Ban Bria ta dal Onderwijs 19-7 djamars den Torneo Soshal SBAB

WILLEMSTAD - Ban Bria a dal Onderwijs duru ku skor di 19-7 (nòkout) djamars 8 di aprel den kontinuashon di Torneo Soshal organisá pa Stichting Belasting Accountants Bureau.
Den otro wega NAATC/ Habitat a gana Ban Bria Femenina 5-4.
Awe djabierne 11 di aprel weganan ta sigui na Suvek.

RESULTADONAN
Ban Bria 19, Onderwijs 7 (Maskulino)
Ban Bria a dal 20 hit i hasi 2 eror. Judrick Martha a gana i Sancho Arrow a bati di 3-3. Jonathan Meyer i Burton van der Gen a konektá un homerun.
Onderwijs tabatin 8 hit i nan a hasi 7 eror (hopi).
Gregory Jonis a resultá e picher pèrdèdó i Remy Frans a bati di 3-2. Maikel Bitorina tabatin un bataso di kuater skina.

NAATC/Habitat 5, Ban Bria 4 (Femenina).
E kombinashon di Kontrol di Trafiko Areo i Habitat a gana e fuerte ekipo di Ban Bria ku skor di 5-4.
NAATC/Habitat a dal 5 hit i hasi 3 eror. Margareth Balentien a gana i Svenska Martiszoon a resultá e mihó batiadó bayendo di 2-2.
Ban Bria a bati 6 hit i hasi 3 eror. Naomi Priest a pèrdè i
Anahelis ‘Ana’ Francisca a konektá 2 hit den 2 turno.