Royal Power Botica Noord ta vapulia Calabas campeon di copa ABC 10-2 na veld di Kudawecha

Royal Power un equipo potencial a cuminza prepara nan mes pa Copa Noord y alavez pa e campeonato di softball fastpitch cual lo inicia mei y juni. Royal Power a laga e fiebre di copa ABC cual porcierto tabata uno exitoso pasa pa asina cuminza reactiva su hungadornan poko poko pa aña 2007. Despues di a ricibi un reto for di Lenny Ashby a dicidi di lo no cuminza poko poko manera ta custumber pero a bay di biaha pa un grandi y diasabra ultimo tras di un tremendo trabow di Alvaro Barrios kende a ricibi relevo di Poy Flanegin a gana Calabas cu score di 10-2 bentando nan strea abow.


Gregory Paulina conosi como un bon pitcher a wanta e wega hopi bon e promer tres inningnan cual wega tabata bay masha liher a paso de conga pa tur dos banda. Den di cuater inning e muchanan di Royal Power a hasi adjustment cual tan an specialidad pa adjust durante un wega y a cuminza conecta paulina basta duro kende despues a ser releva pa Rodney Kelly. Royal Power 10 careda 14 hit y a comete 4 error mientras cu Calabas a score 2 careda tras di 6 hit y tambe a pifia 4 biaha. Pa Royal Power a destaca Pilin Krosendijk , Pierre Richardson , Lloyd Todman y Eldrick Dijkhoff 4-2 mientras cu Endy Croes himself a bay di 3-3. Eldrick ta conecta un triple cu base yen pa habri e wega for di otro. Pa Calabas tabata tin hit conecta pa Jonathan Tromp, Rudy Ras, Eduard Webb.