Ekipo di Sòftbòl Femenina The Old Young Ones a stòp di eksistí

WILLEMSTAD - Softballcuracao.com a risibí informashon di personanan outorisá ku e ekipo The Old Young Ones a stòp di eksistí. E ekipo lantá pa Solange Van Gurp Obispo a stòp di eksistí despues di mas o menos 10 aña di eksistensia.
Sra. Marlene Obispo, mama di e ekipo a informá nos ofishalmente di e notisia.

MARLENE
Marlene a splika nos bon kla ku e ekipo no a kibra, pero e ekipo a stòp di eksistí.
“Solange van Gurp, mi yu ku ta e motor tras di e ekipo no tin muchu tempu mas. Kompromiso ku famia ta pone ku tempu ta skars.
A pone tur hungadó na altura di e desishon i tur hungadó lo risibí rekuerdo i alabes lo repartí e sèn ku tin den kaha.
Liga Streanan di Ayera si ta sigui normal”, Marlene a bisa.