MIL ta gana e ekipo SKAI pèrtá ku skor di 11-10 i Sint Jozef ta gana AGO Montanja 26-0

WILLEMSTAD - MIL kampion di aña pasá den Sòftbòl Eskolar Maskulino mester a lucha formal pa gana SKAI djaluna, 14 di yanüari ku skor di 11-10 na Sabana Ballpark. Promé ku e wega di Sint Jozef kontra tabatin un seremonia kaminda Sint Jozef a rekordá nan heroë Andrew Isabella ku aña pasá despues di e lucha kontra malesa a fayesé.
Sint Jozef VSBO a entregá mama di Endrew Isabella sra. Ingrid Isabella - Ipatia un pòtrèt di Endrew.
Despues tabatin sake di promé bala dor di sra. Ingrid, kètcher tabata Johnny Isabella ku ta tata di Andrew i meneer Cijntje direktor di Sint Jozef VSBO tabata e batiadó.
Tabata un momentu impreshonante ku e konmové tur hende presente, espesialmente alumnonan i hungadónan di e ekipo di Sint Jozef ku tabata hopi serka di Andrew.

Radulphus College ta gana Juan Pablo Duarte den apertura Sòftbòl Eskolar

WILLEMSTAD - Radulphus College a sali riba bon pia atrobe den Sòftbòl Eskolar 2008.
Nan a gana Juan Pablo Duarte ku skol di 14-3 den Sòftbòl Eskolar.
Radulphus College aña pasá a keda eliminá den último inning kontra e ekipo di Sint Jozef VSBO.
Sint Jozef VSBO despues a pèrdè den un gran final kontra MIL.
Derrick Isenia tabata e picher ganadó ayera i Utnor Herera tabata e mihó batiadó.
Mayron Girigorie tabatin homerun pa Radulphus.
Virginie a pèrdè pa Juan Pablo Duarte i Shawan Elisabeth tabata e mihó batiado