WILLEMSTAD - Destroyers despues di a kai atras den promé inning a bini bèk duru pa nòkout Uniko relatívamente fásil djadumingu último den kontinuashon di Liga van Engelen. Dalpega ku no a topa niun ekipo fuerte ainda ta invikto.
Dalpega lo topa Baranka djadumingu awor 10’or.
RESULTADONAN
Djadumingu 14 di yüni
Destroyers 15, Uniko 5
E ekipo Destroyers a bati 13 hit i nan a kometé 3 pifio.
Picher ganadó tabata Elison Pieters, miéntras Ludwig Pietersz a bati di 2-2.
Ludwig Pietersz, Merieldo Trinidad, Faisel Pereira
i Michelangelo Cijntje, tur a konektá 1 homerun.
Uniko tabatin 5 hit i nan a hasi 3 eror. Gustaaf Barhorst tabata e pèrdèdó i Xemio Jacobs a bai di 2-2.
Lindsy Laker a konektá 1 homerun.
Swift 9, Navegantes 3
Swift tabatin 12 hit i nan a kometé 2 pifio.
Johan Cicilia a gana i Enrique Kroon a bai di 4-3.
Navegantes a bati 9 hit i nan a hunga sin eror.
Axel Gomez tabata esun ku a pèrdè i Arlison Sommer a bai di 2-2.
Dalpega 8, Quisqueya 5
Dalpega a konektá 10 hit i nan a kometé 1 pifio.
Anthony Servanie a bai ku e viktoria, miéntras Ivar Martis a bai di 4-3.
Ivar Martis i Anwar Franken a konektá un bataso di kuater skina.
Quisqueya tabatin 8 hit i nan a hasi 3 eror.
Fernando Rosario a sufri e derota i Ramon Cabrera a bati di 3-2.
Baranka 16, Lions 10
E ekipo Baranka tabatin 18 inkogibel i nan a pifia na 2 okashon.
Ganadó tabata Kenny Hellement.
Mairon Martinus i Glendomar Davelaar a bai di 3-3.
Mairon Martinus, Wensley Ansano, Luigi Virginie i Glendomar Davelaar,
tur a konektá 1 bataso di kuater skina.
Pa Lions 10 hit i 3 eror.
Armand Bernabela a pèrdè, miéntras Jurien Martina a bati di 2-2.
Patrick Eliza tambe a bai di 2-2 inkluyendo 1 homerun.
Charlton Daal tambe a konektá 1 homerun
No comments:
Post a Comment