Stella’s Corner ta sweep Double Header den Liga Trai Seru

WILLEMSTAD - Stella’s Corner e sensashon di Liga Trai Seru a gana dos wega siguí djasabra na Cirilo Chirino Ballpark.
Nan a gana Boca Sami fásil 20-4 i despues dal e fuerte ekipo di Domi 9-7.
Stella’s Corner tin solamente un wega pèrdi i ta na promé luga empatá ku Catpower.

RESULTADONAN
Djasabra 6 di yüni
Stella's Corner 20, Boca Sami 4
E ekipo Stella's Corner a konektá18 inkogibel i nan a pifia na 3 okashon.
Picher ganadó tabata Sixto Schoop, miéntras Mairon Wijman a bati di 3-3.
Fabian Orkadia tambe a bati di 3-3.
Mairon Wijman, Fabian Orkadia i Ludwig Pietersz a konektá 1 homerun.
Boca Sami a bati 6 hit i nan a hasi 4 eror.
Richinel Raphaela tabata e picher pèrdèdó. Lisandro Constancia a bati di 2-2.
Ruengelo Constancia tambe a bai di 2-2.

Stella's Corner 9, Domi Lions 7
Stella's Corner a bati 8 hit i nan a kometé 2 eror.
Ganadó tabata Sharlon Hanst i Senny Petronella a bati di 3-3.
Mairon Wijman i Senny Petronella a konektá 1 bataso di kuater skina.
Domi Lions tabatin 11 hit i nan a hasi 1 eror.
Norman de Roon a pèrdè i Ruwel Matrona a bai di 1-1.
Emerick Agatha i Norvaniel Aniceta a konektá 1 homerun.

Brievengat Boys a gana Clase Aparte pa defolt 7-0.