Treasure New Era ta kibra invikto di Nos Goso Giro Bank

Treasure New Era ta kibra invikto di Nos Goso Giro Bank den fin di siman den The Champions League.
E ekipo The champions a gana dos wega.

Treasure New Era 4 - Nos Goso Giro Bank 0
Un Treasure New Era inspirá i ku gran aktuashon di nan picher estelar Carine Fluonia ta logra di gana di Nos Goso ku skor di 4-0 i asina ei kibra nan invikto den The Champions Softball League. Treasure a sigurá e wega anotando 3 kareda den nan ultimo oportunidat na bate.
Den e wega aki Treasure New Era a konektá 11 hit i kometé 3 eror. Carine Fluonia a gana i na bate Micheline Heiliger di 3-3. Nos Goso a bati 3 hit i kometé 1 eror. Carlientje Cleopa a pèrdè. Na bate Murielle de Jongh, Sulena La Cruz i Asila Finies kada un di 2-1.

Rising Trotters 1 – Destination 0
Rising Trotters den un tremendo wega i ku tremendo picheo di Moia Hooi ta gana di Destination 1-0. Tabata riba un bataso di Svenska Martiszoon ku ta laga Destination den tereno. Trotters a bati 4 hit i kometé 1 eror. Moia Hooi a gana. Na bate Georgette de Jongh i Natalie Lourens kada un di 2-1. Destination tambe a konektá 4 hit i pifiá na 2 okashon. Picher pèrdèdó Angeladwina Sambo ku tambe tabatin un tremendo labor. Na bate Natasha Mercelia di 2-2.

The Champions 5 – Warriors 1.
The Champions a probechá di un defensa eratiko di Warriors pa gana ku skor di 5-1.
The Champions a bati 4 hit i kometé 3 eror. Soraida Juliana a gana. Na bate Desiree Servania di 2-1. Warriors tabatin 5 hit i 7 eror. Minerva Maduro a pèrdè. Na bate Miriam Makaay di 3-2.

Nos Goso Giro Bank 6 – Warriors
Nos Goso ta anotá 5 kareda den nan ultimo oportunidat na bate pa gana di Warriors 6-4.
Nos Goso a konektá 9 hit i kometé 3 eror. Na bate Sonna Valies i Sumita Ricardo di 3-2. Warriors tabatin 4 hit i 2 eror. Vivien Warner a pèrdè. Na bate Cynthia Francisca di 2-2.

The Champions 8 – Destination 1.
The Champions a hunga un bon wega pa gana ku fasilildat di Destination ku skor di 8-1.
The Champions no a kometé eror i bati un total di 10 hit. Marelva Iltes a gana i e mes tambe a resultá e mihó na bate di 3-3. Brunaila Felipie i Angelica van Putten a bati di 2-2 kada un.
Destination tabatin 4 hit i 2 eror. Irlyn Lard a pèrdè. Na bate Natasha Marcelia,Guardine Sambo, Monigue Pieter i Ruhtsela Cicilia tur di 2-1.