Sunday, February 28, 2010

Rekordando ekipo Run Runners di spònser paDidi ku a pone drama aña 2000 i 2001

WILLEMSTAD - Sòftbòl Klup Thrillers i Anthony Leonora ta rekordá nan spònser un tempu sra. Didi (QEPD).
Didi tabata un señora ku tabata stima e ekipo Run Runners sin fin i tabata spònser prinsipal di e ekipo durante añanan super eksitoso.

Den pechu òf den lomba di e kamiseta tabatin letranan Didi we Love You, i Didi Bo So Por.
Nos ta resumí e títulonan di Run Runners durante aña 2000 i 2001.

Aña 2000
Kampion Liga Banana (Kòrsou);
Kampion Torneo Julio Rosa
(Boneiru);
Kampion Torneo Lions (Boneiru);

Kampion Torneo The Enemies (Boneiru);
Kampion Kopa Basora
(Kòrsou);
Kampion Creme de La Creme (Kòrsou);
Kampion de Los Kampiones (Kòrsou)

Aña 2001
Kampion Liga Banana (Kòrsou);
Kampion Torneo Domi

Lions (Kòrsou);
Kampion Torneo The Enemies (Boneiru);
Kampion Torneo Survival (Aruba);
Kampion Liga Trai Seru (Kòrsou);
Kampion Kopa Basora (Kòrsou);
Kampion Creme de La Creme (Kòrsou);
Kampion de Los Kampiones.

Sòftbòl Fastpitch Maskulino ta sigui djaluna na Suvek

WILLEMSTAD - Djaluna buelta number tres di Sòftbòl Maskulino Fastpitch ta sigui na Suvek Ballpark. Ta último buelta di kam-pionato regular pa despues start ku play-off page-
system entre e promé kuater ekiponan.

Djaluna pa 7.30’or Harlem Power ta topa Carpatula i despues pa 9.30’or Clase Aparte ta topa Suffisant Eagles.

Djamars 2 di mart
7.30’or Clase Aparte - The Eagles
9.30’or Survivors - Harlem Power
Weganan di buelta number tres ta hunga djaluna,
djamars i djaweps.

Prison Onderwijs i Dok kampion Torneo Refineria Isla 2010

WILLEMSTAD - Prison Onderwijs a gana Polis 3-1 den femenino, Dok a derotá Hucor 11-8 pa asina bira kampion Torneo Komersial Refineria Isla 2010.
Un públiko grandísimo a akudí na Stadion Post 6 pa mira e enkuentronan aki.
Dok a hunga kontra Hucor e promé wega despues Prison/Onderwijs a dal Polis.

E púbiko a gosa un bòl di e dos weganan. E partidonan por a bai tur dos banda.
Prison Onderwijs a hinka tres kareda den un inning pa derotá Polis.
Hucor tabatin bon oportuni-dat pa gana e weg, pero nan a keda kòrtiku.

Sunday, February 21, 2010

Ekipo Terremaster buskando dos ekipo mas pa Torneo Kopa Pim Fangman

WILLEMSTAD - “Debi ku e ekiponan di Douane tantu femenino i maskulino a kai afo, nos tin mester di dos ekipo pa drecha no skèdjel bèk.
Douane a kai afo último momentu i nos skèdjel a keda desbalansá.
Nos mester buska dos ekipo pa kos kana nèchi.
Skedjel ta riba merkado kaba
i otro siman djabièrnè mester start”, Rene Hooi presidente di Terremaster organisadó di e torneo a konta la Softballcuracao.com

Anthony Leonora no ta manager mas di Dalpega

WILLEMSTAD - Anthony Leonora no ta manager mas di Dalpega.
E veterano manager a yama nos i bisa ku for di aña pasá e no ta manager mas.

Anto: “ For di komienso mi a pone ku si mi no logra yega final lo mi no bolbe bèk komo manager. Ta mi mes a baha i bisa nan buska un otro manager. Den tim tin yen di hungadó ku por fungi komo manager.
E intenshon tabata pa mi keda den direktiva, pero despues di algun evaluashon mi a disidí ku mi ta keda for di direktiva tambe.
Tur kos a bai nèchi i no tabata niun problema. Mi ta keda aktivo den Slowpitch.”

Survivors ta gana Harlem Power 8-5 den Sòftbòl Fastpitch

WILLEMSTAD - Survivors ku picheo di e hoben Richene Martina ta gana Harlem Power ku skor di 8-5 den kontinuashon di Sòftbòl Maskulino Fastpitch.
Den wega number dos e ekipo Clase Aparte ta gana su ekipo ruman Awa Limpi pa defolt.

Survivors 8, Harlem Power 5
Survivors a dal 4 hit i a kometé 1 eror.
Richene Martina a gana i Stanford Landburg a bati di 3-2.
Harlem Power a dal 7 hit i kometé 2 eror.
Edison Sambo a resultá e picher pèrdèdó i Erling Gosepa a bati di 2-2.

Randy Kirindongo lider den homerun i Rigene Martina mihó averahe

WILLEMSTAD - Softballcuracao.com a risibí algun sifra di e kampionato Sòftbòl Maskulino Fastpitch.
Den bateo Rigene Martina di Survivors tin averahe di .667
Djuric Pietersz di Suffisant Eagles tin average di .615
Anthony Leonora di Survivors tin .500.
Wentily Silberie di Clase Aparte tin averahe di .474.
Den homerun Randy Kirindongo ta lider ku 3 homerun i Sudangelo Willems tin 2.

Kampion de Los Kampiones no ta sigui e aña aki mas

WILLEMSTAD - E torneo Kampion de Los Kampiones ku mester a tuma lugá durante e torneo di Swift a keda suspendé.

Nos a kombersá ku Pim Fangman ku a bisa ku ekiponan ta bira pa partisipá.
Pim: “Nan ta konfirmá despues nan ta bisa nan tin ku bai wak, último ora un otro ekipo a kai afo. Otro aña nos ta purba pa laga e kampionnan kompetí kontra otro.

Saturday, February 13, 2010

Vernon Isabella, manager ku rekòrt impreshonante den Little League

WILLEMSTAD - Den edishon number 157 Revista Deportivo Korsou a kombersá ku Vernon Isabella, dirigente di Little League destaká ku 7 titulo di Karibe siguí, un título Mundial i varios premio grandi mas den su karera komo dirigente.
Softballcuracao.com lo reprodusi e entrevista aki pa nos lesadonan.

Dia 10 di desèmber 2009, Maduro & Curiels Bank a skohe Vernon Isabella komo Personahe di Aña 2010. Un logro gandi pa un hóben dirigente ku a logra hazaña sin presedente komo coach riba nivel di Little League.
Nos lo laga abo, lesadó, sera konosí ku Vernon Isabella djaserka.

VERNON ISABELLA
Vernon Vicento Isabella a nase na Kòrsou, dia 27 di òktober 1981 i ta biba na Cyprusweg 24. Vernon ta traha komo sportleider na Fundashon Sedreko. E ta-lentoso coach i hungadó di beisbòl ta yu di señora Ludmila Isabella i Erwin Pourier.
Vernon a konta Revista Deportivo Kòrsou ku ela haña e nòmber di Tripel A dor ku tempu e tabata chikí i tabata trein den e organisa-shon di Santa Maria serka Frank Curiel semper e tabatin un flanel i un pèchi di Tripel A (Kantor di Number) bisti.
Vernon: "Tur training mi tabata bai ku e pèchi i flanel sin falta ningun, tur biaha ku e pèchi i flanel. Pa e coachnan i Frank por yama bo i hala bo atenshon mas fásil nan tabata yamami Tripel A. Un tanta di mi tabata traha na kantor di number Tripel A i ela trese e flanel pa mi."
Ludmila Isabella mama di Vernon no a hasi deporte, miéntras Erwin Pourier a hunga bon futbòl den Vesta i otro ekiponan i tambe e ta hungando den Futbòl Veterano aworaki.
"Mi tio Oswald 'Yuchi' Isabella a hunga beisbòl i Sòftbòl i ainda e ta hunga tantu Sòftbòl Slowpitch komo Beisbòl Veterano", Vernon 'Tripel A' Isabella a sigui konta Revista Deportivo Kòrsou den un entrevista for di Frank Curiel Ballpark.

Edison Sambo ta tira no hit no run pa Harlem Power gana Carpatula 10-0

WILLEMSTAD - E picher veterano Edison Sambo a tira tremendo ayera pa su ekipo Harlem Power gana Carpatula 10-0 den kontinuashon di Sòftbòl Maskulino Fastpitch djarason, 10 di februari na Suvek Ballpark..

Harlem Power 10, Carpatula 0
Harlem Power a dal 10 hit i hunga sin kometé eror.
Jarl Hariquez a baii di 2-2. Merieldo Trinidad tabatin un homerun. Carpatula no a bati hit i a kometé 1 eror. Angel Brunken a pèrdè.

Survivors 13, The Eagles 9
Survivors a bati 13 hit i kometé 2 eror. Edward Pieternella a resultá e picher pèrdèdó i Urly Sling a bati di 2-2. Curby Brunken a konektá un homerun ku base yen.
The Eagles a dal 7 hit i kometé 1 eror. Shahairy Ustacia a pèrdè i Remy Janga bati di 2-2.

Play-off Torneo Refineria Isla ta start djaweps 18 di februari

WILLEMSTAD - Skèdjel di play-off Torneo Refineria Isla a sali.
Weganan ta start djaweps otro siman despues di Karnaval.


EKIPONAN
Den Femenina a klasifiká e siguiente ekiponan:
Pul A: Prison/Onderwijs i Polis;
Pul B: BAB i BDO;
Pul C: Kooyman i MCB Fatum.

Den Maskulino a klasifiká:
Pul A: Hucor i Polis;
Pul B: CDM i SVB;
Pul C: Prison Onderwijs i MCB;
Pul D: CITCO i Selikor.

Thursday, February 11, 2010

Mayoria ekipo ya a konfirmá nan partisipashon pa Kampion de Los Kampiones

WILLEMSTAD - Kasi tur ekipo a konfirmá pa hunga Kampion de Los Kampiones di Swift Amstel Tournament. Segun Pim Fangman ta e representante di Liga Amistad so lo no partisipá.

Ekiponan ku a konfirmá nan partisipashon ta Swift di Liga van Engelen, Skarlo di Liga Amstel, Kima Liga di Liga Polar.
Jandoret Raiders i Revelation Stars ta pendiente di reuni den nan seno.

SWIFT AMSTEL CHALLENGE
Pa loke ta trata e parti kompetitivo ekiponan grandi manera Swift, Baranka, Dalpega, Cicoza i Destroyers lo partisipá.
Swift ta pendiente di algun ekipo grandi mas pa sera e pulnan.

PREMIO
Manera semper e torneo aki tin premionan kèsh pa ekiponan ku sali ganadó.
Den pasado ekiponan kampion a risibí nafl. 3000,- i nafl. 2500,- komo premio.
La Prensa Slowpitch ta pendiente mas informashon di e organisadónan.

Suffisant Eagles a dal Survivors fásil 7-1 ku no hitter di Norman Lucacius

WILLEMSTAD - Suffisant Eagles ta sigui gana den Sòftbòl Fastpitch.
Djamars e ekipo di Jambo Ustacia ku tremendo picheo atrobe di Norman Lucasius a gana Survivors di Sendley Reina ku skor di 7-1.
Norman Lucasius a tira un no hitter.

E promé wega entre The Eagles i Awa Limpi no a tuma lugá. Awa Limpi no por a kompletá e hungadónan pa start wega.

NUMERITONAN
Suffisant Eagles a nota 7 kareda, bati 8 hit i kometé 3 eror. Norman Lucasius tabata e picher ganadó. Sevard Seferina i Jair Josepha a bati di 3-2. Survivors a nota 1 kareda i no a konektá hit i nan a hasi 3 eror. Haime Margaritha a resultá e
picher pèrdèdó di e wega.
Djarason e kampionato a sigui ku dos wega.

Tuesday, February 9, 2010

Suffisant Eagles ta sweep Double Header djasabra den Sòftbòl Fastpitch

WILLEMSTAD - Sòftbòl Fastpitch a sigui djasabra último ku 5 wega.
Pa promé biaha a hunga Sòftbòl Fastpitch riba djasabra e temporada aki.
E ekipo number unu di Sòftbòl Fastpitch Maskulino di Kòrsou, Suffisant Eagles, a dal Carpatula 10-6 i nan ruman chiki The Eagles ku skor di 9-6.

RESULTADONAN
Djasabra 6 di febrüari
Carpatula 6, Awa Limpi 0
E ekipo Carpatula a bati 8 hit i nan a kometé 1 eror.
Angel Brunken tabata picher ganadó, miéntras Gavanee Virginie a bati di 2-2.
Leroy Anthonia tambe a bai di 2-2.
Awa Limpi tabatin 2 hit i nan no a hasi eror.
Raylison Gijsbertha a resultá pèrdèdó i e mes a bai di 1-1.
Rishendro Martis di 2-1.

Sunday, February 7, 2010

Reunion en konekshon ku Torneo Kopa Pim Fangman

WILLEMSTAD - Ekipo Terremaster ta invitá tur ekipo ku a inskribí pa torneo Kopa Pim Fangman na un reunion ku lo tuma lugá djamars 9 di febrüari na Klup UTS na Regentesselaan.

E reunion ta programá pa start 7.30’or. Terremaster a manda un invitashon pa ekiponan i huntu ku e invitashon a manda e reglamentu di e
torneo. Ta pidi ekiponan pa lesa i reglanan i bini ku eventual preguntanan tokante di esaki.

Tambe ekiponan lo risibí e lista di ekiponan ku a konfirmá i esnan ku ta pen-diente

Seis ekipo femenino i ocho ekipo maskulino a klasifiká den Torneo Isla

WILLEMSTAD - Softballcuracao.com a risibí informashon di e ekiponan ku a klasifiká den e grandioso Torneo Komersial Refineria Isla.
Seis ekipo di e sekshon femenino i ocho di maskulino a klasifiká.
E play-off lo start despues di temporada di karnaval.

EKIPONAN
Den Femenina a klasifiká e siguiente ekiponan:
Pul A: Prison/Onderwijs i Polis;
Pul B: BAB i BDO;
Pul C: Kooyman i MCB Fatum.

Den Maskulino a klasifiká:
Pul A: Hucor i Polis;
Pul B: CDM i SVB;
Pul C: Prison Onderwijs i MCB;
Pul D: CITCO i Selikor.

Douane/CEMS a gana CPS/Haf ku skor di 13-5 ayeranochi den Torneo Isla

WILLEMSTAD - Douane/CEMS a gana CPS/Haf relatívamente fásil ku skor di 13-5 ayeranochi na Stadion Post 6.
Tabata e último wega di e buèlta regular di Torneo Komersial Refineria Isla 2010. Despues di Karnaval lo start ku play-off.

Djaluna 1 di februari
Douane/CEMS 13, CPS/Haf 5
Douane/CEMS a konektá 16 hit i hasi 2 eror. Faisel Pereira a gana i Benjamin Bikker a bati di 4-4.
CPS a konektá 10 hit i a hasi 5 eror. Dudley Penso a pèrdè i Geofrey Nicolaas a bai di 3-3.

Buena Vista Power kampion Torneo Kopa Joy Alberto 2010

Buena Vista Power a selebrá nan di 7 título den 9 aparashon di Torneo Kopa Joy Alberto
WILLEMSTAD - Buena Vista Power, ekipo super kampion di Torneo Kopa Rotativo Joy Alberto 2010, a selebrá e titulo aki en grande. Nan a gana e organisadonan Baranka ku skor di 8-2 den e gran final.

FINAL
Buena Vista Power 8, Baranka Napa Auto Parts 2
Buena Vista Power a konektá 13 inkogbel i nan a pifia na 2 okashon.
Jo-Andy Balentina a bai ku e viktoria.
Sharlon Schoop i Ardley Jansen a bati di 2-2.
Baranka Napa Auto Parts a bati 7 hit i nan a hunga impekabel.
Kenny ‘Refuse to Win This Time’ Hellement a sufri e derota i Edrion Regina a bai di 3-3.