Harlem Power ta gana Carpatula 2-1 i klasifiká pa final kontra Suffisant Eagles

WILLEMSTAD - Harlem Power ku Edison Sambo tremendo atrobe den
picheo ta gana Carpatula ku skor di 2-1 pa klasifiká
pa final di Sòftbòl Maskulino Fastpitch.
Harlem Power a gana wega number unu fásil ku skor di 10-3 kontra Carpatula.
Harlem Power lo enfrentá Suffisant Eagles den e prome
wega di final djaweps otro siman 7 di febrüari na
Cirilo Chirino Ballpark.

Harlem Power den final di Sòftbòl Fastpitch Maskulino 2008

NUMERITONAN
Harlem Power ta skor 2 kareda, bati 6 hit i hasi 1
eror. Edison Sambo a gana i Joel Angelista a bati di
2-2. Erling Gosepa a bati di 3-2.
Carpatula a skor un biaha, bati 6 hit i hasi 2 eror.
Angel Brunken a resultá e picher pèrdèdó.
Bertyson Ignatia, Michiel de Roon i Marhyson Martina a
bati di 2-1. Carpatula tabatin bon chèns di empatá den
di 6 inning pero mal korementu di base a pone ku nan a
keda kòrtiku.


WEGA NUMBER UNU
Djamars 29 di yanüari 2008
Hallem Power 10, Carpatula 3
Harlem Power a nota na 10 okashon, bati 8 hit i hasi 2 eror.
Edison Sambo a gana i Norvaniel Aniceta a bati di 3-2. Norvaniel Aniceta i Mayron Wijman a konektá un homerun.
Carpatula a nota 3 kareda, bati 3 hit i hasi 3 eror.
Angel Brunken a resultá e picher pèrdèdó i Rivilien Elisabeth a bati di 3-2. Bertyson Ignatia a bati un homerun.