Thursday, July 29, 2010

Casa Cesar ta dal Kusters Trading den The Champions League komersial

WILLEMSTAD - Casa Cesar /Hilton riba homerun di Jean Dino Hatma a gana Kusters Trading ku skor di 8-6 den The Champions league.
Nos tin resultadonan di The Champions League komersial di wikènt pasá.

Casa Cesar/Hilton 8, Kusters Trading 6
Jeandino Hatma a konektá homrùn di 3 kareda den bòm di inning number 7 pa e kombinashon di Casa Cesar/Hilton gana den forma dramátiko di Kusters Trading 8-6. Ku e viktoria aki e e kombinashon di Casa Cesar/Hilton ta pasa pa okupá e di 2 lugaá
Numeritonan: Casa Cesar/Hilton 8 kareda, 7 hit, 4 eror. Jeandino Hatma a gana. Mihó na bate Jeandowell Muller di 2-2. Jeandino Hatma i Gilionne Pikerie a konektá di homrùn.
Pa Kusters Trading 6 kareda, 9 hit, 2 eror. Ivar Martis a pèrdè. Na bate Ivar Martis mes di 3-2 i Glendomar Davelaar di 1-1.

Coca Cola ta suta Kooyman 17-5
Den e wega aki e temibel ekipo di Coca Cola tabatin 17 kareda, 16 hit 0 eror.Yurel de Caster a gana. Na bate Jo-andy Balentina, Yurel de Caster i Thomas Guyaase tur di 4-3.
Kooyman 5 kareda, 10 hit 5 eror. Shahairy Eustatia a pèrdè. Na bate Mark Hennep i Andly Simmons ambos di 3-2.

Liga Streanan di Ayera ku Torneo Internashonal

WILLEMSTAD - Liga Streanan di Ayera ta organisá un torneo Internashonal e wikènt aki na Little League Ballpark.
E torneo tradishonal internashonal aki ta konta ku partisipashon di ekiponan di Hulanda, Aruba i Sint Maarten den sòftbòl femenino veterano.

E torneo ta dediká na e sòftbòlista Signaida Antonia Daal.
Ekiponan ta repartí den dos pul.
Pul A: Nos Por, The Fighters i Hulanda
Pul B: Mi Deseo, Sint Maarten i Aruba.

Cicoza ta gana Thrillers i Jandoret Raiders den Liga Un i Tur

WILLEMSTAD - Cicoza a gana dos grandi di Liga Un i Tur den fin di siman.
E ekipo di Ryan Isebia a gana Thrillers ku skor di 15-12 djasabra i ayera nan a dal Jandoret 12-6.

Den tur dos wega Cicoza tabata atras. Djasabra nan tabata pèrdí kontra Thrillers pero ta bòns bèk pa gana e wega.
Djadumingu Cicoza tabata atras 5-1 kontra Jandoret pero ta bòltu e skor.
E promé buèlta di Liga Un i Tur ta yegando su fin.
E di dos buelta lo parti e ekiponan den dos pul i tur ekipo lo hunga kuater wega.
E kuater ekiponan ku mihó rèkòrt ta pasa pa play-off.

DEFOLT
Un ekipo mas a pèrdè pa defolt den Liga Un i Tur. Ayera e ekipo Pepina a pèrdè pa defolt. Ta algu ku por a spera debí ku e ekipo Uniko a hunga pareu ku Pepina.
Pa loke ta trata e otro resultadonan. Bou di Palu 12, Jandoret 6. Cicoza 15, Thrillers 12, Teremoto 16, Bou di Palu 6. Cicoza 12, Jandoret Raiders 7.

The Champions ta gana dos wega den fin di siman

WILLEMSTAD - The Champions a gana Treasure New Era i Rising Trotters den fin di siman.
Nos Goso Girobank tambe a gana den fin di siman.
Awe nos tin resultado di e parti di Sòftbòl Femenino Veterano.
Bon públiko ta bishitando e weganan na Frank Curiel Ballpark

RESULTADONAN
The Champions 4, Treasure New Era 3
Prisca Angelista a konektá hit di oro den bòm di inning number 8 pa The Champions gana i na mes momentu kibra e invikto di Treasure New Era.
Pa The Champions 4 kareda, 8 hit, 3 eror. Janet Iltes a gana. Na bate a destaká Prisca Angelista i Ruela Pieters, ambos di 2-1.
Pa Treasure 3 kareda, 5 hit, 2 eror. Carine Fluonia a pèrdè. Na bate Lisette Hooi di 2-1.

Tuesday, July 20, 2010

One & Only ta gana Eureka 13-7 den Liga Streanan di Ayera

WILLEMSTAD - One & Only a gana Eureka ku skor di 13-7 siman pasá den Liga Streanan di Ayera. E wega a tuma lugá na Muizenberg Ballpark.
Weganan ta sigui awe i dja-dumingu na Muizenberg Ballpark.

RESULTADONAN
One & Only 13, Eureka 7
One & Only a dal 13 hit i hasi 7 eror. Sonna Valies, Shahaira Obispo, Solange van Gurp, Jalna Hous i Sonalien Schobaar di 3-2.
Eureka a dal 7 hit i hasi 3 eror. Mairis Obispo a pèrdè. Cyntia Fransica i Dulce Petronella a bati di 3-2.

The Fighters 11, Mi Deseo 0
The Fighters a dal 12 hit i hasi 2 eror. Dariella Nivillac a gana i Xiomara Francisca a bati di 4-4. Charisel Alberto a bati di 1-1.
Mi Deseo a dal 3 hit i hasi 2 eror. Revela Avasia a pèrdè i Solange Alberto a bati di 1-1.

Nos Por 13, Unidos 7
Nos Por a dal 12 hit i hasi 3 eror. Minverva Maduro a gana i Anoushka Beker a bati di 4-3. Gertrude Cordilia a bati di 4-3 ku un homerun.

Catpower ta nòkout Navegantes i Rising Trotters a dal Libby’s den Liga 40

WILLEMSTAD - Catpower a nòkout Navegantes 20-4 i Rising Trotters tambe a parti nòkout ganando Libby’s 16-6 den Liga 40 djamars último na Suvek Ballpark.

RESULTADONAN
Catpower 20, Navegantes 4
Catpower a dal 17 hit i hasi 2 eror. Norman de Roon a gana i Rigobert Cijntje i Winston Kiridnongo a bati di 3-3.
Gregory Ranis i Norman de Roon a bati di 2-2.
Winston Kirindongo a bati 2 homerun. Rigobert Cijntje i Dennis D’Arnault a bati un homerun.
Navegantes a dal 8 hit i hasi 4 eror. Lesley Conradus a pèrdè i Ingemar Jonis a bati di 2-2.

Liga Un i Tur Invitational Endurance Challenge 2010 di spònser pa Polar

WILLEMSTAD - Liga Un i Tur ku otro inova-shon den sòftbòl di Kòrsou. Esaki ta Liga Un i Tur Invitational Endurance Challenge 2010 di spònser pa Polar. Ekiponan komerisal por gana nafl. 1000,- sin paga niun depchi na kontribushon. E ekiponan lo no hunga hopi pero lo hunga kaminda tin espasio den Liga Un i Tur debí na dos ekipo ku a kai for di
kampionato.

Nos tin e komunikado di Liga Un i Tur.
“Kua ta e ekipo komersial mas fuerte na Kòrsou? Kua ekipo por mantené su invikto mas largu? Kua ekipo lo ta fuerte sufisiente pa kibra invikto di su kontrinkante?
Esakinan ta preguntanan ku lo konosé nan respuesta den e L.U.T. Invitational Endurance Challenge 2010.
E ekipo ku na final a mantené su invikto mas largu lo risibí ademas di un "Endurance Trophy", tambe un suma di 1000,-- kèsh di sponser pa Polar.

Reglanan di wega ta konforme esnan usual pa Sòftbòl Komersial. Picheo buta bala ets. No tin regla di aktivo sinenbargo. No tin ku paga inskripshon tampoko. Si ta spera di kada ekipo ku partisipá ku nan lo kontribuí na Liga su Bar i Kushina.
Lo husa e lista di hungadó ku a wòrdu uzá den torneo BAB 2010. Tin posibilidat pa amplia e lista aki, basta ta trata di un empleado.
Si un ekipo ta sinti su mes yama pa kibra e invikto di e otro ekipo, e mester tuma kontakto ku L.U.T. pa reservá su chèns pa partisipá. Esun ku yega promé, ta hunga promé. Na final esun ku a keda invikto mas largu (wega ganá) ta e
"Endurance Champion".

Friday, July 16, 2010

Ekipo Soto CMTC ku dos piská grandi den Fastpitch Femenino

WILLEMSTAD - Softballcuracao a risibí informashon ku e ekipo di Soto den Fastpitch femenino a kue dos piská grandi pa e kampionato 2010.

Soto CMTC e aña aki lo tin Rijaira Martina, super prospekto di Pichingolo den nan filanan.
Rijaira lo debutá den Soto den Hubenil e wikènt aki.

Liga Un i Tur ta sigui normal e wikènt aki na Stadion Post 6

WILLEMSTAD - Liga Un i Tur lo sigui normal e wikènt aki na Stadion Post 6. E liga a keda suspendé dos siman en konekshon ku weganan importante di kampionato i Final di Kopa Mundial di Futbòl. Tambe a reuní riba un ekipo ku a pèrdè dos biaha pa defolt i a keda ekskluí for di liga i un otro ekipo ku a hala atras pa medio di un karta.

SKEDJEL
Weganan ta sigui e wikènt.
E espasio kaminda ekiponan Sigi Gosa i Armendares mester hunga lo skèdjel weganan komersial.

Djabièrnè 16 di yüli
19.30 Isla Rangers - Cicoza;
21.30 Teremoto - Warda D.

Djasabra 17 di yüli
14.00 forsa - Pepina;
16.00 Sigi Gosa - Bou di Palu (kambio wega komersial);
18.00 Jandoret - Warda D.

Liga Mayor di Softball Arubano ta sigui e wikènt aki ku play-off

WILLEMSTAD - Liga Mayor di Softbol di Aruba ta sigui e wikènt aki ku play-off semi-final i final. Nos a risibí e siguiente komunikado.

“Cu un cordial saludo deportivo directiva di "Federacion Liga Mayor di Softball Arubano" ta participa pa medio di esaki cu e di seis campeonato di Softball Liga Mayor ta jegando su final. E play offnan semi-final y final lo tuma lugar diadomingo 18 juli 2010 y lo finalisa segun programmacion diadomingo 25 di juli 2010 cu e wega Final pa determina e Campeon 2010. E semi Final y Final di Campeonato 2010 di Federashon Liga Mayor di Softball Arubano lo tuma lugar na e tereno di bala di Aruba Juniors na Socotoro Oranjestad.

E campeonato a wordu dedica na Sr. Sylvester M. "Silo" Tromp y Sr. Victoriano "Buchin" Willems, kendenan tin trayectoria bastante largo den e ramo di softball den e parti di Liga Mayor aki na Aruba.”

Sint Michael Mariners ta sorprendé Dalpega ganando ku skor di 7-6

WILLEMSTAD - E ekipo di Boca Sami, Sint Michael Mariners a sorprendé Dalpega ganando ku skor di 7-6 djadumingu na Suvek Ballpark. Den otro wega e ekipo Destroyers a suta Jaws Afas sin kompashon 14-2. Weganan ta sigui djadumingu awor na Suvek Ballpark.

Sint Michael Mariners 7, Dalpega 6
Sint Michael Mariners a bati 5 hit i nan a kometé 2 pifio.
Richinel Rafael a gana, miéntras Andy Ernestina a bati di 3-1. Archi Kops tambe a bai di 3-1. Gerald Servania a konektá 1 homerun.
Dalpega tabatin 10 hit i nan a hasi 3 eror. Ellerick Rodriguez a pèrdè i Norvaniel Aniseta a bai di 4-3 inkluyendo 1 homerun.
Abigail Vilchez i Ericson Senior tambe a konektá 1 homerun.

Tuesday, July 13, 2010

The Bears ta nòkout Santa Maria Pirates ku skor di 10-0 den Beisbòl Veterano

WILLEMSTAD - Dilanti un públiko grandi The Bears a nòkout Santa Maria Pirates ku skor di 10-0 i pasa pa promé lugá den Beisbòl Veterano.
Sedeney ‘Spin’ Lourens tabata den gran forma bayendo ruta kompletu.
Spin a permití apénas un infield hit na e ekipo Santa Maria.
Spin tabata hermétiko durante e partido.
Den e promé inning e ekipo di Santa Maria ta yena base ku un out, pero Spin ta poncha kinto i seksto bate, respektívamente Rigobert Cijntje i Raymond van
Gurp.

THE BEARS
E bateo di e ekipo The Bears a drei zeta konektando varios hit. Edmar Cornelia a konektá doblete ku base yen empuhando tres kareda den bom di di 4 inning. Earl Virgina ku a bati kuarto bate a bai di 3-3.

Gamers ta dal Max Power ku skor di 16-9 den Liga Amstel djasabra

WILLEMSTAD - Liga Amstel a sigui djasa-bra último na Suvek Ballpark ku varios wega.
Latinos a dal Chincho duru 13-2 i Gamers a gana Max Power 16-9.
Gamers a drecha nan ekipo konsiderabel i lo bai lucha pa klasifiká.

Gamers 16, Max Power 9
Gamers a dal 15 hit i nan a kometé 2 eror.
Rudney Garmers a bai ku e viktoria i Tyronne Hollander a bati di 2-2.
Tyronne Hollander a konektá 1 homerun.
Max Power tabatin 14 hit i nan a hasi 1 eror. Germaine Josepha a sufri e derota i Robertico Anita a bai di 4-3. Frensely Martina, Omar Valies, Tjark Valies, O. Elisabeth i Eugene Martis a konektá 1 homerun.

Monday, July 12, 2010

Swift ta nòkout Rising Trotters i Catpower ta bati Libby’s ku skor grandi

WILLEMSTAD - Swift a dal Rising Trotters 10-0 i Catpower a zona Libby’s 21-8 den Liga 40 djaweps último na Suvek Ballpark.
Junny Wawoe tabata den gran forma komo picher pa Swift.
Ellison ‘Sontje’ Brunken tabata e picher ganadó pa Catpower.

RESULTADONAN
Swift 10, Rising Trotters 0
Swift a dal 10 hit i hasi 1 eror. Junny Wawoe a gana i Hendrik Gabriel a bati di 2-2. Randall van Lamoen i Jose Cijntje a bati un homerun.
Rising Trotters a bati 3 hit i hasi 3 eror. Lesley ‘Le’ Martina a pèrdè i Axel Gomez a bati di 1-1.

Catperpillar 21, Libby’s 8
Caterpillar a konektá 19 hit i hasi 2 eror. Ellison Brunken a gana i Mirto Martina a bati di 1-1.
Dennis D’Arnault i Winston Kirindongo a konektá un homerun.
Libby’s a bati 11 hit i hasi 4 eror. Jaime Margaretha tabata picher pèrdèdó.
Orlando Gerard i Euleterio Sprott a bati di 2-2.

Djamars awor pa 7.30 den e promé wega Navegantes ta topa Catpower saguí pa Libby’s kontra Trotters.