Skarlo ta suta Curacao Real Team sin kompashon ku skor di 29-3 den Liga Amstel

WILLEMSTAD - Skarlo a baha pisá riba Curacao Real Team djasabra último ganando ku skor abultá 29-3 den kontinuashon di Liga Amstel na Suvek Ballpark. Un di e skornan mas grandi den Slowpitch último añanan.

RESULTADONAN
Djasabra 30 di mei
Skarlo 29, Cur. Real Team 3
E ekipo Skarlo a bati 18 inkogibel i nan a pifia na 1 okashon. Glendomar Davelaar tabata picher ganadó, miéntras Anthony Leonora a bati di 3-2. Luis Alcantara i Robertico Ramazan a bai di 4-3.
Anthony Leonora a konektá 2 homerun i Ericson Martina unu.
Curacao Real Team a bati 5 hit i nan a hasi 9 eror..
Clifton Domacasse tabata pèrdèdó i Whitney Lucio a bai di 2-2. Archie Kops a konektá un homerun.

Latin Caribe 8, Gamers 3
Latin Caribe a bati 13 hit i nan a kometé 1 pifio.
Ramon Moreta a bai ku e viktoria i Franklin Hagen a bai di 3-2. William Peña i Ramon Moreta tambe a bati di 3-2. Gamers a bati 8 hit i nan a hasi 3 eror. Ryan Hollander a pèrdè i Luis Arvelo a bati di 3-2.

Bombers 11, Speedy 1
Bombers a konektá 12 hit i nan a kometé 1 eror.
Ganadó tabata Kenny Hellement. Edwin Martina a bai di 3-2. Speedy a bati 4 hit i nan a hasi 2 eror.

Wendley Sirberie tabata picher pèrdèdó.
Jonathan Soleana, Shahairy Eustatia, Mergairic Begina
i Edmond Rodriguez, tur a bai di 2-1.

Padres 8, Chincho Sharks 3
Padres a bati 13 inkogibel i nan a kometé 2 pifio.
Ganadó tabata Anthony Servanie.
Merieldo Trinidad i Edsel Zinhagel a bati di 3-2.
Chincho Sharks tabatin 8 hit i nan a hasi 3 eror.
Railison Gijsbertha a pèrdè i Nathaniel Ravenstein a bai di 1-1. Revelin Elisabeth a konektá 1 homerun.