Junior Liga Pabou i Senior Liga Pariba ta klasifiká pa kampionato Latino Americano

WILLEMSTAD - E ekipo Junior Pabou a klasifiká djasabra invikto. Senior Pariba ta gana Liga Willemstad djadumingu ku skor di 11-0 pa asina nan tambe klasifiká pa kampio-nato Latino Americano.
Bon públiko atrobe den Little League Ballpark djasabra i djadumingu.

Play-off di Little League ta sigui djasabra i djadumingu awor den kategoria Minor na Little League Ballpark.

Djasabra 29 di mei
Pabou 11, Willemstad 7 (Junior)
Varios picher di Liga Pabou a kombiná pa gana e ekipo di Liga Willemstad i klasifiká invikto. Entwin Regina tabata e picher ku a terminá e wega pa Liga Pabou Junior. Pabou Junior ta klasifiká invikto ganando tur e 4 weganan ku nan a hunga.

Pabou 14, Willemstad 7 (Senior)
Pabou a gana Willemstad fásil pero a tuma hopi kareda i ta keda kòrtiku den kareda kontra debí ku Pariba a gana Willemstad fásil riba
djadumingu sin tuma kareda kontra. Pabou a terminá ku rèkòrt di 3-1.

Pariba 11, Willemstad 0 (Senior)
Pariba ku tremendo picheo di Winsley ‘Wimpy’ Van Heyningen ta gana Willemstad ku skor di 11-0.
Ku e viktoria aki Pariba Senior ta klasifiká pa e kampionato Latino Americano.

STANDING
Junior
Pabou 4-0
Willemstad 1-2
Pariba 0-3

Senior
Pariba 3-1 (6 kareda kontra)

Pabou 3-1 (15 kareda kontra)
Willemstad 0-4