Algun nota di Sòftbòl

Awe nos tin algun nota di Softbol Slowptich, un parti nobo di nos website www.softballcuracao.com

Swift un ekipo kargá ku poder a bati solamente homerun. Sinku kareda riba homerun. Niun homerun ku koredó na base òf un kareda nota pa otro sistema ku no ta homerun. E wikènt aki nos lo mira ekiponan Baranka, Buena Vista Power, Catpower i GGD den akshon. Baranka ta faborito pa gana GGD i bai final den nan torneo.

Wim Felicia a yama nos i bisa nos ku elo bai Festival di Tumba ku e agrupashon Solution Power i e komposishon ta ‘sigui bai laganan’. Nos no a komprondé e komposishon pero e agrupashon si nos a kompron-dé mas o menos. E komposi-shon tin di haber ku Power. En todo kaso ta resultando ku no ta un Power tin, pero varios Power. E agrupashon di Wim Felicia yama Solution Power. By the way, tin dos Power den semi-final. Dos Power grandi lo topa otro djasabra awor na Cirilo Chirino Ballpark pa 6’or di atardi. Ta spera un públiko grandi pa mira e Powernan den akshon.

Wim Felicia a gana tur e tres weganan pa Catpower den e buelta regular di Torneo Kopa Joy Alberto III 2009. Catpower ta bisando ku Swift a bira Catpower. Fanátiko i hungadónan di Catpower ta bisa ku Swift a bira Catpower part II. Nan a bisa nos ku Catpower II no a logra klasifiká pa play-off. Segun nos ta promé biaha ku Swift a keda for di klasifikashon di torneo organisá pa Baranka.