevo di Richard Koeiman. Jo-Andy Balentina mes tabata mihó na bate di 4-4 inkluyendo 1 bataso di kuater skina. Otro hungadónan ku a konektá di homerun:
Bertyson Ignacio ku 3, Merieldo Trinidad i Luis Hernandez ku 2, Rachid Mauricio, Suli Cruz,Gergival Cetlin i Jonathan Statia ku 1.
Coca Cola ku por poko a zona un tremendo kampanaso tabatin 21 hit i 1 eror.
Sharlon Nanoy ku a relevá Rudson Eustatia tabata
picher pèrdèdó i na bate a destaká Marlon Martis di 3-3 ku 1 bataso di skina. E otro homerunnan a wòrdu konektá pa:
Ramses Meulens, Churandy Lourens i Marcel Pinedo ku 2, mientras ku Cedric Curiel, Remy Thielman i Sharlon Nanoy ku 1.

SUSTU
Despues di e wega emoshonante aki Coca Cola a bisa dok “UN SUSTO TA MAS EFEKTIVO KU UN GOLPI”

Hubert Gomez i Fabiani Orcadio pa Terremaster

WILLEMSTAD - Terremaster di Rene Hooi ta a la karga e aña aki den Liga Un i Tur.
Terremaster tin riba nan lista Hubert ‘Manolo’ Gomez, Sharlon Hanst, Winston Kirindongo, Fabiani Orcadio i Senny Petronella.
Terremaster ta bai duru pa e titulo e aña aki den Liga Un i Tur.

Catpower ta pasa fásil riba Rising Trotters den Liga 40

Catpower ta pasa fásil riba Rising Trotters den Liga 40


Catpower no tabatin problema ku Rising Trotters djamars 5 di ougùstùs i ta gana fásil ku skor di 11-1.
Wim Felicia playing mana-ger a picha pa dominá Trotters.
Den e otro wega Exito a gana Q-Rangers 7-5.
Liga 40 ta sigui djaweps ku e último dos weganan di promé buèlta.

Caterpillar 11, Rising Trotters 1
Catpower a dal 10 hit i hasi 1 eror.
Willem Felicia a gana i Sedeney ‘Spin’ Lourens a bati di 2-2. Norwin Moesquit i Sedeney Lourens a bati homerun. Rising Trotters tabatin 5 hit i nan a hasi 5 eror. Lesley ‘Le’ Martina a pèrdè. Jurgen Susana i Roy Crichlow a bati di 1-1.

Catpower ta dal Speedy fásil 20-2 i ta invikto den Liga Trai Seru

WILLEMSTAD - Catpower a gana Speedy fásil (blackout) djasabra na Cirilo Chirino Ballpark.
E ekipo di kas ta invikto den 11 enkuentro.
Domi Lions ku ta na di dos lugá mester a lucha pa gana Sint Michael Mariners 10-9.

Next 17, Sagitario Car Rental 2
E ekipo Next a bati 19 hit i nan no a kometé eror.
Ganadó tabata Mayron Wijman. Elvis Moesquit a bai di 1-1 i Mayron Wijman mes a bati di 4-4.
Sagitario Car Rental tabatin 5 hit i nan a hasi 1 eror.
Ettienne ‘Sagitario’ Major tabata e picher pèrdèdó, miéntras Gershwin ‘CPA’ Juliana a bai di 2-2.

Domi 10, St. Michael Mariners 9
Domi a bati 12 inkogibel i nan a pifia na 1 okashon.
Ralph Hermans a gana i Ericson Senior a bai di 1-1.
St. Michael Mariners a bati 10 hit i nan a hasi 3 eror.
Pèrdèdó tabata Eugene Constancia.
Aron Servania a bati di 3-2.
Eugene Constancia, Aron Servania i Gerald Servania a konektá un homerun.

Catpower 20, Speedy 2
Catpower a bati 20 hit i nan a hasi 1 eror.
Norman de Roon a bai ku e viktoria i Remy Thielman a bai di 4-4.
Jerry Poulina tambe a bati di 4-4. Jerry Poulina a konektá 3 homerun i Remy Thielman 2.
Pa Speedy 5 hit i 1 eror.
Shurendy de Lima a resultá e pèrdèdó i Jose Silva i Giovanni Roosendaal a bati di 1-1.

Sami Sosa 7, Clase Aparte 0
Sami Sosa a bati 2 hit i nan a hasi 1 eror.
Picher ganadó tabata Pedro Martinez i Carlos Gil i Jose Gomez a bai di 1-1.
Pa Clase Aparte 3 hit sin eror.
Sudangelo Willems a pèrdè i e mes a bai di 1-1.

STANDING up to date
Catpower 11-0
Domi Lions 9-2
St. Michael Mariners 6-5
Sagitario Car Rental 5-6
Next 4-7
Clase Aparte 4-7
Speedy 3-8
Sami Sosa 2-9

Winston Kirindongo pa Terremaster den Liga Un i Tur

WILLEMSTAD - Winston Kirindongo lo hunga den Terremaster den Liga Un i Tur 2008.
Winston a hunga den Bou di Palu hopi aña pasá.

Ta trata aki di un outfielder veterano ku bon poder, spit i tremendo brasa. Gai Lihe tabata klave den e atkisishon di Winston ‘Un tempu Killer Kiri’ Kirindongo.

Bombers ta superá Carpatula 15-10 den Liga Amstel

WILLEMSTAD - E ekipo Bombers a gana Carpatula ku skor di 15-10 djasabra den kontinuashon di Liga Amstel na Suvek Ballpark.
Den e otro dos weganan Skarlo ta pasa fasil riba Latin Caribe ku skor di
12-5.
Los Unidos ku ta luchando pa klasifiká den e seisnan pa Round Robbin a gana Bad Boys ku skor di 9-5.
Rensley Martis a sigurá softballcuracao.com ku su ekipo lo klasifiká pa Round Robbin.

LIGA TRAI SERU
Domi ta gana Sint Michael Mariners pèrtá ku skor di 10-9.
Catpower ta sigui bati ekiponan di Liga Trai Seru pa mata. Djasabra nan a dal Speedy 20-2.
Next ku último simannan ta bini fuertísimo a dal Sagitario duru 17-2.
Sami Sosa a blankia Clase Aparte 7-0.

Sedeney ‘Spin’ Lourens a dal 2 homerun ku bate palu

WILLEMSTAD - Sedeney ‘Mr. Spider’ a dal dos homerun ayera ku bate di palu den Beisbòl Veterano.
Spin tabata klave den e viktoria di 18-6 di The Bears kontra Surprise.
Spin Lourens a bati di 3-3 ku dos homerun i un doblete. The Bears ta invikto ku 10 ganá i 0 pèrdí.

Swift ta gana Crazy Tigers pèrtá 13-12 den Liga van Engelen

WILLEMSTAD - Crazy Tigers a hera di para Bingo di Swift ayera. Crazy Tigers a lucha formal pa despues Swift bin gana ku skor pèrtá 13-12.
Den e bataya pa klasifiká number 4, Dalpega ta gana Jaws 8-6.
Ayera Swift tabatin un eksitoso Bingo na Suvek Ballpark.

OTRO WEGANAN
Buena Vista Power a gana Uniko fásil pa medio di nòkout 14-2.
Navegantes a dal Lions feros 16-1.
Djadumingu awor tin dos wega kandela. Dalpega ta enfrentá Buena Vista Power pa 2’or i Swift ta topa Jaws 4’or.
Djadumingu awor tin 5 wega. Pa 3’or pm lo tin wega riba tereno B atrobe.
Den kurso di siman Softballcuracao.com tin resultadonan kompletu di Liga van Engelen.