Torneo Soshal SBAB 2008 ta start djasabra 5 di aprel na Suvek ku partisipashon di 57 ekipo

WILLEMSTAD - E tradishonal Torneo Soshal SBAB ta start djasabra 5 di aprel pa 10’or di mainta na Suvek Ballpark.
57 ekipo, 34 den divishon Maskulino i 23 den Femenina lo partisipá na e grandioso torneo.
Ayera tabatin e último enkuentro ku Prensa i tambe a parti un asina yamá draaiboek ku lista di tur ekipo, skema di wega, premionan ets.

E promé partido djasabra lo ta entre Douane/CEMS i SVB Maskulino riba tereno A. Despues Douane/CEMS lo topa SVB den e sekshon Femenina. E grupo di Karnaval Takitin lo enfrentá Aqualectra pa 11.45’or riba tereno B. 7’or lo tin e apertura ofishal. Weganan ta sigui djadumingu, djamars, djaweps i djabièrnè otro siman. Keda pendiente pa mas informashon.


Representante di ekiponan i Prensa ayera durante e ultimo reunion prome ku Torneo SBAB start.