Norman Lucasius ta tira su di dos ‘No Hit No Run’ di kampionato

WILLEMSTAD - Norman ‘Bosh’ Lucasius tabata grandi ayera atrobe pa Suffisant Eagles. E picher derecho di Fastpitch aki a tira su di dos ‘No Hit No Run’ di kampionato.
E blankeo sin hit e biaha aki tabata kontra Harlem Power ku ta kampion di temporada pasá.

Nos tin e relato di e direktor di kampionato sr. Pim Fangman.
E bataya tan sperá entre Harlem Power i Suffisant Eagles tambe a result< den un anti climax. Harlem Power a sinti falta di nan pitchernan estelar i Arlyson Rodrigues mester a tuma bala. Pa Suffisant Eagles Norman "Bosch" Lucasius a bolbe tira un ‘no hit no run’. Su di dos di e temporada pa SE gana di HP 8-0 riba 6 hit mas 1 eror. Ganadó tabata Norman Lucasius, mihó bate Randolph Kirindongo i Lejeune Francisca di 1-1.
Andley Simmons a bati un homerun. Pa Harlem Power 0 kareda, 0 hit pero 6 eror ku ta un rekòrd pa e kampionato aki den un partido. Picher pèrdèdó Arlison Rodrigues.

Den e promé wega Survivors a gana 11-2 di Awa Limpi. Pa Survivors 11 kareda, 11 hit i 1 eror. Edward Pieternella a resultá e picher ganadó. Edmar Cornelia i Curby Brunken ambos di 3-2. Hubert v/h Kruys a bati 1 homerun.

Pa Awa limpi 2 kareda, 9
hit, 2 eror. Pèrdèdó tabata Francisco Alcantara. E mes, Rudaylo Leito i Rugshander Lareine a bai di 2-1.

Ke mèn tur dos wega a kaba pa nòkout.
Fastpitch lo para weganan te despues di MOMO i lo reanudá 26 febrüari ku dos partido atrobe na Suvek Ballpark.
19.30’or Awa Limpi vs Harlem Power
21.30’or Suffisant Eagles vs Survivors.