Revelation Stars kampion Liga Amistad

Liga Amistad 2009 ta gradisí un i tur pa un tremendo kampionato


Revelation Stars a bira kampion Liga Amistad den tereno huntu ku nan fanátikonan. E wega a kaba 15-5 riba homerun di Pong Pong Martijn dia 15 di desember 2009 na Ricardo Elhage Ballpark.
Liga Amistad 2009 a bai tremendo. Bon asistensia durante kasi henter e kampionato i un tremendo final ku a kaba deportivamente.
Un punto menos bon tabata e retiro di Domi, ku finalmente a presentá i tuma nan premio number 4. Domi a anunsiá tambe ku aña 2010 nan lo tei kompletu atrobe.

Direktiva ta gradisí un i tur ku di un manera òf otro a koperá pa e kampionato por ta eksitoso. Ta gradisí umpire, skorer, fanátiko, hungadó, trahadónan den bar, drechado di tereno ets.
Liga Amistad lo ta kompletu atrobe den 2010.

NUMERITO WEGA FINALISIMO

Revelation Stars 15 , GGD 5
Revelations Stars a dal 17 hit i hunga sin eror. Willem Felicia a gana den relevo pa Raylison Gijsbertha.
Merieldo Trinidad i Abigail Vilchez a bati di 3-3.
Helary ‘Pong Pong’ Plantijn a dal 2 homerun, Abigail Vilchez, Edmar Cornelia i Silvio Cruz a dal un homerun.
GGD a konektá 7 hit i hasi 1 eror.
Gregory Martijn a resultá e picher pèrdèdó.
Tjark Valies i Norvaniel Aniceta a bati di 3-2. Norvaniel Aniceta tabatin un homerun.
E wega a terminá den inning number 5.

PREMIONAN
Kampion: Revelation Stars
Supkampion: GGD
Di tres lugá. Veteranos
Di kuater lugá: Domi

MVP:Hellary Plantijn (Revelation Stars)
Kampion picher: Kenneth Ortega (Veteranos)
Kampion Bate: Hellary Plantijn (Revelation Stars)
Lider Homerun: Ludwig Pietersz(Revelation Stars)
Tim ku mas a progresa:
MNO Vervat
2010 Liga Amistad lo start den luna di mei/yüni.