Revelation Stars i GGD a empatá serie final djadumingu na Trai Seru

WILLEMSTAD - Revelations Stars a gana e promé wega 14-11, GGD ta sali viktorioso den wega number dos 11-5 ayera den e serie final di Liga Amistad na Cirilo Chirino Ballpark.
E weganan mester a tuma lugá Ricardo Elhage Ballpark, pero debí na mal estado di tereno e wega a bai Cirilo Chirino Ballpark.

Apesar di e kambio di tereno un bon públiko a akudí na Cirilo Chirino Ballpark pa mira e promé dos partidonan di e serie final.
E wega finalísimo lo tuma lugá mayan 12’or di mèrdia na Ricardo Elhage Ballpark na Zapateer.

NUMERITONAN
Wega no. 1
Revelation Stars 14, GGD 11
Revelation Stars a bati 15 hit i nan a kometé 2 eror.
Raylison Gijsbertha tabata picher ganadó, miéntras Robert Anastacia di 4-4.
Jair Josepha a konektá 2 homerun.
Urvin Sambo i Abigail Vilchez a konektá unu.
GGD a bati 17 hit i nan a hasi 2 eror.
Juan Cicilia tabata pèrdèdó i Bertrand Peters a bai di 4-3.
Bertrand Peters a konektá 2 homerun i Norvaniel Aniseta unu.

Domi ta retirá for di kampionato Liga Amistad 2009

WILLEMSTAD - E ekipo Domi di un manera sorprendente a retirá for di kampionato Liga Amistad 2009.
Domi tabata den play-off luchando fuerte pa rekuperá e titulo ku nan a logra nan 2007.

For di djasabra rumornan a kore ku Domi lo retirá for di kampionato. Ayera un persona hopi ligá ku direktiva di Liga Amistad a konfirmá pa nos ku Domi lo no partisipá mas i GGD lo bai final direkt ku Revelation Stars djadumingu awor.

GGD ta laga Veteranos den tereno i ta klasifiká pa final di Liga Amistad

WILLEMSTAD - Norvaniel Aniceta a dal homerun di tres kareda pa laga Veteranos den tereno djadumingu 5 di desember 2009 na Ricardo Elhage Ballpark.
Ku e viktoria aki GGD ta klasifiká pa final di Liga Amistad 2009. GGD lo enfrentá Revelation Stars djadumingu awor na Ricardo Elhage Ballpark.

Tabata un wega bon bringá for di komienso te final.
Den di 6 inning GGD tabata ganá 5-4, pero Veteranos ta empatá riba homerun di Mayron Martinus. Den último chèns Norvaniel Aniceta, ku a drenta na lugá di Gedion Sambo ku a move debí ku tabatin un break basta largu, a konektá un homerun. E wega a keda suspendé basta ratu debí na un palu di awa ku a kai ayera na Zapateer.

Wega kandela entre GGD i Veteranos djadumingu awor na Zapateer

WILLEMSTAD - E serie entre GGD i Veteranos den play-off di Liga Amistad ta kandela.
GGD a gana e super ekipo Veteranos ku ta kampion di Liga Amistad 2008.
GGD a gana djadumingu ku skor di 9-7 den un wega emoshonante ku a bai 9 inning (dos inning di Tie Break).
Gregory Martijn, Ryan Ilario i Urly Sling a destaká pa GGD den e wega aki.

DJADUMINGU
Dia 6 di desèmber e serie ta kontinuá 12’or di mèrdia na Ricardo Elhage Ballpark.
Si Veteranos gana lo hunga un wega desisivo despues di e promé wega. Den kaso ku Veteranos perde GGD lo enfrentá Domi mesorá

Jandoret Raiders i MCB kampion kompetitivo i komersial Liga Un i Tur

WILLEMSTAD - Jandoret Raiders Botika de Savaan a bira kampion den e sekshon kompetitivo di Liga Un i Tur djasabra último ganando Bou di Palu den dos wega stret ku skornan di 13-4 i 19-9.
MCB a bira kampion den komersial femenino derotando Selikor 5-4 i 7-5. Djaweps anochi tin e wega desisivo entre Refineria Isla i MCB maskulino i despues entrega di premio.

Djasabra 28 di novèmber
Jandoret Raiders 13, Bou di Palu 4
E ekipo Jandoret Raiders a bati 16 hit i nan a kometé 2 eror.
Picher ganadó tabata Willem Felicia i Ludwig Pietersz a bai di 2-2.
Ludwig Pietersz a konektá 2 homerun, miéntras David Kirindongo, Sherdon Rombley i Yensi Lopez a konektá 1.
Bou di Palu tabatin 7 hit i nan a hasi 1 eror.
Rignald Hooi tabata pèrdèdó i Sevard Seferina a bati di 4-2.