Saturday, February 28, 2009

Harlem Power ta suta Awa Limpi sin kompashon den Fastpitch Maskulino

WILLEMSTAD - Sòftbòl Fastpitch a kontinuá djaweps anochi na Suvek Ballpark ku solamente un wega. Wega number dos a keda suspendé pa motibu di awaseru.

Harlem Power 17, Awa Limpi 2
E ekipo Harlem Power a bati 8 hit i no a kometé pifio.
Ganadó tabata Rayshel Sambo i Merieldo Trinidad a bai di 2-2 inkluyendo un homerun. Arlyson Rodrigues tambe a konektá unu.
Pa Awa Limpi 2 it i 1 eror.
Ricky Fecunda tabata esun ku a pèrdè, miéntras Rugshander Lareine i Francisco Alcantara a bai di 1-1.

Thursday, February 26, 2009

Direktiva Liga Soraida Juliana

WILLEMSTAD - Den luna di òktober aña pasá tabatin reunion general i ekiponan di Liga Soraida Juliana a eligí un dirketiva nobo.
E direktiva nobo ta konsistí di e siguiente personanan.

Presidente: Cecil Garcia;
Vise Presidente: Jeffrey Martina (enkarga ku Relashon Publiko);
Sekretario: Corva Lourens;
Segundo sekretario: Ralph Pereira;
Tesorero: Wimbert Hato;
Di dos tesorero: Shamil
Ortega;.
Direktor di Kampionato: Shamil Ortega;
Direktor di Kampionato suplente: Zulma Martis.
Pa mas informashon por drenta den kontakto ku Jeffrey Martina (PR).

Dalpega entrenando fuerte pa Liga van Engelen 2009

WILLEMSTAD - Dalpega LBH Group ta trein masha fuerte mes preparando pa Liga van Engelen 2009.
Un miembro di direktiva di di Dalpega a bisa nos ku training ta super bon bishitá i awor mester bai pensa kiko ta bai hasi.
Varios hungadó di Sòftbòl ke bira miembro di e ekipo aki mirando e seriedat ku tin e aña aki.

E miembro di direktiva a informá nos ku mas ku 30 hungadó tabata na tereno algun siman pasá.
Dalpega ta pendiente tambe pa un wega entre Dalpega Veterano i Dalpega di e hóbennan.
E wega aki lo tuma lugá promé ku un beach party i dia di famia ku e ekipo lo bai organisá na Banda Bou.
Un pabien tambe pa Franklin Benito di Dalpega ku a kumpli 40 aña djamars 24 di februari.

Apertura ofisial di Liga Soraida Juliana djabièrnè awor na Sabana Ballpark

WILLEMSTAD - Djabièrnè awor 27 di febrüari lo tuma lugá e apertura ofisial di Liga Soraida Juliana 2009.
Manera ta konosí Liga Soraida Juliana mester a start djabièrnè 30 di yanüari, pero un áwaseru formal a obligá suspenshon di e apertura.
Direktiva di Curaçao Little League Softball riba peti-shon di hopi dirigente i tambe sòftbòlista a tuma e desishon pa reprogramá e apertura ofisial.

E desfile mes ta start 6’or di atardi i ta pidi tur hungadó di Liga Soraida Juliana pa nan ta presente 5.30’or pm na Sabana Ballpark.
29 ekipo lo partisipá na e desfile:
Liga Soraida Juliana ta konta ku 25 ekipo, den 4 kategoria. Minor League, Little League, Junior League i Senior League. Ademas lo tin 4 ekipo kategoria Big League.

Programa Ofisial:
6’or: Desfile Inougural en-kabesá pa drùmbènt;
7’or: Seremonia Inougural;
8’or: "Play-ball": Buena Vista/ Fundashon Sedreko vs Souax/Persio Uniformes.

Tuesday, February 24, 2009

Skedjel Swift Amstel Challenge Tournament

WILLEMSTAD - Swift Amstel Tournament ta start djabièrnè 27 di februari i ta terminá 15 di mart. Softballcuracao.com tin e skedjel kompletu.

Djabierne, 27 di febrüari
19.30 Polis – SGR Groep (Femenina)
21.00 CITCO – Kooyman (Maskulino)

Djasabra 28 di febrüari tereno A
10.30 Jaws – Lions (Liga 50)
12.30 Marlins – Mon Repos (Liga 50)
14.30 Swift – Teremoto (Kompetitivo)
16.30 Bombers – Navegantes (Kompetitivo)
18.30 SVB – MLS (Femenina)
20.00 Kooyman – SBAB (Femenina)

Sunday, February 22, 2009

Swift Amstel Challenge Tournament ta start djabièrnè awor ku 24 ekipo

WILLEMSTAD - Swift Amstel Challenge Tournament ta bira realmente grandi e aña aki.
24 ekipo lo partisipá den e torneo prestigioso aki ku ta start djabièrnè 27 di
febrüari i terminá 15 di mart na Suvek Ballpark.
Weganan lo hunga riba tereno A i B.

EKIPONAN
Den kompetitivo e ekipo Swift, Teremoto, Bombers, Navegantes, Cicoza, Baranka, Jaws i Destroyers lo partisipá.
Pa loke ta e parti Femenino Komersial lo partisipá Polis, SBAB, MLS, Kooyman, SVB i SGR Groep.
Ekiponan MCB, Coca Cola, Aqualectra, Polis, Dok, Isla, Kooyman, CITCO, SVB i SBAB lo partisipa den e sekshon Maskulino Komersial.
van engelen 2008 buena vista power kampion
Vários hungadó di Buena Vista Power lo hunga den Destroyers den Swift Amstel Challenge Tournament

Remy Thielman pendiente pa hunga pa Swift

WILLEMSTAD - Remy Thielman ta pendiente pa kuminsá move ku e ekipo Swift. La Prensa Slowpitch a kombersá ku RemyThielman ayeranochi durante Marcha di Tiner i ela konfirmá ku elo start pronto ku Swift.

“Mi ta pendiente, despues di karnaval nos lo mira kiko ta kiko”, e gran pelotero a bisa Softballcuracao.com ku un sonrisa.

Saturday, February 21, 2009

Seis ekipo di Liga 50 lo kompetí den Swift Amstel Challenge Tournament

WILLEMSTAD - Ekiponan Jaws, Lions, Marlins, Mon Repos Sluggers, Los Amigos i Flamboyan lo kompetí den e sekshon di Liga 50 den Swift Amstel Challenge Tournament ku ta start djabièrnè awor na Suvek Ballpark.
catpower liga 50
Catpower ousente den Swift Amstel Tournament Liga 50

E ekiponan di Liga 50 lo hunga solamente riba djasabra i djadumingu 10 i 12’or am.

SKEDJEL
Djasabra 28 di febrüari
10.00 Jaws - Lions;
11.45 Marlins - Mon Repos Sluggers.

Djadumingu 1 di mart
10.00 Mon Repos Sluggers - Los Amigos;
11.45 Flamboyan - Lions.

Djasabra 7 di mart
10.00 Jaws - Flambooyan;
1145 Marlns - Los Amigos.

Djadumingu 8 di mart
10.00 nr. 1 Pul A - nr 2 Pul B;
11.45 Nr. 2 Pul A, Nr. 1 Pul B.

Djasabra 14 di mart lo tin e di dos tanda di play-off miéntras final probablemente lo ta 15 di mart.

Norman Lucasius ta tira su di dos ‘No Hit No Run’ di kampionato

WILLEMSTAD - Norman ‘Bosh’ Lucasius tabata grandi ayera atrobe pa Suffisant Eagles. E picher derecho di Fastpitch aki a tira su di dos ‘No Hit No Run’ di kampionato.
E blankeo sin hit e biaha aki tabata kontra Harlem Power ku ta kampion di temporada pasá.

Nos tin e relato di e direktor di kampionato sr. Pim Fangman.
E bataya tan sperá entre Harlem Power i Suffisant Eagles tambe a result< den un anti climax. Harlem Power a sinti falta di nan pitchernan estelar i Arlyson Rodrigues mester a tuma bala. Pa Suffisant Eagles Norman "Bosch" Lucasius a bolbe tira un ‘no hit no run’. Su di dos di e temporada pa SE gana di HP 8-0 riba 6 hit mas 1 eror. Ganadó tabata Norman Lucasius, mihó bate Randolph Kirindongo i Lejeune Francisca di 1-1.
Andley Simmons a bati un homerun. Pa Harlem Power 0 kareda, 0 hit pero 6 eror ku ta un rekòrd pa e kampionato aki den un partido. Picher pèrdèdó Arlison Rodrigues.

Friday, February 20, 2009

Ultimo dianan pa inskribí pa Torneo Swift Amstel Challenge

WILLEMSTAD - Inskripshon pa Swift Amstel Tournament ta serando. Swift ta hasi un último yamada pa ekiponan konfirmá nan partisipashon. E siman aki lo sera e inskripshon. Swift Challenge ta konosí pa premionan super lukrativo.

KOMERSIAL
MASKULINO
Parse ku den e kompetensia aki Swift mester a sera a inskripshon debí na e interes grandi ku tin. Ekiponan ta hopi entusiasmá debí ku lo hunga ku picheo normal di liganan den e torneo aki. Hopi ekipo ta bisa ku ta e picheo ta stroba nan i awor ta bai wak ta ken ta ken. No por usa refuerso den e sekshon Komersial Maskulino.
swift aruba 2007 kompletu
Swift ekipo organisado di Swift Amstel Challenge Tournamente

KOMPETITIVO
Den e parti aki ainda tin luga pa algun ekipo. Timnan chiki ta evaluá promé ku nan partisipá na e torneo aki debí ku ta hopi sla nan sa risibí den e tipo di kompetensianan aki na man di ekiponan grandi. Nos lo drenta den kontakto ku Pim Fangman ku ta e motor tras di e torneo aki huntu ku Sergio Leon i Bramford Hasham.
Keda pendiente.

Jaws Liga 50 lo move pa Aruba dia 18 di mart

WILLEMSTAD - E ekipo di Kid Boca Chica di Liga 50 lo partisipá na e tradishonal torneo di Dia di Himno i Bandera dia 18 di mart na hermana isla Aruba.

E ekipo Flamboyan tambe lo ta den e torneo aki. Jaws lo bai ku algun refuerso, entre otro e picher veteranísimo Chai Curie. Ekiponan di Liga 50 ta fuertísimo na Aruba. Kòrsou no sa gana Aruba masha den e kategoria aki. Kenro ta un di e grandinan den e kategoria aki.

Nato Anasagasti, Wim Felicia i Robert Anastacia lo reforsá Teremoto den Kppa ABC na Sint Maarten

WILLEMSTAD - Ekiponan a kuminsá mobilisá pisá pa Kopa ABC ku lo tuma lugá di 20 pa 24 di mei na Sint Maarten.
Teremoto, ekipo ku tin 25 aña stret di Kopa ABC a kuminsá mobilisá pisá.
Segun informashon ku La Prensa Slowpitch tin, Renato ‘Nato’ Anasagasti, Willem ‘Wim’ Felicia i Robert Anastacia lo reforsá e ekipo Teremoto den Kopa ABC&S den luna di mei.
teremoto 2007
SWIFT
E ekipo di Sergio Leon lo bai ku un ‘Dream Team’ pa defendé nan título di aña 2005. E ekipo lo sinti falta di Randy Kirindongo ku probablemente lo bai hunga beisbòl na Italia, pero Swift lo ta hopi kompletu.

BUENA VISTA POWER
Tin indikashon ku e ‘POWER’ di Slowpitch lo move tòg pa Sint Maarten.

Thursday, February 19, 2009

Chai Curie: “ Astros un tempu un super ekipo di Slowpitch i Kopa ABC”

WILLEMSTAD - En konekshon ku e hazañanan di e ekipo Astros na komienso di e popular Kopa ABC, nos a kombersá ku e fundadó di ABC, Chai Curie.

Chai a rekordá un ratu kon na Aruba 1983 su persona a bini ku e idea di bini ku un torneo di Amistad entre Aruba, Boneiru i Kòrsou.
Chai: “ Mi a bini ku e idea i mi a topa ku Ronny Gomez na Aruba.. Nos a plania pa start Kopa ABC. E promé aña tabata na Aruba i e ekipo Teremoto a bira kampion. Esei tabata aña 1984.
Un ekipo super di historia di ABC i esun ku mas título tabata Astros. Nan a gana di 1989 te ku 1994 stret sin pèrdè niun kampionato.
Teremoto ku ami komo picher tabata gana di nan den e buèlta preliminar pero despues nos tabata kai afo kontra otro timnan i Astros tabata pasa i bai bira kam-pion. Astros tabatin hunga-dónan manera Maro Irasquin nan aki ku tabata tremendo. Tabatin un gai tambe Coco Vriend, ku tabata bon mes. Manera tur hende sa e aña aki ta 25 aña ABC i e weganan lo tuma lugá na Sint Maarten.”

Steen ta laga Q-Sign den tereno i Survivors ta gana Carpatula 9-8 den Sòftbòl Fastpitch

WILLEMSTAD - Fastpitch a kontinuá ku un wega djaluna 16 di febrüari ku tabata Survivors kontra Carpatula. Aunke e partido a kuminsá ku Carpatula anotando 4 kareda den kabes di promé inning picheo debil di Carpatula a pone ku tòg Carpatula a pèrdè e wega 9 pa 8. Carpatula a sinti falta di nan estelar picher Angel Brunken ku no por a haña liber di trabou.

Pa Survivors 9 kareda, 4 hit i 2 eror. Picher ganadó Edward ‘good old bati’ Pieternella. Mihó bate Anthony Leonora 1-1.
Pa Carpatula 8 kareda, 9 hit i tambe 2 eror. Picher pèrdèdó Argenis Daal. Mihó bate Lenco Elisabeth 2-2.

Steen 9, Q-Sign 7
Den e wega di slowpitch entre Steen i Q-Sign, Steen a sa di gana 9-7 Picher ganadó Kenny Hellement. Kenny tabata un di e grandinan di Steen tempu e tabata studia na Hulanda.Picher pèrdèdó Glendomar ‘Baranka’ Davelaar.
Curby Brunken a dal un homerun laga Q-Sign den tereno. Keda pendiente pasobra pronto lo tin revancha promé ku ambos team biaha bai bèk pa Hulanda.

Tuesday, February 17, 2009

Harlem Power i Carpatula ta gana den Sòftbòl Maskulino Fastpitch

WILLEMSTAD - Fastpitch a kontinuá Valentine’s Day ku dos partido di kual e di dos tabata hopi emoshonante.
Den e promé partido Harlem Power no a hasi e mesun eror di siman pasá ora awaseru a para e wega ku Clase Aparte kómodamente ganá.
Den wega number dos Carpatula ta gana Awa Limpi 10-9 den un wega pèrta i emoshonante.

Den e promé partido ku ta unu di ‘reschedule’ Harlem Power a gana kómodamente 9-2 di Clase Aparte.
Pa Harlem Power 9 kareda riba 3 hit so i nan a hunga impekabel! Picher ganadó Edison Sambo i mihó bate Purcey Schoop i Quincy Kook di 1-1.

Saturday, February 14, 2009

Kenneth Gijsbertha ku speech impreshonante na okashon di introdukshon di 5 dirigente i deportista den Salon di Fama

WILLEMSTAD - Kenneth Gijsbertha dirigente deportivo tabata e oradó di anochi durante e seremonia di introdukshon di Salon di Fama den ouditorio di Banko Sentral di Antia Hulandes. Revista Deportivo Kòrsou a reprodusí e teksto pa nos lesadónan.

"Awe nochi ta un anochi hopi spesial i mi ta sintimi privilegiá di por hiba palabra promé ku instalashon di algun depor-tista i dirigente grandi ku a nifiká masha hopi pa nos deporte en general i pa e ramo di deporte spesífiko ku kada un di nan a praktiká i/òf ta praktiká.

Mi kier gradisí direktiva di Curacaose Sport Federatie (CSF) inmensamente pa e honor di skohe mi komo Oradó di Órden i tambe mi ta
gradisí tur 5 nominado ku a nifiká asina tantu pa nos deporte, nan famia i demas invitado ku mi por ta huntu di boso awe nochi.
Danki pa e privilegio i honor.

Tin algun di e nominadonan, grandi(nan) di nos deporte, ku awe nochi ta bai keda instalá den Salon di Fama di Kòrsou
ku físikamente ya no ta huntu ku nos mas, pero mi ta sigur ku loke nan a nifiká pa nos deporte lo keda rekordá i graba i mester sirbi komo reflekshon pa semper.

Niels Liberia un di e grandinan di Basketbòl di Kòrsou

Sr. Niels Francisco Liberia a nase dia 4 di yüni 1938 i a fayesé dia 31 di mei 1998.

E tabata kasá ku sra. Maria Liberia-Pieters, for di kua matrimonio a nase tres (3) yu. Dos (2) muhé i un (1) hòmber. Crystal i Dionne Liberia i Niels Liberia Jr.

Den prinsipio di añanan 50, sr. Niels, a kuminsá praktiká deporte di "Basketbòl" komo Junior siendo alumno di Sint Thomas College, miembro di SITHOC. Komo hungadó den tim di "Senior" di SITHOC, sr. Niels a partisipá den dife-rente selekshon ku a re-presentá tantu Kòrsou komo Antia Hulandes na Aruba, Venezuela (Valencia), Sürnam i Colombia.

Den añanan 1969/1970, sr. Niels a lanta ekipo di SITHOC-damas I Olympic-damas.

Biografia di Soraida ‘Aida’ Juliana sòftbòlista super estreya

AIDA JULIANA
For di aña 1973, Soraida ta forma parti di e tim resien funda "Pichingolo".

For di aña 1976 te ku 1991, Soraida a hunga den klase dobl'é A den e ekipo di "Pichingolo".
Ku e klup aki, Soraida a bira kampion 17 biaha den 18 aña.

Na aña 1988, Soraida tabata ganadó di mayoria premio individual den Kampionato Centro Amerikano i Del Caribe na Kòrsou.

Na aña 1988-1999, Soraida a sali kampion invikto despues di a pèrdè titulo e promé aña, kampionnan di Antia ku "Pichingolo".

Na aña 1991, Soraida a stòp di hunga bala pero a regresá den 1994, kaminda ela hunga solamente den Kopa di Reino den 1994.

Na aña 1995, Soraida a partisipá na Kampeonato di Sòftbòl Dobl'é A.

Errol Rooi, un vòlibòlista di nivel Mundial

Sr. Errol Roberto Rooi a nase na Kòrsou dia 5 di yüni 1953 I a fayesé djaweps 27 di mart 2008 na Hulanda.
E tabata kasá ku sra. Petronella A.M. Vermeulen, for di kua matrimonio a nase un yu hòmber.
Na tur Errol, tabata tin 3 yu'i. Oriana i Thaisa de Ley i David Vermeulen.

Na aña 1965 ela haña e oportunidat pa representá su skol "St. Paulus College", den vòlibòl i mesora Errol a kuminsá destaká.
Na vários okashon Errol a bira kampion di vòlibòl eskolar.
Komo prospekto di vòlibòl, Errol a haña un oportunidat na aña 1969 pa bai hunga den Super Cleaning, tim di Bruder Herbert.

Biografia di Julio ‘Maracucho’ Hellburg

Julius Oscar Hellburg a nase na Maracaibo, Venezuela 9 yüli 1930.
Julio, na edat relativamente hóben a yega Kòrsou, ora su famia na aña 1936 a disidí bin biba na Kòrsou. Nan a bai biba den Otrobanda, den Rifwaterstraat.
Den bario di Rif, pronto e hóben Julio a haña oportunidat pa sera konosí ku tur e hopi deportenan ku nan tabata praktiká riba e terenonan di deporte na Rif. Henter siman despues di skol Julio tabata kore tras di tur sorto di bala riba Rif. Ku no ta bala di futbòl, tabata bala di beisbòl òf bala di sòfbòl òf bala di cricket òf di tènis. E korementu tras di bala aki, kisas a pone e fundeshi pa e karera deportivo impreshonante ku Julio tabata destiná pa hunga den deporte di Kòrsou, di Antia Ulandes i internashonal.

Kisas tabata koinsidensia òf suerte ku Julio den su hubentut tabatin e oportunidat úniko di topa ku dirigentenan i deportistanan famoso i sobresaliente den nos deporte, manera frater Andreas di Sithoc, Don Nicho Hurtado, sr. Juan Pablo Vivas, sr. Bèto Adriana i sr. Ergilio Hato tur di felis memoria, sr Sixto Vos-Rofina, sr. Marcel Betrian, sr. José Alfonso, tur ku di un òf otro manera a kontribuí den formashon di e briante karera di Julio "Maracucho" Hellburg. Julio a sa di establesé su mes den beisbòl na Kòrsou i den Antia komo un primera base di inigualabel kalidat defensivo, ku a dun'é nòmbernan manera "e artista de primera base" i "plastic man", miéntras despues di hunga na Aruba ela haña e nòmber di "Mister First Baseman".
Durante mas ku 10 aña Julio a forma parti di selekshon di beisbòl di Kòrsou i tabata titular di primera base.
Durante e periodo ei Julio a hunga ku éksito kontra klupnan di Aruba, Venezuela, Colombia, Rep. Dominikana i Pto. Rico.
Asina impreshonante,asina espektakular, asina fuera di klase e wega defensivo di Julio tabata, ku historia-dónan deportivo, pa duna rekonosimentu i mérito na esaki, a haña nan obligá di trese un diferenshashon den e funshon na primera base. Asina e kronistanan deportivo ta papia di Julio Hellburg, komo e mihó primera base defensivo di Kòrsou di tur tempu. Sr. Hubert Flemming, di felis memoria, a deklará na un okashon: " Lo ke Ergilio Hato tabata pa futbòl, Julio Hellburg tabata pa beisbòl.

Biografia miembro di Salon di Fama Ricardo Elhage

Sr. Ricardo Elhage a nase na Kòrsou dia 30 di ougùstùs 1931.
E tin 4 yu muhé i 3 yu hòmber.
Despues di su estudio na AMS aki na Kòrsou ela bai traha na Shell Curacao N.V.

Tambe ela traha na Gobièrnu/Land na Departement van Cultuur en Opvoeding.
Despues di algun aña ela fungi komo hefe interino na e Departamentu aki.

Sinku Deportista/Dirigente di Kòrsou a drenta Salon di Fama

WILLEMSTAD - Djasabra, 24 di yanüa-ri 2009, den oula di Banko Sentral, Curaçaose Sport Federatie, (C.S.F.) a instalá sinku deportista i dirigente ofishalmente den Salon di Fama.

Durante un seremonia impreshonante dilanti famia, dirigentenan deportivo i deportistanan CSF a honra i instalá deportista- i dirigentenan. E nominadonan a yega den un limousine na Ofisina di Banko Sentral di Antia Hulandes kaminda e seremonia a tuma lugá. Pa e anochi aki e duo di sr. Frank Rosina i Murielle Meyer, tabata maestronan di seremonia.
Himno di Kòrsou a keda interpretá pa sra. Roxienne Albertina.
E promé persona pa hiba palabra pa e anochi aki tabata sr. Eduardo "Dito" Vlieg, ku ta presidente di C.S.F.
Sr. Vlieg den su diskurso a bisa ku e último biaha ku tabatin introdukshon di miembronan den Salon di Fama tabata na 1997, pues 12 aña pasá.
E promé miembronan ku a drenta Salon di Fama tabata na 1984, ora ku entre otro sr. Mordy Maduro i Myrna Anselma a drenta.
Un gradesimentu a bai pa sr. Geofrrey Goede i sr. Frank Mathilda huntu ku Female Jaycees ku a yuda pa e introdukshon di e aña aki.


Despues a hiba palabra diputado di Deporte, Kultura i Enseñansa, sra. Marilyn Alcalá-Wallé.
E orador di anochi tabata sr. Kenneth Gijsbertha.
Su diskurso a bai tokante di Karakter i Amor pa Patria.
Ela pidi un momento di silensio pa dos di e nominadonan ku ya no ta ku nos mas ku ta srs. Errol Rooil i Niels Liberia.
Ela papia ku e karakter di e deportista/coach mester sirbi komo modelo. Ta p'esei no ta tur gran deportista òf tékniko tambe por drenta Salon di Fama.
Algun ehèmpel ta Pete Rose, pa falta di karakter i Diego Armando Maradona, tambe pa falta di karakter.
E Amor pa Patria ela mustra riba Churandy Martina ku no a skohe pa kore pa Ulanda.
E sinku nominadonan ku a drenta Salon di Fama djasabra tabata:
-sr. Ricardo Elhage, ku a nase dia 30 di ougùstùs 1931.
Sr. Elhage tabata presidente di NaBaFe, NAOC, FeBeKo i tambe miembro di IBA, ODECABE i COPABE.
E ta tambe presidente di Sta. Rosa Indians Baseball Club i tambe di Stichting Tio Daou Ballpark. Ela keda representá pa su yu Shaheen Elhage.

Anaheim Angels a bolbe invitá Hainley Statia pa spring training

WILLEMSTAD - Softballcuracao.com a kombersá ku Hainley Statia brevemente na un dje trainingnan di nos peloteronan profeshonal i ela bisa nos ku e ta sinti su mes realmente hopi bon.

Hainley ta trein den short i e ta kore manera mester ta. "Mi ta sinti mi hopi bon. E pia ta shen porshento (100%)", asina Hainley a deklará.
Hainley ku ta riba e lista provishonal di e selekshon di beisbòl di Reino pa "World Baseball Classic" a bolbe haña invitashon di Angels di Anaheim pa ta huntu ku nan na springtraining.
E invitashon di Hainley Statia ta pa e "Big League Camp".
Tambe e tabata den e grupo di 25 pelotero di e klup ku a bai Arizona Fall League.
Aña pasá tambe e tabata na trainingscamp di Liga Grandi di Angels. Ela hunga 18 wega i haña 27 turno i bati pa averahe di .222.

Curtney, “Curtje” Doran a firma ku Boston Red Sox

WILLEMSTAD - Sr. Antonio, "Toncha" Simmons, èks-pelotero, dirigente di beisbòl di mucha i edukadó ta tambe skout di beisbòl den representashon di e organisashon di Boston Red Sox. "Toncha" tin algun tempu kaba scout di e organisashon ya ku hasta ela bai Serie Mundial riba invitashon di e tim di Boston dos aña pasá.

Den e dianan ku a pasa "Toncha" komo scout a firma su promé pelotero aki na Kòrsou ora ku e tim di Boston a firma Curtney, "Curtje" Doran. "Curtje" Doran ta yu di e konosido "Chado" Obispo i sra. Pòpi Doran, ku ta èks sòftbòlista di e tim di Blue Angels.
"Curtje" ku ta hunga outfield, tersera/base i pitcher a firma ku e tim di Boston primeramente komo outfielder, asina su tata sr. Richard, "Chado" Obispo a bisa Softballcuracao.com.
"Curtje' ta entre e hungadónan di Little League ku den representashon di Liga Pabou a hunga den varios kampionato Mun-dial. Doran a hunga dos Mundial di Little League, tambe Mundial di Senior League, na Bangor, Maine e aña ku a pasa.
"Curtje" su parti fuerte ta un tremendo brasa ku e ta poseé. Tambe e tin poder okashonal na bate i lo por bati pa averahe.
Den kombersashon ku Softballcuracao.com, "Chado" Obispo a bisa ku "Curtje" a haña garantia di e hendenan di Boston ku den e promé aña elo hunga regular den outfield.
"Curtje tin tremendo brasa", "Chado" ta bisa. E mes ta kere ku si "Curtje" haña chèns di hunga regular ku elo por bati tambe.
"Chado" Obispo a splika nos ku "Curtje" a hasi try-out ku varios ekipo i ku tabatin varios ekipo di Grandes Ligas ku tabata hopi serka di firma "Curtje".

Robert Coffie, Armin Konket i Sharine Antersijn ta djoin direktiva di Royal Scorpions

WILLEMSTAD - E popular organisashon di beisbòl Royal Scorpions e aña aki lo selebrá 50 aña di eksi-stensia.
Ta e intenshon pa e po-pular organisashon di beisbòl aki selebrá nan di 50 aniversario. Sin duda 50 aña di eksistensia ta algu di selebrá i dirigentenan di Royal Scorpions no ke laga e aña aki pasa sin mas.
Royal Scorpions a wòrdu fundá den bario di Wishi/Marchena i e tim a trein hopi aña na vèlt di Kolebra Berde, pa despues bai trein na vèlt di Pampero na Suffisant i a regresá Kolebra Berde tempu di manager Moná Cornelia i hungadónan manera Willie Pieters, Raffy Josepha, Djodjo Wilsoe, Rudy Anastacia, Elvin i Elio Anastacia, tambe Harold Koeiman, Marcel Brigitha i hopi otro mas.
Royal Scorpions sin duda ta un dje organisashonnan prinsipal i mas eksitoso di nos beisbòl di tur tempu.
Sr. Reginald ‘Djodjo’ Wilsoe sin duda ta pilá di e organisashon pa hopi aña, miéntras ku sr. Marlon ‘Lonte’ Balentin tin mas ku 29 aña aña konsekutivo ku e organisa-shon komo hugadó i tambe dirigente.

Den kombersashon ku Revista Deportivo Kòrsou a tene ku Lonte Balentin ela bisa ku ta planeando un selebrashon tremendo pa 50 aña. Tambe ela bisa nos ku nan a kuminsá pa fortalesé e direktiva. E konosido sr. Robert Coffie ku un tempu kaba tabata militá den e orga-nisashon di Royal Scor-pions ta regresá komo presidente. Tambe ta bèk den direktiva sr. Armin Konket ku semper tabata gran fanatiko di e orga-nisashon Skorpion. Huntu ku sr. Robert Coffie i sr. Armin Konket ta drenta e direktiva tambe sra. Sharine Antersijn ku ta konosí komo un hende ku ta hasi masha bon trabou.

Friday, February 13, 2009

Gamers i varios ekipo nobo lo drenta Liga Amstel den 2009

WILLEMSTAD - Liga Amstel lo start dia 9 di mei na Suvek Ballpark.
Hopi ekiponan nobo lo dyoin e liga. Informashon ku nos tin ta indiká ku Gamers lo dyoin e liga aki ku a desa-roya den gran forma aña pasá.

GAMERS
Un di e bon ekiponan di Sòftbòl Slowpitch lo tei bèk.
E ekipo dirigí pa rumannan Eustatia lo tei bèk den slowpitch despues ku nan a wanta den 2008.
Gamers ta un ekipo di amigu ku ta gasta bon na bar. E ekipo tabata di spònser pa Hotel Otrabanda i tin varios hungadó di nòmber komo refuerso.

BAD BOYS
E ekipo Bad Boys a hunga den Liga Amstel 2008 sin masha éksito.E intenshon ta pa e ekipo reorganisá i partisipá mihó den 2009.

Destroyers lo partisipá na Swift Amstel Tournament

WILLEMSTAD - Destroyers ekipo di Win Celestina lo partisipá na Swift Amstel Challenge Tournament.
Tin 99 porshento ku e ekipo lo partisipá na Liga van Engelen e aña aki.

Win Celestina a konta nos ku e ekipo ta kasi kla ku spònser. Win: “22 di e 28 hungadònan ku tabata riba lista aña pasá a keda ku nos. Destoyers ta den e Torneo Swift i fanátikonan por bin mira.”

Hopi interes pa Swift Amstel Challenge Tournament 2009

WILLEMSTAD - E interes ta haltu espeshalmente bou di ekiponan komersial pa partisipá den e Swift Amstel Challenge Tournament.
Ta trata aki di un torneo ku ta parti hopi plaka kèsh pa e ganadónan.
E torneo ta start e djabièrnè despues di Karnaval, ke mèn dia 27 di febrüari i terminá 15 di mart.

KOMERSIAL
12 ekipo di Komersial Maskulino ya a konfirmá nan partisipashon.
Den e torneo aki den Komersial Maskulino lo hunga normal ku picheo modifiká. Esaki ta e picheo ku liganan di Slowpitch ta permití. Akinan e interes a lanta mas tantu debi ku tin algun ekipo komersial ku tin problema ku e asina yama ‘boogbal’ Den e parti femenino 4 ekipo a konfirmá nan partisipashon.

Refineria Isla ta gana Vida Nova 9-6 den Senior League Liga Pabou

WILLEMSTAD - Liga Pabou a kontinuá siman pasá ku algun wega solamente riba djasabra.
E weganan a tuma lugá na Frank Curiel Ballpark, Shon Ki Nicasia Ballpark i Jandoret Ballpark.
Den un bon enkuentro Refineria Isla di Santa Maria a logra gana di Vida Nova Jandoret ku skor di 9-6.
Weganan ta sigui djabièrnè i djasabra na e terenonan ariba menshoná.

RESULTADONAN
SENIOR
Refineria Isla 9, Vida Nova 6
Refineria Isla tabatin 5 inkogibel i nan a hasi 1 eror.
Ganadó tabata Naeem Lourens i Denjerick Virginie a bai di 3-2.
Vida Nova a bati 4 hit i nan a hasi 2 eror.
Risandro Pastor a pèrdè i e mes a bati di 2-2.

Djasabra 7 di febrüari
Camilotti 8, Marchena Hardware 2
Camilotti tabatin 5 hit i nan a hasi 1 eror.
Frangelo Kalmez tabata esun ku a gana, miéntras Ruwentley Roosberg i Thair Sambo a bai di 1-1.
Marchena Hardware a bati 4 hit i nan a kometé 2 eror.
Leegene Cornet a pèrdè.
Jonathan Willems, Carlos Daniel, Jeromy Bolijn i Christopher Curiel a bati di 2-1.

Thursday, February 12, 2009

Algun hungadó di Wild Cats Hubenil 1988 a topa otro na Trai Seru

WILLEMSTAD - Djadumingu 8 di febrüari algun hungadó di e ‘Dream Team’ di Wild Cats Hubenil 1990 a topa otro na Cirilo Chirino Ballpark.
Ta trata di un ekipo ku a terminá e kampionato invikto sin pèrdè niun wega.
Hungadónan manera Shendy Cras, Gilford Schmidt, Isebia, Calvin Winklaar, Hensley Josephina, Jurgen Krondstadt i algun otro hungadó mas ku no tabata presente
djadumingu. Un di e gran dirigentenan di Beisbòl di tur tempu, èks presidente di Febeko, Oscar Bolivar tabata dirigente e tempu ei. Recordar es vivir. Saludo pa Calvin Winklaar direktamente for di Hulanda ku ekipo Steen.

Santa Rosa ta gana Brievengat ku skor di 2-1 den Little League Liga Pariba

WILLEMSTAD - Little League Liga Pariba a sigui djasabra ku varios wega. Djadumingu no tabatin wega debí na Festival di Tumba Hubenil. Den un bon partido den divishon Little e ekipo di Santa Rosa a gana Brievengat 2-1.
Den un otro wega di Little League Jamir Gonzales a tira no hitter pa Brievengat Banco di Caribe.

Djasabra 7 di febrüari 2009
Santa Rosa 5, Trai Seru 2 (Minor)
Santa Rosa a dal 1 hit i hunga sin eror. Christopher Koeiman a gana i Maximiliano Krijgers a bati di 1-1.
Trai Seru a konektá 2 hit i hasi 3 eror.
Drayden Eveltina a resultá e picher pèrdèdó i Maidricson Brunken a bati di 2-1.

Giro 13, Koraal Specht 3 (Minor)
Giro a konektá 6 hit i hasi 1 eror. Ruendly Carolina a gana i Gerlon Martha a bati di 2-2.
Koraal Specht a bati 4 hit i hasi 1 eror.
Alian Wanga tabata e picher ganadó i Sherton Apostel a bati di 2-1.

Trai Seru 12, Van Engelen 2 (Little)
Trai Seru a dal 12 hit i hasi 1 eror. Justin Ruiter a gana i Ajani de Lanooi a bati di 4-3.
Van Engelen a konektá 3 hit i hasi 3 eror.
Admirson Sambo a resultá e picher pèrdèdó i Rowensley Klaber a bati di 2-2.

Liga Soraida Juliana a start siman pasá djasabra na Sabana i Ricardo Elhage

WILLEMSTAD - Sòftbòl Little League (Liga Soraida Juliana) a ranka sali siman pasá ku 7 wega den divishonnan Minor, Junior, Senior League. Dos wega di Big League a keda suspendé pa motibu di awaseru.
Den e wega di Minor Keis dos Santos di Girobank Santa Rosa a tira un no hitter. E wikènt aki lo hunga dos wega riba djabièrnè.
Djasabra i djadumingu lo no tin wega en konekshon ku marcha Hubenil.

MINOR
Sta.Rosa GiroBank a gana di Korpodeko Kanga ku skor di 10-4. Den e wega aki Keis dos Santos a tira "no hit no run" pa e tim di GiroBank Sta. Rosa.. Ganadó tabata Keis dos Santos i na bate e mes a bai di 2-2. Pèrdèdó tabata Nadinne Valpoort.

LITTLE
Beep Beep Kanga a gana di Òinki Boka Samí 15-3. Shantely Christina a gana, miéntras na bate tambe ela konektá un homerun. Jennifer Pieters a bai di 3-3 i Naidienne Martis di 2-2. Jusently Zimmerman a pèrdè i Chiandra Martina a bai di 2-1.

Tuesday, February 10, 2009

CDM Stars kampion Torneo Internashonal Kopa Pim Fangman

WILLEMSTAD - E ekipo di Dok (CDM Stars) demostrando un poder deskomunal a gana e torneo Pim Fangman.
Dok a terminá ku mihó rekòrt i bira kampion. Ayera tabatin entrega di premio na Suvek Ballpark.
E ekipo di Universidat Nashonal di Antia a bira kampion di e sekshon Femenino.

Buena Vista Power kampion Torneo Internashonal Joy Alberto

WILLEMSTAD - Buena Vista Power ku bon picheo di Norman ‘Nonnie’ de Roon a bira kampion di e Torneo Internashonal Kopa Joy Alberto 2009.
E ekipo di Chal Sint Jacoba a gana Baranka ku skor di 11-5 den e gran final.
Buena Vista Power den e wega semi-final a gana Catpower 11-9 miéntras Baranka a dal e ekipo di Aruba 11-3.

KOMERSIAL
FEMENINO
Kooyman a gana MCB/Fatum i bira kampion di Komersial Femenino.
E wega a terminá ku skor di 6-0 i tabata bálido pa e Kopa Joy Alberto lokal.

KOMERSIAL
MASKULINO
E rivalnan di último tempu CITCO a topa MCB kaminda CITCO a gana ku skor di 14-8 i bira kampion.

Sunday, February 8, 2009

Baranka i Buena Vista Power ta klasifika pa final di Torneo Joy Alberto Internashonal

WILLEMSTAD - Baranka a klasifika pa final di e torneo internashonal Kopa Joy Alberto 2009. Baranka a gana dos wega ayera i djadumingu mainta a pasa fasil riba Braves di Aruba. ganando 11-3. Buena Vista Power a dal Catpower 11-10 ku picheo di Nonnie de Roon. Awe tardi tin e gran final ku animashon di Rhydd'm.

RESULTADONAN (te ku djadumingu 8 di februari 3'or pm)
Buena Vista Power 8, Q-Sign (Hulanda) 6 (den tereno)
Baranka 8, Buena Vista Power 0
Baranka 9, Q-Sign 5
Braves (Aruba) 11 - Steen (Hulanda) 4
Catpower 15, Braves (Aruba) 7
Catpower 4 - Steen (Hulanda) 0
Djadumingu 8 di febrüari
Baranka 11, Braves (Aruba) 3
Buena Vista Power 11 , Catpower 10
14.00 MCB - CITCO (Final Maskulino Komersial)
16.00 Buena Vista Power - Baranka
18.00 Kooyman - Fatum/MCB (Final Femenino Komersial).

Saturday, February 7, 2009

Rhydd’m lo toka den gran final Torneo Baranka internashonal djadumingu atardi

WILLEMSTAD - Torneo Baranka internashonal ta sigi djasabra 7 di februari 2009 na Cirilo Chirino Ballpark ku varios wega. Ekiponan Steen di Hulanda, Q-Sign di Hulanda i Braves di Aruba lo kompeti ku ekiponan di Kòrsou.
E agrupashon musikal Rhydd'm ku Hendrik de Windt i Renard Hurtado lo anima djadumingu 5'or na Cirilo Chirino Ballpark.

SEKDJEL
12.00 Q-Sign (Hulanda) - Buena Vista Power
13.45 Baranka - Buena Vista Power
15.30 Q-Sign (Hulanda) - Baranka
17.15 Braves (Aruba) - Steen (Hulanda)
19.00 Braves (Aruba) - Catpower
20.45 Catpower - Steen (Hulanda)

Djadumingu 8 di febrüari
10.30 Nr 1 Pul 1 - Nr 2 Pul 2
12.15 Nr 1 Pul 2 - Nr. 2 Pul 1.
14.00 MCB - CITCO (Final Maskulino Komersial)
16.00 Gan C - Gan D (Final Internashonal)
18.00 Kooyman - Fatum/MCB (Final Femenino Komersial).

Q-Sign a yega Kòrsou pa Torneo Internashonal di Baranka

WILLEMSTAD - E ekipo Q-Sign a yega Kòrsou i lo bai kompetí den e di 4 torneo interna-shonal di sòftbòl organisá pa Bala Moli Klup Baranka.
Steen di Hulanda i Braves di Aruba tambe lo lucha den e kompetensia fuerte aki pa a titulo máksimo.
Weganan lo tuma lugá djasabra i djadumingu, miéntras djabièrnè e peloteronan lo topa otro na Festival di Tumba pa mama gai un poko.

Q-SIGN
E tremendo ekipo aki a yega djamars i algun hungadó djarason. Nan tin algun hungadó di nòmber manera Signald Paz, Ruigino Alexander, Myson Cathalina, Hendrik Windster, Albertico Hensen i nan lo djoin algun trabuko ku ta biba na Kòrsou ku lo reforsá e tim manera Merieldo Trinidad, Djonny Joubert, Janchi Cicilia, Pa Martina. Nan tin alugn hungadó ku ya ta na Korsou manera entre otro Charly Merite i Danilo Sanchez.

Thursday, February 5, 2009

Skèdjel wikent final Torneo Kopa Pim Fangman

Djaweps 5 di febrüari
19.00 UNA - Selikor (F)
20.15 Kooyman - CDM Stars
22.00 Douane/CEMS - Klinika Capriles.

Djasabra 7 di febrüari
Suvek Tereno A
10.00 Udephesado (Rep. Dom)- Bonaire Blue Jays (Boneiru)
12.00 Udephesado (Rep. Dom)-
Traelca (Rep. Dom)
14.00 Femenino2 - Femenino3

Djasabra 7 di febrüari
Suvek Tereno B
11.30 Refineria Isla - Hucro Holding
13.00 Prison/Onderwijs - UTS/One Net
14.30 Omni /Wimco - Klinika Capriles
16.30 B1 - D2 (Femenina)

Djasabra 7 di februari
Tereno UTS Regentesselaan
15.00 Number 1 Pul A - Number 2 Pul C
17.00 Number 1 Pul C - Number 2 Pul A.
19.00 Number 1 Pul D- Number 2 Pul B
21.00 Femenino 1 - Femenino 4

Torneo Sigi Gosa di 20 di mart pa 5 di aprel na Suvek Ballpark

WILLEMSTAD - Di 20 di aprel pa 5 di aprel ekipo di Sòftbòl Sigi gosa lo organisá un Torneo Komersial i Kompetitivo ku lo tuma lugá na Suvek Ballpark. E torneo ta den kuadro di e selebrashon di 30 aña Sigi Gosa.

Ekiponan fuerte kompetitivo i ekiponan komersial lo tuma parti na e torneo.
Inskripshon ta kosta solamente nafl. 200,- ku ta inklui 10 karchi di BBQ (den gran forma).
Sigi Gosa ta pidi pa ekiponan por konfirmá promé ku 27 di febrüari 2009.
Pa mas informashon por drenta den kontakto ku Isaac ‘Junny’ Lichtenberg na number di telefòn 511-2218 òf Roderick Sambo na telefòn 514-3295.

Torneo Pim Fangman lokal i internashonal ta sigui e wikènt aki

WILLEMSTAD - E torneo tradishonal Pim Fangman ta sigui e wikènt aki na tereno di UTS na Regentesselaan i na Suvek Ballpark.
Awaseru a stroba desaroyo di e torneo ku tur aña ta drei zetá.
Softballcuracao.com a risibí un komunikado di Terremaster tokante di e torneo i kiko ta bai pasa e wikènt aki.
Dos ekipo di Repúblika Dominikana i unu di Boneiru tei manera ta kaso tur aña.

KOMUNIKADO TEREMASTER
“Primeramente un kordial saludo deportivo,
Pa medio di esaki, nos ta pidi boso komprenshon i koperashon pa nos por kulminá nos torneo 2009. Manera boso sa kaba, Mama naturalesa no a koperá masha ku nos i nos a haña nos obligá di posponé dife-rente wega.
Konsekuensha di esaki ta ku nos a kai kòrtiku na tempu mirando ku nos tin ku kaba promé ku Karnaval.
Pa e motibu aki nos ta supliká boso pa koperá ku nos.
Posibelmente boso lo tin ku hunga 2 wega riba djasabra i dos wega riba djadumingu (esnan ku sigui). Fuera di esaki, esnan ku klasifiká pa semi-final, lo haña sa djis despues kun nan kaba di hunga nan último partido regular, esta djasabra 7 di febrüari.

Wednesday, February 4, 2009

Sòftbòl Slowpitch hopi popular na Sint Maarten

WILLEMSTAD/PHILIPSBURG- Sòftbòl Slowpitch ta popular mes na Sint Maarten. Siman pasá e tremendo picher Rignald ‘Naai’ Hooi tabata na Sint Maarten pa un torneo kaminda e ekipo ganadó a risibí 15.000 dollar.

Algun hungadó estreya aki na Kòrsou ku sa biaha pa Sint Maarten pa trabou ta risibiendo ofertanan lukrativo pa hunga na Sint Maarten.
E ekipo di Naai Hooi a pèrdè den un gran fnal djasabra.
Naai a picha tremendo pero un fayo den fildeo a pone ku ela resultá e picher pèrdèdó.
Naai Hooi tabata hungadó invitá pa e tremendo torneo. Keda pendiente pa mas informashon.

Baranka ta gana nan mes torneo despues di 15 aña

WILLEMSTAD - Baranka a laga Buena Vista Power den tereno ganando ku skor di 9-8 djadumingu na Cirilo Chirino Ballpark. Ta for di 1994 Baranka a logra gana den mes torneo.
Segun nos Edmar Cornelia tabata úniko hungadó den line-up ku tabata tei for di 1994.

Baranka 9, Buena Vista Power 8
Baranka a dal 11 hit i hunga sin eror. Glendomar Davelaar a gana den relevo pa Sharlon Hanst. Stanford Landburg a bati di 4-3.
Senny Petronella, Andly Simmons i Stanford Landburg a bati un homerun.
Buena Vista Power a bati 11 hit i hasi 3 eror. Johannes Raphaela a pèrdè i Sevard Seferina a bati di 3-2. Sevard ‘Cholli’ Seferina i Randall Simon a dal un homerun. Yurendell De Caster a bati dos homerun.
E wikent aki tin e torneo internashonal.