Standing Liga Amstel

STANDING LIGA AMSTEL
Te ku 22 di ougùstùs
1. Skarlo 11 – 1
2. Bombers 10 – 2
3. Chincho Sharks 9 – 3
4. Padres 8 – 4
5. Omel 7 – 5
6. Carpatula 6 – 5
7. Latin Caribe 5 – 6
8. Speedy 3 – 8
9. Los Unidos 2 – 9
10. Cur. Real Team 2 – 10
11. Gamers 1 – 11

Happy Stars ta laga Rising Trotters den tereno ku skor di 5-4

WILLEMSTAD - Happy Stars riba hit di Roderick Postina den Tie Break a laga Rising Trotters den tereno ayeranochi na Suvek Ballpark.
E hit tabata kontra Naai Hooi ku a relevá Guus Barhorst.
Naai Hooi a drenta den relevo pa Guus den di tres inning ku Rising Trotters ganá 3-1. Jeffrey Martina ta bini komo emergente i bati homerun di tres kareda kontra Naai Hooi pa bòltu e skor 4-3. Rising Trotters ta empata e wega pa despues Happy Stars finalmente bin gana e wega 5-4.

Happy Stars 5, Rising Trotters 4
Happy Stars a bati 7 hit i hasi 2 eror. Edison Sambo a gana. Franklin Benito i Jeffrey Martina a bati di 1-1.
Jeffrey Martina tabatin un homerun.
Rising Trotters a dal 10 hit i a kometé 1 eror.
Rignald ‘Naai’ Hooi a pèrdè i Arturo Franka a bati di 3-3. Arturo Franka i Curtley Schoop tabatin un homerun.

Caterpillar 7, Exito 0
Exito ta baha for di tereno den di 4 inning i Caterpillar ta gana pa forfeit.

Skarlo ta blackout Speedy i Gamers den un Double-header

Skarlo ku tabatin ‘doubleheader’ djasabra último a blackout su dos kontrin-kantenan den kontinua-shon di buèlta number dos di Liga Amstel.
Skarlo a blackout Speedy i Gamers.

RESULTADONAN
Skarlo 17, Speedy 2
Skarlo a bati 16 hit i nan a kometé 2 eror.
Edison Sambo a bai ku e viktoria, miéntras Lindomar Cathalina a bai di 3-3.
Guiseppe Sambo tambe a bai di 3-3. Lindomar Cathalina i Eldert Bakker a konektá 2 homerun.
Luis Alcantara i Glendomar Davelaar a konektá 1 homerun.
Speedy tabatin 8 hit i nan a hasi 2 eror. Shahairy Eustacia a sufri e derota i e mes tabata e mihó na bate.

Skarlo 19, Gamers 2
Skarlo a bati 17 hit i nan a hunga impekabel. Elson Pieter tabata picher ganadó. Eugene Antonia i Ryan Samuel a bati di 3-3. Sendley Reina a konektá 2 homerun.. Rignald Hooi i Lindomar Cathalina a konektá 1 homerun.
Gamers a bati 5 hit i nan a kometé 5 eror. Geraume Bor tabata e pèrdèdó i Francis Heyer a bai di 2-1. Geraume Bor a konektá 1 homerun.

Kooyman pa final den femenino i Coca Cola den maskulino den The Champions League

WILLEMSTAD - Kooyman a gana UNA ku skor di 6-4 pa bai final den Komersial Femenino, miéntras Coca Cola a gana The Bear Armored 20-11 pa klasifiká pa final den Komersial Maskulino.

RESULTADONAN
MASKULINO
CDM stars 20, Casa Cesar 4
Ku un viktoria fásil e ekpio di DOK ta gana di Casa Cesar. Pa DOK den e wega aki 20 kareda, 19 hit i 1 eror. Richard Koeiman a gana. Na bate Gergival Cetlin i J.Statia di 2-2.
Pa Casa Cesar 4 kareda, 10 hit i 5 eror. Wently Sirberie a pèrdè. Jaime Jardin a bati di 3-3.
Ku e resultado aki Casa Cesar ta keda eliminá i e ekipo di DOK ta pasa pa e siguiente buèlta.

Coca Cola/UTS 20, The Bear Armored 11
Coca Cola/UTS ta anotá 11 kareda den di 4 ining pa gana di The Bear Armored.
Ku e viktoria aki Coca Cola/UTS ta pasa pa e gran final i e ekipo di The Bear Armored lo mester hunga e siguiente buèlta kontra di e ekipo di DOK den un seri mihó di 3. Pa Coca Cola/UTS 20 kareda, 20 hit i 3 eror. Picher ganadó Hairich Martina i e mes tambe a destaká na bate
bayendo di 3-3. Pa The Bear Armored ku a presentá kompletu, 11 kareda, 18 hit i 0 eror. Jose Obispa a sufri e derota. Na bate Quintin de Cuba di 3-3.

Catpower number unu, Happy Stars number dos den Liga 40

WILLEMSTAD - Catpower ku rekòrt di 8 ganá i 1 pèrdi ta number unu den Liga 40.
Happy Stars, ekipo di Wim Felicia ta number dos.
Liga 40 ta sigui ku algun wega interesante e siman aki na Suvek Ballpark si awaseru permití naturalmente. Mayan 9’or Rising Trotters ku Naai Hooi lo enfrentá Happy Stars.
Den e promé wega Exito lo topa ku Catpower.

STANDING LIGA 40
Catpower 9-1
Happy Stars 9-2
Rising Trotters 7-3
Swift 7-3
Baranka 7-3
Malta Amstel 3-7
Navegantes 2-7
Barbuquet Stars 2-7
Q-Rangers 2-7
Exito 1-8

Happy Stars ta blackout Jaws i Baranka ta nòkout Navegantes den Liga 40

WILLEMSTAD - Happy Stars ku picheo di Gregory Martina ta blackout Jaws Malta Amstel 20-5 i den e siguiente wega Baranka ta nòkout Navegantes 15-2 den Liga 40 djamars último.
Weganan ta sigui djamars awor na Suvek Ballpark.

Happy Stars 20, Malta Amstel 5
Happy Stars a bati 19 hit i kometé 1 eror. Gregory Martijn a gana. Ludwig Pietersz a bati di 4-4. Rubelyn Nicasia i Farley Lourens di 3-3. Jeffrey Martina a dal dos homerun. Roderick Postina a dal un homerun.
Malta Amstel a bati 10 hit i hasi 5 eror. Ivan Schobaar a pèrdè i Riley Toppenberg a bati di 2-2.

MCB kampion den Bankonan i Dominguitu kampion di barionan

WILLEMSTAD - Ayeranochi Suvek tabata lata lata ku fanátiko pa mira MCB i Dominguitu bira kampion.
MCB a gana RBTT ku skor di 15-11 den e promé wega pa despues Dominguitu derotá Montanja pa nòkout 15-2.
Despues di wega e ekipo organisadó di e torneo Survivors a entregá e dife-rente premionan na e ganadónan.

RESULTADO
MCB 15, RBTT 11
MCB a dal 14 hit i kometé 1 eror.
RBTT a konektá 15 hit i hasi 4 eror.

Dominguitu 15, Montanja 2
Dominguitu a bati 11 hit i hasi 2 eror.
Montanja a konektá 7 hit i kometé 1 eror.
Survivors a gradisí tur ku e koperá ku e torneo.

Botika Mampuritu ta sorprendé Domi ku skor di 6-5 den Liga Amistad

WILLEMSTAD - Nos Ku Nos, Botika Mampuritu a tumba un grandi djadumingu último na Ricardo Elhage Ballpark. Nos ku Nos ku picheo di Angel Brunken a dal e fuerte ekipo Domi 6-5.

RESULTADONAN
Botika Mampuritu 6, Domi 5
Botika Mampuritu a dal 5 hit i kometé 1 eror. Angel Brunken a gana i Sedney Clementina a bati di 3-3.
Domi a konektá 9 hit i hasi 1 eror. Ellerick 'Zoontje' Rodriguez a resultá e picher pèrdèdó i David Kirindongo a bati di 3-2. David Kirindongo tabatin un homerun.

Revelation Stars 12, Molester 0
Revelation Stars a konektá 11 hit i hunga sin kometé eror. Railison Gijsbertha a gana i Merieldo Trinidad a bati di 2-2. Revelation Stars a dal 5 homerun. Irving Sambo, Jair Josepha, Railison Gijsbertha, Merieldo Trinidad i Ludwig Pietersz a dal un homerun.
Molester a bati 5 hit i kometé 4 eror. Giovanni Maduro a pèrdè i Elton Richardson a bati di 2-2.

Revelation Stars ta nòkout Molester fásil ku skor di 13-0 den Liga Amistad

WILLEMSTAD - Revelation Stars ta sigui invikto den Liga Amistad. Djadumingu nan a pasa fásil riba e ekipo Molester den kontinuashon di Liga Amistad. E ekipo di Wim Felicia ta moviendo fásil.
Mester apuntá ku Revelation Stars mester topa Veteranos ainda. Revelation Stars ya a gana e ekipo di Domi kaba.

NOS KU NOS
Botica Mampuritu (Nos ku Nos) a sorprendé Domi ayera na Ricardo Elhage Ballpark.
E ekipo di famia Brunken ku refuerso di entre otro Germaine ‘Strak Strak’ Brunken a dal Domi djadumingu.

The Bears ta laga Vosama dos biaha den tereno

WILLEMSTAD - The Bears ekipo invikto den Beisbòl Veterano a gana Vosama dos biaha djasabra.
The Bears mester a terminá un wega ku Vosama tabatin ganá ku skor di 20-16 faltando un inning. Ke mèn Vosama tabatin mester di tres out pa gana e wega. The Bears ta logra nota 4 kareda pa empatá pa despues nota un kareda pa laga Vosama den tereno 21-20.

The Bears 18, Vosama 4
Den e otro wega The Bears ta bati Vosama 18-4. Vosama komo ekipo di kas a keda den tereno, debí ku nan a entregá e wega aki.

Ku tremendo picheo atrobe di Naai Hooi, Destroyers ta dal Swift 12-7

WILLEMSTAD - Naai Hooi a habri i tira wega kompletu pa Destroyers gana Swift ku skor di 12-7 den Liga van Engelen.
Irving ‘Skippy’ Sambo a bati homerun pa Destroyers djadumingu ultimo na Suvek Ballpark.
Den otro weganan Lions a gana Navegantes, Jaws a nòkout Quisqueya i Baranka a nòkout Uniko.

CRAZY TIGERS
E ekipo Crazy Tigers a sorprendé Dalpega ganando ku skor di 12-7 djadumingu mainta tempran.
Crazy Tigers ku ta hungando bon e aña aki a tumba un grandi.

SWIFT
E ekipo a habri ku Joey Balentina ku ta èks hungadó di Destroyers, pero Joey no a logra. Donovan Seferina a releva Joey siguí pa Johan Cicilia ku a kaba e wega.

Montanja a nòkout Sint Joris den Torneo di Bario i Banko

WILLEMSTAD - Montanja ku picheo atrobe di Jair Josepha a gana den e torneo di bario organisá pa Survivors.
Ku viktoria di 21-8 riba Sint Joirs, Montanja ta gana. E bate di e grandinan di Sint Joris no a funshoná djabièrnè.

Sint Joris tabata pèrdi 12-2, despues 12-8 pero Montanja ta bati formal kombiná ku algun eror i ta habri e wega for di otro pa finalmente gana e wega 21-8.

OTRO WEGANAN
CITCO a klasifiká pa final ganando di BNA ku skor grandi 20-4. Den un wega amistoso GiroBees a logra gana SBAB den un enkuentro di Sòftbòl Femenino Komersial.

Suffisant Eagles ta gana den debút di Sòftbòl Femenino

WILLEMSTAD - Suffisant Eagles ekipo di Yambo i Shai Ustatia den Sòftbòl Femenino Dòbel A a gana den nan debút den Sòftbol Dòbel A na Sabana Ballpark djabièrnè anochi.

Suffisant Eagles a gana The One (un di nan rivalnan) ku skor di 4-3. Suffisant Eagles ekipo nobo den Sòftbol Femenino a keda lanta pa Shai Ustatia na komienso di e aña aki.

Torneo entre banko- i barionan a start na Suvek Ballpark

WILLEMSTAD - E tan sperá torneo entre banko i barionan a start djabièrnè anochi na Suvek Ballpark.
E torneo ta organisá pa e ekipo di Fastpitch Survivors. E torneo ta terminá 21 di ougùstùs.

WEGANAN
Djabièrnè 7 di ougùstùs (Suvek Ballpark);
19.30 RBTT 1, – MCB 15
21.00 Jandoret 16 - Sint Joris 17 (Gan. A 1);
22.30 Brievengat 5 - Montana 13 (Gan. A 2).

Catpower ta dal Rising Trotters 8-7 den Liga 40 ku Naai Hooi pichando pa Trotters

WILLEMSTAD - Catpower ku hit di Sherman ‘Cai’ Leonora ta gana Rising Trotters ku skor di 8-7 djamars anochi den kontinuashon di Liga 40.
E wega tabata unu tremendo i bon bringá.
Rising Trotters a habri ku Lesley Martina i na momentu ku e wega a bira 3-3 Naai Hooi a drenta tira un base por bola pa despues saka tres out.

Baranka 24, Q-Rangers 4
Baranka a bati 21 hit i hasi 1 eror. Albertico Isenia a gana. E rumannan Gregory i Sendley Reina a bati di 3-3-.
Albertico ‘Tico’ Isenia di 2-2. Edmar Cornelia i Sendley Reina a konektá un homerun.
Q-Rangers a konektá 7 hit i hasi 6 eror.
Kenneth Jonis a resultá e picher pèrdèdó i Thomas di Senda a a bati di 2-2.

Padres di Donata Fullinck ta zona Los Unidos ku skor di 22-10 den Liga Amstel

WILLEMSTAD - Padres tabata sólido djasabra atrobe ku un viktoria relatívamente fásil kontra Los Unidos.
Padres ta den e lidernan di Liga Amstel.

RESULTADONAN
Padres 22, Unidos 10
Padres tabatin 20 inkogibel i nan a pifia na 2 okashon.
Anthony Servanie a bai ku e viktoria
Wensley Ansano a bai di 4-4, inkluyendo 1 homerun.
Merieldo Trinidad tambe a konektá 1 homerun.
Unidos a bati 11 hit i nan a kometé 4 eror.
Sudangelo Williams a pèrdè i Jonathan Martijn a bai di 4-3.
Ludwig Pietersz a konektá 1 bataso di kuater skina.

Swift, Destroyers i Baranka empatá na promé lugá den Liga van Engelen

Swift tabata number unu den Liga van Engelen te ku djadumingu último.
Nan a pèrdè kontra Jaws ku skor di 3-2 djadumingu i awor tin un tripel empate na promé lugá.
Skèdjel di buèlta number 2 a sali i tur djadumingu 4’or ta wega kandela tin manera ta e kaso tur aña.

STANDING
Swift 7-2
Destroyers 7-2
Baranka 7-2
Jaws 6-3
Dalpega 6-3
Uniko 5-4
Crazy Tigers 4-5
Lions 2-7
Navegantes 1-8
Quisqueya 0-9

Liga van Engelen ta sigui awe ku 4 wega. Pa 4’or Jaws di Kid Boca Chica ku ta ganando sin fin último weganan lo topa ku Destroyers di Win Celestina.

Scharloo a dal Bombers 16-7 den Liga Amstel djasabra na Suvek Ballpark

WILLEMSTAD - Liga Amstel a sigi djasabra ultimo na Suvek Ballpark ku 6 wega.
Den e wega di siman, Scharloo a dal Bombers relativamente fasil 16-7.
E Dominikano Luis Alcantara a picha den gran forma pa Scharloo gana e wega. Dugel Adriana a bati di 3-3 ku un homerun pa Scharloo. Pa Bombers Kenny Hellement a pèrdè.
Den kurso di siman nos lo tin e otro resultadonan.

LIGA AMISTAD
Den e ‘Game of the Week’ den Liga Amistad e ekipo di Wim Felicia Revelation Stars a gana Magic di Leonel Privania 9-4.
Magic tabata di fiesta i tabata selebrá te den 4 inning ganando 4-0, pero Revelation Stars a boltu e skor pa gana e wega.
Un wega bon bringa ta den e parti final.

Jaws White Label a gana Swift 3-2 djadumingu mainta

WILLEMSTAD - Jaws White Label ku tremendo picheo di Rodney Windster a gana Swift 3-2 djadumingu mainta den Liga van Engelen na Suvek Ballpark.
Ku base yen den ultimo inning e picher relevo Donovan Seferina ta tira base por bola ku base yen pa Jaws nota e kareda di viktoria lagando Swift den tereno.
Den otro wega Destroyers a nokout.

E situashon den Liga van Engelen ta perta pa loke ta trata e prome puestonan. Swift, Baranka i Destroyers tin dos perdi mientras Dalpega i Jaws tin 3 wega pèrdí.

Ku 4 homerun di Edmar Cornelia, The Bears ku dos blackout den fin di siman notando 55 kareda

WILLEMSTAD - The Bears di sponser pa The Bear Armored tabata brabu den wikent den beisbol veterano. E ekipo di Archie Davelaar a suta Amstel ku skor di 35-5 djasabra i djadumingu a dal Eagles 20-4. 55 kareda The Bears a nota den fin di siman.

EDMAR CORNELIA
Edmar ‘Boy Motor jr’ Cornelia tabata grandi ku 4 homerun den wikent.
Djasabra Boy Motor a dal 2 homerun den mesun inning kontra Amstel i djadumingu atrobe Boy a dal 2 homerun kontra Eagles.
E homerun number 4 di Boy den wikent tabata den tereno.
Den otro weganan Nos Union a gana Surprise perta 10-9 djasabra. Djadumingu mainta Yesterday ku ta den gran forma a gana Veteranos Otrabanda fasil i atardi Santa Rosa a dal Vosama 10-5.