Sunday, March 21, 2010

Historia di Kenley Jansen, kètcher ku a bira picher i ta destaká den Dodgers

Softballcuracao.com a saka un entrevista for di Revista Deportivo Korsou di febrüari 2010 pa laga nos lesadónan sera konosi ku e tremendo prospekto aki di Los Angeles Dodgers.
Ta trata di un hoben yu di Korsou kètcher ku a keda konverti den picher i tin hopi eksito den poko luna komo picher.

ENTREVISTA
Den edishon number 159 di Revista Deportivo Kòrsou, nos lo laga abo sera konosí ku Kenley Jansen, prospekto picher di e organisashon di Los Angeles Dodgers. Kenley Jansen lo ta riba e roster di 40 di e ekipo Los Angeles Dodgers pa loke ta trata Spring Training 2010 di Grandes Ligas di Beisbòl. Kenley Jansen lo mira aktuashon kontra ekiponan di Grandes Ligas durante Spring Training despues di e tira apénas un luna den Liga Menor di Dodgers, e ekipo di klase A haltu Inland Empire.
Fanátiko di Deporte i di Beisbòl di Kòrsou keda pendiente pa e èks-kètcher i awor picher di Beisbòl Profeshonal Kenley Jansen ku ta tira un rekta di 95 miya i tin ora ta tira 99 i 100 miya pa ora.

KENLEY JANSEN
Kenley Jeronimo Jansen a nase na Kòrsou, 30 di sèptèmber 1987 i ta biba na Kaya Kokolishi 74. Kenley ta midi aworaki 6 pia 5 (1 meter 97) i pisa 255 liber.
Kenley a bai Berg Carmel College i despues PLTS.
E tremendo prospekto picher ta yu di Isidro i Bernadette Jansen. Kenley tin dos ruman hòmber, Verni Jansen di 31 aña i Ardley Jansen di 27 aña.
Kenley: “Verni Jansen ta hunga basket i tin e tim Bandits huntu ku algun amigu. Verni Jansen, mi ruman a lanta e tim. Ardley Jansen ta hunga beisbòl den selekshon i den Santa Maria Pirates.
Antes e tabata profeshonal ku e ekipo di Atlanta Braves den Liga Menor manera mayoria hende ku ta sigui beisbòl na Kòrsou sa.
Verni a hunga un tiki beisbòl pero semper tabata mas interesá den basket.
Dor ku Ardley ‘Archie’ Jansen tabata un èksprofeshonal ku a hunga ku Atlanta Braves mi a siña masha hopi for di dje. E tabatin un bon imagen i ela splikami hopi kos.
Mi tata tabata hunga futbòl antes. Ela hunga un tiki beisbòl tambe. Mi mama a praktiká e deporte di vòli.”

Thursday, March 18, 2010

Suffisant Eagles, Survivors, Harlem Power i Clase Aparte ta klasifiká

WILLEMSTAD - Sòftbòl Fastpitch a sigui ayeranochi na Suvek Ballpark ku dos wega.
Scaramouchenan a sigui djamars anochi, pero e biaha aki sin bringamentu.

Den e promé partido e ekipo di Eagles a kaba ku speransanan di Carpatula.
Shai Ustacia a tuma e bala i tira balente pa su ekipo The Eagles gana fásil.
Ku e viktoria aki Eagles i Carpatula ta terminá kam-pionato ku rèkòrt di 9-9, mesun rèkòrt ku Clase Aparte i e último ekipo aki ta klasifiká debí ku nan a gana Carpatula dos biaha durante kampionato.

KLASIFIKASHON
Ekipo Suffisant Eagles, Survivors, Harlem Power i Clase Aparte a klasifiká pa paly-off. Djaweps probablemente e play-off ta start entre Suffisant Eagles number 1 kontra Survivors number 2. Despues lo hunga Harlem Power kontra Clase Aparte.

NO MAS NO MAS
Pim Fangman motor tras di Fastpitch Maskulino a bisa djamars ‘NO MAS NO MAS’ Stail di Roberto Duran un tempu. Pim a kansa.

Swift, Run Runners, Dalpega, Destroyers i Jaws invikto den Swift Amstel Challenge

WILLEMSTAD - Swift, Run Runners, Dalpega, Destroyers i Jaws ta invikto den Swift Amstel Challenge Tournament.
E torneo lo finalisá e wikènt aki na Suvek Ballpark.
Nos tin standing i algun resultado di weganan di siman pasá.

STANDING
Pul A KF KK
Swift 4-0 48 30
Cicoza 3-1 66 36
Crazy Tigers 2-2 43 25
GGD 1-3 38 58
Gamers 0-3 9 55

Pul B
Run Runners 3-0 50 30
Baranka 3-1 41 31
Unviversity 2-1 30 18
Teremoto 1-3 34 39
Jaws 0-4 23 60

Wednesday, March 17, 2010

Arlyson Rodriguez a tira no hit no run pa Santa Maria Refineria Isla gana Jandoret Jeep den Minor League Liga Pabou

WILLEMSTAD - Arlyson Rodriguez a bolbe tira no hit no run pa su ekipo Santa Maria Refineria Isla gana di Jandoret Jeep ku skor di 12-0 den Liga Pabou divi-shon Minor djasabra siman pasá.
Awe nos tin resultadonan di Liga Pabou.

Sta. Maria 12, Jeep 0(ML)
Sta. Maria a bati 12 hit i nan a hunga sin eror.
Arlyson Rodriguez a gana, miéntras Rejeanot Jansen tabata e mihó batidó.
Jeep no tabatin hit i nan a hasi 1 eror.

Tuesday, March 16, 2010

Reunion di Torneo SBAB 2010 awe na ofisina di Belasting na Regentesselaan

WILLEMSTAD - Reunion di Torneo SBAB 2010 ta sigui djamars 16 di febrüari na ofisina di Belasting na Regentesselaan. Tin 5 ekipo ku no a logra entregá lista ainda.
E komishon organisadó ta pidi e ekiponan aki pa por fabor entregá e listanan den kurso di awe pa evitá bruashon.
Ta pidi tambe pa ekiponan paga e suma di inskripshon djamars

TORNEO SBAB
Torneo SBAB lo start djasabra 3 di aprel i lo
terminá djadumingu 2 di mei. Manera ta kustumber mas ku 50 ekipo ta partisipá na Torneo SBAB ku tur aña ta bira un éksito rotundo.
Tur aña a e torneo ta bira mas grandi.
E aña aki lo ta di 5 torneo Soshal di SBAB i e torneo lo ta kargá ku sorpresa.

LPO i Dok ta sigui otro siman den Torneo Terremaster

WILLEMSTAD - LPO a gana RBTT den un tremendo partido 8-4, Dok mester a lucha pa gana e ekipo Hucor den último inning den Torneo Pim Fangman organisá pa Terremaster.

RBTT a sali dilanti kontra LPO bayendo ariba 2-0.
LPO ta nota 4 kareda i tuma bentaha 4-2. RBTT ta empatá 4-4 i den nan último chèns LPO ta nota varios kareda pa bòltu e skor.

DOK
Dok tabata atras kontra Hucor. Jo-Andy Balentina ta drenta den relevo i wanta e ekipo di Hucor. Merieldo Trinidad ta dal un homerun den último innng pa Dok gana pèrtá 6-5.

SBAB ta gana dos wega den fin di siman den Swift Amstel Challenge Tournament

WILLEMSTAD - SBAB ta sigui fuerte den Swift Amstel Tournament.
Djasabra 13 di mart nan a a gana Aqualectra ku skor grandi 14-2 i djadumingu nan a pasa riba Max Power 14-7. Baranka tambe tabatin un bon fin di siman. Nan a gana Teremoto djasabra 12-6 i University 11 ku skor pèrtá 8-7.

Swift Amstel Challenge ta terminá e wikènt aki na Suvek Ballpark.
Djasabra nos tabata na wega i a tuma nota ku e ekipo Latin Caribe a split.
University 11 ta e ekipo nobo formá pa Latinonan i tin varios hungadó di Latin Caribe den e ekipo aki.

Sunday, March 14, 2010

Clase Aparte ta gana Carpatula den Sòftbòl Fastpitch

Djaweps, dia 11 di mart 2010 Wendley Serberie tabata den gran forma atrobe pa Clase Aparte gana su di 8 wega. Wenldey ta manera mr. Everything di Clase Aparte. Picha, bati, bati pa poder pa Clase Aparte por klasifiká.
E situashon ta basta pèrtá debí ku Clase Aparte tin 8 ganá i 8 pèrdí i nan falta un wega mas.
Carpatula tin 7 ganá i 8 pèrdí i Carpatula falta dos wega mas. Falta solamente dos fecha mas pa terminá e kampionato.

Clase Aparte 5, Carpatula 4
Clase Aparte a dal 9 hit i hasi 4 eror. Wendley Serberie a gana i e mes a bati homerun pa yuda su ekipo. Carpatula a dal 5 hit i hasi 3 eror. Angel Brunken a bolbe pèrdè i Hubert van het Kruys a bati di 3-3.

Survivors 8,The Eagles 2
Survivors a dal 9 hit i hasi 2 eror. Richene Martina (subrino di Gregory Martijn) a gana i Sibert Leito a bati di 2-2. The Eagles a bati 4 hit i hasi 1 eror. Shai Ustacia a resultá e picher pèrdèdó i Gilmar Velder a bati di 3-2.

Thursday, March 11, 2010

Souax Softex ta gana Buena Vista Fundashon Sedreko den Sòftbòl Little League

WILLEMSTAD - Souax Softex ku tremendo picheo di Mirielle Torregrosa a gana e ekipo Buena Vista Fundashon Sedreko ku skor di 6-1 djasabra mèrdia na Buena Vista Ballpark.
Den Senior League e ekipo di Soto CMTC a gana dos wega konvinsente. Kimberly Martis a gana tur dos wega pa e ekipo Soto CMTC den Senior League.

Den fin di siman tabatin vários wega na Sabana Ballpark i Buena Vista Ballpark.

MINOR
*Fundashon Sedreko a gana Sta. Rosa Giro Bank 6-2. Ganadó: Chrissiantely Ogenia. Na bate: Urshynnah Domacassé 1-1. Pèrdèdó: Andellys Brunken. Na bate: Sandeline Reina i Andellys Brunken 2-1.
*Oinki a derota Korpodeko Kanga 9-8. Ganadó: Maya-Elena Gonzales. Pèrdèdó: Angela Vilchez. Na bate: Savanna Ellis 2-2 i Genesis Scharbaai 1-1.
*Souax Softex a superá Sta. Rosa Giro Bank 10-8. Ganadó: Kimberly Agard. Na bate: Riyanne Manuela 2-2. Pèrdèdó: Sendeline
Reina. Na bate: Shanee Clemencia i Smisha Clarinda 1-1.
*Souax Softex a gana Oinki Rio Canario 10-0. Ganadó: Kiara Domacassé. Na bate: Kiara Domacassé i Kimberly Agard 3-2. Pèrdèdó: Jeannais Leent.

Wednesday, March 10, 2010

Radio Kriyoyo ta gana Seguros Brouwer den Minor League den Little League Liga pabou

WILLEMSTAD - Little League Liga Pabou a sigui den wikent ku va-rios wega na Frank Curiel Ballpark, Shon Ki Nicasia Ballpark i Jandoret Ballpark. Den e wega di djabièrnè atardi Santa Maria Radio Kriyoyo dilanti un bon públiko a gana Seguros Brouwer ku skor di 4-2.


RESULTADONAN
Djabièrnè 5 di mart
Frank Curiel Ballpark.
Sta. Maria Radio Kriyoyo 4, Seguros Brouwer 2(ML)
Sta. Maria Radio Kriyoyo a bati 2 hit i nan a hasi 1 eror.
Denzil Gregg a gana, miéntras Tilsainy Melfor i Ruwensley Bonifacio a bai di 2-1.
Seguros Brouwer tabatin 3 hit i nan a hunga sin eror.
Rachid Hooi a pèrdè i na bate Ceclion hanze i Nathan Lopez a bai di 1-1.

Sta. Maria Ref. Isla 5, Marchena Hardware 3(LL)
Sta. Maria Refineria Isla tabatin 5 hit i nan a kometé 1 eror.
Jordan Thielman tabata ganadó i Jordan Sambo a bai di 2-2.
Pa Marchena Hardware 3 hit i 1 eror.
Nieles Winterdal a resultá picher pèrdèdó i e mes a bai di 3-2.

Tuesday, March 9, 2010

LPO a gana Brandweer i DOK a derotá Curoil den Torneo Kopa Pim Fangman

WILLEMSTAD - Landelijk Politie Opleidingsinstituut a gana Brandweer den kontinua-shon di torneo Kopa Pim Fangman den wikènt.
Torneo Kopa Pim Fangman organisá pa Terremaster a tuma lugá riba e tereno kustumbrá di UTS na Regentesselaan.

LPO den un tremendo enkuentro a sa di gana Brandweer ku skor di 10-9.
LPO tabata fásil dilanti den e wega 4-0 i despues 8-0.
Ku wega 10-2, Brandweer ta nota 7 kareda den di 4 inning pa hasi e wega 10-9.
Den nan último chèns Brandweer no ta logra nota areda i keda kòrtiko.

Wim Felicia ta rabiá ku Naai Hooi no por picha mas

WILLEMSTAD - Wim Felicia a drenta den kontakto ku nos djasabra i ela bisa ku e ta rabiá ku timnan a vota kontra pa Naai Hooi picha den Liga van Engelen.

Wim: “ E kos ei no por. 8 pa 9 ekipo a vota kontra pa Naai picha den Liga van Engelen. Naai ta tira si pero normal. Den Liga 40 mi ekipo ta enfrentá Naai i hunga normal anto anochi.
Mi ta bai pensa ku mi ta keda hunga den Liga van Engelen.

SBAB ta dal CITCO i Swift ta logra gana Crazy Lions ku skor pèrtá

WILLEMSTAD - SBAB ku picheo di Carol Winklaar ta dal CITCO 16-11 den Swift Amstel Challenge Tournament djasabra.
Den otro wega di djasabra Swift mester a lucha
formal pa gana di Crazy Tigers ku skor 11-10.
Awe nos tin algun resultado di djasabra i den kurso di siman nos lo tin tur resultado kompletu ku e numeritonan.

Sunday, March 7, 2010

Suffisant Eagles na kabes di Sòftbòl Maskulino Fastpitch

WILLEMSTAD - Suffisant Eagles a terminá buelta number dos ku rekòrt di 11-1 i ta number unu den Sòftbòl Fastpitch.
Den e promé wega di buelta number dos nan a pèrdè kontra Clase Aparte i tin dos wega pèrdi na e momentunan aki.

STANDING
(te ku buelta number 2)
1. Suffisant Eagles 11-1
2. Survivors 9-3
3. Harlem Power 7-5
4. Carpatula 6-5
5. Clase Aparte 5-7
6. The Eagles 2-9
7. Awa Limpi 1-11
*Awa Limpi a keda ekspulsá debí ku nan a pèrdè dos wega pa defolt.
Tin buelta number tres ya 6 wega a tuma lugá.

BATEO
Luisgardo Alvarez (Suff. Eagles) 23-13 = .565
Randolph Kirindongo (Suff.
Eagles) 23-12 = .522
Michelangelo Cijntje (Har. Power) 25 -12 = .480
Wentily Silberie (Clase
Aparte) 32-15 = . 469
Djuric Pietersz (Suff.
Eagles) 26-12 = .460

Carpatula i Suffisant a gana den Sòftbòl Fastpitch

WILLEMSTAD -Carpatula i Suffisant Eagles a gana djaweps anochi den Sòftbòl Fastpitch.
Carpatula a gana Survivors 7-4 i Suffisant Eagles a gana The Eagles ku skor di 10-0.

Angel Brunken ta luchando pa su ekipo klasifiká. E lucha pa di 4 puesto lo bai bira tenas entre Carpatula i Clase Aparte.
Suffisant Eagles i Survivors ya a klasifiká. Probablemente Harlem Power lo terminá buelta
regular komo number 3.
Sòftbòl Fastpitch ta sigui ku algun wega interesante otro siman.

Refineria Isla i Run Runners ta gana den Swift Amstel Challenge Tournament

WILLEMSTAD - Refineria Isla a gana Coca Cola ku skor di 19-14 djabièrnè 5 di mart den Swift Amstel Challenge Tournament.
Den e di dos wega Run Runners a gana Jaws 20-11 den e parti kompetitivo.

RESULTADONAN
Refineria Isla 19, Coca Cola 14
Refineria Isla a konektá 25 hit i hasi 5 eror. Claymore de Windt a gana.
Michangelo ‘Lo’ Celestina i Kenneth Fray a bati di 4-4.
Lo Celestina a bati 2 homerun. Omar Valies i Giancarol Martina a dal un homerun.
Coca Cola a konektá 15 hit i hasi 2 eror.
Sharlon Nanoy a resultá e picher pèrdèdó. Steven Thomas i Danny Walle a bati di 4-3. Danny Walle tabatin un homerun.