Kantoor Arrindell ta sorpresa Gess Power mientras cu Interprint ta blankea papa Johns Pizza

ORANJESTAD - Open Class tournament di Comision Pro Softball Organiza a continua diamars ultimo riba veld di Kudawecha unda teamnan di A-Class a sorpresa equiponan di Dobble-A mustrando den tur aspecto cu nan por competi contra teamnan di dobble-A. Den e promer partido e muchanan di Antonio”Tony”Petrocchi Accountant kantoor Arrindell a sorpresa e muchanan di Fenchie y Eggy esta Gess Power ora cu nan a rally y ta gana e partido 12-9. Kantoor Arrindell 12 careda, 6 hit y a comete 5 error. Gess Power 9 careda , 6 hir y ta pifia 4 biaha. Raymond Dirksz kende ta drenta releva Marcolino Werleman den di dos entrada ta resulta pitcher ganador mientras cu Fenchie Leon himself ta drenta den di 4 entrada relevando Tony Warner ta bay cas cu e derota. Mihor bateadornan pa Accountant Kantoor Arrindell ta Richard Bikker 1-1, Jeremy Kelly 3-2 y Meldrick Solognier 4-2. Pa Gess Power a destaca den causa perdi Jason Orman 3-2, Raynard “Bonne” Marin, Richard Krozendijk y Arjen Mathilda tur di 2-1.

Den e di dos partido Interprint di Juancho Arcaya y Ramiro lopez a baha pisa riba muchanan di Carlos” Mudo” Meija Macuarima Papa Johns Pizza blakeando nan cu score di 7-0. Interprint 7 careda, 5 hit, 2 error mientras cu Papa Johns Pizza no a score careda tras di solamente dos hit y ta comete un total di 5 error. Ivan Romano ta resulta pitcher ganador ricibiendo relevo di Pablo Paesh den di 3 inning kende na su turno ta wordo releva pa Martinus Dirksz. Veterano Lucio Geerman ta bay henter e ruta y ta bay cas cu e derota. Mihor bateadornan pa Interprint ta Sixto Odor 1-1, Juan Romano y Elias Nieves di 2-1. Diamars y Diaranzon 15 y 16 di april weganan lo continua riba veld di Kudawecha y diabierna 18 di april lo tin partido riba veld di Winston. Fanaticada di softball fastpitch waak pa bo tey.