WILLEMSTAD – Den un reunion ku a transkuri sumamente positivo, djabierne anochi dia 6 di yuni ultimo direktiva di FEBEKO a reuni ku komishon di Umpire & Scorer i a palabra tur kos pa loke ta trata kampionato 2008 di beisbòl di Kòrsou.
Durante di e reunion aki, e dos partidonan a interkambiá ku otro den un forma sumamente positivo, kaminda a repasá diferente aspekto ku ámbos partido mester kumpli ku n'e, pa garantisá un buena marcha di kampionatonan di tantu Klase A ku ta kuminsá otro siman i tambe di kampionato Doble A ku ya tin 11 wega tras di lomba.
Pa direktiva di Federashon di Beisbòl di Kòrsou, e reunion ku Komishon di Umpire & Scorer tabata unu nesesario, sigur mirando ku e obligashonnan ku ámbos partido tin pa kumpli ku n'e, ku mester garantisá un buena marcha di kampionatonan di beisbòl di Kòrsou.
Mirando e kantidat di umpirenan ku tin na disposishon pa weganan di Doble A sigur, partidonan a yega na un akuerdo ku Komishon di Umpire & Scorer ta garantisá pa kampionato regular 3 umpire riba tereno, esta e asina yama "three man system", huntu ku un scorer i un anunsiadó.
Pa kada buèlta nan ta traha un skema di forma ku adelantá tur hende por sa ken ta programá pa e weganan i den kaso ku si un umpire haña strobá, por hasi un kambio na tempu, ku ta garantisá ku e wega ta kontinuá ku 3 umpire riba tereno.
Direktiva di FEBEKO ta sumamente agradesido pa e forma habri ku e reunion ku Komishon di Umpire & Scorer a tuma lugá i ta sigur ku pa kontinuashon di kampionato djaluna awor ku e enkuentro entre Groot Kwartier Stars i Royal Scorpions i sobra enkuentronan, beisbòl di Kòrsou ta garantisá.
No comments:
Post a Comment