Sòftbòl Intergubernamental ketu bai wantá debí na falta di tereno

WILLEMSTAD - Sòftbòl Intergubernamental 2008 no a sigui den lunanan òktober, novèmber i desèmber debí na tantísimo awa ku a kai.
Frank Curiel Ballpark tambe no tabata den kondishon debi ku bientu fuerte a basha e fèns den outfield abou.

Nos a kombersá ku Marjorie Curiel ku ta kordinadó di Intergubernamental pa Fundashon Sedreko. Marjorie a konta nos ku Intergubernamental ta wantá debí na tereno.
Mas aleu e simpátika Marjorie a konta nos ku e mester baha ku penshun pa mart 2009 i ku e ta bai chèk kiko ta bai para serka su hefenan.