MCB Maskulino i CITCO Femenina Kampion Torneo Komersial SVB

VAN ENGELEN - Maduro & Curiels Bank Maskulino i CITCO Femenina a bira kampion di e torneo komersial SVB ku a terminá djasabra último na Suvek Ballpark.
Un públiko grandi a akudí na Suvek Ballpark pa disfrutá di e gran final.
MCB tabata magnifiko den e serie. Nan a pèrdè solamente un wega kontra DOK den e buèlta regular. Den final nan a logra saka sla riba Dok.

Gino Valeriaan ta tuma premio Kampion Torneo SVB sekshon Maskulino.

CITCO a gana Polis den final den un wega dramátiko.
Polis tabata ganá te den último inning pero CITCO ta bòltu e skor.
Tremendo e torneo organisá pa SVB ku ambiente formal durante e último dos simannan.
Despues di entrega di premio grupo Komper a animá formal te den oranan di anochi.

CITCO kampion femenina ta tuma premio for di man di Philip Martis, direktor di SVB.

Evalyn Baletina di CITCO a resultá MVP den femenina i Djuric Pietersz MVP den Maskulino.