Happy Stars ta gana Barbouquet Stars 9-3 den Liga 40

WILLEMSTAD - E ekipo di Wim Felicia Happy Stars a logra su promé viktoria den Liga 40 djaweps 4 di yüni na Suvek Ballpark.
Happy Stars ku picheo i bateo di Wim Felicia a gana Barbouquet Stars 9-3.
Den e otro wega Catpower a dal Baranka ku skor grandísimo.

Liga 40 ta sigui djamars awor ku dos wega.
Den e promé partido pa 7.30’or Happy Stars ta topa Navegantes i pa 9.30’or Q-Rangers lo hunga kontra Swift.

RESULTADONAN
Nos tin e skornan di e weganan di 2 di yüni.
Rising Trotters 12, Exito 2
E ekipo Rising Trotters a bati 16 inkogibel i nan a pifia na 4 okashon.
Ganadó tabata Gustaaf Barhorst, miéntras Patrick Eliza a bati di 4-3.
Rignald Hooi a bai di 1-1.
Exito tabatin 4 hit i nan a hasi 4 eror. Edsel Celestina tabata pèrdèdó, miéntras Johnny Brandao i Gerald Davelaar a bai di 2-1. Jersly Brunken tambe a bati di 2-1.

Jaws Malta Amstel 17, Navegantes 0
Jaws a bati 17 hit i nan a kometé 2 pifio.
Picher ganadó tabata Riley Toppenberg i Tyronne de Palm a bai di 2-2.
Fransje Lambertina a bati di 4-4. Arlyson Rodriguez a konektá un homerun.
Navegantes a bati 3 hit i nan a hasi 4 eror.
Sergio Liberia tabata esun ku a pèrdè.