Friday, May 29, 2009

Sòftbòl Little League ta terminá ku Homerun Derby djasabra awor na Sabana Ballpark

WILLEMSTAD - Djasabra awor e kampionato Liga Soraida Juliana ta finalisá na Sabana Ballpark. Riba e último dia di e kampionato lo tin un Homerun Derby di spònser pa Pepsi Cola ku ta start 4’or di atardi.

E kompetensia lo ta den tur 5 kategoria ku ta hunga den Liga Soraida Juliana: Minor, Little, Junior, Senior i Big.

Kada tim por manda 1 representante. Pa tur ganadó lo tin premio i tambe premionan pa klup i fanátiko.
Liga Soraida Juliana ta invitá tur fanátiko, mayor i naturalmente hungadónan pa ta presente. Ban sera Liga Soraida Juliana 2009 i despedí te djabièrnè 19 di febrüari 2010 ora ku start na parke na Buena Vista.

Ultimo wikènt di Play-off Little League lo bira realmente kayente

WILLEMSTAD - E último weganan di buèlta number dos lo bira kayente.
Niun ekipo no a sigurá nan klasifikashon i mester apuntá ku kada un wega ta unu. Ta solamente e ekipo Junior di Liga Willemstad a kai afo, ke mèn 11 ekipo ta den kontienda pa logra klasifiká.

KLINIKA
Manager dje eksitoso ekipo di Reino ku a partisipá na World Baseball Classic sr. Rob Delmonico lo duna dos klínika na selekshon i coachnan.

Djabièrnè 3.30 pm lo tin klínika pa selekshonnan Junior i Senior di Liga Pabou, Liga Pariba i Liga Willemstad na Tio Daou Ballpark.

Djasabra 6’or pm e klínika lo tuma lugá na Frank Curiel Ballpark pa selekshonnan Minor i Little di Liga Pabou, Liga Pariba i Liga Willemstad.
Coachnan ku no ta den selekshon tambe por tuma parti na e klínikanan.

Thursday, May 28, 2009

Brandweer ta eliminá CITCO ku skor di 7-6 den play-off Torneo Selikor

WILLEMSTAD - Brandweer ku a presentá den gran forma ayera a gana CITCO ku skor di 7-6 den play-off Torneo Selikor.
CITCO, un super ekipo, kampion Torneo SBAB 2009 a keda eliminá for di e kompetensia.
Den e otro wega Fortis a tumba un grandi ganando di Douane/CEMS 13-7.

KONTINUASHON
Play-off Torneo Selikor ta sigui mayan, djaweps 28 di mei na Cirilo Chirino Ballpark. Den e promé wega Polis ta topa Isla pa 7’or i pa 9.30’r Aqualectra lo hunga kontra CDM.

INTERNASHONAL
Den wikènt lo tin e parti internashonal di e torneo.
Di Kòrsou lo tei Stof NV i Selikor NV.
Aruba lo bini ku un ekipo di Setar NV. Boneiru lo tin dos ekipo Petroleros i Quincy Quality Services. República Dominicana lo partisipá ku e ekipo The Storm.

Hopi interes pa Torneo Bombers fin di yüni

WILLEMSTAD - E torneo Bombers ku lo start dia 29 di yüni i terminá 5 di yüli ta hopi komentá i tin hopi interes di ekiponan.

KOMERSIAL
Ekiponan Komersial maskulino tin masha interes debí ku lo hunga ku e picheo modified. Ekiponan MCB, Coca Cola, CITCO, Kusters, Polis i Aqualectra ta invitá pa e torneo i kasi tur a konfirmá nan partisipashon.
Definitivamente lo hunga modified slowpitch. Esnan ku tin interes por tuma kontakto ku Pim Fangman, Roderick Sambo i Asher Brown ku ta miembronan di direktiva di e ekipo Bombers.

Catpower i Baranka a sali fuerte i nòkout nan kontrinkantenan den Liga 40

WILLEMSTAD - Catpower a gana Navegantes pa nòkout 17-1 miéntras Baranka a dal Happy Stars ku skor di 10-0, den apertura di kam-pionato Liga 40.
Un públiko basta bon tabata presente pa mira e dos weganan aki.
Happy Stars tabatin e wega wantá 4-0 te den di 4 inning pero ta bai pèrdè pa nòkout.

Edmar Cornelia i Kenneth Ortega a bati homerun pa Baranka. Siegfried Lopez tabatin un tremendo aktuashon pa Baranka.permitiendo apénas 4 hit na e ekipo Happy Stars.

KONTINUASHON
Liga 40 ta sigui djaweps 28 di mei ku dos wega na Suvek Balpark.
Den e promé partido pa 7.30’or Jaws ta topa Barboquet Stars i pa 9’or Q-Rangers ta topa Exito.

Wednesday, May 27, 2009

Chincho Sharks a sorprendé Skarlo ku skor di 13-11 den Liga Amstel

WILLEMSTAD - Chincho Sharks a gana e ekipo supkampion di Liga Amstel djasabra último na Suvek Ballpark.
Bombers a nòkout Unidos feros ku skor di 19-2.

RESULTADONAN
Chincho Sharks 13, Skarlo 11
E ekipo Chincho Sharks tabatin 13 hit i nan a kometé 4 eror.
De Lima tabata picher ganadó, miéntras Ralph Halmeyer a bai di 4-3.
Ralph Halmeyer a konektá 2 homerun i Rivelin Elisabeth a konektá unu.
Skarlo a bati 16 hit i nan a hasi 2 eror.
Eldred Bakker tabata picher pèrdèdó, miéntras Edmar Cornelia a bati di 4-4.
Eugene Antonia a bai di 2-2.
Edmar Cornelia i Mayron Martinus a konektá 1 bataso di kuater skina.

Swift ta nòkout Happy Brothers i bira kampion Kopa ABC&S 2009

PHILIPSBURG- Swift a nòkout Happy Brothers ku skor di 13-3 pa bira kampion Kopa ABC&S 2009 djadumingu 24 di mei 2009 na Sint Maarten.
E wega final a tuma lugá den oranan lat di atardi.
Jo-Andy Balentina tabata e picher ganadó di e wega final. Ta di dos aña siguí ku Swift ta bira kampion ABC&S.

SEMI-FINAL
Den semi-final Swift a gana di Teremoto ku skor di 6-2, miéntras Happy Brothers a dal La Sonrisa di Boneiru.
Teremoto a lucha bon pero a keda kòrtiku kontra Swift.
Ekiponan di Sint Maarten no a logra klasifiká pa play-off.

JAIR JOSEPHA
E super pelotero di Swift Jair Josepha a destaká formal den ABC na Sint Maarten.
Jair a sali kampion bate, lider di homerun i MVP di e eksitoso ABC&S.

Wednesday, May 20, 2009

Stella’s Corner ta gana Brievengat Boys 7-6

WILLEMSTAD - Stella’s Corner, ekipo dirigí pa Roy Jacoba a gana Brievengat Boys ku skor di 7-6 djaluna anochi na Muizenberg Ballpark den un bon partido. Sharlon Hanst i Fabiani Orcadio tabata den gran forma pa e ekipo di Santa Maria i bisendario.

OTRO RESULTADONAN
Djasabra 16 di mei
Catpower 4, Kusters Trading 3
Catpower a laga Kusters Trading den terneo den un wega ku Kusters tabata ganá 2-1 den kabes di di 7 inning ku un out pa gana e wega.
Catpower a dal 7 hit i hasi 4 eror. Jo-Andy Balentina a gana i Vernon Isabella a bati di 3-2. Kusters Trading a dal 11 hit i hasi 2 eror. Glendomar Davelaar tabata e picher pèrdèdó i Rudsel Poulina Jr. a bati di 2-2.

Liga Pariba Junior League ta gana dos wega den e promé siman di play-off Little League

WILLEMSTAD - Play-off Little League Beisbòl 2009 a kuminsá djasabra mainta na Mocassin Ballpark na Santa Rosa ku wega den Minor League entre Liga Willemstad i Liga Pabou. Tabatin 4 wega djasabra i 4 wega djadumingu.

Djasabra 2'or di mèrdia tabatin e apertura ofishal den Tio Daou Ballpark kaminda Diputado di Deporte i District Administrator a hiba palabra. Un públiko grandi a mira e weganan den wikènt. Liga Pariba Junior League a destaká ganando dos wega.

RESULTADONAN
Djasabra 16 di mei
Pabou 5, Willemstad 3 (Minor League)

Pariba 6, Willemstad 5 (Little League)

Liga Pariba 12, Liga Willemstad 1(Junior League)
Liga Pariba a bati 13 hit i nan a kometé 2 eror.
Picher ganadó tabata Sanoni de Windt i Christopher Pieters i Reangelo Beaumont a bai di 2-2.
Jowell Thielman a konektá un homerun.

Wednesday, May 13, 2009

MCB a risibí varios premio den Torneo SBAB 2009, Polis femenino mas disipliná

WILLEMSTAD - Djabièrnè último durante un tremendo fiesta e komishon organisadó di Torneo Soshal di Sòftbòl SBAB 2009 a entregá premio.
MCB a gana den varios kategoria miéntras ekipo Polis Femenino a gana e premio di ekipo Mas Disipliná.
Softballcuracao.com ku tabata presente djabièrnè anochi tin un relato.

SPONSERNAN
SBAB a yama un danki speshal na tur e spònsernan ku a hasi e torneo di e ana aki posibel i tambe un éksito.
E spònsernan prinsipal tabata SBAB, Polar, Sedreko i Superclub Breezes.

“Despues di un luna di deporte a yega e momentu kaminda tur esnan ku a destaká ta bai wòrdu premiá. Serka SBAB destaká no ta esun ku gana e partido, pero tambe esun ku ta mas animá, disipliná i sosial ku otro. No tabata fásil, pero SBAB tin ganadónan di e diferente ka-tegorianan di ekipo i tambe individual.”

PREMIONAN INDIVI-DUAL
Pa loke ta kampion bate, pitcher i homerun, SBAB a nominá persona for di ambos kategoria, Social i Challenger, pero ta 1 ganadó SBAB ta saka entre e nominádonan.
Pa loke ta trata MVP si SBAB ta saka un ganadó pa kada kategoria.
E ganadónan di premionan individual ta di spònser pa Polar i Superclub Breezes.
Tur ganadó ta risibí: Un Trofeo, dos Daypass pa Breezes i un kaha di Polar.

Torneo Selikor a start djabierne 8 di mei na Cirilo Chirino Ballpark

WILLEMSTAD - Torneo Komersial Selikor a start djabièrnè na Cirilo Chirino Ballpark. Ekiponan femenino i maskulino a desfilá riba ritmo di brassband i drenta tereno.
Selikor a duna homenahe na tres baluarte, entre otro un èks trahadó i dos trahadó ku a tira e promé lansamentu.
Despues a sigui e promé partido entre Coca Cola i Kusters Trading den e
kategoria maskulino.

Direktor general di Selikor sr. Wesley Kook a hiba palabra na apertura i a gradisí ekiponan ku a sostené i partisipá na e torneo.
Un trahadó femenina a hasi un orashon na apertura miéntras yu di Ella di Selikor ku tabata MC ayera a kanta himno.
Torneo Selikor lo terminá djadumingu 31 di mei. Nos lo ta up to date ku resultado.

Sunday, May 3, 2009

MCB Femenino i CITCO kampion Torneo SBAB

WILEMSTAD - MCB femenino a gana UNA 1-0 i CITCO a dal MCB 20-10 pa bira kampion di Torneo SBAB 2009 dilanti un publiko grandisimo na Suvek Ballpark.
SBAB por mira atras riba un torneo super-eksitoso.
Den e sekshon soshal BC/Konseho Insular a gana SBAB den e gran final femenino.
Avila Hotel a derota Capriles Kliniek pa bira kampion.
Den kurso di siman nos tin mas detaye.