Selekshonnan di Liga Soraida Juliana a yega Maunabo bon

WILLEMSTAD- E dos selekshonnan di Sòftbòl Little League Liga Soraida Juliana a yega e siudat di Maunabo, Puerto bon.
Djamars 30 di yüni lo tin e kongresiyo tékniko kaminda ku lo duna e reglanan dje kompetensia i tambe e kalendario.
Big League:
Den e kategoria Big League lo hunga e selekshon di Liga Soraida di Kòrsou i e selekshon di Puerto Rico. E posibilidat lo ta un “best of five” entre e dos selekshon. Nos selekshon di Big League ta dirigi pa Sr. Aishel Hooi ku ta manager, asisti pa Sr. Miyustinov Helmeyer ku ta coach i Sra. Laica Jamanika tambe komo coach.
Senior League:
Den e kategoria Senior League ta presente na Maunabo e selekshonnan di Aruba, Kòrsou i naturalmente esun di Puerto Rico. E selekshon di Korsou kategoria Senior League ta dirigi pa Sr. Taffy de Jongh, asistí pa Sr. Wendley Bernardus i Sra. Xiomara Paulina.
Partikularidat:
Kontrali na otro okashonnan, e biaha aki e dos selekshonnan ta keda na sitio diferente ku e ‘coaching-staff”, ya ku e villa ku normalmente ta alohá e delegashonnan ta den rekonstrukshon. Esei ta trese kune naturalmente k upa ta huntu ku e sòftbòlistanan e teknikonan mester move di un lado pa otro. Di tur manera e espektativanan ta haltu. Maunabo ta un siudat di sòftbòl femenino kaminda ku hopi fanátiko ta haña kaminda pa parke.

Jair Josepha di Jandoret Raiders pa Armendares den Liga Un i Tur

WILLEMSTAD - E aña aki tin varios kambio den Liga Un i Tur.
E kambio ku mas a hala atenshon ta e traspaso di e superstar Jair Josepha di Jandoret Raiders pa Armendares. Jair a bai for di Jandoret na momentu ku e lider di Armendares Gilbert Henriette a bai Thillers.

Otro bon hungadó ku a bai for di e ekipo kampion di Liga Un i Tur Jandoret Raiders ta Jurgen Kröndstadt ku a move pa Cicoza.
Jandoret lo konta e aña aki ku Randy Kirindongo, Leugenne Francisca, Ruwel Matrona i e tremendo picher veterano Siegfried Lopez.

Nos Por The Bear Armored ta gana unu i pèrdè unu den Liga Streanan di Ayera

WILLEMSTAD - Nos Por The Bear Armored ta gana Destiny ku skor grandi, 16-1 djabièrnè, pero ta pèrdè djadumingu ku skor grandi 11-0 kontra e kampionnan di aña pasá The Fighters.

Djabièrnè 12 di yüni
Nos Por 16, Destiny 1
E ekipo Nos Por a bati 11 hit i nan a kometé 1 eror. Ganadó tabata Minerva Maduro, miéntras Anuska Bekeer a bai di 3-2.
Nos no a haña e numeritonan di Destiny kompleto. Mairis Maduro a pèrdè i Haydee Francisca a bai di 1-1.

Liga Un i Tur lo start dia 11 di yüli na Shon Ki Nicasia

WILLEMSTAD - Tin tur indikashon ku Liga Un i Tur lo start na Shon Ki Nicasia Ballpark segun informashonnan ku nos a risibí.

Djarason tabatin un reunion na ofisina di NAVU kaminda e atendé e último detayenan pa loke ta trata traspaso di hungadó.
Chèns ta grandi tambe ku lo start na e tereno kustumbrá ku ta tereno di Isla na Post 6 ku ta práktikamente kla.
Nos lo tin mas detaye di Liga Un i Tur den kurso di dianan.

Ku bon picheo atrobe di Wim Felicia, Happy Stars a dal Catpower 7-3 den Liga 40

WILLEMSTAD - Happy Stars, ekipo nobo den Liga 40, a mustra ku nan tin aden atrobe. Nan a gana s super ekipo Catpower ku skor di 7-3.
Wim Felicia, picher estelar i doño di ekipo a tuma e bala i picha den gran forma pa su ekipo gana Catpower relativamente fásil.
Den e di dos wega Swift a dal feros Exito 16-1

RESULTADONAN
Happy Stars 7, Catpower 3
Happy Stars a dal 11 hit i hunga sin eror. Willem ‘Wim’ Felicia tabata e picher ganadó i Cedric Valies a bati di 3-3. Charlton ‘Willy’ van Thijs tabatin un homerun.
Catpower a konektá 10 hit i hasi 1 eror. Norman De Roon tabata e picher pèrdèdó. Dennis D’Arnault i Michiel de Roon a bati di 3-2. Sedeney’ Mr’ Spider Lourens i Sherman ‘Cai’ Leonora tabatin un homerun.

Swift 16, Exito 1
Swift a bati 14 hit i hunga sin eror. Johan Cicilia a gana Marlon Romer, Junny Wawoe, Hendrik Gabriel, Marvin Wijman a bati di 1-1. Jose Cijntje , Rermick Bernadina i Elogio Philips a konekta un homerun.
Exito a bati 3 hit i hasi 5 eror. Edward ‘Echi’ Dijk a perde i Wendell Isidora a bati di 1-1.

Gamers ta logra na promé viktoria den Liga Amstel riba Speedy

WILLEMSTAD - Gamers a gana nan promé wega den Liga Amstel ku un viktoria di 12-10 riba Speedy. Ellerick Rodriguez a presentá pa Gamers, picha i bati pa e ekipo logra e viktoria. Ellerick ‘Zoontje’ Rodriguez tabatin un homerun tambe.

RESULTADONAN
Djasabra 13 di yüni
Gamers 12, Speedy 10
Gamers a bati 10 hit i nan a kometé 3 pifio.
Picher ganadó tabata Ellerick Rodriguez, miéntras Jurandier Libiana a bati di 1-1.
Wally Kopra i Ellerick Rodriguez a konektá 1 homerun.
Speedy tabatin 11 hit i nan a hasi 1 eror.
Wentely Silberie a pèrdè i e mes a bai di 3-3.

Destroyers ta nòkout Uniko 15-5 den Liga van Engelen

WILLEMSTAD - Destroyers despues di a kai atras den promé inning a bini bèk duru pa nòkout Uniko relatívamente fásil djadumingu último den kontinuashon di Liga van Engelen. Dalpega ku no a topa niun ekipo fuerte ainda ta invikto.
Dalpega lo topa Baranka djadumingu awor 10’or.

RESULTADONAN
Djadumingu 14 di yüni
Destroyers 15, Uniko 5
E ekipo Destroyers a bati 13 hit i nan a kometé 3 pifio.
Picher ganadó tabata Elison Pieters, miéntras Ludwig Pietersz a bati di 2-2.
Ludwig Pietersz, Merieldo Trinidad, Faisel Pereira
i Michelangelo Cijntje, tur a konektá 1 homerun.
Uniko tabatin 5 hit i nan a hasi 3 eror. Gustaaf Barhorst tabata e pèrdèdó i Xemio Jacobs a bai di 2-2.
Lindsy Laker a konektá 1 homerun.

The Bears ta gana Dok ku skor di 12-6 den The Champions League

WILLEMSTAD - The Bears despues di tabata atras 6-2 ta bòltu e skor pa gana e fuertísimo ekipo di Dok ku skor di 12-6. The Bears di spònser pa The Bear Armored a konta ku picheo di Jose Obispa.The Champions League a start djabièrnè último

RESULTADONAN
The Bears 12, Dok 6
The Bears a bati 11 hit i kometé 2 eror. Picher ganadó Jose Obispa i na bate Geronimo Daflaar di 3-3.
Dok a bati 6 hit i pifia na 1 okashon. Jonathan Statia a pèrdè. Na bate Merieldo Trinidad di 2-2.

Komersial Femenino
Kooyman 8, UNA 1
Kooyman a presentá ku un ekipo temibel i ta gana e hóbennan di UNA.
Kooyman a bati 8 hit i kometé 2 eror. Valerie Sting a gana. Na bate Tatiana Betorina i Jeamin Pieternella kada un a bati di 3-2.
UNA a dal 4 hit i pifia na 6 okashon.
Farah Andrade a perdè. Juretty Poulo i Rudalia Mercelina kada un di 1-1.

Giro Bank 11, Konseho Insular 2
Giro Bank tabatin 9 hit i 0 eror. Mirella Streden a gana. Veronica Ustatia i Brunette Robert kada un a bai di 2-2. Konseho Insular a bati 6 hit i kometé 2 eror. Anoushka Cadeau a perdè.
Melissa Arias di 2-2.

Komersial Maskulino
Kuster Trading 13, Veneto 6
Kuster Trading a bati 16 hit i kometé 2 eror.
Ivar Martis a gana i na bate Fabian Celestina di 3-3.
Veneto a dal 5 hit i pifia na 2 okashon. Picher perdèdó Aldred Scholt.
Orlando Gerard, Mingavio Begina i Edsel Betorina kada un a bai di 2-1.
Buiding Depot 18, Airport 2
Building Depot a konektá 21 hit i kometé 5 eror. Picher ganadó Marlon Noor. Na bate Erlison Senior i Raynis Faries kada un di 4-4.
Pa Airport 6 hit i 3 eror. Ludson Elizabeth a perdè. Na bate Gerson Adamus di 1-1.

Liga Pariba Junior League lo partisipá na e kampionato Latino Amerikano na Meksiko dia 13 pa 27 di yuli

WILLEMSTAD - Tin tur indikashon ku e selekshon di Junior League Liga Pariba lo biaha normal pa e kampionato Latino Amerikano di Junior League ku lo tuma lugá di 13 pa 21 di yüli na Monterrey Meksiko.
Direktiva di Liga Pariba i District Administrator a reuni ku GGD i a tuma desishon ku e selekshon lo biaha pa Meksiko.

Softballcuracao.com a kombersá ku coach di e selekshon sr. Antonio ‘Toncha’ Simmon tokante e preparashonnan.
Toncha: “Nos ta preparando 4 biaha pa siman inkluyendo weganan di fogeo.
Nos selekshon ta bon, nos ta kompletu. E parti di bateo ta hopi bon mes, nos tin bon picheo i bon defensa, spit ta normal.
Nos picheo ta enkabesá pa Adonis Mac Donald i Zanoni de Windt, pero nos tin hopi picher mas.
Nos no a usa hopi picher na Kòrsou debí ku e weganan tabata hopi habri for di otro. Un wikènt a hunga dos wega i dos wikènt a hunga un wega. Na Meksiko ta hopi wega tras di otro den un siman. Nos preparashonnan pa e play-off di Little League di Kòrsou tabata hopi fuerte. Nos a haña ayudo di algun coach ku tabata tei kasi na tur training.”

The Bears ta suta Nos Union mahos ku skor di 22-0

WILLEMSTAD - The Bears ku picheo hermetiko di Pursey Schoop i bateo di Earl Virginia I Sedeney ‘Spin’ Lourens tad al Nos Union 22-0. Yesterday a sorprendé Santa Rosa Memories lagando e ekipo di Momon Martina den tereno ku skor di 5-3. Anthony Martina a dal homerun e homerun pa laga Santa Rosa Memories den tereno.

The Bears a gana di Nos Union ku skor di 22 pa 0 Pa The Bears 22 kareda 20 hit i 0 error. Picher ganado Percey Schoop. Miho Bate pa The Bears ta Earl Virginie i Sedeney Lourens di 4-4
Pa Nos Union 0 kareda 3 hit i 11 error. Picher perdedo Sandy Mercelli. Miho bate Gregory Damoen i Wendell Isidora di 1-1 . Homerun den e partido Sedeney Lourens i Richard ”Shaki ” Coffie

Liga Amistad ta start dia 28 di yüni na Ricardo Elhage Ballpark ku direktiva nobo

WILLEMSTAD - Liga Amistad ta start 28 di yüni 2009 na Ricardo Elhage Ballpark.
Lo bai tin mas aktividat e aña aki na tereno pa hala mas fanátiko.
Liga Amistad den 2009 lo mantené su nòmber komo e mihó Liga. Esaki ta loke e umpirenan a bisa.

DIREKTIVA
Direktiva di Liga Amistad ta konsistí di e siguiente perso-nanan.
Presidente: Sr. Eithel Mari (Veteranos);
Tesorero: Sr. Ronald Jardinier (Nos ku Nos);
PR & Merkadeo: Sra. Tineke Gijsbertha (Revelation Stars);
Direktor di kampionato: Sr. Raymond Mari (GGD);
Sekretaria Sra. Zonayda Ataliede;
(Komisario):
Sr. Robertico Ramazan
(Veteranos).

Caterpillar ta gana Jaws Malta Amstel pèrtá 13-12 den Liga 40

WILLEMSTAD - Liga 40 a sigui djaweps 11 di yüni na Suvek Ballpark ku dos wega. Caterpillar mester a lucha pa gana Malta Amstel 13-12, mièntras Baranka a nòkout Barbouquet fásil 15-0. Weganan ta sigui djamars 16 di yüni na Suvek Balpark.

Caterpillar 13, Jaws Malta Amstel 12
Caterpillar a dal 8 hit i hasi 5 eror.
Norman ‘Nonnie’ de Roon a gana. Dennis D’Arnault i Sharlon Louisa a bati di 3-2. Sharlon Louisa a dal 2 homerun i Winston Kirindongo a bati unu homerun.
Jaws Malta Amstel a konektá 10 hit i hunga sin eror.
Riley Toppenberg a pèrdè i
Robertico ‘Tico’ Ramazan a bati di 3-3. Ogenio Rafael a bati di 2-2.

Baranka 15, Barbouquet 0
Baranka a konektá 15 hit i hasi 1 eror. Albertico Isenia a gana. Dudley Sanchez i Urvin Martina a bati di 2-2.
Mayron Wijman i Edmar Cornelia a bati un homerun.
Barbouquet a konektá 3 hit i hasi 3 eror. Nestor Beaumont a pèrdè i Ludwig Mathilda a konektá un homerun.

Djamars awor Baranka ta topa Jaws pa 7.30 sigui pa
Trotters - Q-Rangers

The Fighters 6, Destiny 3 den Liga Streanan di Ayera

WILLEMSTAD - The Fighters a dal Destiny 6 pa 3 den Liga Streanan di Ayera den wikènt.
Den otro wega Nos Por a dal Mi Deseo 8-2.

RESULTADONAN
The Fighters a dal 10 hit i hasi 2 eror. Servilla Martina a gana i Brunet Ronbont a bati di 3-2. Destiny a konektá 6 hit i hasi 3 eror. Dariela Nivilac a pèrdè i Leito a bati di 1-1.

Mi Deseo 7, Eureka 4
Mi Deseo a dal 10 hit i hasi 3 eror. Aidee Merite a gana i Patricia Saturnino a bati di 3-3. Eureka a dal 7 hit i hasi 3 eror. Meredith Faneyt a pèrdè i Prisca Angelista a bati di 2-2.

Swift ta nòkout Rangers fásil ku skor di 12-1 den Liga 40

WILLEMSTAD - Swift a dal Rangers fásil ku skor di 12-1.
Swift tin algun bon hungadó den Liga 40. Hungadónan ku a destaká formal den añanan 90 ku e ekipo.

Djamars 9 di yüni
Swift 12, Q-Rangers 1
Swift a konektá 15 hit i nan a kometé 2 pifio.
Frensel Martinus a bai ku e viktoria i Marlon Römer a bati di 3-3. Eulogio Philips i Randall van Lamoen a bai di 2-2. Q-Rangers a bati 4 hit i nan a hasi 1 eror. Ramon Moreta a pèrdè i Cedric Kalkuin a bai di 1-1.

Happy Stars 21, Navegantes 6
Happy Stars a bati 20 inkogibel i nan a pifia na 3 okashon.
Picher ganadó tabata Rigoletto Thode, miéntras Renato Anasagasti a bati di 4-4. Roderick Postina, Renato Anasagasti i Ludwig Pietersz a konektá 1 bataso di kuater skina.
Navegantes tabatin 10 hit i nan a hasi 8 eror.
Guido Provence tabata e pèrdèdó. i
Ingomar Jonis a bai di 2-2, inkluyendo 1 bataso di kuater skina.

Standing Beisbòl Dòbel A Kòrsou te ku 12 di yüni

Ekipo
Sta. Maria Pirates Chippie 6 1
Sta. Rosa Indians Ennia 4 2
Groot Kwartier Star Mangusa 4 2 1
Wildcats Fatum 3 3 1
Royal Scorpions Banko di Caribe 3 4
Blue Hawks Aqualectra 2 5
Curacao Yankees 1 6

Dalpega LBH Group ta gana Jaws pèrta 13-12 den Liga van Engelen

WILLEMSTAD - Dalpega LBH Group a pasa den pèrta pa gana Jaws di Kid Boca Chica djadumingu último na Suvek Ballpark.
Nan a gana pèrta 13-12.
Awe nos tin resultadonan kompletu di Liga van Engelen.

Dalpega 13, Jaws 12
Dalpega a dal 11 hit i hasi 3 eror. Edwin ‘Edichi’ Martina a gana. Abigail Vilchez, Robertico Ramazan Emerick Agatha i Rashit Jacoba a bati un homerun. Anwar Franken a bolbe bati homerun.
Jaws a bati 13 hit i hasi 2 eror. Rodney Windster a resultá e picher pèrdèdó.
Brian Kook, Quincy Kook i Raynis Faries a bati di 2-2.
Quincy Kook a dal 2 homerun, Raynis Faries i Charlton Merite a dal un homerun.

Baranka 15, Swift 4
Baranka a dal 14 hit i hasi 3eror. Siegfried Lopez a gana i Senny Petronella a bati di 3-3. Mayron Martinus a bati di 2-2. Wilfred Reinita, Mayron Martinus, Edmar Cornelia, Winsley Ansano i Sendley Reina a bati homerun.
Swift a bati 7 hit i hasi 1 eror. Donovan Seferina a resultá e picher pèrdèdó. Eldric Reenis i Djuric Pietersz a bati di 1-1. Jair Josepha tabatin un homerun.

Reunion Liga Un i Tur djaweps 10 di yüni na Golden Star Restaurant

Djaweps 10 di yüni tin un reunion di Liga Uni Tur na Restaurant Golden Star.
E reunion ta programá pa start 8’or en punto.

PUNTONAN DI AGENDA
1. Apertura i aprobashon di agenda;
2. Partisipashon;
3. Kampionato 2009 (entrega di lista tentativo);
4. Turno Liber;
5. Klousura.

Stella’s Corner ta sweep Double Header den Liga Trai Seru

WILLEMSTAD - Stella’s Corner e sensashon di Liga Trai Seru a gana dos wega siguí djasabra na Cirilo Chirino Ballpark.
Nan a gana Boca Sami fásil 20-4 i despues dal e fuerte ekipo di Domi 9-7.
Stella’s Corner tin solamente un wega pèrdi i ta na promé luga empatá ku Catpower.

RESULTADONAN
Djasabra 6 di yüni
Stella's Corner 20, Boca Sami 4
E ekipo Stella's Corner a konektá18 inkogibel i nan a pifia na 3 okashon.
Picher ganadó tabata Sixto Schoop, miéntras Mairon Wijman a bati di 3-3.
Fabian Orkadia tambe a bati di 3-3.
Mairon Wijman, Fabian Orkadia i Ludwig Pietersz a konektá 1 homerun.
Boca Sami a bati 6 hit i nan a hasi 4 eror.
Richinel Raphaela tabata e picher pèrdèdó. Lisandro Constancia a bati di 2-2.
Ruengelo Constancia tambe a bai di 2-2.

Beisbòl veterano djadumingu awor ku La Perfecta na Velt Salu

WILLEMSTAD - Djadumingu awor 14 di yüni di seis’or di atardi pa diesdos’or di anochi La Perfecta ta toka na velt salu.
Entrada ta gratis asina ta nos di beisbòl veterano ta warda tur bailadores i fanatiko di beisbòl pa bin gosa un ratu serka ku nos. Tambe lo tin un tremendo DJ. E weganan p’e siman aki ta djasabra 13 di yuni pa 13.00 Vosama kontra Eagle.
Pa 15.30 Nos Union kontra The Bears. Djaduming 14 di yuni pa 10.30 Otrabanda kontra Amstel. 13.00 Yesterday kontra Sta Rosa Memories i pa 15.30 Azucar kontra Surprise i despues La Perfecta i DJ Rosa lo topa musikalmente.
Velt Salu tin un pista di baile masha bunita mes anto ku dak asina ta bin pa bo gosa di ambiente i probecha sera konosi ku e fasilidatnan ku velt salu ta ofresé.
Kòrda bon djadumingu awor La Perfecta gratis na velt salu di 6 or pa 12 or. Nos ta warda bo.

Speedy ta derotá Los Unidos 5-4 den Liga Amstel djasabra

WILLEMSTAD - Liga Amstel a kontinuá djasabra último ku 5 wega na Suvek Ballpark.
Speedy a gana Los Unidos di Rensley Martis den un bon wega 5-4. Padres ku ta den gran forma e aña aki a dal Omel durisimo 24-5

RESULTADONAN
Djasabra 6 di yüni
Speedy 5, Los Unidos 4
Speedy tabatin 8 hit i nan a kometé 1 pifio.
Picher ganadó tabata Wendly Silberie. Carlos Pita Rodriguez, Shahairy Ustatia i Eliziar Kleinmoedig a bati di 3-2.
Los Unidos a bati 9 hit i nan a hasi 1 eror. Glenn Pieternella tabata pèrdèdó i Senny Petronella a bai di 3-2. Jonathan Martijn tambe a bai di 3-2.

Padres 24, Omel 5
Padres a konektá 20 inkogibel i nan a pifia na 1 okashon. Ganadó tabata Luigi St. Jago, miéntras Erwin Marsden a bai di 5-5.
Joël Angelista, Erwin Marsden i Cedric Valies a konektá 1 bataso di kuater skina.
Omel a bati 6 hit i nan a hasi 5 eror. Gilbert Henriette a pèrdè i Albertico Leito a bai di 2-1. Erling Gosepa i Arturo Franka a konektá 1 homerun.

Sanchez, Emerenciana, Elsbeth, Nepomuceno i Martina a gana den Pepsi Homerun Derby

WILLEMSTAD - Djasabra, 30 di mei tabatin e tradishon Homerun Derby di Liga Soraida Juliana di sponser pa Pepsi Cola na Sabana Ballpark. Tur ekipo a manda representante den kada liga pa kompeti den e evento ku a hala hopi publiko.
E damasnan di Liga Soraida Juliana a demonstra gran poder na plato.

MINOR LEAGUE
Miranchette Sanchez di Buena Vista Fundashon Sedreko a konekta 3 homerun pa gana den su kategoria.

LITTLE LEAGUE
Shanysse Emerencia di Buena Vista Fundashon Sedreko konekta 4 homerun pa bira lider den su kategoria.

JUNIOR LEAGUE
Angelina Elsbeth di Souax Persio Uniformes a konekta un homerun pa gana den Junior

SENIOR LEAGUE
Ganado tabata Chantal Nepomuceno di Kanga Fruku a konekta un homerun pa gana den su kategoria

BIG LEAGUE
Rijaira Martina di Buena Vista Fundashon Sedrreko a konekta dos homerun pa gana den kategoria Big League.

Happy Stars ta gana Barbouquet Stars 9-3 den Liga 40

WILLEMSTAD - E ekipo di Wim Felicia Happy Stars a logra su promé viktoria den Liga 40 djaweps 4 di yüni na Suvek Ballpark.
Happy Stars ku picheo i bateo di Wim Felicia a gana Barbouquet Stars 9-3.
Den e otro wega Catpower a dal Baranka ku skor grandísimo.

Liga 40 ta sigui djamars awor ku dos wega.
Den e promé partido pa 7.30’or Happy Stars ta topa Navegantes i pa 9.30’or Q-Rangers lo hunga kontra Swift.

Destiny ta zona Mi Deseo 15-4 den Liga Deseo di Streanan di Ayera

WILLEMSTAD - Liga Deseo di Streanan di Ayera a kontinuá djadumingu 31 di mei na Muizenberg Ballpark ku dos wega.
Den e promé wega Destiny a dal Mi Deseo 15-4.

RESULTADONAN
Djadumingu 31 di mei
Destiny 15, Mi Deseo 4
Destiny a bati 11 hit i nan a hasi 2 eror.
Julia Holder tabata picher ganadó, miéntras E. Mutueel tabata e mihó na bate.
Mi Deseo a bati 4 hit i nan a kometé 3 eror.
Pèrdèdó tabata Narelva Puriel.
Melissa Rosalina tabata e mihó na bate.

Skarlo ta suta Curacao Real Team sin kompashon ku skor di 29-3 den Liga Amstel

WILLEMSTAD - Skarlo a baha pisá riba Curacao Real Team djasabra último ganando ku skor abultá 29-3 den kontinuashon di Liga Amstel na Suvek Ballpark. Un di e skornan mas grandi den Slowpitch último añanan.

RESULTADONAN
Djasabra 30 di mei
Skarlo 29, Cur. Real Team 3
E ekipo Skarlo a bati 18 inkogibel i nan a pifia na 1 okashon. Glendomar Davelaar tabata picher ganadó, miéntras Anthony Leonora a bati di 3-2. Luis Alcantara i Robertico Ramazan a bai di 4-3.
Anthony Leonora a konektá 2 homerun i Ericson Martina unu.
Curacao Real Team a bati 5 hit i nan a hasi 9 eror..
Clifton Domacasse tabata pèrdèdó i Whitney Lucio a bai di 2-2. Archie Kops a konektá un homerun.

Dalpega ta gana Crazy Lions fásil ku skor di 12-3 den Liga van Engelen

WILLEMSTAD - Dalpega lusiendo ku nan unifòrm nobo nobo a dal Crazy Lions fásil ku skor di 12-3 djadumingu na Suvek Ballpark.
Dalpega a presentá ku Anthony Servanie pa gana e wega. Anwar Franken trahadó di Banco Maduro, deskonosí den e wega di Slowpitch tabata den gran forma batiendo di 3-3 ku 3 homerun.
Jaws di Kid Boca Chica a haña number di kas ganando di Quisqueya 9-7.

RESULTADONAN
Dalpega 12, Crazy Tigers 3
Dalpega a bati 13 hit i nan a kometé 1 pifio.
Anthony Servanie tabata e ganadó, miéntras Anwar Franken a bai di 3-3.
Anwar Franken a konektá 3 bataso di kuater skina i Anthony Leonora unu.
Pa Crazy Tigers 6 hit i 1 eror.
Marlon Noor a pèrdè i Dennis D'Arnault a bai di 2-1. Urly Cijntje tambe a bati di 2-1. Stanley Palm a konektá 1 homerun.

Lions 9, Navegantes 2
Lions a bati 9 hit i kometé 1 eror. Armand Bernabela a bai ku e viktoria i Raylon Capella a bati di 3-2.
Navegantes tabatin 5 hit i nan a hasi 5 eror.
Glenn Pieternella a sufri e derota. Rignald Floranus a bai di 3-2.

Liga Pabou ta gana den Little i Senior, Liga Pariba number unu den Minor i Junior

WILLEMSTAD Play-off Beisbòl Little League 2009 a finalisá djadumingu ku weganan na Frank Curiel Ballpark i Tio Daou Ballpark. E kompetensia tabata fuerte e aña aki i no tabata fásil pa Pabou manera añanan anterior. Liga Pabou a gana den divishon Little (invikto) i a gana den Senior. Liga Pariba a gana den Minor i Junior (invikto). Den Minor i Senior desishon final a kai te den último wega.

RESULTADONAN
Djasabra 30 di mei
Frank Curiel Ballpark
Liga Willemstad 6, Liga Pariba 4 (Minor);
Liga Pabou 7, Liga Willemstad 3 (Little).

Tio Daou Ballpark
Liga Pariba 7, Liga Pabou 2
(Junior);
Liga Pabou 7, Liga Willemstad 3 (Senior).

Prison/Onderwijs i Brandweer kampion Torneo Komersial Selikor

WILLEMSTAD Prison/Onderwijs a gana Polis femenino, Brandweer a derotá Polis maskulino den e dos finalnan di Torneo Komersial Selikor 2009 dilanti un públiko grandísimo ayera na Cirilo Chirino Ballpark.
Den e parti internashonal
Selikor a bira kampion.
Despues di e finalnan tabatin entrega di premio.

MASKULINO
Brandweer ta derotá Polis 11-6 pa bira kampion. Brandweer tabata dilanti durante henter a partido.
Den bòm di di 6 inning Brandweer tabata dilanti 11-1. Polis ta reakshoná bon den inningnan 6 i 7 pero ta keda kòrtiku.

FEMENINO
Den e sekshon Femenino Polis tabata ganá 4-3 den di 5 inning. Segun Polis e wega mester terminá den 5 inning i ta pèrdè pa forfeit.