Gamers ta logra na promé viktoria den Liga Amstel riba Speedy

WILLEMSTAD - Gamers a gana nan promé wega den Liga Amstel ku un viktoria di 12-10 riba Speedy. Ellerick Rodriguez a presentá pa Gamers, picha i bati pa e ekipo logra e viktoria. Ellerick ‘Zoontje’ Rodriguez tabatin un homerun tambe.

RESULTADONAN
Djasabra 13 di yüni
Gamers 12, Speedy 10
Gamers a bati 10 hit i nan a kometé 3 pifio.
Picher ganadó tabata Ellerick Rodriguez, miéntras Jurandier Libiana a bati di 1-1.
Wally Kopra i Ellerick Rodriguez a konektá 1 homerun.
Speedy tabatin 11 hit i nan a hasi 1 eror.
Wentely Silberie a pèrdè i e mes a bai di 3-3.

Latin Caribe 15, Curacao Real Team 10
Latin Caribe tabatin 17 inkogibel i nan a pifia na 8 okashon
Picher ganadó tabata Fabian Seraus.....
Jesus Gonzalez a bai di 2-2.
Curacao Real Team a bati 14 hit i nan a kometé 3 eror.
Withney Lucio tabata e pèrdèdó. Raylon Capella i Johnny de Pool a bai di 4-3.
Lionel ‘Eksperensia’ Privania a konektá un bataso di kuater skina.



Lesadónan di La Prensa Slow-pitch bon tardi. Nos tin mas resultado di Liga Amstel den nos kolumna.
Kòrda ku djaweps anochi ta kandela tin na Suvek Ballpark ora Catpower di Teti Chirino enfrentá Happy Stars di Wim Felicia. Sr. Felicia ta hunga den Catpower den Liga Trai Seru i Liga 50.

Nos tin mas resultado di Liga Amstel.
Omel 7, Chincho Sharks 5
Omel a bati 8 hit i nan a hasi 3 eror. Gilbert Henriette a gana i Ingemar Jonis a bai di 1-1.
Chincho Sharks tabatin 8 hit i nan a hasi 3 eror.
Michael Mogen a pèrdè i Revelien Elisabeth a bai di 1-1.

Padres AZNY 17, Carpatula 16
Padres AZNY tabatin 16 imparabel i nan a kometé 4 pifio.
Ganadó tabata Anthony Servanie. Faisel Pereira a bai di 3-3 i Edwin ‘Eddie’ Thielman a bati di 2-2. Wensley Ansano a konektá 1 homerun.
Carpatula a bati 17 hit i nan a hasi 3 eror.
Rouel Matrona a bai di 3-3 inkluyendo 1 homerun.
Pèrdèdó Rouel Matrona

Skarlo 9, Unidos 8
Ekipo Skarlo a bati 12 hit i nan a hunga impekabel. Rignald Hooi a bai ku e viktoria, miéntras Ericson Martina a bati di 4-3. Emerick Agatha, Ericson ‘Jay Jay’ Martina i Sepherine ‘Dugel Adriana (Baranka Connection) tur a konektá 1 bataso di kuater skina. Unidos a bati 9 hit i hasi 1 eror.
Glen Pieternella tabata pèrdèdó.
Sudangelo Williams a bai di 3-3 inkluyendo 1 homerun.