Dalpega LBH Group ta gana Jaws pèrta 13-12 den Liga van Engelen

WILLEMSTAD - Dalpega LBH Group a pasa den pèrta pa gana Jaws di Kid Boca Chica djadumingu último na Suvek Ballpark.
Nan a gana pèrta 13-12.
Awe nos tin resultadonan kompletu di Liga van Engelen.

Dalpega 13, Jaws 12
Dalpega a dal 11 hit i hasi 3 eror. Edwin ‘Edichi’ Martina a gana. Abigail Vilchez, Robertico Ramazan Emerick Agatha i Rashit Jacoba a bati un homerun. Anwar Franken a bolbe bati homerun.
Jaws a bati 13 hit i hasi 2 eror. Rodney Windster a resultá e picher pèrdèdó.
Brian Kook, Quincy Kook i Raynis Faries a bati di 2-2.
Quincy Kook a dal 2 homerun, Raynis Faries i Charlton Merite a dal un homerun.

Baranka 15, Swift 4
Baranka a dal 14 hit i hasi 3eror. Siegfried Lopez a gana i Senny Petronella a bati di 3-3. Mayron Martinus a bati di 2-2. Wilfred Reinita, Mayron Martinus, Edmar Cornelia, Winsley Ansano i Sendley Reina a bati homerun.
Swift a bati 7 hit i hasi 1 eror. Donovan Seferina a resultá e picher pèrdèdó. Eldric Reenis i Djuric Pietersz a bati di 1-1. Jair Josepha tabatin un homerun.

Destroyers 15, Navegantes 2
Destroyers a dal 12 hit i hasi 1 eror. Gregory Martina a gana i Mayron Wijman a bati di 3-3. Gerton ‘Macho’ Matrona di 1-1. Mayron Wijman a dal 2 homerun i Michelangelo Cijntje a bati un homerun. Navegantes a bati 5 hit i hunga sin eror. Norman Provence a pèrdè i Aron ‘Meneer’ Boelbaai a bati di 3-2. Sherwin Schoop tabatin un homerun.

Uniko 10 Lions 7
Uniko a dal 10 hit i hasi 1 eror. Gustaaf Barhorst a gana i Tjark Valies a bati di 3-3. Lindsel Laker a dal un homerun. Tjark Valies a bati 2 homerun. Lions a dal 15 hit i hasi 1 eror. Lionel Elisabeth a pèrdè i Jurigh Leito a bati di 3-3. Raymond Martis tambe a bati di 3-3.