Harlem Power ta suta Awa Limpi sin kompashon den Fastpitch Maskulino

WILLEMSTAD - Sòftbòl Fastpitch a kontinuá djaweps anochi na Suvek Ballpark ku solamente un wega. Wega number dos a keda suspendé pa motibu di awaseru.

Harlem Power 17, Awa Limpi 2
E ekipo Harlem Power a bati 8 hit i no a kometé pifio.
Ganadó tabata Rayshel Sambo i Merieldo Trinidad a bai di 2-2 inkluyendo un homerun. Arlyson Rodrigues tambe a konektá unu.
Pa Awa Limpi 2 it i 1 eror.
Ricky Fecunda tabata esun ku a pèrdè, miéntras Rugshander Lareine i Francisco Alcantara a bai di 1-1.

E di dos wega mester a wòrdu para lamentablemente pa awaseru atrobe ku Survivors ganando di Suffisant Eagles 3 pa 0 den bòm di promé inning.

Djaluna 2 di mart
19.30 Harlem Power vs Awa Limpi;
21.30 Clase Aparte - Survivors.
(weganan di skèdjel di nobo)

Djamars 3 di mart
19.30 Clase Aparte - Harlem Power;
21.30 Awa Limpi vs Carpatula.