Liga Pariba Junior League lo partisipá na e kampionato Latino Amerikano na Meksiko dia 13 pa 27 di yuli

WILLEMSTAD - Tin tur indikashon ku e selekshon di Junior League Liga Pariba lo biaha normal pa e kampionato Latino Amerikano di Junior League ku lo tuma lugá di 13 pa 21 di yüli na Monterrey Meksiko.
Direktiva di Liga Pariba i District Administrator a reuni ku GGD i a tuma desishon ku e selekshon lo biaha pa Meksiko.

Softballcuracao.com a kombersá ku coach di e selekshon sr. Antonio ‘Toncha’ Simmon tokante e preparashonnan.
Toncha: “Nos ta preparando 4 biaha pa siman inkluyendo weganan di fogeo.
Nos selekshon ta bon, nos ta kompletu. E parti di bateo ta hopi bon mes, nos tin bon picheo i bon defensa, spit ta normal.
Nos picheo ta enkabesá pa Adonis Mac Donald i Zanoni de Windt, pero nos tin hopi picher mas.
Nos no a usa hopi picher na Kòrsou debí ku e weganan tabata hopi habri for di otro. Un wikènt a hunga dos wega i dos wikènt a hunga un wega. Na Meksiko ta hopi wega tras di otro den un siman. Nos preparashonnan pa e play-off di Little League di Kòrsou tabata hopi fuerte. Nos a haña ayudo di algun coach ku tabata tei kasi na tur training.”

KUERPO TEKNIKO
“Nos kuerpo tékniko ta formá pa Chairon Isenia komo manager, ruman di Chairon, Maiky Isenia komo coach i ami Toncha Simmon komo e otro coach.
Durante trainingnan nos a haña tremendo asistensia di tres coach ku a yuda nos masha bon mes.
E coachnan ku a yuda nos ta Chado Obispo ku ta un
coach ku tin hopi eksperen

sia di coaching den beisbòl di Liga Pabou.
Nos tabatin Ronny Inecia ku konosé e gainan aki for di chiki ku tabata enkargá ku picheo. Ronny ta coach di picheo di e selekshon grandi di beisbòl tambe.
E di tres coach ku a yuda nos tabata Marvin Loduwika ku tabata traha duru riba e infieldernan, fildeo en general i korementu di base.
E coachnan èkstra aki a yuda nos masha hopi mes.
Nos tin mihó bista riba e totalidat e ora ei.
Naturalmente nan ta yuda nos na training so i ora di wega nan no por ta den dugout.
E coachnan tabata tei tur dia, ku esesphon di Marvin Loduwika ku ta bai les na UNA den oranan di atardi.
Ora Loduwika tabatin les e no tabata presente.
E personalidat i profeshona-lismo di e rumannan Shaki i Maiky Isenia a yuda masha hopi mes den éksito di e selekshon.”

“Nos ke yama danki na tur ku di un of otro forma a yuda pa e éksito di selekshon i nos lo ta fuerte na Meksiko”, e coach Antonio ‘Toncha’ Simmon a terminá e entrevista.