Veteranos ta feita Magic stail di nòkout 15-5

Veteranos ta sigui fuerte den Liga Amistad. Djadumingu 10 di yüni 2007 tabata turno di Magic pa haña sla. Veteranos San Marco a feita Magic ku skor di 15-5.
Un rekòrt den Slowpitch ta e wega entre GGD i Domi kaminda tur dos ekipo a pèrdè pa defolt.

RESULTADONAN
Djadumingu 10 di yüni
Veteranos San Marco 15, Magic Softball Team 5
Pa Veteranos 14 hit i 1 eror.
Albertico Isenia a resultá e picher ganadó, miéntras Albert Pieternella a bai di 4-3. Albert Pieternella i Faisel Pereira a konektá un homerun.
Magic tabatin 3 hit i 1 eror.
Lionel Privania a resultá e pèrdèdó i na bate Sharlon Noor a bai di 1-1.
Jeffrey Thompson a konektá un homerun.

Molester 11, Clase Aparte 1
E ekipo di Molester tabatin 14 hit i nan a hasi 2 eror.
Claifson Domacasse a gana i Ivar Herrera a bai di 2-2.
Wilkin Lockhart i Gilberto Candelaria a konektá un homerun.
Clase Aparte tabatin 5 hit i 4 eror. Urney Petronilia a pèrdè i Edson Cornelia a bati di 3-2.

Emiliano All Stars 9, Botika Mampuritu 8
Emiliano All Stars tabatin 7 hit i nan a hasi 2 eror.
Picher ganadó tabata Ralph Hermans, miéntras Raul

Hernandez a bai di 3-2.
Raul Hernandez i Thomas de Senda a konektá un homerun.
Pa Nos ku Nos Botika Mampuritu 7 hit i 3 eror. Nervin Brunken a pèrdè. Rigennen Antonia a bai di 3-2. Kenneth Martha, Rayn'so Faries i Oscar Brunken a konektá un homerun.

E partido entre GGD i Domi a resultá ku tur dos a pèrdè pa defolt. GGD no tabata kompletu. Domi tabata kompletu, pero 2 hungadó no tabatin nan unifòrm kompletu.