Varios liga buskando ekipo

WILLEMSTAD - Liga 40, Liga van Engelen, Liga Trai Seru i Liga Amstel ta buskando ekipo pa asina por hinka un skèdjel mihó den otro. Niun di e liganan aki no ta den problema di eksistensia.

LIGA 40

For di despues ku Marlins a kai afo den Liga 40, tabata buska un otro ekipo pa yena pero enbano. Tin rumor ku Wim Felicia lo bini ku un ekipo nobo i Crazy Tigers lo tin nan formashon den Liga 40 tambe.

LIGA VAN ENGELEN
Akinan tambe Marlins a kai afo i no a bini un ekipo nobo. E partisipashon di Buena Vista Power ta na duda i e prestigioso liga aki ta buskando ekipo nobo.

LIGA TRAI SERU
Liga Trai Seru ta tras di Buena Vista Power i un ekipo mas pa bin den e liga. E otro ekipo ta unu ku tabata den e liga te ku 2004.

LIGA AMSTEL
Apesar ku e liga a drei stabil aña pasá tòg tin lugá habrí pa mas ekipo. Nan no ta buskando ekipo ku un furia pero ekiponan ta bon-biní.