Dalpega ta gana Crazy Lions fásil ku skor di 12-3 den Liga van Engelen

WILLEMSTAD - Dalpega lusiendo ku nan unifòrm nobo nobo a dal Crazy Lions fásil ku skor di 12-3 djadumingu na Suvek Ballpark.
Dalpega a presentá ku Anthony Servanie pa gana e wega. Anwar Franken trahadó di Banco Maduro, deskonosí den e wega di Slowpitch tabata den gran forma batiendo di 3-3 ku 3 homerun.
Jaws di Kid Boca Chica a haña number di kas ganando di Quisqueya 9-7.

RESULTADONAN
Dalpega 12, Crazy Tigers 3
Dalpega a bati 13 hit i nan a kometé 1 pifio.
Anthony Servanie tabata e ganadó, miéntras Anwar Franken a bai di 3-3.
Anwar Franken a konektá 3 bataso di kuater skina i Anthony Leonora unu.
Pa Crazy Tigers 6 hit i 1 eror.
Marlon Noor a pèrdè i Dennis D'Arnault a bai di 2-1. Urly Cijntje tambe a bati di 2-1. Stanley Palm a konektá 1 homerun.

Lions 9, Navegantes 2
Lions a bati 9 hit i kometé 1 eror. Armand Bernabela a bai ku e viktoria i Raylon Capella a bati di 3-2.
Navegantes tabatin 5 hit i nan a hasi 5 eror.
Glenn Pieternella a sufri e derota. Rignald Floranus a bai di 3-2.

Jaws 9, Quisqueya 7
Jaws tabatin 8 hit i nan a hasi 2 eror. Patrick Laken tabata picher ganadó i Alexander Bernabela a bati di 2-2.
Quisqueya a bati 8 hit i kometé 7 pifio. Orlando Castro tabata pèrdèdó i Thomas Desenda a bai di 2-2. Elmus Paulo tambe a bai di 2-2. Fernando Rosario a konektá 1 homerun.

Baranka 17, Uniko 3
E ekipo Baranka a konektá 16 inkogibel i nan a pifia na 1 okashon. Kenrick Hellement a bai ku e viktoria. Gilbert Santiroma a bai di 3-3 i Senny Petronilia di 2-2.
Uniko a bati 6 hit i hasi 2 eror. Pèrdèdó tabata Gustaaf Barhorst. Ramses Leito a bai di 2-2.

Swift 10, Destroyers 6
Swift a bati 12 hit i nan a hasi 1 eror.
Railison Gijsbertha tabata picher ganadó, miéntras Julien Ignacio a bai di 3-3.
Michelangelo Celestina a bai di 2-2. Jurgen Kronstadt a konektá 1 homerun.
Destroyers tabatin 10 hit i nan a hasi 4 eror.
Rignald Hooi a pèrdè.
Irving Sambo a bati di 1-1.