Santa Rosa Indians kampion Beisbol Dobel A di Korsou

WILLEMSTAD - Djaweps 18 di desember 2008, Santa Rosa Indians a bira kampion di Beisbol Dobel A di Korsou ganando Santa Maria Pirates ku skor di 5-4. Santa Rosa a gana e serie final 4-1. E Indjannan di Santa Rosa tabata kampion aña 2003 ganando di e mesun ekipo di Santa Rosa. By the way Santa Maria tabata kampion na 2004, 2005 i 2006.
Softballcuracao.com tin algun dato di e play-off final ku a tuma luga na 2003 entre Santa Rosa Indians i Santa Maria Pirates

ALGUN DATO
Dia 18 di òktober 2003 Santa Rosa a bira kampion ganando Santa Maria Pirates ku skor di 8-3. Santa Rosa a gana e serie 4-2. E biaha aki nan a gana e serie relativamente fásil 4-1.
E último wega tabata den Stadion Johnny Vrutaal. Santa Rosa den historia a bira kam-pion aña 1960, 1965, 1986, 1987, 1988, 2003 i djaweps dia 18 di desember 2008 ke men e ekipo tin 7 título.

Un pabien pa tur nos brothernan di Santa Rosa, tur hungadó muy enespeshal esnan den
direktiva ku ta lucha ku alma i kuerpo manera Lipo Elhage i Shon Ma Bonifacio. Nos tin algun dato di esnan ku tabata tei na 2003. Esnan ku tei ainda ta entre otro Farley Girigorie, Bull Kinburn, Raymond Martis, Mayron Isenia, Sherman Esclodina i Ryan Ilario.
Waw, ke mèn ta e hungadónan aki so tabata tei e tempu ei.

Esnan ku a retirá òf a bai Hulanda òf move pa otro tim ta Stanley Palm, Juan Ramirez (Sto. Dom). Emeron Lourens, Ricardo Mauricio, Sedney Clementina, Jurvin Cleofa, Earl Virginia (Veterano The Bears), dr. Fitzgerald Semper (Curacao Yankees), Andy Leer, Jerdi Leonora, Juvenal Leonora (MVP di e serie final), Stanley Girigorie, Marvin Cleofa, Germaine Esprit i Juan Zapata.

Aña 2003 Eithel Mari tabata manager i e aña aki Farley Girigorie ta manager. Farley tabata DH i primera base den e ekipo kampioon di 2003. Michel Kinburn tabata kètcher estelar e tempu ei i awor Michell ‘Bull’ Kinburn ta relevo largu. Bull Kinburn sa nèk.
Te aki algu di historia ‘Sofballcuracao.com’ den gran forma.