Algu despues di 6’or ekiponan di Liga Pariba, Liga Willemstad i Liga Pabou a desfilá i drenta Little League Ballpark na Muizenberg riba ritmo di Drumband di Polis (Hubenil).
Despues di bendishon di pastor Simon a sigui interpretashon di himno dor di Reina di Tumba di Karnaval Hubenil, srta. Keyla Ursula.
Manera ya a bira un tradishon a sigui e speechnan.
Presidente di Liga Pariba sr. Urny Floran na nòmber di tur liga a hiba palabra.
Despues a sigui palabra di representante di spònser sra. Simone de Brabander di RBTT.
Diputado di Deporte, Enseñansa i Kultura sra. Marylin Alcala Walle a dirigí palabra pa despues District Administrator Victor Elhage hiba palabra i tuma huramentashon serka tékniko-, hungadó i mayornan.
HOMENAHE
Curacao Little League Foundation i District Administrator a honra èks hungadó di Little League i awor Alto Inspektor di Polis sr. Ivan Wild.
E homenahe ta pa pone énfasis ku Little League no ta pa bira hungadó profeshonal pero suidadano ehemplar di komunidat.
Pa mas detaye klik riba potret i despues Apertura Curacao Little League Beisbòl.
Ivan Wild, Krajeck di RBTT, Diputado di Deporte, Direktor di Fundashon Sedreko i Simone de Brabander durante apertura
No comments:
Post a Comment