Harlem Power kontra Survivors djamars anochi na Suvek Ballpark

WILLEMSTAD - Play-off Fastpitch Maskulino ta sigui djamars 31 di mart pa 7.30 pm na Suvek Ballpark.
Harlem Power ku a pèrdè e serie kontra Suffisant Eagles lo topa ku Survivors ku a gana di Carpatula.

Djaweps 2 di aprel e serie ta sigui entre Harlem Power i Survivors. Den kaso ku e serie empatá lo hunga e wega finalísimo entre e dos ekiponan aki.

SUFFISANT EAGLES
E Agilanan di Suffisant ta riba un rust den final wardando e ganadó di e serie entre Harlem Power i Survivors.
Suffisant Eagles lo tin Naai Hooi den nan filanan den e parti final i ta gran faborito pa kue nan título bèk ku nan a pèrdè aña pasá kontra Harlem Power.
Bon públiko ta mirando e weganan di play-off i mester bisa ku bar i kushina ta bon surtí.

Dok mester a lucha formal pa gana Polis ku skor di 7-5 djasabra, den Torneo Sigi Gosa

WILLEMSTAD - Dok a gana Polis ku skor di 7-5 djasabra na Suvek Ballpark. Polis a bai ariba 1-0 riba homerun di Sherdon Rombley. Dok a kontestá ku 6 kareda riba tres homerun.
Polis a kambia picher despues di un out den promé inning i Dok a logra nota solamente un kareda den 6 inning i 2 tersio.
Polis no a bati oportuno i ta bin pèrdè ku skor di 7-5.

Ekipo di Dok, un ekipo hopi ganadó den Sòftbòl Komersial

Nos tin algun resultado di wikènt i den kurso di siman nos lo tin tur resultado kompletu.

Djabièrnè 27 di mart Brievengat 10, Crazy Tigers 7
Aqualectra 25, SBAB 14.

Djasabtra 28 di mart
SVB 9, SBAB 8;
CDM 7, Polis 5;
Cicoza 11, Brievengat Boys 2;
Latin Caribe 12, Crazy Tigers 7;
Destroyers 14, Crazy Tigers 0;
Destroyers 10, Terremaster 3.

Groot Kwartier a gana 5 wega i pèrdè unu den fin di siman den Liga Willemstad

Groot Kwartier Marlins i HBM a gana 5 wega i pèrdè unu den fin di siman den Liga Willemstad ku a tuma lugá na Little League Ballpark i Muizenberg Ballpark.
Awe nos tin resultadonan di Liga Willemstad.

Djabièrnè 27 di mart
Suffisant Korpodeko 9, Abrahamsz Nagico 7(LL)
Suffisant Korpodeko tabatin 8 hit i nan a hasi 4 eror.
Picher ganadó a resultá Ronald Semeleer i Drexler Macaay a bati di 2-2.
Abrahamsz Nagico tabatin 10 hit i nan a pifia na 4 okashon.
Pèrdèdó tabata Angelo Bautisma i Ande Adriana a bati di 4-4.

Survivors ta gana Carpatula 10-8 i klasifiká pa e siguiente buèlta

WILLEMSTAD - Survivors ku picheo di Edward ‘Bati’ Pieternella i relevo di Haime Margarita a gana Carpatula ku skor di 10-8 djaweps nochi na Suvek Ballpark.
Bon públiko pa mira e wega ku tabata basta pareu den komienso. Djamars awor tin wega entre Survivors i Harlem Power.
Djaweps tin dos wega programá entre e dos ekiponan ak.

Destroyers a dal Latin Caribe 14-11 den Torneo 30 aña Sigi Gosa

WILLEMSTAD - Destroyers, ekipo di Win Celestina, a gana Latin Caribe 14-11 den Torneo Sigi Gosa djasabra. Destroyers un ekipo fuerte ku pichernan velos manera Naai Hooi mester a lucha pa gana di e dominika-nonan di Latin Caribe. nos tin mas resultado di Torneo Sigi Gosa.

Destroyers 14, Latin Caribe 11
Destroyers a dal 15 hit i hasi 3 eror. Rignald 'Naai' Hooi a gana. Erling 'Pacheco' Gosepa a bati di 2-2. Sevard 'Chollie' Seferina tambe a bati di 2-2.
Sevard Seferina, Gilbert Juliet i Ludwig Pietersz a konektá homerun. Latin Caribe tabatin 11 hit i nan a hasi 1 eror. Juan Gutierez a pèrdè i Jose Da Silva a bati di 4-4. Carlos Gil i Darwin Blancheville a bati un homerun.

Brievengat Boys lo presentá ku Dream Team djabièrnè na Suvek

WILLEMSTAD - Brievengat Boys bou di direkshon di Eldred ‘Jolly’ Juliana lo presentá ku un ‘Dream Team’ mayan anochi na Suvek Ballpark.
Den nan promé enkuentro Brievengat Boys lo enfrentá Crazy Tigers.
Ayera nos a kombersá ku e general manager Jolly Juliana ku a duna algun detaye.

Jolly: “Nos tin un gran ekipo, ta trata di un ekipo di bario di Brievengat ku lo pone drama den Slowpitch.”
Eldred Juliana a menshoná varios nòmber, entre otro.
Franklin Confesor, Michael Keller, Jurgen Krondstadt, Luigi Krondstadt, Sharlon Lousia, Jolly Juliana, Timothy Juliana, Shendy Cras (Sherman Cras a bula kura i bai hunga pa Destroyers), Churandy Balentina, Patrick Martijn i Edichi Martina.
Pichernan lo ta Gibi Henriette (reforsa), Jeandre ‘Biggy’ Pereira i Jose Obispa.

Stephanie Henriquez a tira “perfect game” ponchando 13 batiadó pa Buena Vista Fundashon Sedreko Senior League ta blankia Soto CMTC siman pasá den Liga Soraida Juliana

WILLEMSTAD - Sòftbòl Little League, Liga Soraida Juliana a sigui ku 20 wega siman pasá na Buena Vista Ballpark i Sabana Ballpark.
Na Buena Vista Ballpark a hunga promé wega ofishal bou di lus djabièrnè anochi dilanti un públiko grandi.
Djasabra den e wega entre Buena Vista Fundashon Sedreko Stephanie Henriquez a tira “perfect game” ponchando 13 di e 15 batiadónan ku ela enfrentá.
Buena Vista Fundashon Sedreko a gana e wega meshoná ku skor di 13-0.

SENIOR
Buena Vista Fundashon Sedreko a gana di Soto CMTC 13-0. Ganadó tabata Stephany Henriquez ku a tira “perfect-game” i 13 ponche. Na bate Shedselyne Wilson a bai di 4-4. Pèrdèdó tabata Shuhailies Hooi.

Souax Persio Uniformes a vense Sta. Rosa Giro Bank 11-0. Picher ganadó a resultá Shurandenay Obispo. Charlotte Pisas i Nashaira Bernardus a bati di 3-2. Picher pèrdèdó tabata Stephany Ilario. Vyrvienne Bokshoven a bai di 2-2.

Sta. Rosa Giro Bank a derotá Kanga Fruku 4-3. Leonella Elisabeth a gana, miéntras Lidia Pieternellaa bai di 2-2. Ashandaline Stefania tabata esun ku a pèrdè. Signaida Olbina a bati di 3-2.

Buena Vista UTS ta gana dos wega den fin di siman den Little League den Liga Willemstad

WILLEMSTAD - Buena Vista UTS enkabesá pa Miguel Peña Matos ta gana dos wega wikènt pasá den Little League di Liga Willemstad.
Miguel Peña Matos a konekta 3 homerun deskomunal den e dos weganan aki.
Djasabra Miguel a konektá dos homerun pa su ekipo UTS kontra di The Trader i djadumingu un homerun kontra di Suffisant Korpodeko.

RESULTADONAN
Buena Vista UTS 10, Salinja The Trader 3(LL)
Buena Vista UTS a konektá 6 hit i nan a kometé 2 eror.
Rugen Daal a gana i e mes a bati di 2-2 inkluyendo un homerun.
Miguel Peña Matos a konektá 2 homerun.
Salinja The Trader tabatin 3 hit i nan a hasi 2 eror.
Shuruendy Valeriano a pèrdè i e mes a bai di 2-1.
J. Da Silva tambe a bati di 2-1.

Aruba Juniors kampion Torneo Kopa Himno i Bandera na Aruba

WILLEMSTAD - Aruba Juniors a bira kampion Torneo Kopa Himno i Bandera ku a tuma lugá na Aruba den kuadro di selebrashon Dia di Himno i Bandera na hermana Isla Aruba.

Ekiponan di Kòrsou a logra gana solamente un wega. Mester apuntá ku ekiponan a duna bon presentashon.
Nos tin resultadonan di weganan kaminda ekiponan di Kòrsou a partisipá

Kenro 8, Curacao Stars 5;
Astros Budweiser 5, Jaws 1;
Aruba Jr. 14, Jaws 4;
Astros Budweiser 8, Curacao Stars 5;
Aruba Jr. 13, Curacao Stars 1;
Jaws 8, Kenro 6.
Den e último wega aki, e úniko wega ku Kòrsou a logra gana Riley Toppenberg a dal grandslam pa Jaws bòltu skor.
Fetty ‘Kala’ Curie di 2-2 ku homerun.

Bombers ta gana tres wega den Torneo Sigi Gosa den wikènt

WILLEMSTAD - Bombers a sali riba bon pia den Torneo Sigi Gosa den wikènt. E ekipo a gana Crazy Tigers 16-8 djabièrnè, Bombers a derotá Cicoza 13-12 djasabra i ayera Bombers di spònser pa GNC a derotá Terremaster 12-1.
Awe nos tin e skor di e weganan miéntras den siman nos tin e numeritonan kompleto.

Djabièrnè 20 di mart
Bombers 16, Crazy Tigers 8;
Cicoza Building Depot 10, Terremaster 2;
Polis 18, Brandweer 8.

Crazy Tigers - Bombers, Terremaster vs Cicoza mayan den Torneo Sigi Gosa, Polis lo topa Brandweer

WILLEMSTAD - Polis kontra Brandweer, Crazy Tigers - Bombers, Terremaster lo topa Cicoza den apertura Torneo Sigi Gosa mayan na Suvek Ballpark.
Weganan lo sigui riba djasabra i djadumingu. E torneo ta dura tres wikènt i lo terminá djadumingu 5 di aprel.
Bar i kushina lo ta bon surti den e torneo aki ku ta den kuadro di 30 aña ekipo Sigi Gosa.

SKEDJEL
Djabièrnè 20 di mart
19.00 Crazy Tigers - Bombers;
20.30 Terremaster - Cicoza;
22.00 Brandweer - Polis.

Djasabra 21 di mart
10.00 SBAB - CITCO;
11.45 Coca Cola - Dok;
13.30 Terremaster - Latin Caribe;
15.00 Destroyers - Latin Caribe;
16.45 Aqualectra - SVB;
18.30 Cicoza - Bombers.

Soto CMTC ta gana Santa Rosa Giro Bank 2-1 den Liga Soraida Juliana

WILLEMSTAD -Sòftbòl Little League Liga Soraida Juliana a kontinuá wikènt pasá ku varios wega na Sabana Ballpark i Ricardo Elhage Ballpark.
Soto CMTC ku tremendo aktuashon di nan picher estelar Suliviendra Hooi a gana Santa Rosa Girobank 2-1. Suliviendra Hooi a tira 15 ponche den e wega ei.
Buena Vista Fundashon Sedreko divishon Junior a gana 3 wega den fin di siman.


RESULTADONAN
MINOR
Boca Sami Dare a gana di Brievengat Korpodeko 5-1. Ganadó: Dillainy de Jong. Na bate Euseline Matroos di 2-2. Pèrdèdó Phillis Girigorie. Brievengat no a konektá hit.

Santa Rosa Giro Bank a vense Kanga Korpodeko 10-6. Ganadó tabata Tyesha Bernabela. Na bate: Antonio Angelique di 2-2. Pèrdèdó: Nadine Valpoort. Angelica Vilchez a bai di 1-1.

Buena Vista Fundashon Sedreko a derotá Saliña ACU 10-2. Ganadó a resultá Chrissiantely Ogenia. Na bate: Chrissiantely mes di 2-1. Pèrdèdó: Ingegerd Isabella. Saliña ACU no a bati hit.

Sera konosi ku Curt Smith tremendo pelotero profeshonal yu di Kòrsou

Den e artikulo aki di Softballcuracao.com nos lo laga abo, lesadó, sera konosí ku Curt Smith.
Un hóben pelotero super ehemplar ku a skohe pa un Scholarship riba firma beisbòl profeshonal i ku a terminá su estudio aña pasá i destaká mesora engrande den Beisbòl Profeshonal ku su diploma den su man. Un entrevista basta ekstenso i ta saka for di edishon number 147 di Revista Deportivo Korsou.

CURT SMITH
Curt Sciene Smith a nase na Kòrsou 9 di sèptèmber 1986 i ta biba na Kòrsou na Weis Afo 460.
Curt a bai Jasinta Kleuterschool na Janwe, despues skol básiko na Sint Franciscus College na Janwe. Despues di skol básiko Curt a sigui pa Triniteit Mavo i mas despues di MAVO-4 pa Peter Stuyvesant College. Na 2004 Curt Smith a terminá su Havo -5 i haña Scholarship pa studia na Universidat di Maine.
Curt ta yu di Claudette Mourillon i Claudius Smith. Tata Claudius Smith tabata praktiká e deporte yudo i mama Claudette si no a hasi deporte. Curt su tionan, Norman 'Slobbo' Sloop i Percey 'Pim' Sloop si a hunga beisbòl i sòftbòl.
"Banda di mi kas aki semper tabatin hopi deportista manera primu di mi mama Eddie Sloop i tambe Van Gurp nan aki. For di chiki mi a kuminsá hunga beisbòl huntu ku nan", Curt Smith ta konta Revista Deportivo Kòrsou for di su kas na Weis Afo 460.

KOMIENSO
Curt:"Den kura di kas mi a kuminsá hunga beisbòl i mi tio Norman Sloop mihó konosí komo Slobbo
a hiba mi pa mi drenta tim serka Shon Ki Nicasia. Mi tabatin 9 aña i mi a partisipá na Pre-infantil ku e ekipo Marchena Hardware. Mi a hunga Pre-infantil un aña i sigui den Little League mesora mes un aña. E tempu ei no tabata Minor League ainda. Mi promé weganan kos tabata un tiki slou i despues mi a kuminsá bati te awe. Mi a bringa yudo promé ku beisbòl i tabata bai hopi bon mes. Mi a kansa di dje i mi a gana hopi medaya. Mi tabata trein yudo na Buurtcentrum Janwe serka un gai ku yama Kenneth Vinck."

Curt Smith na bate durante wega ku Universidat di Maine

Souax Persio Uniformes ta gana Soto CMTC ku skor di 2-1 den Big League di Liga Soraida Juliana

WILLEMSTAD - Souax Persio Uniformes a gana Soto Capital Management & Trust Co. N.V. (CMTC) ku skor di 2-1 den un tremendo wega di Big League.
Frondely Cornelis tabata e picher ganadó.
Buena Vista tabatin un tremendo wikènt atrobe, miéntras Santa Rosa a gana varios wega.


Liga Soraida Juliana kresiendo tur aña

MINOR LEAGUE
Buena Vista/Fundashon Sedreko a gana Persio Uniformes 12-4. Ganadó tabata: Juvienska Kastaneer. Pèrdèdó: Thanysha Gil.

Sta. Rosa/Giro a derotá ACU 15-0. Picher ganadó tabata Jandely Ricardo. Na bate Kris Dos Santos a bai di 1-1 i Sueny Felicia di 3-2. Tremers Angeline a pèrdè i na bate Ingegerd Isabella di 1-1.

Buena Vista/Fundashon Sedreko a vense Boca Sami/ DARE 5-3. Chrisiantely Ogenia a gana. Picher pèrdèdó tabata Euseline Montroos.

Korpodeko/Kanga a gana di Refineria Kòrsou 11-10. Shuriona Casiano a bai ku e viktoria i Anna-Carina Fereira Rodriquez a bai di 3-3. Shermaline Laveist ta esun ku a pèrdè, miéntras Shermaline Laveist i Gianyeny Schotborg a bati di 2-1.

Situashon pèrta den último weganan Torneo Swift

WILLEMSTAD - E situashon ta pèrta den Swift Amstel Tournament ku ta bayendo e wikènt final.
Djabièrnè Polis Maskulino lo topa CITCO den un wega ku CITCO mester gana pa despues bai topa Aqualectra den un wega kandela djasabra 12’or.
Awe nos tin resultado i numeritonan di e wegananan di djasabra 7 i djadumingu 8 di mart.


SVB Maskulino a pèrdè dos wega siguí despues di a gana nan promé wega

Polis 16, SVB 3 (Maskulino)
Polis a dal 14 hit i hasi 4 eror. Axel Gomez a gana. Andry Plaate i Sherdon Rombley a bati di 3-3. Jeffrey Martina di 2-2 i Lindo Daal di 1-1. Jeffrey Martina, Andry Plaate, Lindo Daal i Sherdon Rombley a bati homerun.
SVB a bati 8 hit i kometé 1 eror. Albertico 'Grandi' Isenia a pèrdè i Rodney Riley a bati di 1-1.

Suffisant CHB ta blankia Buena Vista UTS ku skor di 4-0 den Liga Willemstad

WILLEMSTAD - Liga Willemstad a sigui siman pasá ku varios wega na Little League i Muizenberg Ballpark.
Den un bon partido Suffisant CHB a blankia UTS ku skor di 4-0 ku bon picheo di Danijoni Newton.

Fanatikonan di e ekipo Abrahamsz na Muizenberg Ballpark

RESULTADONAN
Djabièrnè 6 di mart
Suffisant CHB 4, Buena Vista UTS 0 (ML)
E ekipo Suffisant CHB a bati 2 hit i nan a kometé 3 eror.
Picher ganadó a resultá Danijoni Newton.
Shervian Newton i Daniel Vasquez a bati di 2-1.
Buena Vista UTS tabatin 1 hit i nan a hasi 3 eror.
Picher pèrdèdó tabata Melvin Alexander i Shurwentley Martina a bai di 3-1.

Djuric Pietersz kasi a pasa pa Wild Cats

WILLEMSTAD - Softballcuracao.com a risibí e informashon ku Djuric Pietersz lo pasa pa Wild Cats den 2009 pa loke ta trata Beisbòl Dòbel A. Nos a trata di drenta den kontakto ku Djuric Pietersz ayera na Suvek Ballpark, pero e hungadó no tabata presente.
Tin indikashon ku e traspaso no a tuma luga ahinda. Keda pendiente, subi bo website Softballcuracao.com tur dia pa mas informashon.

Djuric Pietersz shortstop versatil di e ekipo di Royal Scorpions i Swift.

Polis femenino i maskulino invikto den Torneo Swift

WILLEMSTAD - Swift Amstel Tournament a kontinuá den wikènt ku 22 wega. Polis femenino i maskulino ta invikto i e dos ekiponan aki mester enfrentá respektivamente Kooyman i CITCO djabièrnè awor. Baranka, Swift, Jaws 50, Mon Repos Liga 50 i Dok tambe ta invikto den Swift Amstel Challenge Tournament. Awe nos tin resultado di e 22 weganan di wikènt. Den siman nos lo tin numerito di e weganan.

RESULTADONAN
Djabièrnè 6 di mart
Polis 19, SBAB 1 (Femenino);
Kooyman 9, MSL 2 (Femenino);
MCB 20, Isla 16 (Maskulino).

MCB ta derotá Isla 20-16 den Swift Amstel Tournament

WILLEMSTAD - Swift Amstel Challenge Tournament a sigui djabièrnè anochi na Suvek Ballpark ku 3 wega.
Den e promé wega Polis a dal SBAB duru ku skor di 19-1.
Despues Kooyman a gana di MSL 9-2. Den e último partido MCB (Banko Maduro) a dal Isla 20-16.


RESULTADONAN
Polis 19, SBAB 1
Polis a dal 15 hit i a hasi 1 eror. Arelis Roosberg a gana i Yahaira Antersijn a bati di 2-2.
SBAB no a konektá hit i nan a kometé 8 eror.

Suffisant Eagles a honra Randy Kirindongo, Andley i Andrelton Simmons

WILLEMSTAD - Djaweps, 5 di mart 2009 na kas di Jambo Ustacia na Noordzeestraat e ekipo Suffisant Eagles a bin huntu pa duna homenahe na tres hungadó ku lo bandona Kòrsou pa sigui un karera den eksterior. Randy Kirindongo lo bai hunga beisbòl na Italia, Andley Simmons na Hulanda, i Andrelton lo bai College na Merka.
Di robes pa drechi, Randy Kirindongo, Andley Simmons, Andrelton Simmon i doño di Suffisant Eagles, Oswin 'Jambo'Ustacia.

Harlem Power na promé lugá di Sòftbòl Maskulino Fastpitch

WILLEMSTAD - Harlem Power ta na promé lugá i Suffisant Eagles ta number dos den Sòftbòl Maskulino Fast-pitch.
E ekiponan aki a hunga final temporada pasá i Harlem Power a bira kampion.

Tin indikashon ku e ekipo Awa Limpi a kai afo i direktiva ta pendiente pa saka un otro skèdjel.

Harlem Power kampion di aña pasa, number unu e temporada aki

STANDING
Harlem Power 6 - 2
Suffisant Eagles 4 - 2
Survivors 4 - 2
Carpatula 2 - 3
Clase Aparte 2 - 4
Awa Limpi 1 - 6

Den kurso di otro siman nos lo tin sifranan.

Algun nota di Sòftbòl

Na Suvek tabatin dos magnate di Slowpitch di Sint Maarten. Nan tabata skout algun hungadó pa reforsá na Sint Maarten ora tin mester. Ta trata aki di dirigentenan di Pirates i Stars. E ekipo Stars ta kampion di Sint Maarten e último tres añanan. Pirates ta un di e grandinan di Sint Maarten. Den kurso di siman nos lo tin mas detaye.

Djasabra nos amigu dr. Ettienne Goeloe tabata na Suvek Ballpark. Goeloe a bin wega di Bombers i kombersá normal ku tur hende. Ettienne Goeloe ta rekuperando den gran forma i ta un di e fiel lesadónan di softballcuracao.com.
Nos ta spera Goeloe pronto riba tereno bèk ku Bombers komo coach pa mas lat den wega tuma e bate i konektá dobletenan kustumbrá.

Destroyers di Win Celestina a hunga djasabra i djadumingu. Djasabra Destroyers a haña skor grandi serka Baranka i djadumingu nan a parti skor grandi bèk. E biaha aki tabata Jaws ku a haña nòkout serka Destroyers. Mayoria hungadó a keda ku ekipo. Djadumingu nos a mira Naai Hooi i Renato Anasagasti, dos veterano ku hopi eksperensia.

Resultado di Swift Amstel Tournament di djadumingu 1 di mart

WILLEMSTAD - Softballcuracao.com tin resultado di Swift Amstel Challenge Tournament di djadumingu 1 di mart


Mon Repos Sluggers 14, Los Amigos 0 (Liga 50)
Mon Repos Sluggers a dal 17 hit i kometé 1 eror. Henry Martijn a gana.
Ruvio Kook i Kobert Klooster a bati di 3-3.
Los Amigos a dal 1 hit i hasi 4 eror. Russel Hellement a pèrdè. Henry Wal 2-1.

Flamboyan 8, Lions 2 (Liga 50)
Flamboyan a bati 14 hit i 2 eror. Angel Kirchner a gana i Papi Does a bati di 3-2. Nelson Marks tambe a bati di 3-2.
Lions a konektá 6 hit i hasi 1 eror. Guus Barhorst a resultá e picher pèrdèdó i Clifford den Hartog a bolbe bati di 3-3. Den gran forma Cliff!!

Dok a gana Isla 8-6 den wega kandela di Swift Tournament

WILLEMSTAD - Dok ku bon picheo di Jo-Andy Balentina a gana Isla ku skor di 8-6 den un gran partido bon bishitá pa fanátiko djadumingu anochi na Suvek Ballpark.
Tur dos ekipo tabatin chèns di gana e wega.
Refineria Isla a presentá ku Neldrick Lourens komo picher.

Neldrick a risibí relevo di Edison Sambo.
Jo-Andy Balentina a gana dos wega den wikènt, unu pa Swift i e otro pa su ekipo di trabou Dok.

Djabièrnè 27 di febrüari
Polis 11, SGR Groep 8 (Femenino)
Polis a bati 13 hit i hasi 4 eror. Rosemary Nocento a gana i Melina Angel a bati di 3-3. Patricia Saturnino a bati di 2-2.
SGR Groep a dal 7 hit i hasi 3 eror. Jeanette 'Marelva' Iltes a resultá e picher pèrdèdó i e mes a bati di 3-2.

CITCO 20, Kooyman 5 (Maskulino)
CITCO a dal 16 hit i hunga sin eror. Clinton Kirindongo a gana i Lenart Ricardo a bati di 3-3. Lenart Ricardo i Patrick Elisa a bati un homerun.
Kooyman a bati 10 hit i hasi 7 eror. Siegfried Maduro a resultá e picher pèrdèdó i Farley Kip a bati di 2-2, Rodion Tejada (Famia di Miguel ?) a bati di 2-2.

Polis ta gana SGR Groep 11-8 den apertura Torneo Swift

WILLEMSTAD - Polis den un bon wega a gana SGR Groep 11-8 ayera den apertura di Swift Amstel Challenge Tournament na Suvek Ballpark.
E wega tabata basta pareu i ta den último inning Polis ta nota tres kareda pa gana di SGR Groep.
Rosemary Nocento a gana den relevo pa Polis i Marleva Iltes a pèrdè pa SGR Groep.

CITCO 20, Kooyman 5
CITCO a pasa fásil riba Kooyman ganando pa nòkout 20-5.Randwick ‘Clint’ Kirindongo a habri i gana riba un rust pa CITCO. Ku e wega habrí Stanford Landburg a bin basilá pichando varia i sigui domi-ná e wega. Kooyman bou di direkshon di Jair Quant a habri ku Siegfried Maduro ku a resultá e picher pèrdèdó.

Resultado djasabra 28 di febrüari 2009

MCB 12, Coca Cola 11 (Maskulino)
Polis 17, Aqualectra 5 (Maskulino)
Jaws 11, Cicoza 7 (Kompetitivo)
Baranka 16, Destroyers 6 (Kompetitivo)

Jaws 6, Lions 1 (Liga 50)
Mon Repos Sluggers 7, Marlins 4 (Liga 50)
Swift 22, Teremoto 7 (Kompetitivo)
Bombers 15, Navegantes 3 (Kompetitivo)
SVB 7, Medical Laboratores Services 5 (Femenino)
Kooyman 14, SBAB 8 (Femenino)