Survivors ta gana Carpatula 10-8 i klasifiká pa e siguiente buèlta

WILLEMSTAD - Survivors ku picheo di Edward ‘Bati’ Pieternella i relevo di Haime Margarita a gana Carpatula ku skor di 10-8 djaweps nochi na Suvek Ballpark.
Bon públiko pa mira e wega ku tabata basta pareu den komienso. Djamars awor tin wega entre Survivors i Harlem Power.
Djaweps tin dos wega programá entre e dos ekiponan ak.


Si e serie empatá lo hunga un wega desisivo djaweps.
Pa loke ta trata e wega di ayera Survivors ta pika dilanti 1-0 den bom di promé inning.
Carpatula riba homerun di Vernon Boutismo ta bai ariba 2-1. Survivors ta empatá e wega na dos despues pero Carpatula ta rèli i bai ariba atrobe 4-2. Ku e skor 4-3 na fabor di Carpatula ta presentá un eror ku dos out i Survivors ta skor 4 kareda pa hasi e wega 7-4 pa finalmente gana 10-8.