Errol Rooi, un vòlibòlista di nivel Mundial

Sr. Errol Roberto Rooi a nase na Kòrsou dia 5 di yüni 1953 I a fayesé djaweps 27 di mart 2008 na Hulanda.
E tabata kasá ku sra. Petronella A.M. Vermeulen, for di kua matrimonio a nase un yu hòmber.
Na tur Errol, tabata tin 3 yu'i. Oriana i Thaisa de Ley i David Vermeulen.

Na aña 1965 ela haña e oportunidat pa representá su skol "St. Paulus College", den vòlibòl i mesora Errol a kuminsá destaká.
Na vários okashon Errol a bira kampion di vòlibòl eskolar.
Komo prospekto di vòlibòl, Errol a haña un oportunidat na aña 1969 pa bai hunga den Super Cleaning, tim di Bruder Herbert.

Na aña 1972, Errol a bira kampion di Kòrsou i Antia ku Super Cleaning.

Na aña 1973, Errol a haña un invitashon pa bai hunga vòlibòl na Puerto Rico.

Na aña 1974, Errol a hunga den selekshon di Antia na Juegos Centro Americano y del Caribe.

Na aña 1978, Errol a hunga den selekshon Antiano, den Panameri-kano na Columbia.

Na aña 1978, Errol a bai Hulanda i a hunga den divishon máksimo pa e tim "Brevok".
Den e mesun aña 1978, Errol a hunga vòlibòl pa selekshon di Hulanda kontra e selekshon di Estádos Unídos.

Na aña 1980, Errol Rooi a hunga pa selekshon di Hulanda ku a finalisá di 4 den kompetensia Europeo na Alemania.

Na aña 1981, Hulanda a bira kampion den kompetensia Europeo na Skandinavia i Errol a keda skohé komo "Most Valuable Player".

Na aña 1983, Errol Rooi a bira kampion di Hulanda ku e tim "Starlift", kua tim a bai kampionato Europeo i bira kampion.

Na aña 1983, Antia a pidi Errol Rooi pa hunga pa selekshon di vòlibòl na Mexico pa gana klasifikashon pa Cuba.
Errol a haña suspenshon di 2 aña serka Federashon Internashonal di Vòlibòl.

Na aña 1989, Errol ta regresá e tim di "Brevok", ku e la kuminsá kuné na Hulanda.

Di aña 1990-1994, Errol a bini un temporada bek Kòrsou.

Na aña 2008, pa ta eksaktamente, djaweps 27 di mart 2008, Errol Roberto Rooi ta Fayesé na Hulanda.
Entiero a tuma lugá na Hulanda, riba djaweps 3 di aprel 2008.