Chincho Sharks a sorprendé Skarlo ku skor di 13-11 den Liga Amstel

WILLEMSTAD - Chincho Sharks a gana e ekipo supkampion di Liga Amstel djasabra último na Suvek Ballpark.
Bombers a nòkout Unidos feros ku skor di 19-2.

RESULTADONAN
Chincho Sharks 13, Skarlo 11
E ekipo Chincho Sharks tabatin 13 hit i nan a kometé 4 eror.
De Lima tabata picher ganadó, miéntras Ralph Halmeyer a bai di 4-3.
Ralph Halmeyer a konektá 2 homerun i Rivelin Elisabeth a konektá unu.
Skarlo a bati 16 hit i nan a hasi 2 eror.
Eldred Bakker tabata picher pèrdèdó, miéntras Edmar Cornelia a bati di 4-4.
Eugene Antonia a bai di 2-2.
Edmar Cornelia i Mayron Martinus a konektá 1 bataso di kuater skina.

Padres 9, Speedy 7
Padres a bati 19 inkogibel i nan a pifia na 3 okashon.
Anthony Servanie a gana i Erwin Marsden a bai di 4-3.
Speedy tabatin 12 hit i nan a hasi 2 eror.
Wendly Silberie a pèrdè i Shahairy Ustatia a bai di 3-2.
Carlos Pita tambe a bati di 3-2.

Bombers 19, Unidos 2
Bombers a bati 17 hit i nan a kometé 1 pifio.
Patrick Laken a bai ku e viktoria. Rolin Eustatius a bai di 3-3 inkluyendo 1 homerun.
Stanford Landburg a konektá 2 homerun, Kirby Brunken i Luigi Virginie unu.
Unidos a bati 5 hit i nan a kometé 5 eror.
Glen Pieternella tabata picher pèrdèdó.
Rensley Martinus a bati di 1-1.