Jandoret ta gana Santa Maria i bira kampion Torneo Sint Michael Mariners

BOCA SAMI - Jandoret Raiders a gana Santa Maria ku skor di 13-9 i bira kampion di e Torneo di Bario organisá pa Sint Michael Mariners na Boca Sami.
Jandoret a klasifiká pa semi-final ganando Sagitario Car Rental/ The Telephone Man.
Santa Maria 2 a gana Santa Maria 1 i klasifiká pa final.

Jandoret Kampion Torneo Boca, Raymy Pastor manager ta tuma premio den kompania di algun prospekto di Jandoret.

Despues di e eksitoso torneo tabatin entrega di premio den oranan di anochi na tereno di Boca Sami.
Kampion: Jandoret;
Supkampion: Santa Maria (Mix);
Kampion Bate: Herbert ‘Depo’ Sint Jacoba (5hit den 6 turno);
Kampion Picher: Renato ‘Nato’ Anasagasti ku 4 ganá i 0 pèrdí;
Lider di Homerun: Reangelo Castillo ku 3 homerun.